LUKA 22
22
1Thilnu cawhlo changreu Thô, lanhtâk Thô timi cu a nai cang. 2Tlângbawi hna le nawlbiacawnpiaktu hna nih an thah khawh nâkhnga a lam an kawl, zeitintiah zatlâng an ṭih hna. 3Cuticun hleihnih hna chungmi, Judas, Iskariot an timi chungah Satan a lut. 4Cuticun ava kal i tlângbawi hna le kilvengtu ralkap hna sinah Amah an tlaih khawh nâkhnga, a va ceihpi hna. 5Annih cu an i lawm ngaingai, phaisa pêk dingah bia zong an kamh. 6Anih nih, mizapi hngalh lo cân i tlaihter khawh dingin bia â kam. 7Cuticun Thilnu cawhlo ni, lanhtâk Thô ca i tuufa thah cân kha a phân. 8Jesuh nih Peter le Johan kha, “Lanhtâk Thô rawl kan ei`inâk caah va timtuah u,” tiah a thlah hna. 9Annih nih, khawzeiahdah timtuah ning law na duh? tiah an ti. 10Anih nih, “Zohhmanh u, khuapi i nan luh tikah, bel i ti apu mipa nih an ton hna lai a luhnâk innah nan zulh lai. 11Cun inn ngeitu sinah, “Cawnpiaktu nih, ka lamkaltu hna he lanhtâk Thô rawl kan ei nâkding khual umnâk khân cu khuazeiahdah,” a ti, tiah nan ti lai. 12Anih nih inn dot cungah khân kaupi timhcia dihmi an hmusak hna lai, cuka ah nan timh lai,” tiah a ti. 13Cuticun an kal i a rak chimcia bantuk tein an va hmuh i lanhtâk Thô rawl cu an timh. 14A cân a phâk tikah, Anih cu a ṭhu i lamkaltu hleihnih zong a sinah an um ve. 15Cun an sinah, “Ka temtuar hlanah, hi lanhtâk Thô rawl eipi hi kâ ngaih i ka duh tukmi a si, 16zeitintiah Pathian pennâk a taktak i tlinter a si hlan pauh cu, ka ei ṭhân ti lai lo, tiah kan chimh cang hna kha,” tiah a ti. 17Cuticun hrai kha a lak i lawmhnâk bia a chim dih in, hihi la ulaw i phaw dih u; 18zeitintiah kan chimh cang hna kha, atu thawkin Pathian pennâk a phâk hlan lo misur hang hi ka ding ti lai lo,” tiah a ti. 19Changreu zong kha a lâk i lawmhnâk bia a chim dih in a cheu i an sinah a pêk. Hihi ka taksa nan ca i ka pêk ding cu a si. Nanka philhlonâk caah hihi rak tuah lengmang u,” tiah a ti. 20Cubangin zanriah ei dih ah, hrai zong kha a lâk i, “Hi hrai hi ka thisen i biakam thar, nan ca i a chuak hngami cu a si. 21Asinain zohhmanh u, aka rawitu ding kut cu ka pawng i cabuai cungah a um ko. 22Mi Fapa hi ruahcia a si bangin a kal hrimhrim ko lai, asinain a rawitu minung cu ngaihchia a va si dah,” tiah a ti. 23Annih nih anmah chung i cubantuk thil a tuahtu ding cu ahodah a si lai, tiah pakhat le pakhat an i hal. 24Cun anmah lakah ahodah a nganbik ah ruah a si hnga timi kongah elhnialnâk a um. 25Anih nih, “Gentel bawi hna cu an tangmi hna cungah an i bawiter ngaingai i an cung i nawlngeihtu hna cu, “Duhpiaktu” tiah an ti tawn hna. 26Nanmah chungah cubantuk cu a si awk a si lo, nanlak i nganbik si a duhmi cu a ngakchia deuhmi bangin um sehlaw, a bawi deuh cu rianṭuantu bangin um seh. 27Zeitintiah ahodah a ngan deuh, rawldûmtu maw rawlchuangtu? Rawldûmtu a si lai lo maw? Sasinain kei hi nanlak ah rawlchuangtu bangin ka um. 28Nannih hi hniksaknâk ka ton chung vialte aka umpitu nan si. 29Ka Pa nih ka sin i aka pêk bang khan, nan sinah pennâk kan pêk cang hna, 30cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti. 31Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw. 32Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti. 33Anih nih, “Bawipa, na kalnâk i kal ve dingah, thong tlak le thih zong ka zuam ko,” tiah a ti. 34Anih nih, “Peter, kan chimh, naka hngalhmi hi, voithum tiang naka hlawt hlan ah cun ar a khuang lai lo,” tiah a ti. 35Cun an sinah, “Phaisa bawm le zal, kedanh tel lo i khual kan tlawnter hna ah khan baumi nan ngei maw?” tiah a ti hna. Annih nih, “Ngei hlah” tiah an ti. 36Anih nih, “Atu ah cun phaisa bawm a ngeimi le zal ngeimi nih i ken seh, vainam a ngei lomi nih a thilri zuar sehlaw i cawk seh. 37Zeitintiah kan chimh hna, hi ṭialmi bia hi ka cungah a tling hngami a si. ‘Anih cu misual hna lakah relchih a si timi hi. Cu chimchung bia a tlinnâk ding cu keimah hi ka si,” tiah a ti. 38Annih nih, “Bawipa zohhmanh vainam pahnih a um ko,” tiah an ti. Anih nih, “Â za ko,” tiah a ti hna. 39Cun a chuak i a tuah tawn bantukin Oliv tlangah a kal i lamkaltu zong nih an zulh. 40A hmun a phâk tikah an sinah, “Tukforhnâk i nan luh nâkhnga lo, thlacam tuah u,” tiah a ti. 41Anih cu lungchep tluk ah ava kal i a khuk bil in thla a cam, 42“Ka Pa, rem na ti ahcun, hi hrai hi ka sin in ka ṭhial piak ko, asinain keimah nawl si loin, nangmah nawl siseh,” tiah a ti. 43Van in vanmi pakhat Amah thazâng pêk awkah a sinah â lang. 44A lung a fak tuk i fak chinchin in thla a cam. Cuticun a thlan cu thi dor nganpi bantukin leiah a tla. 45Thlacamnâk in a rak kir i a lamkaltu sinah a ra, ngaihchiat ruang i an i hngilh kha a hmuh hna. 46Cuticun an sinah, “Zeiruangahdah nan i hngilh? Tho ulaw, thlacam u, culoahcun tukforhnâk chungah nan lut sual lai,” tiah a ti. 47A chim lio ah, zohhmanh mizapi an rak phân; hleihnih lak i â tel vemi Judas an timi nih a rak hruai hna i hnamh awkah Jesuh kha a panh. 48Jesuh nih, Judas, Mi Fapa hi hnamh in na tlaihter lai maw? tiah a ti. 49A pawng kammi nih thil a cang hngami cu an hmuh tikah, “Bawipa, vainam kan hmang hnga maw? tiah an ti. 50Cun an lakah mi pakhat nih tlângbawi nganbik sinum kha a tuk i a orhlei hnâ tla lak in a tuk. 51Jesuh nih, “Zâ cang seh, a ti i a orhlei hnâ cu a tongh piak i a damter. 52Jesuh nih tlângbawi le, ṭempal uktu le, upa hna sinah, “Damiah tlaih ding bangin, vainam le tanbo he nan rak pawk maw? 53Ṭempal ah nichiar te nan sin i ka um lio ah khan tlaih awkah nan ka fuh fawn lo. Asinain atu hi khuamui thiltikhawhnâk le nannih cawlcangh cân cu a si,” tiah a ti. 54Cuticun an tlaih i hnuchihlen bu in tlângbawi nganbik innah an kalpi. Peter nih ral khat in a zulh. 55Tual rawn ah mei an kau i an ṭhu. Peter zong an sinah a ṭhu ve. 56Mei ceu i a ṭhut ko kha sinum ngaknu pakhat nih a hmuh, a zoh peng i, “Hi pa zong hi a sin i ummi a si,” tiah a ti. 57Anih nih, “Minu, na chimmi cu, ka hngal lo, tiah a hlawt. 58Tlawmpal ah midang nih a rak hmuh ṭhân i “Nang zong anmah chungmi na si ve ko,” tiah a ti. Peter nih, “Mipa, ka si hrimhrim lo, tiah a ti. 59Suimilâm pakhat hnu ah midang nih a sinah thei fiang ngaiin, “Hipa hi a sinah a ummi a si hrimhrim ko, Galili mi a si,” tiah a ti. 60Peter nih, “Mipa, na chimmi cu ka hngal hrimhrim lo!” tiah a ti. A chim cuahmah lio ah Ar a khuang cawlh. 61Bawipa cu a hun i mer i Peter kha a hun zoh. Cu cângkâ, Bawipa nih, “Ni hin ah Ar a khuan hlanah voithum naka hlawt lai,” tiah a sin i a chimmi kha Peter nih a hun hngalh ṭhân. 62Cuticun Peter cu a chuak i lunghno ngai in a ṭap thluah mah. 63Jesuh tlaitu hna nih Amah cu nichuak saihnâk ah an hman i an tuk. 64A mit an tuam i a hmai ah an bengh, kan chim tuah, ahonihdah an bengh? tiah an ti. 65Biachiakhâ phunkip in an au hnawh. 66A thaizing khua a dei le cângkâ zatlâng upa hna le, tlângbawi hna le, nawlbia cawnpiaktu kha an i tong i an biaceihnâk ah an kalpi. 67“Krih na si taktak ahcun kan chim tuah,” tiah an ti. Anih nih, “In chim hmanh hna ning law, nan zum lai lo. 68In hal hmanh hna ning law, nanka let lai lo, nanka chuahter fawn lai lo. 69Atu thawk in Mi Fapa hi Pathian thiltikhawhnâk orhlei ah a ṭhu cang lai,” tiah a ti. 70An dih lakin, “Nang hi, Pathian Fapa cu maw na si?” tiah an ti. Anih nih, “Dik ngai in ka sinâk nan chim” tiah a ti. 71Annih nih, “Hngalhpitu dang zeidah kan herh ti hnga? kanmah hrimhrim nih a kâ in a chimmi kan theih dih cang,” tiah an ti.
தற்சமயம் தேர்ந்தெடுக்கப்பட்டது:
LUKA 22: HAKABSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
LUKA 22
22
1Thilnu cawhlo changreu Thô, lanhtâk Thô timi cu a nai cang. 2Tlângbawi hna le nawlbiacawnpiaktu hna nih an thah khawh nâkhnga a lam an kawl, zeitintiah zatlâng an ṭih hna. 3Cuticun hleihnih hna chungmi, Judas, Iskariot an timi chungah Satan a lut. 4Cuticun ava kal i tlângbawi hna le kilvengtu ralkap hna sinah Amah an tlaih khawh nâkhnga, a va ceihpi hna. 5Annih cu an i lawm ngaingai, phaisa pêk dingah bia zong an kamh. 6Anih nih, mizapi hngalh lo cân i tlaihter khawh dingin bia â kam. 7Cuticun Thilnu cawhlo ni, lanhtâk Thô ca i tuufa thah cân kha a phân. 8Jesuh nih Peter le Johan kha, “Lanhtâk Thô rawl kan ei`inâk caah va timtuah u,” tiah a thlah hna. 9Annih nih, khawzeiahdah timtuah ning law na duh? tiah an ti. 10Anih nih, “Zohhmanh u, khuapi i nan luh tikah, bel i ti apu mipa nih an ton hna lai a luhnâk innah nan zulh lai. 11Cun inn ngeitu sinah, “Cawnpiaktu nih, ka lamkaltu hna he lanhtâk Thô rawl kan ei nâkding khual umnâk khân cu khuazeiahdah,” a ti, tiah nan ti lai. 12Anih nih inn dot cungah khân kaupi timhcia dihmi an hmusak hna lai, cuka ah nan timh lai,” tiah a ti. 13Cuticun an kal i a rak chimcia bantuk tein an va hmuh i lanhtâk Thô rawl cu an timh. 14A cân a phâk tikah, Anih cu a ṭhu i lamkaltu hleihnih zong a sinah an um ve. 15Cun an sinah, “Ka temtuar hlanah, hi lanhtâk Thô rawl eipi hi kâ ngaih i ka duh tukmi a si, 16zeitintiah Pathian pennâk a taktak i tlinter a si hlan pauh cu, ka ei ṭhân ti lai lo, tiah kan chimh cang hna kha,” tiah a ti. 17Cuticun hrai kha a lak i lawmhnâk bia a chim dih in, hihi la ulaw i phaw dih u; 18zeitintiah kan chimh cang hna kha, atu thawkin Pathian pennâk a phâk hlan lo misur hang hi ka ding ti lai lo,” tiah a ti. 19Changreu zong kha a lâk i lawmhnâk bia a chim dih in a cheu i an sinah a pêk. Hihi ka taksa nan ca i ka pêk ding cu a si. Nanka philhlonâk caah hihi rak tuah lengmang u,” tiah a ti. 20Cubangin zanriah ei dih ah, hrai zong kha a lâk i, “Hi hrai hi ka thisen i biakam thar, nan ca i a chuak hngami cu a si. 21Asinain zohhmanh u, aka rawitu ding kut cu ka pawng i cabuai cungah a um ko. 22Mi Fapa hi ruahcia a si bangin a kal hrimhrim ko lai, asinain a rawitu minung cu ngaihchia a va si dah,” tiah a ti. 23Annih nih anmah chung i cubantuk thil a tuahtu ding cu ahodah a si lai, tiah pakhat le pakhat an i hal. 24Cun anmah lakah ahodah a nganbik ah ruah a si hnga timi kongah elhnialnâk a um. 25Anih nih, “Gentel bawi hna cu an tangmi hna cungah an i bawiter ngaingai i an cung i nawlngeihtu hna cu, “Duhpiaktu” tiah an ti tawn hna. 26Nanmah chungah cubantuk cu a si awk a si lo, nanlak i nganbik si a duhmi cu a ngakchia deuhmi bangin um sehlaw, a bawi deuh cu rianṭuantu bangin um seh. 27Zeitintiah ahodah a ngan deuh, rawldûmtu maw rawlchuangtu? Rawldûmtu a si lai lo maw? Sasinain kei hi nanlak ah rawlchuangtu bangin ka um. 28Nannih hi hniksaknâk ka ton chung vialte aka umpitu nan si. 29Ka Pa nih ka sin i aka pêk bang khan, nan sinah pennâk kan pêk cang hna, 30cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti. 31Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw. 32Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti. 33Anih nih, “Bawipa, na kalnâk i kal ve dingah, thong tlak le thih zong ka zuam ko,” tiah a ti. 34Anih nih, “Peter, kan chimh, naka hngalhmi hi, voithum tiang naka hlawt hlan ah cun ar a khuang lai lo,” tiah a ti. 35Cun an sinah, “Phaisa bawm le zal, kedanh tel lo i khual kan tlawnter hna ah khan baumi nan ngei maw?” tiah a ti hna. Annih nih, “Ngei hlah” tiah an ti. 36Anih nih, “Atu ah cun phaisa bawm a ngeimi le zal ngeimi nih i ken seh, vainam a ngei lomi nih a thilri zuar sehlaw i cawk seh. 37Zeitintiah kan chimh hna, hi ṭialmi bia hi ka cungah a tling hngami a si. ‘Anih cu misual hna lakah relchih a si timi hi. Cu chimchung bia a tlinnâk ding cu keimah hi ka si,” tiah a ti. 38Annih nih, “Bawipa zohhmanh vainam pahnih a um ko,” tiah an ti. Anih nih, “Â za ko,” tiah a ti hna. 39Cun a chuak i a tuah tawn bantukin Oliv tlangah a kal i lamkaltu zong nih an zulh. 40A hmun a phâk tikah an sinah, “Tukforhnâk i nan luh nâkhnga lo, thlacam tuah u,” tiah a ti. 41Anih cu lungchep tluk ah ava kal i a khuk bil in thla a cam, 42“Ka Pa, rem na ti ahcun, hi hrai hi ka sin in ka ṭhial piak ko, asinain keimah nawl si loin, nangmah nawl siseh,” tiah a ti. 43Van in vanmi pakhat Amah thazâng pêk awkah a sinah â lang. 44A lung a fak tuk i fak chinchin in thla a cam. Cuticun a thlan cu thi dor nganpi bantukin leiah a tla. 45Thlacamnâk in a rak kir i a lamkaltu sinah a ra, ngaihchiat ruang i an i hngilh kha a hmuh hna. 46Cuticun an sinah, “Zeiruangahdah nan i hngilh? Tho ulaw, thlacam u, culoahcun tukforhnâk chungah nan lut sual lai,” tiah a ti. 47A chim lio ah, zohhmanh mizapi an rak phân; hleihnih lak i â tel vemi Judas an timi nih a rak hruai hna i hnamh awkah Jesuh kha a panh. 48Jesuh nih, Judas, Mi Fapa hi hnamh in na tlaihter lai maw? tiah a ti. 49A pawng kammi nih thil a cang hngami cu an hmuh tikah, “Bawipa, vainam kan hmang hnga maw? tiah an ti. 50Cun an lakah mi pakhat nih tlângbawi nganbik sinum kha a tuk i a orhlei hnâ tla lak in a tuk. 51Jesuh nih, “Zâ cang seh, a ti i a orhlei hnâ cu a tongh piak i a damter. 52Jesuh nih tlângbawi le, ṭempal uktu le, upa hna sinah, “Damiah tlaih ding bangin, vainam le tanbo he nan rak pawk maw? 53Ṭempal ah nichiar te nan sin i ka um lio ah khan tlaih awkah nan ka fuh fawn lo. Asinain atu hi khuamui thiltikhawhnâk le nannih cawlcangh cân cu a si,” tiah a ti. 54Cuticun an tlaih i hnuchihlen bu in tlângbawi nganbik innah an kalpi. Peter nih ral khat in a zulh. 55Tual rawn ah mei an kau i an ṭhu. Peter zong an sinah a ṭhu ve. 56Mei ceu i a ṭhut ko kha sinum ngaknu pakhat nih a hmuh, a zoh peng i, “Hi pa zong hi a sin i ummi a si,” tiah a ti. 57Anih nih, “Minu, na chimmi cu, ka hngal lo, tiah a hlawt. 58Tlawmpal ah midang nih a rak hmuh ṭhân i “Nang zong anmah chungmi na si ve ko,” tiah a ti. Peter nih, “Mipa, ka si hrimhrim lo, tiah a ti. 59Suimilâm pakhat hnu ah midang nih a sinah thei fiang ngaiin, “Hipa hi a sinah a ummi a si hrimhrim ko, Galili mi a si,” tiah a ti. 60Peter nih, “Mipa, na chimmi cu ka hngal hrimhrim lo!” tiah a ti. A chim cuahmah lio ah Ar a khuang cawlh. 61Bawipa cu a hun i mer i Peter kha a hun zoh. Cu cângkâ, Bawipa nih, “Ni hin ah Ar a khuan hlanah voithum naka hlawt lai,” tiah a sin i a chimmi kha Peter nih a hun hngalh ṭhân. 62Cuticun Peter cu a chuak i lunghno ngai in a ṭap thluah mah. 63Jesuh tlaitu hna nih Amah cu nichuak saihnâk ah an hman i an tuk. 64A mit an tuam i a hmai ah an bengh, kan chim tuah, ahonihdah an bengh? tiah an ti. 65Biachiakhâ phunkip in an au hnawh. 66A thaizing khua a dei le cângkâ zatlâng upa hna le, tlângbawi hna le, nawlbia cawnpiaktu kha an i tong i an biaceihnâk ah an kalpi. 67“Krih na si taktak ahcun kan chim tuah,” tiah an ti. Anih nih, “In chim hmanh hna ning law, nan zum lai lo. 68In hal hmanh hna ning law, nanka let lai lo, nanka chuahter fawn lai lo. 69Atu thawk in Mi Fapa hi Pathian thiltikhawhnâk orhlei ah a ṭhu cang lai,” tiah a ti. 70An dih lakin, “Nang hi, Pathian Fapa cu maw na si?” tiah an ti. Anih nih, “Dik ngai in ka sinâk nan chim” tiah a ti. 71Annih nih, “Hngalhpitu dang zeidah kan herh ti hnga? kanmah hrimhrim nih a kâ in a chimmi kan theih dih cang,” tiah an ti.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.