Hechos 3
3
Nnuvi te̱e lénkó
1Ɨɨn ki̱vɨ̱ꞌ Pedro jín Juan nkaa ráa kua̱ꞌa̱nꞌ ráa veñu̱ꞌun káꞌnú kau̱ni̱ꞌ yánini, ya̱ kúvi maá hora sukuáni káꞌánꞌ rá ñɨvɨ Israel jín Ndiosíꞌ. 2Jee ni̱yo ɨɨn te̱e lénkó ne̱ nkaku‑u. Ni ki̱vɨ̱ꞌ ña̱na̱ka ráa maa yuvéñúꞌun, naní Yuvéꞌí Viiꞌ, sáva ka̱ka̱nꞌ re̱ꞌ kutaꞌviꞌ re̱ꞌ nu̱u̱nꞌ rá ñɨvɨ kívɨ yuvéñúꞌun vá. 3Sáá niniꞌ te̱e vá Pedro jín Juan sukuán kua̱ki̱vɨ ráa veñu̱ꞌun, jee ni̱ka̱nꞌ re̱ꞌ kutaꞌviꞌ re̱ꞌ. 4Soo sáá nne̱ꞌyá váꞌa Pedro jín Juan nu̱u̱nꞌ re̱ꞌ, jee Pedro nkachiꞌ nu̱u̱nꞌ‑u:
―¡Kune̱ꞌyá nu̱u̱nꞌ ránuꞌuꞌ!
5Saájee nne̱ꞌyá xúꞌún re̱ꞌ nu̱u̱nꞌ ráa, jee káꞌvi iniꞌ re̱ꞌ ya̱ ni̱ꞌi̱nꞌ re̱ꞌ nu̱u̱nꞌ ráa.
6Soo nkachiꞌ Pedro nu̱u̱nꞌ re̱ꞌ:
―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.
7Jee Pedro ntɨɨn naꞌá kuáꞌá te̱e lénkó vá, jee nxi̱nákuiñɨꞌ re̱ꞌ maa. Jee kuísá ntañúꞌún nnu̱fésáꞌ rá jie̱ꞌe̱ꞌ jín rá su̱ku̱jiéꞌéꞌ te̱e lénkó vá. 8Jee íchíni nnava re̱ꞌ nnakui̱ñɨ̱ꞌ nichiꞌ re̱ꞌ, jee nka̱jiéꞌé re̱ꞌ nika re̱ꞌ. Jee nki̱vɨ re̱ꞌ jín ráa iniꞌ veñu̱ꞌun. Jíka re̱ꞌ, náva re̱ꞌ, jee nákuetúꞌún nasɨ́kuitɨꞌ re̱ꞌ jie̱ꞌe̱ꞌ Ndiosíꞌ. 9Jee niniꞌ nɨꞌɨ rá ñɨvɨ re̱ꞌ jíka re̱ꞌ jee nákuetúꞌún re̱ꞌ jie̱ꞌe̱ꞌ Ndiosíꞌ. 10Jee nna̱kuniꞌ ráa re̱ꞌ ya̱ suvire̱ꞌ ví ya̱ nneeꞌ Yuvéꞌí Viiꞌ jíkánꞌ re̱ꞌ kutaꞌviꞌ re̱ꞌ. Saáva nti̱vɨ́ nasɨ́kuitɨꞌ xi̱ni̱ꞌ ráa, jee kúnaan kúsuꞌva iniꞌ ráa ya̱ nkuvi jín re̱ꞌ.
Tu̱ꞌun njia̱ꞌa Pedro iniꞌ Yuꞌú Véꞌi Salomón
11Ni tɨ́ɨn te̱e ni̱yo lénkó vá Pedro jín Juan, jee nɨꞌɨ rá ñɨvɨ ninu tútú nu̱u̱nꞌ íñɨ́ ráa nteñu yuꞌú véꞌi, naní Yuꞌú Véꞌi Salomón. Jee nti̱vɨ́ xá xíniꞌ ráa. 12Sáá niniꞌ Pedro yaꞌá, jee nkachiꞌ‑i nu̱u̱nꞌ rá ñɨvɨ:
―¡Ránoꞌó tántéyɨ́ɨ́ Israel! ¿Na̱kui chi sáꞌvi iniꞌ rán néꞌyá rán te̱e yaꞌá? Áxí, ¿na̱kui chi néꞌyá rán nu̱u̱nꞌ ránuꞌuꞌ kuéntáꞌ retánꞌ jie̱ꞌe̱ꞌ fuersáꞌ ííꞌ níso máá maáránꞌ áxí jie̱ꞌe̱ꞌ néñu̱ꞌun víꞌí ránꞌ Ndiosíꞌ jee nsi̱káka ránꞌ te̱e yaꞌá, rúsa? 13Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ #3:13 Áxí: siervo (musúꞌ ya̱ jiátíñú re̱ꞌ maa) Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa. 14Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús. 15Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa. 16Jie̱ꞌe̱ꞌ kúneí iniꞌ ránꞌ tiñu níso Jesús nnu̱fésáꞌ te̱e yaꞌá, ya̱ néꞌyá rán maa, jee jíníꞌ rán maa. Jee nu̱u̱nꞌ súví Jesús jín jie̱ꞌe̱ꞌ kúneí iniꞌ ránꞌ re̱ꞌ jee nkenta nuva̱ꞌa te̱e yaꞌá ichinúúnꞌ nɨꞌɨ rán.
17’¡Soo, ránoꞌó ñaniꞌ! Jíníꞌ ni̱ꞌ ya̱ nsa̱ꞌá naanꞌ rán maa, suni sukuán rá te̱e néetiñu rán. 18Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ. 19Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán. 20Jee suni chuichí re̱ꞌ Cristo Jesús, ya̱ ñani ya̱chi̱ꞌ re̱ꞌ maa, sáva kuvi‑i ya̱ váꞌa nu̱u̱nꞌ ránoꞌó. 21Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ. 22Sukuán nkachiꞌ Moisés nu̱u̱nꞌ rá jííꞌ yanaꞌán‑ó:
Kani I̱toꞌoꞌ‑ó Ndiosíꞌ ɨɨn te̱e kuéntáꞌ nuꞌuꞌ, ya̱ nakani re̱ꞌ tu̱ꞌun kene yuꞌú Ndiosíꞌ.
Tavaꞌ re̱ꞌ te̱e vá nteñu ñaniꞌ rán jee kani re̱ꞌ maa.
Tɨɨn rán nɨꞌɨ ya̱ kachiꞌ re̱ꞌ nu̱u̱nꞌ rán.
23Jee ntáká ñɨvɨ nsáꞌ tɨɨn ráa tu̱ꞌun nakani te̱e vá ya̱ nakani tu̱ꞌun kene yuꞌú Ndiosíꞌ,
kɨ̱naanꞌ ráa, jee koo sɨ́ɨ́n ráa nu̱u̱nꞌ rá ñɨvɨ yɨ́ꞌɨ́ nu̱u̱nꞌ Ndiosíꞌ,
nkachiꞌ Moisés ne̱ tiempúꞌ nasɨ́kuitɨꞌ.
Jee suni nkachiꞌ Pedro:
24―Jee ntáká rá te̱e nna̱kani tu̱ꞌun nkene yuꞌú Ndiosíꞌ ne̱ rá ki̱vɨ̱ꞌ Samuel, jín ne̱ ichinúúnꞌ, jee ntáká ráa ya̱ nna̱kani ráa maa nste̱kútu̱ꞌún ya̱chi̱ꞌ ráa ya̱ koo rá ki̱vɨ̱ꞌ yaꞌá. 25Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ. 26Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.
தற்சமயம் தேர்ந்தெடுக்கப்பட்டது:
Hechos 3: meh
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2022, Wycliffe Bible Translators, Inc. All rights reserved.
Hechos 3
3
Nnuvi te̱e lénkó
1Ɨɨn ki̱vɨ̱ꞌ Pedro jín Juan nkaa ráa kua̱ꞌa̱nꞌ ráa veñu̱ꞌun káꞌnú kau̱ni̱ꞌ yánini, ya̱ kúvi maá hora sukuáni káꞌánꞌ rá ñɨvɨ Israel jín Ndiosíꞌ. 2Jee ni̱yo ɨɨn te̱e lénkó ne̱ nkaku‑u. Ni ki̱vɨ̱ꞌ ña̱na̱ka ráa maa yuvéñúꞌun, naní Yuvéꞌí Viiꞌ, sáva ka̱ka̱nꞌ re̱ꞌ kutaꞌviꞌ re̱ꞌ nu̱u̱nꞌ rá ñɨvɨ kívɨ yuvéñúꞌun vá. 3Sáá niniꞌ te̱e vá Pedro jín Juan sukuán kua̱ki̱vɨ ráa veñu̱ꞌun, jee ni̱ka̱nꞌ re̱ꞌ kutaꞌviꞌ re̱ꞌ. 4Soo sáá nne̱ꞌyá váꞌa Pedro jín Juan nu̱u̱nꞌ re̱ꞌ, jee Pedro nkachiꞌ nu̱u̱nꞌ‑u:
―¡Kune̱ꞌyá nu̱u̱nꞌ ránuꞌuꞌ!
5Saájee nne̱ꞌyá xúꞌún re̱ꞌ nu̱u̱nꞌ ráa, jee káꞌvi iniꞌ re̱ꞌ ya̱ ni̱ꞌi̱nꞌ re̱ꞌ nu̱u̱nꞌ ráa.
6Soo nkachiꞌ Pedro nu̱u̱nꞌ re̱ꞌ:
―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.
7Jee Pedro ntɨɨn naꞌá kuáꞌá te̱e lénkó vá, jee nxi̱nákuiñɨꞌ re̱ꞌ maa. Jee kuísá ntañúꞌún nnu̱fésáꞌ rá jie̱ꞌe̱ꞌ jín rá su̱ku̱jiéꞌéꞌ te̱e lénkó vá. 8Jee íchíni nnava re̱ꞌ nnakui̱ñɨ̱ꞌ nichiꞌ re̱ꞌ, jee nka̱jiéꞌé re̱ꞌ nika re̱ꞌ. Jee nki̱vɨ re̱ꞌ jín ráa iniꞌ veñu̱ꞌun. Jíka re̱ꞌ, náva re̱ꞌ, jee nákuetúꞌún nasɨ́kuitɨꞌ re̱ꞌ jie̱ꞌe̱ꞌ Ndiosíꞌ. 9Jee niniꞌ nɨꞌɨ rá ñɨvɨ re̱ꞌ jíka re̱ꞌ jee nákuetúꞌún re̱ꞌ jie̱ꞌe̱ꞌ Ndiosíꞌ. 10Jee nna̱kuniꞌ ráa re̱ꞌ ya̱ suvire̱ꞌ ví ya̱ nneeꞌ Yuvéꞌí Viiꞌ jíkánꞌ re̱ꞌ kutaꞌviꞌ re̱ꞌ. Saáva nti̱vɨ́ nasɨ́kuitɨꞌ xi̱ni̱ꞌ ráa, jee kúnaan kúsuꞌva iniꞌ ráa ya̱ nkuvi jín re̱ꞌ.
Tu̱ꞌun njia̱ꞌa Pedro iniꞌ Yuꞌú Véꞌi Salomón
11Ni tɨ́ɨn te̱e ni̱yo lénkó vá Pedro jín Juan, jee nɨꞌɨ rá ñɨvɨ ninu tútú nu̱u̱nꞌ íñɨ́ ráa nteñu yuꞌú véꞌi, naní Yuꞌú Véꞌi Salomón. Jee nti̱vɨ́ xá xíniꞌ ráa. 12Sáá niniꞌ Pedro yaꞌá, jee nkachiꞌ‑i nu̱u̱nꞌ rá ñɨvɨ:
―¡Ránoꞌó tántéyɨ́ɨ́ Israel! ¿Na̱kui chi sáꞌvi iniꞌ rán néꞌyá rán te̱e yaꞌá? Áxí, ¿na̱kui chi néꞌyá rán nu̱u̱nꞌ ránuꞌuꞌ kuéntáꞌ retánꞌ jie̱ꞌe̱ꞌ fuersáꞌ ííꞌ níso máá maáránꞌ áxí jie̱ꞌe̱ꞌ néñu̱ꞌun víꞌí ránꞌ Ndiosíꞌ jee nsi̱káka ránꞌ te̱e yaꞌá, rúsa? 13Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ #3:13 Áxí: siervo (musúꞌ ya̱ jiátíñú re̱ꞌ maa) Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa. 14Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús. 15Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa. 16Jie̱ꞌe̱ꞌ kúneí iniꞌ ránꞌ tiñu níso Jesús nnu̱fésáꞌ te̱e yaꞌá, ya̱ néꞌyá rán maa, jee jíníꞌ rán maa. Jee nu̱u̱nꞌ súví Jesús jín jie̱ꞌe̱ꞌ kúneí iniꞌ ránꞌ re̱ꞌ jee nkenta nuva̱ꞌa te̱e yaꞌá ichinúúnꞌ nɨꞌɨ rán.
17’¡Soo, ránoꞌó ñaniꞌ! Jíníꞌ ni̱ꞌ ya̱ nsa̱ꞌá naanꞌ rán maa, suni sukuán rá te̱e néetiñu rán. 18Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ. 19Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán. 20Jee suni chuichí re̱ꞌ Cristo Jesús, ya̱ ñani ya̱chi̱ꞌ re̱ꞌ maa, sáva kuvi‑i ya̱ váꞌa nu̱u̱nꞌ ránoꞌó. 21Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ. 22Sukuán nkachiꞌ Moisés nu̱u̱nꞌ rá jííꞌ yanaꞌán‑ó:
Kani I̱toꞌoꞌ‑ó Ndiosíꞌ ɨɨn te̱e kuéntáꞌ nuꞌuꞌ, ya̱ nakani re̱ꞌ tu̱ꞌun kene yuꞌú Ndiosíꞌ.
Tavaꞌ re̱ꞌ te̱e vá nteñu ñaniꞌ rán jee kani re̱ꞌ maa.
Tɨɨn rán nɨꞌɨ ya̱ kachiꞌ re̱ꞌ nu̱u̱nꞌ rán.
23Jee ntáká ñɨvɨ nsáꞌ tɨɨn ráa tu̱ꞌun nakani te̱e vá ya̱ nakani tu̱ꞌun kene yuꞌú Ndiosíꞌ,
kɨ̱naanꞌ ráa, jee koo sɨ́ɨ́n ráa nu̱u̱nꞌ rá ñɨvɨ yɨ́ꞌɨ́ nu̱u̱nꞌ Ndiosíꞌ,
nkachiꞌ Moisés ne̱ tiempúꞌ nasɨ́kuitɨꞌ.
Jee suni nkachiꞌ Pedro:
24―Jee ntáká rá te̱e nna̱kani tu̱ꞌun nkene yuꞌú Ndiosíꞌ ne̱ rá ki̱vɨ̱ꞌ Samuel, jín ne̱ ichinúúnꞌ, jee ntáká ráa ya̱ nna̱kani ráa maa nste̱kútu̱ꞌún ya̱chi̱ꞌ ráa ya̱ koo rá ki̱vɨ̱ꞌ yaꞌá. 25Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ. 26Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2022, Wycliffe Bible Translators, Inc. All rights reserved.