Bìac Baxèm 5
5
Xinoi Ađam, Sêt wa Noah
1Cô sech achìh ca xinoi Ađam.
Hì ma Boc Plình broq loh con mangai, Haq broq loh con mangai tìah ca Boc Plình. 2Haq broq gu calô wa gu cadrì, am xôq ramŏt ca wa, èh Haq hiniq wa haq “Mangai,” ta hì ma Haq broq loh wa haq.
3Jò Ađam khoi rìh 130 hanam, xa-ông mòiq toq con calô tìah ca 'mù dađeh, haq hiniq Sêt. 4Atìq ca Ađam wìa baq da con calô Sêt, haq ŏi rìh tam 800 hanam, èh haq i con calô wa con cadrì ma 'noiq hòm. 5'Màng aih Ađam halình jah 930 hanam, èh haq cachìt.
6Sêt jah 105 hanam, èh wìa baq da Ênot. 7Atìq ca Sêt xa-ông ca Ênot, haq ŏi rìh jah 807 hanam, xa-ông con calô, con cadrì. 8'Màng aih Sêt halình jah 912 hanam, èh haq cachìt.
9Ênot jah 90 hanam, wìa baq da con calô Kênan. 10Atìq ca Ênot wìa baq da Kênan, haq ŏi rìh tam 815 hanam, èh haq i con calô wa con cadrì ma 'noiq hòm. 11Ênot halình jah 905 hanam, èh haq cachìt.
12Kênan jah 70 hanam, èh haq wìa baq da Ma-ha-la-lên. 13Atìq ca Kênan wìa baq da Ma-ha-la-lên, haq ŏi rìh 840 hanam, èh haq i con calô wa con cadrì ma 'noiq hòm. 14Kênan halình jah 910 hanam, èh haq cachìt.
15Ma-ha-la-lên jah 65 hanam, èh wìa baq da Jêrêt. 16Atìq ca Ma-ha-la-lên wìa baq da Jêrêt, haq ŏi rìh jah 830 hanam, èh haq i con calô wa con cadrì ma 'noiq hòm. 17Ma-ha-la-lên halình jah 895 hanam, èh haq cachìt.
18Jêrêt jah 162 hanam, èh haq wìa baq da Ênoc. 19Atìq ca Jêrêt wìa baq da Ênoc, haq ŏi rìh 800 hanam, èh haq i con calô wa con cadrì ma 'noiq hòm. 20'Màng aih Jêrêt halình 962 hanam, èh haq cachìt.
21Ênoc jah 65 hanam, èh haq wìa baq da Mê-tu-sê-la. 22Atìq ca Ênoc wìa baq da Mê-tu-sê-la, haq mòiq manoh ca Boc Plình trong caq ŏi 300 hanam, èh haq i con calô wa con cadrì ma 'noiq hòm. 23'Màng aih Ênoc halình 365 hanam. 24Ênoc mòiq manoh ca Boc Plình trong caq ŏi, èh haq ùh ŏi i hòm taiq Boc Plình khoi atŏc haq.
25Mê-tu-sê-la ŏi rìh 187 hanam, èh haq wìa baq da Lamec. 26Atìq ca Mê-tu-sê-la wìa baq da Lamec, haq ŏi rìh 782 hanam, èh haq i con calô wa con cadrì ma 'noiq hòm. 27'Màng aih Mê-tu-sê-la halình jah 969 hanam, èh haq cachìt.
28Lamec ŏi rìh 182 hanam, èh haq wìa baq da mòiq ngai con calô. 29Haq hiniq con calô aih Noah. Haq doi: “Mangai cô jah alòng manoh bèn trong bìac broq da bèn, bìac abèq xalep ca tì da bèn taiq taneh khoi 'bìq Boc Plình khoi waiq hanip.” 30Atìq ca haq wìa baq da Noah, haq ŏi rìh 595 hanam, èh haq i con calô wa con cadrì ma 'noiq hòm. 31'Màng aih Lamec halình jah 777 hanam, èh haq cachìt.
32Noah khoi jah 500 hanam, èh haq wìa baq da Sem, Ham wa Japhêt.
தற்சமயம் தேர்ந்தெடுக்கப்பட்டது:
Bìac Baxèm 5: HreB
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 201̣̣9 WEC International