Yoane 18
18
Yũda akahotera Yesu
(Mt 26.47-56; Mk 14.43-50; Lk 22.47-53)
1Neryo Yesu abere abisaba ebĩnywa ebĩ, mwahongoka nʼabiga buwe, mwasoka omusya wʼeKĩdũronĩ. Neryo aho habya eririma, neryo Yesu nʼabiga buwe mobingira omwʼirima eryo. 2Nĩkwa Yũda nibya oyo wamuhotera, mwaminyaho, kusangwa Yesu abya ĩnĩakahĩndanaho nʼabiga buwe esyongendo nyingi. 3Neryo Yũda mwaya omwʼirima eryo nʼomulondo wʼekisambala kyʼAbaroma ekyo ahabawa, haguma nʼabateya abatumawa nʼabahererĩ bakulu nʼAbafarĩsayo. Kandi mobahĩka ĩbanahekĩre esyotala, nʼebisosomole, nʼebindu byʼamalwa. 4Neryo Yesu abya asĩ emyatsi yosĩ eyikandĩmũhĩkako, neryo mwahuluka mwabũlyabo ati, Mukasonda-sondandi kwehĩ? 5Mobamũsũbĩrya bati, Yesu Omũnazaretĩ. Neryo Yesu mwabwirabo ati, Nĩ ĩngye!
Neryo Yũda oyo wamuhotera, abya iniahangeneho haguma nabo. 6Neryo Yesu abere abwirabo ati, Nĩ ĩngye, mobasuba enyũma mobawa oko kitaka. 7Kandi Yesu mwabũlyabo ati, Mukasondasondandi kwehĩ? Nabo bati, Yesu Omũnazaretĩ. 8Yesu mwasũbĩryabo ati, Nabiribabwira kwʼindi nĩ ĩngye. Mwamabya ĩnĩ ĩngye mukasonda-sonda, muleke aba bagende. 9Erĩberererya ekĩnywa ekyo Yesu abũga ati, ukwʼabo wamba sĩndĩtatalya nʼomuguma. 10Neryo Sĩmonĩ Petero abya nʼomũyalĩ omo lubo. Neryo mwakulago, mwabandago omugombe wʼomũhererĩ Mukulu oko bahererĩ bosĩ, mwatwa okũtũ kuwe kwʼamali. Erĩna lyʼomugombe oyo lyabya Malko. 11Neryo Yesu mwabwira Petero ati, Hĩra omũyalĩ gʼomo lubo. Sindiendĩpũlya olũtehĩ lwʼamalĩge olo Tata abirimba kwehĩ?
Yesu akahangana embere wa Ana
12Neryo omulondo wʼekisambala kyʼAbaroma, nʼomukulu wabo nʼabateya bʼAbayũda, mobahamba Yesu mobamuboha. 13Neryo mobamutwala erĩmbere uku Ana, kusangwa abya ĩse-byala wa Kayafa, oyo wabya Mũhererĩ Mukulu oko bahererĩ bosĩ oko mwaka oyo. 14Nĩkwa Kayafa abya oyo wahana Abayũda ati, Lyowene omundu muguma iniahola busana nʼabandu bosĩ.
Petero akagana Yesu
(Mt 26.69-70; Mk 14.66-68; Lk 22.55-57)
15Neryo Sĩmonĩ Petero, nʼogundi mwiga mobakwama Yesu. Neryo ogundi mwiga oyo abya asĩbwe nʼomũhererĩ Mukulu oko bahererĩ bosĩ, neryo mwingira haguma na Yesu omo kibuga kyʼomũhererĩ Mukulu oko bahererĩ bosĩ. 16Nĩkwa Petero mwimana oko lũkyo ahĩhya. Nĩkwa ogundi mwiga oyo wabya asĩbwe nʼomũhererĩ Mukulu oko bosĩ, mwahulukira eyĩhya, mwakanĩa nʼomũteya wʼolũyĩ, neryo mwĩngĩrya Petero. 17Neryo omwana-muto mugombe oyo wategaya olũkyo, mwabũga na Petero ati, Suli muguma gʼoko biga bʼomundu oyũ kwehĩ? Petero mwasũbĩrya ati, Sĩ ĩngye!
18Neryo habya eritsuku, nʼabagombe nʼabateya mobakya omuliro wʼamakala, neryo babya bimeneho bakota kugo. Petero naye mwayaho, mwimanaho, mota oko muliro.
Omũhererĩ Mukulu akabũlaya Yesu
(Mt 26.59-66; Mk 14.55-64; Lk 22.66-71)
19Neryo Omũhererĩ Mukulu oko bahererĩ bosĩ mwabũlya Yesu busana nʼabiga buwe, kandi mwamũbũlya busana nʼerikangĩrĩrya liwe. 20Yesu mwamũsũbĩrya ati, Nabĩrĩbũga embere syʼabandu nʼeriminyikala ndeke. Ebiro byosĩ monakangĩrĩrya omo manyũmba wʼerĩhĩndanamo, nʼomo Hekalũ aho Abayũda bakahĩndana. Mondabũga kĩnywa kyʼobũbĩso-bĩso. 21Ukanyĩbũlaya busana nakĩ kwehĩ? Ũbũlaye abandu abahulikirira ebyo nabwirabo. Lebaya, aba banasĩ ebyo nabũga. 22Neryo Yesu abere abibũga ebĩ, omuguma gʼoko balembya oyo wabya imeneho hakũhĩ, mwaswĩrya Yesu ekĩkũndĩ ati, Ũkasũbĩraya Omũhererĩ Mukulu oko bahererĩ bosĩ yʼutya uti kwehĩ? 23Yesu mwamũsũbĩrya ati, Namabya ngabũga nabi, Wahule ebibi ebyo. Nĩkwa namabũga kwenene, ũkanyĩswĩrĩrayakĩ kwehĩ?
24Neryo Ana mwatuma Yesu ĩnĩanabohĩre, uku Kayafa, Omũhererĩ Mukulu oko bahererĩ bosĩ.
Petero akagana Yesu kandi
(Mt 26.71-75; Mk 14.69-72; Lk 22.58-62)
25Neryo Sĩmonĩ Petero abya imene akota oko muliro, Neryo abandi mobamubwira bati, Nawe suli muguma gʼoko biga buwe kwehĩ? Petero mwagana ati, Sĩ ĩngye. 26Neryo omuguma gʼoko bagombe bʼomũhererĩ Mukulu oko bahererĩ bosĩ, ini wʼekĩtũnga kyʼoyo Petero atwa kwʼokũtũ, mwamũbũlya ati, Mondakulolako omwʼirima haguma naye kwehĩ? 27Neryo Petero mwagana kandi. Neryoneryo engoko-lume moyabika.
Yesu embere wa Pilato
(Mt 27.1-2; Mk 15.1-5; Lk 23.1-5)
28Neryo mobalũsya Yesu ewa Kayafa, mobamutwala omo kikali kyʼomũtabalĩ Pilato. Nĩkwa bwabya ngyakyangyakya. Neryo Abayũda mobataya omo kikali kya Pilato bati sĩbahalaye omo Migambo, batoke erirya oko Biro Bikulu byʼErikiruka. 29Neryo Pilato mwahulukirabo eyĩhya, mwabũlyabo ati, Omundu oyũ, mukamuhandikirira ũkũkĩ kwehĩ? 30Mobamũsũbĩrya bati, Omundu oyũ atalwe mukola-nabi nga sitwetamuleta ukʼuwe. 31Pilato mwabwirabo ati, Mũmwĩmaye ĩmwebene, mumutswere omo migambo yenyũ. Abayũda mobamubwira bati, Situwite hamũlĩ yʼerĩĩta omundu nʼomuguma. 32Mobyabya bitya erĩberererya ekinywa ekyo Yesu abũga akamĩnyĩsya omũsĩndo wʼoluholo akandisyahola. 33Neryo Pilato mwasuba omo kikali kyʼomũtabalĩ, mwabirikira Yesu, mwamũbũlya ati, Uli mwami wʼAbayũda kwehĩ? 34Yesu mwamũsũbĩrya ati, Ni iwe Ũkaganĩraya uwowene, kutse ni bandi bakubwira busana nage kwehĩ? 35Pilato mwasũbĩrya ati, Ĩngye indi Mũyũda kwehĩ? Ekihanda kyawe nʼabahererĩ bakulu bo bakuleta ũkwʼĩngye; wamakolakĩ kwehĩ? 36Yesu mwasũbĩrya ati, Obwami bwage si bwʼekihugo kino. Kumbe obwami bwage bũlwe bwʼekihugo kino, kumbe abagombe bage bangalwa isinangahoterwa nʼAbayũda. Nĩkwa obwami bwage si bwʼeno. 37Neryo Pilato mwabũga ati, Uli mwami kwehĩ? Yesu mwamũsũbĩrya ati, Ũkabũga ko ndi mwami. Busana nʼekĩ nabutawa kandi nabĩrĩhĩka omo kihugo busana nʼekĩ, erĩtũla omwatsi wʼekwenene. Obuli mundu wʼomwatsi wʼekwenene akowa omulenge wage. 38Pilato mwabũlya Yesu ati, Omwatsi wʼekwenene nĩkĩ kwehĩ?
Yesu kutse Baraba
(Mt 27.15-31; Mk 15.6-20; Lk 23.13-25)
Pilato abere abũga atya, mwahulukira eyĩhya ahali Abayũda, mwabwirabo ati, Ĩngye sinditamubana ko musango. 39Nĩkwa ĩnywe muwite omutsye wʼeribaboholerwa omundu muguma omo Biro Bikulu byʼErikiruka. Neryo mwanzĩre inababoholera Omwami wʼAbayũda kwehĩ? 40Nabo mobabirikira kutsibu kandi bati, Butsira omundu oyũ, twanzĩre Baraba. Nĩkwa Baraba abya mũnyeyĩ.
தற்சமயம் தேர்ந்தெடுக்கப்பட்டது:
Yoane 18: KB80
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible in Kinandi © Bible Society of the Democratic Republic of Congo, and Bible Society of Uganda, 1980.
Yoane 18
18
Yũda akahotera Yesu
(Mt 26.47-56; Mk 14.43-50; Lk 22.47-53)
1Neryo Yesu abere abisaba ebĩnywa ebĩ, mwahongoka nʼabiga buwe, mwasoka omusya wʼeKĩdũronĩ. Neryo aho habya eririma, neryo Yesu nʼabiga buwe mobingira omwʼirima eryo. 2Nĩkwa Yũda nibya oyo wamuhotera, mwaminyaho, kusangwa Yesu abya ĩnĩakahĩndanaho nʼabiga buwe esyongendo nyingi. 3Neryo Yũda mwaya omwʼirima eryo nʼomulondo wʼekisambala kyʼAbaroma ekyo ahabawa, haguma nʼabateya abatumawa nʼabahererĩ bakulu nʼAbafarĩsayo. Kandi mobahĩka ĩbanahekĩre esyotala, nʼebisosomole, nʼebindu byʼamalwa. 4Neryo Yesu abya asĩ emyatsi yosĩ eyikandĩmũhĩkako, neryo mwahuluka mwabũlyabo ati, Mukasonda-sondandi kwehĩ? 5Mobamũsũbĩrya bati, Yesu Omũnazaretĩ. Neryo Yesu mwabwirabo ati, Nĩ ĩngye!
Neryo Yũda oyo wamuhotera, abya iniahangeneho haguma nabo. 6Neryo Yesu abere abwirabo ati, Nĩ ĩngye, mobasuba enyũma mobawa oko kitaka. 7Kandi Yesu mwabũlyabo ati, Mukasondasondandi kwehĩ? Nabo bati, Yesu Omũnazaretĩ. 8Yesu mwasũbĩryabo ati, Nabiribabwira kwʼindi nĩ ĩngye. Mwamabya ĩnĩ ĩngye mukasonda-sonda, muleke aba bagende. 9Erĩberererya ekĩnywa ekyo Yesu abũga ati, ukwʼabo wamba sĩndĩtatalya nʼomuguma. 10Neryo Sĩmonĩ Petero abya nʼomũyalĩ omo lubo. Neryo mwakulago, mwabandago omugombe wʼomũhererĩ Mukulu oko bahererĩ bosĩ, mwatwa okũtũ kuwe kwʼamali. Erĩna lyʼomugombe oyo lyabya Malko. 11Neryo Yesu mwabwira Petero ati, Hĩra omũyalĩ gʼomo lubo. Sindiendĩpũlya olũtehĩ lwʼamalĩge olo Tata abirimba kwehĩ?
Yesu akahangana embere wa Ana
12Neryo omulondo wʼekisambala kyʼAbaroma, nʼomukulu wabo nʼabateya bʼAbayũda, mobahamba Yesu mobamuboha. 13Neryo mobamutwala erĩmbere uku Ana, kusangwa abya ĩse-byala wa Kayafa, oyo wabya Mũhererĩ Mukulu oko bahererĩ bosĩ oko mwaka oyo. 14Nĩkwa Kayafa abya oyo wahana Abayũda ati, Lyowene omundu muguma iniahola busana nʼabandu bosĩ.
Petero akagana Yesu
(Mt 26.69-70; Mk 14.66-68; Lk 22.55-57)
15Neryo Sĩmonĩ Petero, nʼogundi mwiga mobakwama Yesu. Neryo ogundi mwiga oyo abya asĩbwe nʼomũhererĩ Mukulu oko bahererĩ bosĩ, neryo mwingira haguma na Yesu omo kibuga kyʼomũhererĩ Mukulu oko bahererĩ bosĩ. 16Nĩkwa Petero mwimana oko lũkyo ahĩhya. Nĩkwa ogundi mwiga oyo wabya asĩbwe nʼomũhererĩ Mukulu oko bosĩ, mwahulukira eyĩhya, mwakanĩa nʼomũteya wʼolũyĩ, neryo mwĩngĩrya Petero. 17Neryo omwana-muto mugombe oyo wategaya olũkyo, mwabũga na Petero ati, Suli muguma gʼoko biga bʼomundu oyũ kwehĩ? Petero mwasũbĩrya ati, Sĩ ĩngye!
18Neryo habya eritsuku, nʼabagombe nʼabateya mobakya omuliro wʼamakala, neryo babya bimeneho bakota kugo. Petero naye mwayaho, mwimanaho, mota oko muliro.
Omũhererĩ Mukulu akabũlaya Yesu
(Mt 26.59-66; Mk 14.55-64; Lk 22.66-71)
19Neryo Omũhererĩ Mukulu oko bahererĩ bosĩ mwabũlya Yesu busana nʼabiga buwe, kandi mwamũbũlya busana nʼerikangĩrĩrya liwe. 20Yesu mwamũsũbĩrya ati, Nabĩrĩbũga embere syʼabandu nʼeriminyikala ndeke. Ebiro byosĩ monakangĩrĩrya omo manyũmba wʼerĩhĩndanamo, nʼomo Hekalũ aho Abayũda bakahĩndana. Mondabũga kĩnywa kyʼobũbĩso-bĩso. 21Ukanyĩbũlaya busana nakĩ kwehĩ? Ũbũlaye abandu abahulikirira ebyo nabwirabo. Lebaya, aba banasĩ ebyo nabũga. 22Neryo Yesu abere abibũga ebĩ, omuguma gʼoko balembya oyo wabya imeneho hakũhĩ, mwaswĩrya Yesu ekĩkũndĩ ati, Ũkasũbĩraya Omũhererĩ Mukulu oko bahererĩ bosĩ yʼutya uti kwehĩ? 23Yesu mwamũsũbĩrya ati, Namabya ngabũga nabi, Wahule ebibi ebyo. Nĩkwa namabũga kwenene, ũkanyĩswĩrĩrayakĩ kwehĩ?
24Neryo Ana mwatuma Yesu ĩnĩanabohĩre, uku Kayafa, Omũhererĩ Mukulu oko bahererĩ bosĩ.
Petero akagana Yesu kandi
(Mt 26.71-75; Mk 14.69-72; Lk 22.58-62)
25Neryo Sĩmonĩ Petero abya imene akota oko muliro, Neryo abandi mobamubwira bati, Nawe suli muguma gʼoko biga buwe kwehĩ? Petero mwagana ati, Sĩ ĩngye. 26Neryo omuguma gʼoko bagombe bʼomũhererĩ Mukulu oko bahererĩ bosĩ, ini wʼekĩtũnga kyʼoyo Petero atwa kwʼokũtũ, mwamũbũlya ati, Mondakulolako omwʼirima haguma naye kwehĩ? 27Neryo Petero mwagana kandi. Neryoneryo engoko-lume moyabika.
Yesu embere wa Pilato
(Mt 27.1-2; Mk 15.1-5; Lk 23.1-5)
28Neryo mobalũsya Yesu ewa Kayafa, mobamutwala omo kikali kyʼomũtabalĩ Pilato. Nĩkwa bwabya ngyakyangyakya. Neryo Abayũda mobataya omo kikali kya Pilato bati sĩbahalaye omo Migambo, batoke erirya oko Biro Bikulu byʼErikiruka. 29Neryo Pilato mwahulukirabo eyĩhya, mwabũlyabo ati, Omundu oyũ, mukamuhandikirira ũkũkĩ kwehĩ? 30Mobamũsũbĩrya bati, Omundu oyũ atalwe mukola-nabi nga sitwetamuleta ukʼuwe. 31Pilato mwabwirabo ati, Mũmwĩmaye ĩmwebene, mumutswere omo migambo yenyũ. Abayũda mobamubwira bati, Situwite hamũlĩ yʼerĩĩta omundu nʼomuguma. 32Mobyabya bitya erĩberererya ekinywa ekyo Yesu abũga akamĩnyĩsya omũsĩndo wʼoluholo akandisyahola. 33Neryo Pilato mwasuba omo kikali kyʼomũtabalĩ, mwabirikira Yesu, mwamũbũlya ati, Uli mwami wʼAbayũda kwehĩ? 34Yesu mwamũsũbĩrya ati, Ni iwe Ũkaganĩraya uwowene, kutse ni bandi bakubwira busana nage kwehĩ? 35Pilato mwasũbĩrya ati, Ĩngye indi Mũyũda kwehĩ? Ekihanda kyawe nʼabahererĩ bakulu bo bakuleta ũkwʼĩngye; wamakolakĩ kwehĩ? 36Yesu mwasũbĩrya ati, Obwami bwage si bwʼekihugo kino. Kumbe obwami bwage bũlwe bwʼekihugo kino, kumbe abagombe bage bangalwa isinangahoterwa nʼAbayũda. Nĩkwa obwami bwage si bwʼeno. 37Neryo Pilato mwabũga ati, Uli mwami kwehĩ? Yesu mwamũsũbĩrya ati, Ũkabũga ko ndi mwami. Busana nʼekĩ nabutawa kandi nabĩrĩhĩka omo kihugo busana nʼekĩ, erĩtũla omwatsi wʼekwenene. Obuli mundu wʼomwatsi wʼekwenene akowa omulenge wage. 38Pilato mwabũlya Yesu ati, Omwatsi wʼekwenene nĩkĩ kwehĩ?
Yesu kutse Baraba
(Mt 27.15-31; Mk 15.6-20; Lk 23.13-25)
Pilato abere abũga atya, mwahulukira eyĩhya ahali Abayũda, mwabwirabo ati, Ĩngye sinditamubana ko musango. 39Nĩkwa ĩnywe muwite omutsye wʼeribaboholerwa omundu muguma omo Biro Bikulu byʼErikiruka. Neryo mwanzĩre inababoholera Omwami wʼAbayũda kwehĩ? 40Nabo mobabirikira kutsibu kandi bati, Butsira omundu oyũ, twanzĩre Baraba. Nĩkwa Baraba abya mũnyeyĩ.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible in Kinandi © Bible Society of the Democratic Republic of Congo, and Bible Society of Uganda, 1980.