Mateo 8இலிருந்து பிரபலமான வேதாகம வசனங்கள்

பகிர்

Jesús rijcharishpaca: —¿Ima nishpataj manchaihuan huañucunguichij? Ñucataca, manamari tucui shunguhuan cringuichijchu— nishpami jatarirca. Jatarishcahuanmi, huairatapish, yacutapish sinchita rimashpa jarcarca. Pai jarcajpica huairapish, yacupish casijlla tucurcallami.

Shina nijpimi, patsaj soldadocunata mandajca, cashna nirca: —¿Apu, ñucaca imallapish cajpichu, canca ñuca huasiman yaicunguiari? Can “Alliyai” nijpica, ñuca servijca alliyangallamari.

Chashna nijta Jesús uyashpaca, achcata cushicushpami, Paita catijcunata cashna nirca: —Israelcunapurapica, cai runa shina ñucata alli crijtaca manataj ricushcanichu, chaica chashnatajmi.

Shina nishpa Jesusca, patsaj soldadocunata mandajtaca: —Cambaj huasiman rilla, cambaj huambraca can crishca shinallataj alliyangallami— nircami. Jesús chashna nijpica, chai huambraca ña alliyashcallami carca.

Chaita ricushpaca, tucui chaipi cajcunami achcata mancharinacushpa: —Cai Runaca, ¿imatajchu, imamí? Pai rimashcataca huairapish, yacupish uyanllamari— ninacurca.