Matthew 4
4
Satan e tatakore Jisas
(Mak 1.12–13; Luk 4.1–13)
1Tena TeAnana Tapu raa ku hakattaki Jisas i te kina e tuu mahoa raa ma Satan ki tatakore Tama raa. 2Jisas e noho tipu haa na aho ia ma na poo se kai, tena Aia ku rono te hikai. 3Kito Satan ki haere ake no meake Jisas ma, “Kame Akoe he Tamariki hakamaoni TeAtua, Akoe ku meake na hatu nei ki huri mo haraoa.”
4Kito Jisas ki meake ma, “Te Launiu Tapu raa e tattara mai ma,
‘Na tama se mee ma e ora koi i na haraoa,
e meia na tama e ora i na tattara hakaatoa
TeAtua e tattara raa.’ ”
5Kito Satan ki hakattaki Jisas i Jerusalem, i te Matakaina e Tapu raa no hakatuu Tama raa i te kina e palluna roo i aruna te Hare Tapu raa, 6tena aia ki meake, “Kame Akoe he Tamariki hakamaoni TeAtua, Akoe ku llee i raro, maitaname te Launiu Tapu raa e tattara mai ma,
‘TeAtua e me ki meake na ensel Aia raa
ki mmata hakaraoi Akoe;
na ensel raa e me ki ttaohi Akoe
ma na rima laatou;
ki se lavaa na vae Akoe raa te pakuu
na hatu raa no mmere.’ ”
7Kito Jisas ki meake, “Emeia te Launiu Tapu raa e tattara hoki ma,
‘Auu se hahaaite TeAriki TeAtua akoe raa.’ ”
8Kito Satan ki hakattaki Jisas i aruna te mouna palluna roo no huri ake na henua hakaatoa i roto te maarama nei ia ma na mee taualleka hakaatoa na henua raa e isi. 9Kito Satan ki meake, “Anau e me ki kou atu na mee nei hakaatoa kame Akoe e tuturi no lotu mai anau.”
10Tena Jisas ki meake, “Satan, haere i taha! Te Launiu Tapu raa e mee ma,
‘Lotu ake TeAriki TeAtua akoe raa,
tena ku hehekau koi ma Tama raa!’ ”
11Kito Satan ki tiaki Jisas no haere, tena na ensel raa ki oo ake no tokonaki Jisas.
Jisas ku kaamata na uata Aia raa i roto Galili
(Mak 1.14–15; Luk 4.14–15)
12Jisas ku rono ma Jon ku ponotia i roto te hare karapusi, tena Aia ki tiaki te kina raa no haere i Galili. 13Aia se noho hoki i Nasaret, e meia Aia e haere no noho i Kaperneam, he matakaina e tuu i te vahi te Namo Galili i roto na henua Sebulun laaua ma Naptali. 14Te mee nei e kapihi mai ki hakamaoni na tattara profet Aisaia ni tattara mai i mua ma,
15“Te matakaina Sebulun,
ia ma te matakaina Naptali raa
e ttuu i te kina te mateara e haere i tai
i teeraa vahi te riva Jordan i Galili,
te matakaina na tama seai ma ni Jiu raa!
16Na tama e nnoho na kina poouri raa
e me ki kkite te maahina e rahi roo,
te maahina raa e me ki hakamaahina atu i kootou
na tama tera e nnoho i raro te maru te mate raa.”
17Jisas e kaamata te saaita naa no takutaku ma, “Ttike i taha ma na hai ssara kootou, maitaname te Hakamaatua ana i te Vaelani raa ku taapiri mai!”
Jisas e kanna ake tokohaa na tama meemee ika
(Mak 1.16–20; Luk 5.1–11)
18Te saaita Jisas ni hahaere vaa tai te Namo Galili, Aia e kite tokorua na haanau, ni tama meemee ika, tokorua raa ko Saimon (na tama e kanna ma ko Pita raa), tena Andru te taina Pita raa, tokorua raa e puipui te kupena. 19Kito Jisas ki meake tokorua raa, “Tauttari mai Anau, tena Anau e me ki akoako koorua ki hahannota na tama.” 20Te saaita naa koi tokorua raa ku tiaki na kupena raa no tauttari Jisas.
21Jisas e hakanuu atu no kite teeraa haanau hoki, Jems laaua ma Jon ni tama Sebedi. Tokorua raa e nnoho ma Sebedi te tamana laaua raa i roto te manaui no tanattana na kupena laatou raa. Kito Jisas ki kanna ake tokorua raa, 22tena te saaita naa koi tokorua raa ku ttiaki te tamana laaua raa ma te manaui raa no tauttari Jisas.
Jisas e tokonaki na tama lavvea
(Luk 6.17–19)
23Jisas e areha na matakaina hakaatoa i Galili raa no akoako i na hare lotu na Jiu raa, tena ki takutaku ake te Rono Tauareka i te vahi te Hakamaatua ana i te Vaelani raa, tena ki tokonaki hoki na tama hakaatoa e lavvea na maahana raa no taualleka. 24Te rono Jisas raa ku paa no ttae i na kina hakaatoa i roto Siria, tena na tama raa ku kou ake na tama e lavvea, na tama e hakalono llihu i na maahana roo hakaatoa, na tama e tuttuu haeo i na tinotama laatou, na tama e ttau ria na tipua, ia na tama e peuppeu ia ma na tama na vae e mmate raa. Jisas e tokonaki na tama raa hakaatoa no taualleka.
25Tena he kanohenua e rahi roo ku tauttari Jisas kaamata i Galili laaua ma Dekapolis#4.25 Dekapolis: te inoa nei i na tattara Grik raa e mee ma Sanahuru na Matakaina, tena Jerusalem, Judia ia ma na matakaina i teeraa vahi te riva Jordan raa.
தற்சமயம் தேர்ந்தெடுக்கப்பட்டது:
Matthew 4: nuq
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©(Active), Wycliffe Bible Translators, Inc. All rights reserved.
Matthew 4
4
Satan e tatakore Jisas
(Mak 1.12–13; Luk 4.1–13)
1Tena TeAnana Tapu raa ku hakattaki Jisas i te kina e tuu mahoa raa ma Satan ki tatakore Tama raa. 2Jisas e noho tipu haa na aho ia ma na poo se kai, tena Aia ku rono te hikai. 3Kito Satan ki haere ake no meake Jisas ma, “Kame Akoe he Tamariki hakamaoni TeAtua, Akoe ku meake na hatu nei ki huri mo haraoa.”
4Kito Jisas ki meake ma, “Te Launiu Tapu raa e tattara mai ma,
‘Na tama se mee ma e ora koi i na haraoa,
e meia na tama e ora i na tattara hakaatoa
TeAtua e tattara raa.’ ”
5Kito Satan ki hakattaki Jisas i Jerusalem, i te Matakaina e Tapu raa no hakatuu Tama raa i te kina e palluna roo i aruna te Hare Tapu raa, 6tena aia ki meake, “Kame Akoe he Tamariki hakamaoni TeAtua, Akoe ku llee i raro, maitaname te Launiu Tapu raa e tattara mai ma,
‘TeAtua e me ki meake na ensel Aia raa
ki mmata hakaraoi Akoe;
na ensel raa e me ki ttaohi Akoe
ma na rima laatou;
ki se lavaa na vae Akoe raa te pakuu
na hatu raa no mmere.’ ”
7Kito Jisas ki meake, “Emeia te Launiu Tapu raa e tattara hoki ma,
‘Auu se hahaaite TeAriki TeAtua akoe raa.’ ”
8Kito Satan ki hakattaki Jisas i aruna te mouna palluna roo no huri ake na henua hakaatoa i roto te maarama nei ia ma na mee taualleka hakaatoa na henua raa e isi. 9Kito Satan ki meake, “Anau e me ki kou atu na mee nei hakaatoa kame Akoe e tuturi no lotu mai anau.”
10Tena Jisas ki meake, “Satan, haere i taha! Te Launiu Tapu raa e mee ma,
‘Lotu ake TeAriki TeAtua akoe raa,
tena ku hehekau koi ma Tama raa!’ ”
11Kito Satan ki tiaki Jisas no haere, tena na ensel raa ki oo ake no tokonaki Jisas.
Jisas ku kaamata na uata Aia raa i roto Galili
(Mak 1.14–15; Luk 4.14–15)
12Jisas ku rono ma Jon ku ponotia i roto te hare karapusi, tena Aia ki tiaki te kina raa no haere i Galili. 13Aia se noho hoki i Nasaret, e meia Aia e haere no noho i Kaperneam, he matakaina e tuu i te vahi te Namo Galili i roto na henua Sebulun laaua ma Naptali. 14Te mee nei e kapihi mai ki hakamaoni na tattara profet Aisaia ni tattara mai i mua ma,
15“Te matakaina Sebulun,
ia ma te matakaina Naptali raa
e ttuu i te kina te mateara e haere i tai
i teeraa vahi te riva Jordan i Galili,
te matakaina na tama seai ma ni Jiu raa!
16Na tama e nnoho na kina poouri raa
e me ki kkite te maahina e rahi roo,
te maahina raa e me ki hakamaahina atu i kootou
na tama tera e nnoho i raro te maru te mate raa.”
17Jisas e kaamata te saaita naa no takutaku ma, “Ttike i taha ma na hai ssara kootou, maitaname te Hakamaatua ana i te Vaelani raa ku taapiri mai!”
Jisas e kanna ake tokohaa na tama meemee ika
(Mak 1.16–20; Luk 5.1–11)
18Te saaita Jisas ni hahaere vaa tai te Namo Galili, Aia e kite tokorua na haanau, ni tama meemee ika, tokorua raa ko Saimon (na tama e kanna ma ko Pita raa), tena Andru te taina Pita raa, tokorua raa e puipui te kupena. 19Kito Jisas ki meake tokorua raa, “Tauttari mai Anau, tena Anau e me ki akoako koorua ki hahannota na tama.” 20Te saaita naa koi tokorua raa ku tiaki na kupena raa no tauttari Jisas.
21Jisas e hakanuu atu no kite teeraa haanau hoki, Jems laaua ma Jon ni tama Sebedi. Tokorua raa e nnoho ma Sebedi te tamana laaua raa i roto te manaui no tanattana na kupena laatou raa. Kito Jisas ki kanna ake tokorua raa, 22tena te saaita naa koi tokorua raa ku ttiaki te tamana laaua raa ma te manaui raa no tauttari Jisas.
Jisas e tokonaki na tama lavvea
(Luk 6.17–19)
23Jisas e areha na matakaina hakaatoa i Galili raa no akoako i na hare lotu na Jiu raa, tena ki takutaku ake te Rono Tauareka i te vahi te Hakamaatua ana i te Vaelani raa, tena ki tokonaki hoki na tama hakaatoa e lavvea na maahana raa no taualleka. 24Te rono Jisas raa ku paa no ttae i na kina hakaatoa i roto Siria, tena na tama raa ku kou ake na tama e lavvea, na tama e hakalono llihu i na maahana roo hakaatoa, na tama e tuttuu haeo i na tinotama laatou, na tama e ttau ria na tipua, ia na tama e peuppeu ia ma na tama na vae e mmate raa. Jisas e tokonaki na tama raa hakaatoa no taualleka.
25Tena he kanohenua e rahi roo ku tauttari Jisas kaamata i Galili laaua ma Dekapolis#4.25 Dekapolis: te inoa nei i na tattara Grik raa e mee ma Sanahuru na Matakaina, tena Jerusalem, Judia ia ma na matakaina i teeraa vahi te riva Jordan raa.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©(Active), Wycliffe Bible Translators, Inc. All rights reserved.