लूकस 22
22
यूदस येसुसिन धरत'आ गे मोका बेद्ददस
(मत्ता 26:1-5,14-16; मर 14:1,2,10,11; यॊ 11:45-53)
1अक्कु बिगर बिदगी असमा ही परब एकदा कट्टना परब बातार'ई अड़सकीचा।#निर्ग 12:1-27 2मुध नैगर अरा नॆग सिखाब'उर येसुसिन पिटा गे आलर नम्है बिड़दो नू इन्द्रिइम ननोर एन्ने एल्चियर ती एकासे आसिन पिटोत बाचर ती मोका बेद्दालियर।
3तहाँ यूदस इसकारियॊत नॆ बारो चेलर ती ओर्तोस रहचस। सैतान आस मइय्याँ समसारा। 4ख़ने आस मुध नैगर अरा धर्मेसी मन्दिर ख़ापुर ही मुद्धर गुसन कछनख्र'आ गे केरस का एका बने घत ती येसुसिन धरत'आ गे आर गे संगे चि'आ ओंगोस। 5आर इदन मेंजर ती खुसमारर, अरा आस गे ढिबा चि'आ गे बाचर। 6ख़ने आस हुकमारस ती येसुसिन एकाबारी गोंहड़ा मल र'ओ आ बारी आसिन धरत'अना नू संगे चि'आ गे मोका बेद्दा हेलरस।
येसुस चेलर गने कट्टना ही ओना-मॊख़नन मॊख़दस
(मत्ता 26:17-30; मर 14:12-26; यॊ 13:21-30; 1कोरि 11:23-25)
7अक्कु बिगर बिदगी असमा ही परब उल्ला अड़सिया, अउला कट्टना ही भेंडो ख़द्द गुट्ठिन दाँड़े नन्ना रहचा। 8ख़ने येसुस पतरस अरा यॊहनसिन एन्ने बाचस ती तइय्यस, “कला नमा गे कट्टना ही सराजमा नना का नाम ओन संगे ओना मॊख़ा ओंग्दत।”
9ख़ने आर मेंजर, “नीन एसन सराजमा नना गे बेद्ददय?”
10ख़ने आस बाचस, “निम्है येरुसलॆम नगरे नू कोरना गनेम ओन्टा आलस संजगी नू अम्मु चेड्डका निमा ख़क्ख्र'ओस। आसी ख़ॊख़ ख़ॊख़ा कालके, एका एड़पा नू आस कोर'ओस अइय्या नीम हूँ कोर'आ। 11अरा आ एड़पा उर्बासिन ब'अके, ‘गुरुस ब'अदस का एंग्है पाही कुठली एसन र'ई, ईगेका कट्टना ही ओन्ना-मॊख़नन एंग्है चेलर गने ओनोन?’ 12अरा आस निमन ओन्टा सिंगराचका सपड़ाचका मइय्याँ ता कोहाँ कुठलिन ऎद'ओस। अइय्यम नीम सराजमा ननके।” 13ख़ने आर केरर ती एकासे येसुस बाचकाचस अन्नेम ख़क्खियर। अरा कट्टना ही सराजमा नंजर।
14बेड़ा अड़सिया ख़ने, येसुस तंग्है बारो तइरकर गने ओना मॊख़ा गे उक्कियस। 15अरा आरिन बाचस, “एंग्है कोड़हे मने रहचा का ऎन दुक्खे सारना ती मुन्द निम्है गने ई कट्टना ही ओन्ना-मॊख़नन ओनोन। 16ऎन फिन इकला हूँ ई कट्टना ही ओन्ना-मॊख़नन मल ओनोन, एका गूटी ईद ही माने धर्मेसी आलारिन राजी नन्ना नू पूरा मल मनो।”
17फिन ओन डुभा अंगुर रासी आबोन होच्चस ती धर्मेस गे धन्यवाद नंजस। फिन आस बाचस, “इदन ओंदा, अरा निम्है मझी नू ख़टर'आ। 18ऎन एका गूटी धर्मेस आलारिन राजी नन्ना बेड़ा मनो अदिन ती मुन्द इकला हूँ ई अंगुर रासी आबोन मल ओनोन।”
19एन्ने ब'अरकी असमन होच्चस ती धर्मेस गे धन्यवाद नंजस। फिन अदिन किच्चियस ती चेलर गे चिच्चस अरा बाचस, “ईद एंग्है मॆद हिके, ईद निमा गे चीतारकी र'ई, एंग्है सुरता गे इदन नना।”
20एन्ने चाल तिम ओंडका ख़ॊख़ा आस अउर ओन डुभा अंगुर रासिन होच्चस अरा बाचस, “ई डुभा धर्मेस अरा आलर ही मझी ता पुना गच्छरका हवे। ई गच्छरकन ऎन एंग्है ख़ॆंस ती बड़ियर नन्दन, ईद निमा गे दाँड़े बेसे बाहतार'ई।#यिर्म 31:31-34
21ऎरा! लिकिन निम्है ती ओर्तोस एंगन धरत'ओस, आस हूँ एंग्है गने ओनालदस।#भज 41:9 22धर्मेस मनवा ख़द्दन एंगा गे एकासे चिताबुता नंजकादस अन्ने गा ऎन खे'ओन दिम। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो।” 23ख़ने चेलर ताम ताम मेंजनखर'आ हेलरर, नम्है मझी ती नॆ एन्ने नलख ननो?
जॊंख़र बेसे र'आ
24अरा चेलर तम्है मझी नू हबड़ा हबड़ी मंजर का तम्है नू नॆ जम्मेर ती मुद्ध हिके।#मत्ता 18:1; मर 9:34; लूक 9:46 25ख़ने येसुस बाचस, “ई ख़ॆख़ेल नू बॆलर अरा आकुस उइय्युर आलर मइय्याँ आकुस नन्नर। अन्नु हूँ आर आलर ही संगेर बातारनर।#मत्ता 20:25-27; मर 10:42-44 26निम्है नू गा अन्ने मल नन्ना र'ई, निम्है मझी नू नॆ ओर्मर ती कोहाँ र'अदर आर सन्नी पद हो'अना र'ई। अरा मुद्धर जॊंख़र लेक्खा तेतर-सुसर नन्ना र'ई।#मत्ता 23:11; मर 9:35 27कोहाँ मुखिया नॆ? एकास मंडी ओना उक्कादस का आस गे सुसर'अदस आस? मंडी ओना गे उक्कादस आस दिम मुखियस। ऎन गा निम्है मझी नू जॊंख़र लेक्खा र'अदन।#यॊ 13:12-15
28नीमिम एंग्है बिढ़्रना नू एंग्है गने रहचकादर। 29ख़ने एंग्है बंगस आसी आलारिन राजी नना गे एंगा आकुस चिच्चस, अन्नेम ऎन हूँ निमा गे आकुस चि'अदन। 30अरा एंग्है राजी नन्ना उल्ला नू नीम एंग्है गने ओना मॊख़ा ओक्कोर। अरा नीम बॆल-गद्दी नू ओक्कोर ती इस्राऎल ही बारा गोतरन नेंवई ननोर।”#मत्ता 19:28
येसुस पतरसी इनकर आबोन मुन्द तेंगदस
(मत्ता 26:31-35; मर 14:27-31; यॊ 13:36-38)
31फिन उर्बस बाचस, “सिमॊन हे सिमॊन, सैतान निमन निम्है पत्त'अनन गहूँ जब्बना बेसे निंग्है पत्त'अनन बिढ़'आ गे धर्मेस ती नीचकी होच्चकी र'ई। 32ऎन गा निंग्हा पत्त'अना मल अम्बर'आ गे बिन्ती नंजकन। एकाबारी नीन एंग्है गुसन किर्रोय निंग्है भइय्योरिन बड़ियर ननके।”
33ख़ने सिमॊनस बाचस, “अना उर्बायो, ऎन निंग्है गने जेहेल एड़पा काला गे महले खे'आ गे हूँ सपड़ारकादन।” 34येसुस बाचस, “पतरस, ऎन निंगन ब'अदन का इन्नम ख़ॆर चींख़ना ती मुन्द नीन एंगन तीन हॆल बलदन ब'ओय।”
बिढ़्रना गे सपड़ारकी र'अना
35अउरिम येसुस बारोरिन बाचस, “इकला ऎन निमन दौ कत्थन मेन्त'आ गे बिगर थईला, बिगर झोला अरा अगरहा जूता ही तइय्कन ख़ने निमा इन्द्रिइम जिनिस ही घटी मंजकीचा का?” ख़ने आर बाचर, “मला।”#मत्ता 10:9,10; मर 6:8,9; लूक 9:3; 10:4 36ख़ने आस बाचस, “अक्कुन गा नीम निमा थईला अरा झोलन हो'आ। अरा निम्है गुसन तलवार मल्ला होले निम्है किचरिन बीसा ती ओन्टा तलवार ख़ॆन्दा। 37ऎन इदन ब'अदन, एन्देरगेका नेम्हा पुथी नू धर्मेसी कत्था तिंगुर एंग्है पत्त नू लिखचकानर का ‘ऎन दोसी बेसे बातार'ओन’ ईद पूरा मन्ना र'ई, हाँ, धर्मेसी कत्था तिंगुर एंग्है पत्त नू लिखचका जम्मा पूरा मनो दिम।”#यसा 53:12 38ख़ने आर बाचर, “उर्बायो, ऎरा, इसन दुई गोटंग तलवार र'ई।” ख़ने आस बाचस, “अम्बा चि'आ।”
जैतून परता नू येसुसी बिन्ती
(मत्ता 26:36-46; मर 14:32-42)
39तहाँ येसुस असले उरखरकी तंग्है चाल बेसे जैतून परता नू केरस, अरा आसी चेलर हूँ आसी गने चॊंख़्रर। 40तहाँ असन अंड़सियर ती आस बाचस, “धर्मेसिन बिन्ती नना का निमन बिढ़्रना ती बछाब'आ।” 41अरा आस तान ढेला हेबड़ना गेच्छा केरस। अरा मूकलिदरस ती बिन्ती नना हेलरस। 42“अना एंग्है बबा, निंग्है मने र'ई होले ई सस्ती अरा खे'अनन एंग्है ती ताड़'आ। लिकिन एंग्है मने ती मला निंग्है मने ती दिम नना।”
43[तहाँ मेर्ख़ा ती ओन्टा पैकस ऎथ्रस आसिन डिढ ननत'आलियस। 44अरा आस अउरिम कोड़हे सस्ती ती उकुलबुकुल मंजस गोहरार'आलियस अरा आसी एरचरना ख़ॆंस ही कोहाँ टिप्पा लेक्खा ख़ॆख़ेल नू खत्तरा।] 45आस गोहरारना ती चॊचस ती तंग्है चेलर गुसन बरचस। अरा आस आरिन हेन्दवारका अरा ख़ड़दिका ही मारे ख़न्द्रना ख़क्खियस। 46ख़ने आस बाचस, “एन्देरगे नीम ख़न्द्र'आलदर?, चो'आ, धर्मेस निमन बिढ़्रना ती बछाब'आ गे बिन्ती नना।”
येसुसी गुड़रना
(मत्ता 26:47-56; मर 14:43-50; यॊ 18:3-11)
47येसुसी एन्ने ब'अना बारिम ओन्टा गोंहड़ा बरचा। अदिन बारा चेलर ती ओर्तोस यूदस कड़हाब'आलियस। आस येसुस हेद्दे आसिन चोंखा गे बरचस। 48तहाँ येसुस बाचस, “यूदस नीन चोंखदय ती मनवा ख़द्दस एंगन धरतादय का?”
49तहाँ येसुसी चेलर ईरयर का अक्कुन एन्देर मना बेद्दाली, ख़ने बाचर, “अना उर्बायो, ऎम तलवार ती ल'ओम का?” 50अरा आर ही ती ओर्तोस कोहाँ नैगासी जॊंख़ासिन खोत्तस। ख़ने आसी तीना ख़ेबदा खंडरा।
51तहाँ येसुस “हुरू, अमा नना” बाचस ती आसी ख़ेबदन कप्पियस ती आसिन कोड़े नंजस।
52तहाँ येसुस एका ओर्तर आसिन धर'आ गे बरचकाचर, अबड़ा मुध नैगर अरा धर्मेसी मन्दिर ख़ापू सैनर ही मुद्धर अरा सेयान आलारिन बाचस, “नीम बटपार आलर ही बिड़दो नू बरना लेक्खा तलवार गुट्ठी अरा सोट्टा गुट्ठी धर'अरकी बरचकादर। 53ऎन गा उर्मी उल्ला धर्मेसी मन्दिर नू निम्है गने रहचकन। आ बारी नीम एंगन मल धरचकर। लिकिन अक्कुन गा निमा गे धर्मेस एन्ने नना गे चिच्चस, अरा ऊख़ा ही आकुस राजी ननी।”#लूक 19:47; 21:37
पतरस येसुसिन बलदन ब'अदस
(मत्ता 26:57,58,67-75; मर 14:53,54,66-72; यॊ 18:12-18,25-27)
54तहाँ आर येसुसिन धरचर ती होच्चर। अरा आसिन कोहाँ नैगासी एड़पा ओन्द्रर। पतरस गेच्छा गेच्छा ती ख़ॊख़ा ख़ॊख़ा ईकनुम बरचस। 55तहाँ आर ती जोक्कोर चाली मझी नू चिच्ची ओद्दर ती असन ख़ॊंड़रर ती उक्कियर। आर ही गने पतरस हूँ उक्कियस। 56तहाँ ओन्टा जॊंख़ पेल्लो पतरसी उक्कन चिच्ची ही बिल्ली ती ईरिया। अरा आसिन थिथवाँ ईरिया ती बाचा, “ई आलस हूँ आसी गने रहचस।” 57ख़ने पतरस नटचस ती बाचस, “अनय कुकेय, ऎन आसिन बलदन।”
58अरा एगघड़ी ख़ॊख़ा नन्ना ओर्तस आसिन ईरियस ती बाचस, “नीन हूँ आर ही मदहे ता हिकदय।” ख़ने आस बाचस, “अना आलायो, ऎन आर ही मदहे ता मलदन।”
59ओन घंटा केम ख़ॊख़ा अउर ओन्टा आलस ढिट्ठ लगे ब'आलियस, “ईस गा गलिलेया जिला ता हिकदस ख़ने मानिम ईस हूँ आस गने रहचस।” 60ख़ने पतरस बाचस, “अना आलायो, ऎन बलदन का नीन एन्देर ब'आलदय?” अरा आस एन्ने ब'आलियस ख़नेम ख़ॆर चींख़िया।
61अरा येसुस पतरसिन किर्रे ईरियस। ख़ने पतरस गे उर्बासी कत्था सुरता बरचा का, “इन्नम ख़ॆर चींख़ना ती मुन्द नीन एंगन तीन हॆल बलदन ब'ओय।” 62अरा आस चाली ती बहरी उरखस ती भोकरार भोकरार चींख़यस।
63अक्कु एका सैनर येसुसिन धरचर आर येसुसिन लज्जे मॊख़तालियर अरा लौ'आ पस्स'आ लगियर। 64आर आसी ख़न्नन मुढ़चर ती मेंजर, “मुन्द तेंगना ती ब'आ का निंगन नॆ लौचा?” 65अरा आर नगदे भेंसड़'अना कत्था गुट्ठिन हूँ आसी बिड़दो नू ब'आलियर।
येसुस कोहाँ सभा ही मुन्द
(मत्ता 26:59-66; मर 14:55-64; यॊ 18:19-24)
66बिज्जया ख़ने सभा ही पचगी मुद्धर अरा मुध नैगर अरा नॆग सिखाब'उर ख़ॊंड़रर। आर येसुसिन तम्है कोहाँ सभा नू ओन्द्रर ती मेंजर। 67“नीन मसी हिकदय होले एमन ब'आ चि'आ।” ख़ने आस बाचस, “निमन ऎन ब'ओन होले हूँ नीम मल पत्त'ओर, 68अरा निमन ऎन मेनोन होले हूँ नीम आना मल किर्त'ओर। 69अक्कु ती गा मनवा ख़द्दन ऎन उर्मी सवंगिय धर्मेसी तीना चोक्ख उक्का ती राजी ननोन।”
70तहाँ आर ओर्मर बाचर, “होले नीन धर्मेसी ख़द्दय हिकदय का?” ख़ने आस बाचस, “नीमिम ब'आलदर का ऎन हिकदन।” 71ख़ने आर बाचर, “नमा गे अउरिम गोवाह ही चाड़ मलकी, नामिम गा आसी बई तिम मेंजकत।”
தற்சமயம் தேர்ந்தெடுக்கப்பட்டது:
लूकस 22: KURUXBSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
लूकस 22
22
यूदस येसुसिन धरत'आ गे मोका बेद्ददस
(मत्ता 26:1-5,14-16; मर 14:1,2,10,11; यॊ 11:45-53)
1अक्कु बिगर बिदगी असमा ही परब एकदा कट्टना परब बातार'ई अड़सकीचा।#निर्ग 12:1-27 2मुध नैगर अरा नॆग सिखाब'उर येसुसिन पिटा गे आलर नम्है बिड़दो नू इन्द्रिइम ननोर एन्ने एल्चियर ती एकासे आसिन पिटोत बाचर ती मोका बेद्दालियर।
3तहाँ यूदस इसकारियॊत नॆ बारो चेलर ती ओर्तोस रहचस। सैतान आस मइय्याँ समसारा। 4ख़ने आस मुध नैगर अरा धर्मेसी मन्दिर ख़ापुर ही मुद्धर गुसन कछनख्र'आ गे केरस का एका बने घत ती येसुसिन धरत'आ गे आर गे संगे चि'आ ओंगोस। 5आर इदन मेंजर ती खुसमारर, अरा आस गे ढिबा चि'आ गे बाचर। 6ख़ने आस हुकमारस ती येसुसिन एकाबारी गोंहड़ा मल र'ओ आ बारी आसिन धरत'अना नू संगे चि'आ गे मोका बेद्दा हेलरस।
येसुस चेलर गने कट्टना ही ओना-मॊख़नन मॊख़दस
(मत्ता 26:17-30; मर 14:12-26; यॊ 13:21-30; 1कोरि 11:23-25)
7अक्कु बिगर बिदगी असमा ही परब उल्ला अड़सिया, अउला कट्टना ही भेंडो ख़द्द गुट्ठिन दाँड़े नन्ना रहचा। 8ख़ने येसुस पतरस अरा यॊहनसिन एन्ने बाचस ती तइय्यस, “कला नमा गे कट्टना ही सराजमा नना का नाम ओन संगे ओना मॊख़ा ओंग्दत।”
9ख़ने आर मेंजर, “नीन एसन सराजमा नना गे बेद्ददय?”
10ख़ने आस बाचस, “निम्है येरुसलॆम नगरे नू कोरना गनेम ओन्टा आलस संजगी नू अम्मु चेड्डका निमा ख़क्ख्र'ओस। आसी ख़ॊख़ ख़ॊख़ा कालके, एका एड़पा नू आस कोर'ओस अइय्या नीम हूँ कोर'आ। 11अरा आ एड़पा उर्बासिन ब'अके, ‘गुरुस ब'अदस का एंग्है पाही कुठली एसन र'ई, ईगेका कट्टना ही ओन्ना-मॊख़नन एंग्है चेलर गने ओनोन?’ 12अरा आस निमन ओन्टा सिंगराचका सपड़ाचका मइय्याँ ता कोहाँ कुठलिन ऎद'ओस। अइय्यम नीम सराजमा ननके।” 13ख़ने आर केरर ती एकासे येसुस बाचकाचस अन्नेम ख़क्खियर। अरा कट्टना ही सराजमा नंजर।
14बेड़ा अड़सिया ख़ने, येसुस तंग्है बारो तइरकर गने ओना मॊख़ा गे उक्कियस। 15अरा आरिन बाचस, “एंग्है कोड़हे मने रहचा का ऎन दुक्खे सारना ती मुन्द निम्है गने ई कट्टना ही ओन्ना-मॊख़नन ओनोन। 16ऎन फिन इकला हूँ ई कट्टना ही ओन्ना-मॊख़नन मल ओनोन, एका गूटी ईद ही माने धर्मेसी आलारिन राजी नन्ना नू पूरा मल मनो।”
17फिन ओन डुभा अंगुर रासी आबोन होच्चस ती धर्मेस गे धन्यवाद नंजस। फिन आस बाचस, “इदन ओंदा, अरा निम्है मझी नू ख़टर'आ। 18ऎन एका गूटी धर्मेस आलारिन राजी नन्ना बेड़ा मनो अदिन ती मुन्द इकला हूँ ई अंगुर रासी आबोन मल ओनोन।”
19एन्ने ब'अरकी असमन होच्चस ती धर्मेस गे धन्यवाद नंजस। फिन अदिन किच्चियस ती चेलर गे चिच्चस अरा बाचस, “ईद एंग्है मॆद हिके, ईद निमा गे चीतारकी र'ई, एंग्है सुरता गे इदन नना।”
20एन्ने चाल तिम ओंडका ख़ॊख़ा आस अउर ओन डुभा अंगुर रासिन होच्चस अरा बाचस, “ई डुभा धर्मेस अरा आलर ही मझी ता पुना गच्छरका हवे। ई गच्छरकन ऎन एंग्है ख़ॆंस ती बड़ियर नन्दन, ईद निमा गे दाँड़े बेसे बाहतार'ई।#यिर्म 31:31-34
21ऎरा! लिकिन निम्है ती ओर्तोस एंगन धरत'ओस, आस हूँ एंग्है गने ओनालदस।#भज 41:9 22धर्मेस मनवा ख़द्दन एंगा गे एकासे चिताबुता नंजकादस अन्ने गा ऎन खे'ओन दिम। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो।” 23ख़ने चेलर ताम ताम मेंजनखर'आ हेलरर, नम्है मझी ती नॆ एन्ने नलख ननो?
जॊंख़र बेसे र'आ
24अरा चेलर तम्है मझी नू हबड़ा हबड़ी मंजर का तम्है नू नॆ जम्मेर ती मुद्ध हिके।#मत्ता 18:1; मर 9:34; लूक 9:46 25ख़ने येसुस बाचस, “ई ख़ॆख़ेल नू बॆलर अरा आकुस उइय्युर आलर मइय्याँ आकुस नन्नर। अन्नु हूँ आर आलर ही संगेर बातारनर।#मत्ता 20:25-27; मर 10:42-44 26निम्है नू गा अन्ने मल नन्ना र'ई, निम्है मझी नू नॆ ओर्मर ती कोहाँ र'अदर आर सन्नी पद हो'अना र'ई। अरा मुद्धर जॊंख़र लेक्खा तेतर-सुसर नन्ना र'ई।#मत्ता 23:11; मर 9:35 27कोहाँ मुखिया नॆ? एकास मंडी ओना उक्कादस का आस गे सुसर'अदस आस? मंडी ओना गे उक्कादस आस दिम मुखियस। ऎन गा निम्है मझी नू जॊंख़र लेक्खा र'अदन।#यॊ 13:12-15
28नीमिम एंग्है बिढ़्रना नू एंग्है गने रहचकादर। 29ख़ने एंग्है बंगस आसी आलारिन राजी नना गे एंगा आकुस चिच्चस, अन्नेम ऎन हूँ निमा गे आकुस चि'अदन। 30अरा एंग्है राजी नन्ना उल्ला नू नीम एंग्है गने ओना मॊख़ा ओक्कोर। अरा नीम बॆल-गद्दी नू ओक्कोर ती इस्राऎल ही बारा गोतरन नेंवई ननोर।”#मत्ता 19:28
येसुस पतरसी इनकर आबोन मुन्द तेंगदस
(मत्ता 26:31-35; मर 14:27-31; यॊ 13:36-38)
31फिन उर्बस बाचस, “सिमॊन हे सिमॊन, सैतान निमन निम्है पत्त'अनन गहूँ जब्बना बेसे निंग्है पत्त'अनन बिढ़'आ गे धर्मेस ती नीचकी होच्चकी र'ई। 32ऎन गा निंग्हा पत्त'अना मल अम्बर'आ गे बिन्ती नंजकन। एकाबारी नीन एंग्है गुसन किर्रोय निंग्है भइय्योरिन बड़ियर ननके।”
33ख़ने सिमॊनस बाचस, “अना उर्बायो, ऎन निंग्है गने जेहेल एड़पा काला गे महले खे'आ गे हूँ सपड़ारकादन।” 34येसुस बाचस, “पतरस, ऎन निंगन ब'अदन का इन्नम ख़ॆर चींख़ना ती मुन्द नीन एंगन तीन हॆल बलदन ब'ओय।”
बिढ़्रना गे सपड़ारकी र'अना
35अउरिम येसुस बारोरिन बाचस, “इकला ऎन निमन दौ कत्थन मेन्त'आ गे बिगर थईला, बिगर झोला अरा अगरहा जूता ही तइय्कन ख़ने निमा इन्द्रिइम जिनिस ही घटी मंजकीचा का?” ख़ने आर बाचर, “मला।”#मत्ता 10:9,10; मर 6:8,9; लूक 9:3; 10:4 36ख़ने आस बाचस, “अक्कुन गा नीम निमा थईला अरा झोलन हो'आ। अरा निम्है गुसन तलवार मल्ला होले निम्है किचरिन बीसा ती ओन्टा तलवार ख़ॆन्दा। 37ऎन इदन ब'अदन, एन्देरगेका नेम्हा पुथी नू धर्मेसी कत्था तिंगुर एंग्है पत्त नू लिखचकानर का ‘ऎन दोसी बेसे बातार'ओन’ ईद पूरा मन्ना र'ई, हाँ, धर्मेसी कत्था तिंगुर एंग्है पत्त नू लिखचका जम्मा पूरा मनो दिम।”#यसा 53:12 38ख़ने आर बाचर, “उर्बायो, ऎरा, इसन दुई गोटंग तलवार र'ई।” ख़ने आस बाचस, “अम्बा चि'आ।”
जैतून परता नू येसुसी बिन्ती
(मत्ता 26:36-46; मर 14:32-42)
39तहाँ येसुस असले उरखरकी तंग्है चाल बेसे जैतून परता नू केरस, अरा आसी चेलर हूँ आसी गने चॊंख़्रर। 40तहाँ असन अंड़सियर ती आस बाचस, “धर्मेसिन बिन्ती नना का निमन बिढ़्रना ती बछाब'आ।” 41अरा आस तान ढेला हेबड़ना गेच्छा केरस। अरा मूकलिदरस ती बिन्ती नना हेलरस। 42“अना एंग्है बबा, निंग्है मने र'ई होले ई सस्ती अरा खे'अनन एंग्है ती ताड़'आ। लिकिन एंग्है मने ती मला निंग्है मने ती दिम नना।”
43[तहाँ मेर्ख़ा ती ओन्टा पैकस ऎथ्रस आसिन डिढ ननत'आलियस। 44अरा आस अउरिम कोड़हे सस्ती ती उकुलबुकुल मंजस गोहरार'आलियस अरा आसी एरचरना ख़ॆंस ही कोहाँ टिप्पा लेक्खा ख़ॆख़ेल नू खत्तरा।] 45आस गोहरारना ती चॊचस ती तंग्है चेलर गुसन बरचस। अरा आस आरिन हेन्दवारका अरा ख़ड़दिका ही मारे ख़न्द्रना ख़क्खियस। 46ख़ने आस बाचस, “एन्देरगे नीम ख़न्द्र'आलदर?, चो'आ, धर्मेस निमन बिढ़्रना ती बछाब'आ गे बिन्ती नना।”
येसुसी गुड़रना
(मत्ता 26:47-56; मर 14:43-50; यॊ 18:3-11)
47येसुसी एन्ने ब'अना बारिम ओन्टा गोंहड़ा बरचा। अदिन बारा चेलर ती ओर्तोस यूदस कड़हाब'आलियस। आस येसुस हेद्दे आसिन चोंखा गे बरचस। 48तहाँ येसुस बाचस, “यूदस नीन चोंखदय ती मनवा ख़द्दस एंगन धरतादय का?”
49तहाँ येसुसी चेलर ईरयर का अक्कुन एन्देर मना बेद्दाली, ख़ने बाचर, “अना उर्बायो, ऎम तलवार ती ल'ओम का?” 50अरा आर ही ती ओर्तोस कोहाँ नैगासी जॊंख़ासिन खोत्तस। ख़ने आसी तीना ख़ेबदा खंडरा।
51तहाँ येसुस “हुरू, अमा नना” बाचस ती आसी ख़ेबदन कप्पियस ती आसिन कोड़े नंजस।
52तहाँ येसुस एका ओर्तर आसिन धर'आ गे बरचकाचर, अबड़ा मुध नैगर अरा धर्मेसी मन्दिर ख़ापू सैनर ही मुद्धर अरा सेयान आलारिन बाचस, “नीम बटपार आलर ही बिड़दो नू बरना लेक्खा तलवार गुट्ठी अरा सोट्टा गुट्ठी धर'अरकी बरचकादर। 53ऎन गा उर्मी उल्ला धर्मेसी मन्दिर नू निम्है गने रहचकन। आ बारी नीम एंगन मल धरचकर। लिकिन अक्कुन गा निमा गे धर्मेस एन्ने नना गे चिच्चस, अरा ऊख़ा ही आकुस राजी ननी।”#लूक 19:47; 21:37
पतरस येसुसिन बलदन ब'अदस
(मत्ता 26:57,58,67-75; मर 14:53,54,66-72; यॊ 18:12-18,25-27)
54तहाँ आर येसुसिन धरचर ती होच्चर। अरा आसिन कोहाँ नैगासी एड़पा ओन्द्रर। पतरस गेच्छा गेच्छा ती ख़ॊख़ा ख़ॊख़ा ईकनुम बरचस। 55तहाँ आर ती जोक्कोर चाली मझी नू चिच्ची ओद्दर ती असन ख़ॊंड़रर ती उक्कियर। आर ही गने पतरस हूँ उक्कियस। 56तहाँ ओन्टा जॊंख़ पेल्लो पतरसी उक्कन चिच्ची ही बिल्ली ती ईरिया। अरा आसिन थिथवाँ ईरिया ती बाचा, “ई आलस हूँ आसी गने रहचस।” 57ख़ने पतरस नटचस ती बाचस, “अनय कुकेय, ऎन आसिन बलदन।”
58अरा एगघड़ी ख़ॊख़ा नन्ना ओर्तस आसिन ईरियस ती बाचस, “नीन हूँ आर ही मदहे ता हिकदय।” ख़ने आस बाचस, “अना आलायो, ऎन आर ही मदहे ता मलदन।”
59ओन घंटा केम ख़ॊख़ा अउर ओन्टा आलस ढिट्ठ लगे ब'आलियस, “ईस गा गलिलेया जिला ता हिकदस ख़ने मानिम ईस हूँ आस गने रहचस।” 60ख़ने पतरस बाचस, “अना आलायो, ऎन बलदन का नीन एन्देर ब'आलदय?” अरा आस एन्ने ब'आलियस ख़नेम ख़ॆर चींख़िया।
61अरा येसुस पतरसिन किर्रे ईरियस। ख़ने पतरस गे उर्बासी कत्था सुरता बरचा का, “इन्नम ख़ॆर चींख़ना ती मुन्द नीन एंगन तीन हॆल बलदन ब'ओय।” 62अरा आस चाली ती बहरी उरखस ती भोकरार भोकरार चींख़यस।
63अक्कु एका सैनर येसुसिन धरचर आर येसुसिन लज्जे मॊख़तालियर अरा लौ'आ पस्स'आ लगियर। 64आर आसी ख़न्नन मुढ़चर ती मेंजर, “मुन्द तेंगना ती ब'आ का निंगन नॆ लौचा?” 65अरा आर नगदे भेंसड़'अना कत्था गुट्ठिन हूँ आसी बिड़दो नू ब'आलियर।
येसुस कोहाँ सभा ही मुन्द
(मत्ता 26:59-66; मर 14:55-64; यॊ 18:19-24)
66बिज्जया ख़ने सभा ही पचगी मुद्धर अरा मुध नैगर अरा नॆग सिखाब'उर ख़ॊंड़रर। आर येसुसिन तम्है कोहाँ सभा नू ओन्द्रर ती मेंजर। 67“नीन मसी हिकदय होले एमन ब'आ चि'आ।” ख़ने आस बाचस, “निमन ऎन ब'ओन होले हूँ नीम मल पत्त'ओर, 68अरा निमन ऎन मेनोन होले हूँ नीम आना मल किर्त'ओर। 69अक्कु ती गा मनवा ख़द्दन ऎन उर्मी सवंगिय धर्मेसी तीना चोक्ख उक्का ती राजी ननोन।”
70तहाँ आर ओर्मर बाचर, “होले नीन धर्मेसी ख़द्दय हिकदय का?” ख़ने आस बाचस, “नीमिम ब'आलदर का ऎन हिकदन।” 71ख़ने आर बाचर, “नमा गे अउरिम गोवाह ही चाड़ मलकी, नामिम गा आसी बई तिम मेंजकत।”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.