Ruth 3
3
3:1-18 Ruth Nuvu Tafusira.
1Irise, sifo enida, Naomi Ruth kena sisira, “Na ninda genembo tambono, vai edo tofo ninda ofo kamboda iraresa. 2Ni saramana embo ade jamenade dabade saramana usesa ainda bajari, Boaz nangae da tofo eni ava kotaso dae resena. Avori, ningi! Nu oroko tumbaghae nunda farava bali [barley] da jasari vasa aminda irarira. 3Ava sedo ni uvu gute gogho edo yasi nunda farava bali (barley) vasa reda de jasarira aminda buvase. Ya buvaresa era isagha eoso ni geure! Kaifa ururu, nu uvu bayau mindi inono ari gido, 4kato ururu, nu reda fase avarira aminda ya fase avi gitari, yasi beine atakena ate avari jighi afige fase! Ainda amboda ni rejo ava aresa amo, nune sarira.”
5Aminge setiri, Ruth mino sisira, “Nine rea resesa, na ninda sari ava arena.”
6Aminge sedo, Ruth eredo ira farava bali (barley) da de faraghari vasa aminda, nunda imboti da sari ava usira. 7Ira jungedo kaifa iri, Boaz uvu bayau mindi inono edo ivugaghae ira, farava bali jefuro ainda tinguda fasedo avisira. Aviri, Ruth sanghiako ira, ate avari beine atakena jighi afigedo aminda fasusira. 8Boaz avido ira tumba soroda roimi etiri dudukughedo, evetu nunda atakena fasiri gi dudukughusira. 9Dudukughedo, “Ni mavejori?” aminge ategi usira.
Etiri, Ruth mino eminge sisira, “Kotofuko, na Ruth ri. Nanda genembo da tofo beká eini nimori. Namo fitido bu kaifa ari embo genembo eni nimori. Ava sedo na nine fitaresa, amo evevari.”
10Setiri, Boaz mino sisira, “Bajari ni esimbugare! Ni giti ninda imbotikena rea usesa amo, avori. O oroko ninda imboti nange dubo jama baetira kotise, vai ari dae sedo nunda totofokena ojesa emo, kavevera mindafugo use ojesi.#3:10 “oroko ninda imboti nange dubo jama baetira kotise, vai ari dae sedo nunda totofokena ojesa emo, kavevera mindafugo use ojesi.” setira da beká mo, buku einda INTRODUCTION aminda garesa. Ni genembo gimasa seka bajari garigo kotae eni, gugua ghayafa, iti susu fafode o makasi embo aikena jo yaeri. Agho Dari rea resira ava kotise, ni nunda totofokena ojesi. 11Avori, Ruth, erá mema eose! Ni rea uju iri resesa amo, isambu nane arena. Ai resira amo: evetu genembo reighi eminda isambu kasama erera amo, ni evetu evevago bekári. 12Nivu da totofo ni bu fitido kaifa arida genembo eni namóri. Avata genembo eni tofo beká irira; namo itako ajaghari. 13Oroko tumbaghae eminda irí, sifo atare! Sifode genembo setena ava tambu saono, nu ‘avori’ sedo ni bu fitarira amo, avori. O nu jo ‘avori’ sae arira amo, na Bajari da javoda beka gagojerena, ni nane fitido kaifa tavo arena. Avori, eminda fase aviru, sifo atare!”
14Aminge setiri, Ruth nunda atakena fasiriri, sifo jo ate tamo jo isagha ae iriri, nu erorusira. Ai resira: Boaz, evetu genembo nu aminda irisira ava, kasama eore dae imboe usira. 15Eredo, Boaz numokena sisira, “Ninda yokura tamo atari vujedo, eminda javoreghe!” setiri, Ruth amingetiri, nu farava, 20 kilo da inono avaga averege doghe sonembe jighiri eretiri sagada fitiri, fumbu ira, reighida teterusira.
16Ira natida buviri gido, nunda imboti ategi usira, “Kau mavega umutasi, nanda mandaro?”
Setiri, Boaz numokena nange usira, isambu nunda imbotikena sisira. 17Sedo sisira, “Erá ghabu tefo nimokena fureono dae sise, farava isambu 20 kilo evia mutira.” 18Setiri, Naomi numokena sisira, “Avori, nanda mandaro, durumugedo, kau mavegava sirorarira, ava kaifa e gi! Boaz oroko jo jangutae, gekaé ari dambu ari gido, doyarira.”
தற்சமயம் தேர்ந்தெடுக்கப்பட்டது:
Ruth 3: kpr
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2003, Wycliffe Bible Translators, Inc. All rights reserved.
Ruth 3
3
3:1-18 Ruth Nuvu Tafusira.
1Irise, sifo enida, Naomi Ruth kena sisira, “Na ninda genembo tambono, vai edo tofo ninda ofo kamboda iraresa. 2Ni saramana embo ade jamenade dabade saramana usesa ainda bajari, Boaz nangae da tofo eni ava kotaso dae resena. Avori, ningi! Nu oroko tumbaghae nunda farava bali [barley] da jasari vasa aminda irarira. 3Ava sedo ni uvu gute gogho edo yasi nunda farava bali (barley) vasa reda de jasarira aminda buvase. Ya buvaresa era isagha eoso ni geure! Kaifa ururu, nu uvu bayau mindi inono ari gido, 4kato ururu, nu reda fase avarira aminda ya fase avi gitari, yasi beine atakena ate avari jighi afige fase! Ainda amboda ni rejo ava aresa amo, nune sarira.”
5Aminge setiri, Ruth mino sisira, “Nine rea resesa, na ninda sari ava arena.”
6Aminge sedo, Ruth eredo ira farava bali (barley) da de faraghari vasa aminda, nunda imboti da sari ava usira. 7Ira jungedo kaifa iri, Boaz uvu bayau mindi inono edo ivugaghae ira, farava bali jefuro ainda tinguda fasedo avisira. Aviri, Ruth sanghiako ira, ate avari beine atakena jighi afigedo aminda fasusira. 8Boaz avido ira tumba soroda roimi etiri dudukughedo, evetu nunda atakena fasiri gi dudukughusira. 9Dudukughedo, “Ni mavejori?” aminge ategi usira.
Etiri, Ruth mino eminge sisira, “Kotofuko, na Ruth ri. Nanda genembo da tofo beká eini nimori. Namo fitido bu kaifa ari embo genembo eni nimori. Ava sedo na nine fitaresa, amo evevari.”
10Setiri, Boaz mino sisira, “Bajari ni esimbugare! Ni giti ninda imbotikena rea usesa amo, avori. O oroko ninda imboti nange dubo jama baetira kotise, vai ari dae sedo nunda totofokena ojesa emo, kavevera mindafugo use ojesi.#3:10 “oroko ninda imboti nange dubo jama baetira kotise, vai ari dae sedo nunda totofokena ojesa emo, kavevera mindafugo use ojesi.” setira da beká mo, buku einda INTRODUCTION aminda garesa. Ni genembo gimasa seka bajari garigo kotae eni, gugua ghayafa, iti susu fafode o makasi embo aikena jo yaeri. Agho Dari rea resira ava kotise, ni nunda totofokena ojesi. 11Avori, Ruth, erá mema eose! Ni rea uju iri resesa amo, isambu nane arena. Ai resira amo: evetu genembo reighi eminda isambu kasama erera amo, ni evetu evevago bekári. 12Nivu da totofo ni bu fitido kaifa arida genembo eni namóri. Avata genembo eni tofo beká irira; namo itako ajaghari. 13Oroko tumbaghae eminda irí, sifo atare! Sifode genembo setena ava tambu saono, nu ‘avori’ sedo ni bu fitarira amo, avori. O nu jo ‘avori’ sae arira amo, na Bajari da javoda beka gagojerena, ni nane fitido kaifa tavo arena. Avori, eminda fase aviru, sifo atare!”
14Aminge setiri, Ruth nunda atakena fasiriri, sifo jo ate tamo jo isagha ae iriri, nu erorusira. Ai resira: Boaz, evetu genembo nu aminda irisira ava, kasama eore dae imboe usira. 15Eredo, Boaz numokena sisira, “Ninda yokura tamo atari vujedo, eminda javoreghe!” setiri, Ruth amingetiri, nu farava, 20 kilo da inono avaga averege doghe sonembe jighiri eretiri sagada fitiri, fumbu ira, reighida teterusira.
16Ira natida buviri gido, nunda imboti ategi usira, “Kau mavega umutasi, nanda mandaro?”
Setiri, Boaz numokena nange usira, isambu nunda imbotikena sisira. 17Sedo sisira, “Erá ghabu tefo nimokena fureono dae sise, farava isambu 20 kilo evia mutira.” 18Setiri, Naomi numokena sisira, “Avori, nanda mandaro, durumugedo, kau mavegava sirorarira, ava kaifa e gi! Boaz oroko jo jangutae, gekaé ari dambu ari gido, doyarira.”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2003, Wycliffe Bible Translators, Inc. All rights reserved.