Jhone 15இலிருந்து பிரபலமான வேதாகம வசனங்கள்

பகிர்

A be tha vine, yous ir tha brenches. If a man bides ïn me, an me ïn hïm, he wull gie fruit ower ocht; apairt frae me ye can dae naethin ava.

Bide ïn me an A wull bide ïn you. Nae brench can gie fruit ïts lane; ït maun be growein oot o tha vine or ït cannae leeve. An nether can yous gie fruit less ye bide ïn me.

If ye bide ïn me an ma wurds bide ïn you, ax fer ocht ava ye want, an ït wull be gien til ye.

You dïdnae waal me, na, fer A waaled you, an appointit ye tae gang an bair fruit - fruit that wull last fer aye. An then tha Faither wull gie ye ocht ye ax fer ïn ma name.

Thair's nae bodie haes mair love ner thïs, that he wud dee fer hïs freens.

He haes iverie brench cut aff o me that haes gien nae fruit. An iverie brench that daes gie fruit he faces bak a weethin sae that ït fruits aa tha mair.

Here's ma commaun. Love yin anither laik A hae loved yous.

That's tae tha glorie o ma Faither, that ye'r brustin wi fruit, showin yersels tae be ma follaers.

“O a truith, A be tha richt vine. An ma Faither ïs tha gairdner.

If a bodie daesnae bide ïn me, he ïs laik a brench that ïs redd oot an wuthers up an dees; sitch brenches ïs gethert up an coupt ïntae tha fire an brunt.

A hae toul ye aa that, sae as ma joy maun be ïn you, ay, an that yer joy maun be fu an skailin.

If yis dae ma bïddin, ye wull bide ïn ma love, jist laik A masel hae daen ma Faither's bïddin an bide ïn hïs love.

Here's whut A bïd ye: love yin anither.

If ye belanged tae tha warl, ït wud love ye as ïts ain. Aa tha same, ye dïnnae belang tae tha warl, but A hae waaled ye oot o tha warl. Thon's tha raison tha warl haits ye.