JOHN 12
12
1Lanhtâk Thô caah niruk lawng â duh lio ah, Jesuh cu thihnâk in a thawhtermi Lazaruh umnâk Bethani khua a rak phân. 2Cuka ah zanriah an timh piak, Marta nih rawl a chuang i Lazaruh tu cu cabuai i rawl a dumpitu pakhat ah a si. 3Cuticun Mary nih a man a fak ngaimi spiknard sathau rimhmui mi thawlkhat â rakput i Jesuh ke a thuh i a sam in a hnawhpiak i a rimin in a khahter. 4Simon fapa Judah Iskariot a lamkaltu pakhat, Amah rawituding nih, 5“Zeiruangahdah hi rimhmui mi sathau hi dina zathumah zuar in mi sifak an pêk deuh hnga lo?” tiah a ti. 6Mi sifak zawn a ruah ruang i a chimmi a si lo, mifir a si caah phaisa zal kengtu a si i a chung ummi kha a lak tawn caah a si. 7Jesuh nih, “Amah tuah in tuah ko seh, phum ka si te lai ni caah â rak chiahmi a si,” tiah a ti. 8Zeitintiah mi sifak cu nan sinah a um pengmi an si, kei tu cu nan sinah umpeng ding ka si lo,” tiah a ti hna. 9Judah mi tampi nih cuka ah a um ti kha an hngalh i an ra. Jesuh lawng an rat hnawh lo i mi thi a thawhtermi Lazaruh hmuh an duh ruang zongah a si. 10Tlângbawi hna nih amah ruanghah mitampi nih an kaltâk hna i Jesuh an zumh ruangah, 11Lazaruh zong thahchih dingin khua an khâng. 12A thaizing thô i a rami mi tampi nih Jesuh cu Jerusalem ah a ra lai tiah an theih tikah, 13tûm hnah i put in Amah don awkah an kal, “Hosana, Bawipa min i a rami cu thangṭhat si ko seh,” tiah an au. 14Cuticun Jesuh nih lâ fa a hmuh i a cungah â cit: 15“Ṭihhlah, Zion fa nu; zohmanh, na Siangpahrang cu lâ fa cungah i cit in a ra lai,” tiah ṭialmi bangin. 16Cuthil cu a hramthawk ah a lamkaltu hna nih an theithiam lo nain Jesuh thangṭhat a si hnu ah, cu bia cu ṭial a rak si i a cungah a tlungmi a si, tiah an hun hngalh ṭhân. 17Lazaruh thlân in a auh i thihnâk in a thawhter lio i a sinah a ummi mizapi nih khan cucu an hngalhpi. 18Zeitintiah cu hmelchunhnâk cu a tuah taktak ko ti kha an hngalh caah mizapi nih Amah an va donnâk kha a si. 19Farasih hna nih anmah le anmah an i caih i, “Zohhmanh u, zeihmanh nan tuah kho ti lo hih. Zohhmanh u, vawlei nih Amah an zulh cang hih!” tiah an ti. 20Thô lio i Pathian biak awk ah â pummi hna lakah, Grik mizei maw an um ve. 21Cu hna cu, Galili ram Bethsaida khuami Filip sinah an ra i, “Ka pu, Jesuh hmuh kan duh” tiah an ti. 22Filip nih Adria a hun chimh i Andria le Filip nih Jesuh an rak chimh ṭhân. 23Jesuh nih annih cu, “Mi Fapa, thangṭhat i a um cân cu a phân cang. 24Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn. 25A nunnâk a dawmi nih a hloh tawn. Hi vawlei nunnâk a huami nih zungzal nunnâk an ngeih tawn. 26Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai. 27Atu ah hin ka nunnâk a ngaih a chia, zeidah ka chim kun lai? Ka Pa, hi cân ah hin ka khamh ko ka ti ko lai maw? Asinain hihi ka rat chan a si. 28“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti. 29A pawng i a dirmi zapi hna nih an theih i khuari a si tiah an ti. Midang nih, ‘Vanmi nih Amah a rak chawnh a si cu,’ tiah an ti. 30Jesuh nih a leh hna i, “Cu aw cu ka ca i a chuakmi a si lo. Nan caah a chuakmi a si, tiah a ti. 31Atu ah hi vawlei kong hi ceih lio a si, atu ah hi vawlei bawi hi hlawnh a si lai. 32Cun kei hi, vawlei in thlai ka si ahcun mi vialte keimah lei ah ka hnuh hna lai” tiah a ti. 33Cubia cu zeibantuk thihnâk phun in dah a thih lai tiah hngalhternâk caah a chimmi a si. 34Mizapi nih, “Krih cu zungzal i a um ding a si, tiah nawlbia cauk ah kan theih, zeicadah ‘Mi fapa hi tar in a um lai,’ tiah na chim khawh? cu Mi Fapa cu a hodah a si,” tiah an leh. 35Jesuh nih, “Ceunâk hi cân tawite nan sinah a um. Ceunâk nan ngeih lio ah leng u. Culoahcun muihnâk nih an phâk sual hna lai. Khuamui ah mi a kal ahcun a panhmi hmun zong a hngal lo. 36Ceunâk nan ngeih lio ah hin ceunâk hi i rinh u. Ceunâk fa le nan si khawh nâkhnga,” tiah a ti. Cu bia cu Jesuh nih a chim: Cun a kaltâk hna i an sin in â thup. 37An hmai ah khuaruahhar hmelchunhnâk kha tuah hmanhsehlaw, Amah kha an zum hlei lo, 38Cucaah Profet Isaiah nih, “Bawipa kan chimmi ahonihdah a zumh? BAWIPA kut cu ahosinah dah a langh? ti i a chimmi a tlinnâk caah a si. 39Cucaah an zumhlonâk cu a si. A chan zong Isaiah nih a rak chim ṭhân; 40“Anmit a cawtter i an lungthin a hahter, culoahcun an mit in a hmuh lai i an lungthin in an theihthiam lai i ka rak damter awkah an rak i mer sual lai,” tiin. 41Isaiah nih a sunparnâk a hmuh i a konglam a rak chim caah cuthilhna cu a rak chim. 42Asinain hotu hna lak zongah mitampi nih Amah an zumh. Asinain Farasih hna ruangah Amah an zumhnâk cu an phuang lo. Culoahcun Sinagog in ṭhawl an si lai. 43Zeitintiah Pathian thangṭhatmi sinâk in minung thangṭhatmi si kha an thaihchan deuh. 44Cuticun Jesuh a au i, “Aka zummi pauh, keimah aka zumh si loin, aka thlahtu a zumh a si. 45Aka hmumi pauh cu aka thlahtu hmu a si. 46Aka zumtu cu mui ah a um peng nâkhnga lo vawlei ceuhtu dingah ka ra. 47Mi zei pauh nih ka chimmi bia theiin, zumlo hmanhsehlaw, keimah nih thiamlo ka coter lo, zeitintiah vawlei thiamlo coter dingah si loin vawlei khamh dingah a rami ka si. 48Mi zei pauh nih an ka hlawt i ka chimmi an pawm lo ahcun thiamlo cotertu ding a ngei. Ka chim cangmi bia nih khan ni dongh ni ah thiamlo a coter te lai. 49Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si. 50Aka pêkmi bia cu zungzal i nunnâk a si kha ka hngalh. Cucaah ka chimmi hna hi aka thlahtu Pa nih aka chimh ning tein ka chimmi a si.
தற்சமயம் தேர்ந்தெடுக்கப்பட்டது:
JOHN 12: HAKABSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
JOHN 12
12
1Lanhtâk Thô caah niruk lawng â duh lio ah, Jesuh cu thihnâk in a thawhtermi Lazaruh umnâk Bethani khua a rak phân. 2Cuka ah zanriah an timh piak, Marta nih rawl a chuang i Lazaruh tu cu cabuai i rawl a dumpitu pakhat ah a si. 3Cuticun Mary nih a man a fak ngaimi spiknard sathau rimhmui mi thawlkhat â rakput i Jesuh ke a thuh i a sam in a hnawhpiak i a rimin in a khahter. 4Simon fapa Judah Iskariot a lamkaltu pakhat, Amah rawituding nih, 5“Zeiruangahdah hi rimhmui mi sathau hi dina zathumah zuar in mi sifak an pêk deuh hnga lo?” tiah a ti. 6Mi sifak zawn a ruah ruang i a chimmi a si lo, mifir a si caah phaisa zal kengtu a si i a chung ummi kha a lak tawn caah a si. 7Jesuh nih, “Amah tuah in tuah ko seh, phum ka si te lai ni caah â rak chiahmi a si,” tiah a ti. 8Zeitintiah mi sifak cu nan sinah a um pengmi an si, kei tu cu nan sinah umpeng ding ka si lo,” tiah a ti hna. 9Judah mi tampi nih cuka ah a um ti kha an hngalh i an ra. Jesuh lawng an rat hnawh lo i mi thi a thawhtermi Lazaruh hmuh an duh ruang zongah a si. 10Tlângbawi hna nih amah ruanghah mitampi nih an kaltâk hna i Jesuh an zumh ruangah, 11Lazaruh zong thahchih dingin khua an khâng. 12A thaizing thô i a rami mi tampi nih Jesuh cu Jerusalem ah a ra lai tiah an theih tikah, 13tûm hnah i put in Amah don awkah an kal, “Hosana, Bawipa min i a rami cu thangṭhat si ko seh,” tiah an au. 14Cuticun Jesuh nih lâ fa a hmuh i a cungah â cit: 15“Ṭihhlah, Zion fa nu; zohmanh, na Siangpahrang cu lâ fa cungah i cit in a ra lai,” tiah ṭialmi bangin. 16Cuthil cu a hramthawk ah a lamkaltu hna nih an theithiam lo nain Jesuh thangṭhat a si hnu ah, cu bia cu ṭial a rak si i a cungah a tlungmi a si, tiah an hun hngalh ṭhân. 17Lazaruh thlân in a auh i thihnâk in a thawhter lio i a sinah a ummi mizapi nih khan cucu an hngalhpi. 18Zeitintiah cu hmelchunhnâk cu a tuah taktak ko ti kha an hngalh caah mizapi nih Amah an va donnâk kha a si. 19Farasih hna nih anmah le anmah an i caih i, “Zohhmanh u, zeihmanh nan tuah kho ti lo hih. Zohhmanh u, vawlei nih Amah an zulh cang hih!” tiah an ti. 20Thô lio i Pathian biak awk ah â pummi hna lakah, Grik mizei maw an um ve. 21Cu hna cu, Galili ram Bethsaida khuami Filip sinah an ra i, “Ka pu, Jesuh hmuh kan duh” tiah an ti. 22Filip nih Adria a hun chimh i Andria le Filip nih Jesuh an rak chimh ṭhân. 23Jesuh nih annih cu, “Mi Fapa, thangṭhat i a um cân cu a phân cang. 24Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn. 25A nunnâk a dawmi nih a hloh tawn. Hi vawlei nunnâk a huami nih zungzal nunnâk an ngeih tawn. 26Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai. 27Atu ah hin ka nunnâk a ngaih a chia, zeidah ka chim kun lai? Ka Pa, hi cân ah hin ka khamh ko ka ti ko lai maw? Asinain hihi ka rat chan a si. 28“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti. 29A pawng i a dirmi zapi hna nih an theih i khuari a si tiah an ti. Midang nih, ‘Vanmi nih Amah a rak chawnh a si cu,’ tiah an ti. 30Jesuh nih a leh hna i, “Cu aw cu ka ca i a chuakmi a si lo. Nan caah a chuakmi a si, tiah a ti. 31Atu ah hi vawlei kong hi ceih lio a si, atu ah hi vawlei bawi hi hlawnh a si lai. 32Cun kei hi, vawlei in thlai ka si ahcun mi vialte keimah lei ah ka hnuh hna lai” tiah a ti. 33Cubia cu zeibantuk thihnâk phun in dah a thih lai tiah hngalhternâk caah a chimmi a si. 34Mizapi nih, “Krih cu zungzal i a um ding a si, tiah nawlbia cauk ah kan theih, zeicadah ‘Mi fapa hi tar in a um lai,’ tiah na chim khawh? cu Mi Fapa cu a hodah a si,” tiah an leh. 35Jesuh nih, “Ceunâk hi cân tawite nan sinah a um. Ceunâk nan ngeih lio ah leng u. Culoahcun muihnâk nih an phâk sual hna lai. Khuamui ah mi a kal ahcun a panhmi hmun zong a hngal lo. 36Ceunâk nan ngeih lio ah hin ceunâk hi i rinh u. Ceunâk fa le nan si khawh nâkhnga,” tiah a ti. Cu bia cu Jesuh nih a chim: Cun a kaltâk hna i an sin in â thup. 37An hmai ah khuaruahhar hmelchunhnâk kha tuah hmanhsehlaw, Amah kha an zum hlei lo, 38Cucaah Profet Isaiah nih, “Bawipa kan chimmi ahonihdah a zumh? BAWIPA kut cu ahosinah dah a langh? ti i a chimmi a tlinnâk caah a si. 39Cucaah an zumhlonâk cu a si. A chan zong Isaiah nih a rak chim ṭhân; 40“Anmit a cawtter i an lungthin a hahter, culoahcun an mit in a hmuh lai i an lungthin in an theihthiam lai i ka rak damter awkah an rak i mer sual lai,” tiin. 41Isaiah nih a sunparnâk a hmuh i a konglam a rak chim caah cuthilhna cu a rak chim. 42Asinain hotu hna lak zongah mitampi nih Amah an zumh. Asinain Farasih hna ruangah Amah an zumhnâk cu an phuang lo. Culoahcun Sinagog in ṭhawl an si lai. 43Zeitintiah Pathian thangṭhatmi sinâk in minung thangṭhatmi si kha an thaihchan deuh. 44Cuticun Jesuh a au i, “Aka zummi pauh, keimah aka zumh si loin, aka thlahtu a zumh a si. 45Aka hmumi pauh cu aka thlahtu hmu a si. 46Aka zumtu cu mui ah a um peng nâkhnga lo vawlei ceuhtu dingah ka ra. 47Mi zei pauh nih ka chimmi bia theiin, zumlo hmanhsehlaw, keimah nih thiamlo ka coter lo, zeitintiah vawlei thiamlo coter dingah si loin vawlei khamh dingah a rami ka si. 48Mi zei pauh nih an ka hlawt i ka chimmi an pawm lo ahcun thiamlo cotertu ding a ngei. Ka chim cangmi bia nih khan ni dongh ni ah thiamlo a coter te lai. 49Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si. 50Aka pêkmi bia cu zungzal i nunnâk a si kha ka hngalh. Cucaah ka chimmi hna hi aka thlahtu Pa nih aka chimh ning tein ka chimmi a si.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.