Lug 17
17
Tibir
(Matiu 18:6-7,21,22; Mag 9:42)
1Le Yisa nan bei U bɔɔnɔɔb ke: “Tiwann tan li che bininfob ntun tibir li dan, amaa ni li bir ki sei naah dan wan bu. 2Bi bi ta linaal ki lol jɔn u sulum ki ta u jaa limɔgilin ke ni bi sɔ, nin un che nbuwaab nan a ni uba ntun tibir. 3Ni choom ni bau man!
“Ni ye a nabig tun tibir ke, a kpaan mu; le ni ye u kpenn u binbem ke, a jiɛn u bir ki per wa. 4Ni ye u ŋaaŋ tibir itaa ilile lidaal a poolin, wee ki dan a ban itaa ilile ki ke, ‘n kpenn n binbem ma ke, a jiɛn per wa.’ ”
Yada
5Le itoon ni nin bei Uyudaan ke, “Kpiɛ ti yada ni.”
6Le u jiin ke, “Ni ye ni bi jɔɔ yada wee ki yaab foo nnyiɛnbim ke, ni bi li fir bei busub nan ke, ‘Ŋab ki tan ŋuun limɔgilin na,’ le busub nmɔn bi li chee ni mɔb.”
Utoontunn a toon kaah ye man
7“Ni ye ni ni uba jɔɔ uyom wee u ko bukpaab bee u kpaa ipee, wee uyomin nan nyan bukpaabin ki chaa kun ke, a li bei u ke, ‘Dan ni ki nan kal do ki ji tijiiraa?’ 8Naa ye u yin len le ke, ‘ŋa n nyiɛg a jiir a, ŋa sili ki li guum maah ji ki nyu n-yonn man ni na; ni bɔɔn bu a ban ke a mu li ji ki nyuu’? 9U li chee sei u toontunnu nmɔn kunɔɔpoog waah chee ki tun nan wee u bei u ke un tun ni naa? 10Man li ye ni mu, n-yonn man wee ni tun Uwonbɔr a toon yan wee u ta sei ni nan diɛ ke, le ni ke ‘Ni ye ti toon le, taa kpaan ni uba n pag ti.’
Yisa kaah teb nkɔm piig man
11Yisa kaah nan chaa Jerusalam n-yonn man ni, le u nan nɔɔ Samariya nin Galilii a tinpaam a sisiigin. 12Waah nan tan foon kitiŋ kiba ni-n, le bijab piig ban ye nkɔm nan to u. Bi nan sir nan fɔg le, 13ki yin nkukɔpɔɔn ke, “Yisa, Uninkpel, san ti kunyunyunbaag ni!”
14Yisa kaah nan kan bi n-yonn man ni, le u ke, “Ni li chaau, ni tan ta niba ki wɔɔn biminmaniba.” Baah nan chaa-n le bi nan kan kutebug nsan bu.
15Le bi ni uba kaah kan ke u kan kutebugin, le u nan jirin Yisa ban ki nan pag Uwonbɔr nin nkukɔpɔɔn. 16U nan gbaan Yisa a nintogil le ki sei u kunɔɔpoog. U nan ye Samariya a ninfou le.
17Le Yisa baan ke, “Bininfob piig le ma bi teb bin naa? Ke bininfob biwiɛ-n ma be laa? 18Uba kaa jirin ki nan sei Uwonbɔr kupag aa, ni paa ye uchaan nan a binba lee?” 19Le ki bei uja nmɔn ke, “Fii ki li chaau, ke a yada bu a pɔɔga.”
Uwonbɔr a naam a dam a bɔr
(Matiu 24:23-28,37-41)
20Farasii yaabin kaah nan baan Yisa n-yonn man wee Uwonbɔr a naam nmɔn yin fooni, le u bei bi ke, “Uwonbɔr a naam kaa yin foon naah maan ni ba ki dibirin bu, 21bee uba kaa yin bei ke ‘Lig, mi ma sɔ’, bee ‘Mi be nan do.’ Nan bu-n Uwonbɔr a naamin be ni ban.”
22Le ki nan bei u bɔɔnɔɔbin ke, “N-yonn chaan le ni na li ban ni kan min Uninfosaal a Big a weehn yin a nba, amaa le kaa yin kan ni. 23Bininfob na li bei ni ke, ‘U be niin! Bee,’ ‘U be do!’ Ni laa gu ki nɔɔ bi. 24Nan bu-n Uninfosaal a Big a dam a daal na yin nann utaal kaah nyagin ki woon kitilangbɔŋ a yagi biɛn nin le. 25Amaa ni kpaa le ke u na chinn ji fala niwann takpem ni, wee dulinya nan a ninfobin na yii u.
26“Ke naah nan ye man Nowa a yoo ni, ni ji na yin ye man le Uninfosaal a Big a dam a yonn. 27Bininfob nan ji le, ki nyu, ki kɔɔn bipiib ki jɔɔ bi buwaab ki tenn bijab, ki nan nan kpaa lidaal lan wee Nowa nan nan kɔɔ kuŋaluŋ. Le nnyum takpem nan dan ki nan jin bi biɛn.
28“Ni nan ye man le Loti a yonn ni. Bininfob nan ji le ki nyu, ki daan ki kɔɔr, ki bu, ki maa. 29Amaa lidaal lan wee Loti nan nyan Sodom nan, nŋmi nin lichabil le nan nyan paab ki nan lu tum ki gaa bi biɛn.
30“Lidaal lan wee min Uninfosaal a Big na li kpiirin ni, ni na yin ye man le. 31Lidaal nmɔn, uninfo wan nan be u niin limɔɔpinl a paab, wee u wann yɔɔr be poolin ke u laa ji ke un jiir ki tan yuuri; le wan mu be bukpaabin ke, u laa ji kun ke un tan yuur niba. 32Li tiɛr Loti a poo a bɔr! 33Tɔ, uninfo wan ban un ŋma u miɛfol ke u li lann li, le wan lann u miɛfol ke u na li kan li. 34N bei ni le, lidaal nmɔn a nyiɛg, bininfob bilee na li lagin dɔ gadu bu, bi na li yuur uba ki jiɛn wan gurin. 35Bipiib bilee na li lagin be ki naan idi, le bi na li yuur uba ki jiɛn wan gurin. 36#17:36 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Lug 17:36. Bijab bilee mu na li be bukpaabin, le bi na li yuur uba ki jiɛn wan gurin.”
37Le bi baan u, “Laa, Uyudaan?”
Le u jiin ke, “Nan yaan wee tiwannkpiin be-n, ni yaan le tijuur lagin.”
தற்சமயம் தேர்ந்தெடுக்கப்பட்டது:
Lug 17: KUGL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Komba New Testament © Bible Society of Ghana, 2014.
Lug 17
17
Tibir
(Matiu 18:6-7,21,22; Mag 9:42)
1Le Yisa nan bei U bɔɔnɔɔb ke: “Tiwann tan li che bininfob ntun tibir li dan, amaa ni li bir ki sei naah dan wan bu. 2Bi bi ta linaal ki lol jɔn u sulum ki ta u jaa limɔgilin ke ni bi sɔ, nin un che nbuwaab nan a ni uba ntun tibir. 3Ni choom ni bau man!
“Ni ye a nabig tun tibir ke, a kpaan mu; le ni ye u kpenn u binbem ke, a jiɛn u bir ki per wa. 4Ni ye u ŋaaŋ tibir itaa ilile lidaal a poolin, wee ki dan a ban itaa ilile ki ke, ‘n kpenn n binbem ma ke, a jiɛn per wa.’ ”
Yada
5Le itoon ni nin bei Uyudaan ke, “Kpiɛ ti yada ni.”
6Le u jiin ke, “Ni ye ni bi jɔɔ yada wee ki yaab foo nnyiɛnbim ke, ni bi li fir bei busub nan ke, ‘Ŋab ki tan ŋuun limɔgilin na,’ le busub nmɔn bi li chee ni mɔb.”
Utoontunn a toon kaah ye man
7“Ni ye ni ni uba jɔɔ uyom wee u ko bukpaab bee u kpaa ipee, wee uyomin nan nyan bukpaabin ki chaa kun ke, a li bei u ke, ‘Dan ni ki nan kal do ki ji tijiiraa?’ 8Naa ye u yin len le ke, ‘ŋa n nyiɛg a jiir a, ŋa sili ki li guum maah ji ki nyu n-yonn man ni na; ni bɔɔn bu a ban ke a mu li ji ki nyuu’? 9U li chee sei u toontunnu nmɔn kunɔɔpoog waah chee ki tun nan wee u bei u ke un tun ni naa? 10Man li ye ni mu, n-yonn man wee ni tun Uwonbɔr a toon yan wee u ta sei ni nan diɛ ke, le ni ke ‘Ni ye ti toon le, taa kpaan ni uba n pag ti.’
Yisa kaah teb nkɔm piig man
11Yisa kaah nan chaa Jerusalam n-yonn man ni, le u nan nɔɔ Samariya nin Galilii a tinpaam a sisiigin. 12Waah nan tan foon kitiŋ kiba ni-n, le bijab piig ban ye nkɔm nan to u. Bi nan sir nan fɔg le, 13ki yin nkukɔpɔɔn ke, “Yisa, Uninkpel, san ti kunyunyunbaag ni!”
14Yisa kaah nan kan bi n-yonn man ni, le u ke, “Ni li chaau, ni tan ta niba ki wɔɔn biminmaniba.” Baah nan chaa-n le bi nan kan kutebug nsan bu.
15Le bi ni uba kaah kan ke u kan kutebugin, le u nan jirin Yisa ban ki nan pag Uwonbɔr nin nkukɔpɔɔn. 16U nan gbaan Yisa a nintogil le ki sei u kunɔɔpoog. U nan ye Samariya a ninfou le.
17Le Yisa baan ke, “Bininfob piig le ma bi teb bin naa? Ke bininfob biwiɛ-n ma be laa? 18Uba kaa jirin ki nan sei Uwonbɔr kupag aa, ni paa ye uchaan nan a binba lee?” 19Le ki bei uja nmɔn ke, “Fii ki li chaau, ke a yada bu a pɔɔga.”
Uwonbɔr a naam a dam a bɔr
(Matiu 24:23-28,37-41)
20Farasii yaabin kaah nan baan Yisa n-yonn man wee Uwonbɔr a naam nmɔn yin fooni, le u bei bi ke, “Uwonbɔr a naam kaa yin foon naah maan ni ba ki dibirin bu, 21bee uba kaa yin bei ke ‘Lig, mi ma sɔ’, bee ‘Mi be nan do.’ Nan bu-n Uwonbɔr a naamin be ni ban.”
22Le ki nan bei u bɔɔnɔɔbin ke, “N-yonn chaan le ni na li ban ni kan min Uninfosaal a Big a weehn yin a nba, amaa le kaa yin kan ni. 23Bininfob na li bei ni ke, ‘U be niin! Bee,’ ‘U be do!’ Ni laa gu ki nɔɔ bi. 24Nan bu-n Uninfosaal a Big a dam a daal na yin nann utaal kaah nyagin ki woon kitilangbɔŋ a yagi biɛn nin le. 25Amaa ni kpaa le ke u na chinn ji fala niwann takpem ni, wee dulinya nan a ninfobin na yii u.
26“Ke naah nan ye man Nowa a yoo ni, ni ji na yin ye man le Uninfosaal a Big a dam a yonn. 27Bininfob nan ji le, ki nyu, ki kɔɔn bipiib ki jɔɔ bi buwaab ki tenn bijab, ki nan nan kpaa lidaal lan wee Nowa nan nan kɔɔ kuŋaluŋ. Le nnyum takpem nan dan ki nan jin bi biɛn.
28“Ni nan ye man le Loti a yonn ni. Bininfob nan ji le ki nyu, ki daan ki kɔɔr, ki bu, ki maa. 29Amaa lidaal lan wee Loti nan nyan Sodom nan, nŋmi nin lichabil le nan nyan paab ki nan lu tum ki gaa bi biɛn.
30“Lidaal lan wee min Uninfosaal a Big na li kpiirin ni, ni na yin ye man le. 31Lidaal nmɔn, uninfo wan nan be u niin limɔɔpinl a paab, wee u wann yɔɔr be poolin ke u laa ji ke un jiir ki tan yuuri; le wan mu be bukpaabin ke, u laa ji kun ke un tan yuur niba. 32Li tiɛr Loti a poo a bɔr! 33Tɔ, uninfo wan ban un ŋma u miɛfol ke u li lann li, le wan lann u miɛfol ke u na li kan li. 34N bei ni le, lidaal nmɔn a nyiɛg, bininfob bilee na li lagin dɔ gadu bu, bi na li yuur uba ki jiɛn wan gurin. 35Bipiib bilee na li lagin be ki naan idi, le bi na li yuur uba ki jiɛn wan gurin. 36#17:36 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Lug 17:36. Bijab bilee mu na li be bukpaabin, le bi na li yuur uba ki jiɛn wan gurin.”
37Le bi baan u, “Laa, Uyudaan?”
Le u jiin ke, “Nan yaan wee tiwannkpiin be-n, ni yaan le tijuur lagin.”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Komba New Testament © Bible Society of Ghana, 2014.