LUG 10
10
Yeso laa jar ma wer ɓe wo hwal hwal renam ti ɓog sii wããre
1Blam sen Yeso raw far jar hwal hwal renam ti ɓog pa, raw lag rage wo pel ɓe ɓog ɓog ɓi leege wo de progren wo ɓuy, maga se de see ɓe se wo ge wo ni lay. 2Á raw riŋ rage ga : Coore ma we gen debaŋ, ama jar joŋre ɓen bay wo debaŋ wa. Wii we Pan payn ga á mo lag jar wer cooren wo le ni pa. 3Coʼ we sug ɓay. Ndi de laa nday wo doo weere sããre wo nono, maga wo wo laa ge yoo waybaan no. 4Hor we ndar solay doo wa, horge we ndar tigriŋ po doo wa, horge we taarag doo wa lay, lag we her jag ne jobo ti faage de maga nday de seege wo mo wa lay. 5Nday wo we laa ge ɓi tiŋ po no, wãã we taŋgu ga : tiŋ sen lam lag mo hay jam. 6Hayga bloo ma da jamn yaŋ de hayle ni no, ni wããre ɓay ma hã jam hay yaŋ ti ɓe, hayga bay we wa, ni wããre ɓay ma hã jamn fer yaŋ le ti ɓay lay. 7Lag we ɓi tiŋ sen ni, re we, jo we fẽẽre maga á hãn wo we mo ɓuy no, werga je joŋre de kããge ma daʼ poɗge ɓe no, yaɗ we ɓi tiŋ ma tigriŋ sar sar wa. 8Nday wo we laa ge ɓi leege po, jar ma ɓi leege sen yãã wo nday we no, re we fẽẽre maga á hãn wo we mono. 9Pẽɗ we jar cegè maga wo ɓi leege ni go, riŋ we jar ma ɓi leegen wo ga : twaywaŋ mani Baan kos we we go. 10Nday wo we laa ge ɓi leege po, day jar ma ɓi leege sen yãã we wo we ga no, ni nday laa we go ti faage, riŋ ra we ga : 11Wùr poɗ ɓurgi ma ɓi leege ɓay maga hay kaŋ ne wùr ɓaale we ne nday, ama mbe de sen ɓuy, ko we go an ga twaywaŋ mani Baan kos we go. 12Ndi de riŋ nday ga ti wur Cag ge Wããre maga Baa cagn ge, bon ma jar Sodom joŋ yaŋ ɗawa daŋ ma ɓi leege sen pa yaw.
Re ti jar maga day wo hã ɓil ɓaara ne Yeso ga mono
(Mat 11.20-24)
13Yeso raw ga : Re ti ɓay jar Koraseŋ, re ti ɓay jar Betsayda. Werga fẽẽre mbuɗgi maga ndi joŋ ni ɓay mo deŋ, mo hay joŋ we diŋ ɓi leege Tir wo de Sidoŋ no, á de hay lag wo yaŋ nen sir de õõbe ma de yugudgi ti nen sããge ɓaaɓaa ma kaŋ nen jar go ga saara coo ɗiggi ɓaara ma de ɓlaggen we de deele tigriŋ. 14Ama ti wur Cag ge Wããren, bon ma jar Tir wo de Sidoŋ joŋ wo yaŋ ɗawa daŋ ma ɓayn pa yaw. 15Yeso kal riŋ jar Kapernam wo ga nday ɗig bà yaŋ ga sir ɓay gẽẽ yaŋ wo ciŋ hãã daʼ ngel ma ciŋ no. Sir ɓay fer ge gesiŋ fer ge hãã nen wùu maga huu ga mo yaw.
16Yeso raw riŋ jar ma wer ɓen wo pa ga : Je maga coʼ sug wããre ɓay we, ni á coʼ diŋ sug wããre ɓi, je maga tob we we go, ni á tob go diŋ ndi. Day je maga tob ndi we go, ni á tob go diŋ je maga ɓoʼ me le mo lay no.
Jar ma hwal hwal renam ti ɓogn fer wo le go de fug ɓil fehe
17Jar ma hwal hwal renam ti ɓogn raw wo ferge le go de fug ɓil feh, raw wo ɗe Yeso ga : Waŋkluu, ko sõõre wo draʼ yãã wo jag wùr de maga wùr ruu ra we de ɗúu ɓo mono. 18Yeso raw ga : Ndi de raŋ nen deŋ, ndi ko la Manhúulí le ciŋ raw leʼ ge le gesiŋ deparday wriw doo sag ge Baa nono. 19Coʼ we sug ɓay ndi hã egre we we ma kaŋ ɓaale ti cwe wo de dáya, ti jar hee ɓay wo ɓuy, fen po joŋ we de ɓlagge ga hase. 20Ama fruy we diŋ ti maga sõõre yãã wo jag ɓay mo tawa wa, fruy we diŋ ti maga ɗúu ɓay le de yerge ciŋ mono.
Ɓil Yeso fug go fehe
(Mat 11.25-27; 13.16-17)
21Ti ngel sen ni tuuseŋ Nenterse ma bay ɗag raw fug ɓil Yeso go feh debaŋ, á raw wãã ge ga : Baba, Waŋ ma wãã re jar ma ciŋ wo de ma gesiŋ la ɓuy no, ndo yoŋ see ɓo go ga jar ma de ko ren wo de jar ma de had wer fẽẽren mo daʼ wo wer ɓo wa, day ndo raw naa nen see ɓo go diŋ ne kamliiri maga bay wo de ko re po wa has ɗa yaw so mono, ndi joŋ suseʼ mo ti se no. Baba, ndo joŋ doo sen diŋ werga á co jag ɓo ga ndo mo joŋ doo sen nono.
22Pan ɓi hã fẽẽren wo go me ɓuy, jobo bay de koge ga weln diŋ wo la wa, say de ko ge ɓe diŋ Pããben tawa, jobo bay de koge ga Pããben diŋ wo la wa lay, de ko ge ɓe diŋ weln wo de je maga weln kaŋ nen ɓe ti ɓe ga á mo kon mono.
23Yeso raw ngiɗ nen ti jar ma wer ɓen wo, raw riŋ rage go de see ɓaara tawa ga : Nday woo we wer nen ɓay ma ko re maga nday de ko ge ɓe mono. 24Coʼ we sug ɓay, ndi de riŋ we ge ga : jar ndar nen wããre Baa go wo, de waŋren wo debaŋ hay da wo we ga saara mo ko re maga nday de ko ge ɓe mono, ama á kon wo ga : á hay da wo we ga saara laa wer wããre maga nday de laa ge ɓe mono, ama á laan wo gà.
Jagjõõ ma de ngaɓge de je Samari ma de el no
25Ko la je ma pel jar had jar de wããre Baa raw urgi ciŋ ga se lam jag Yeso, á raw wiigi ɓe ga : Waŋ ndi mo joŋ joŋ ge ma kol ge go tenen caw tum ɓa? 26Yeso raw riŋgi ɓe ga : à de yerge ɓe nà gahãy? Ndo jaŋn day ndo laan nà gahãyne? 27Bloon raw ferge ne hẽn ga : Ndo mo da Baa Waŋkluu de jiili ɓo ɓuy, de see ɓo ɓuy, de egre ɓo ɓuy, de ɗiggi ɓo ɓuy, da kan ɓo je tabay doo see ɓo no lay no. 28Yeso raw ga : Ndo fer wããre ti ngel ɓe de el debaŋ, see joŋ ge doo sen ne so no, ni ndo fer yaŋ kol ge go tenen caw tum.
29Ama je ma pel jar had jar de wããre Baa raw kiɗgi ga se kneʼ wããre ma ɓen tigriŋ, á raw wii Yeso ga : kan ɓi je tabayn diŋ wose ne? 30Yeso raw ferge ne hẽn ga : bloo po ur le Jerusalem de woge Jeriko, á raw yiŋgi de jar leɗ faage wo, raw wo yãɗ fẽẽre ɓen wo go, mbar wo ne, raw wo men ge ɓe go nen húulí. 31Je siɗ jag raw hee ge ti faage ni, á wo ko ge ɓe mokay, á raw hee ge go kare. 32Je Lefid raw nduugi ti ngel ni lay, nen ɓe wo leʼ ge ne hẽn ti, á kal hee ge go kar lay. 33Ama je Samari de wo ge raŋ ge ɓe, raw day ge ti ngel sen ni, á wo ko ge ɓe mokay, á kal ko decoo nen ɓe debaŋ. 34Á raw age see ɓe, raw kag noo wo de yii ne hẽn nen wããgen wo, raw saɗ wããge ɓen wo ne hẽne, raw maŋge ɓe ti gerhẽẽ ɓe no, kal rawge de ɓe ɓoʼge ɓi tiŋ waare no, hay gor ge ɓe ni. 35Toŋ ɓe á raw hoo solay ɓog raw hãge ɓe ne je wãã re tiŋ waare no, kal riŋgi ɓe ga : ko el bloo sen mokay de ele, ndi wo we le ferge no, ni ndi poɗ mo yaŋ go ti fẽẽre ɓo maga ndo ray go ti re ɓe de daŋ sen mo ɓuy no. 36Yeso raw ga : Ndo ɗig ga yoo jar ma swaʼn wo mo taʼ, je maga jar leɗ faagen mbarn wo mo tiʼ, wose diŋ kan ɓe je tabay yoo ɓaara mo ne? 37Je ma pel jar had jar de wããre Baa la raw ga : Diŋ je maga ko decoo ɓe mono. Yeso kal riŋ gi ɓe ga : See wo joŋ ge doo sen no lay so.
Yeso wo liŋ ni Marta wo de Mari
38Yeso wo de seege de jar ma wer ɓen wo tiʼ i, á raw wo nduugi ɓi leege po, wãy po yaŋ ni à ɗen ga Marta, raw yãã ge ɓe le liŋ ni ɓe. 39Hẽn ɓe ma twãy yaŋ, ɗúu ɓe ga Mari, raw hay ɓen ɓaale Yeso coʼ sug wããre ɓe no. 40Ama ma Marta raw dawge go doo joŋre rege maga se de joŋge ɓe, á raw age le wii gi ɓe ga : Waŋkluu, ndo bay ɗig gi ti maga hẽn ɓin men me ti joŋre boŋ mo caw wa ge? Riŋ ne ga á mokay me lay. 41Yeso raw ɗe ge ɓe ga : Marta, Marta, ndo hãy see ɓo go ɗig ti fẽẽre debaŋ mo deŋ, ndo gay nà diŋ wer se no, 42ama mopo yaŋ boŋ maga daŋ go ɓuy, Mari maŋ fen se ma de el we, jobo kãã ma yãã ge ɓe go doo ɓe gà.
தற்சமயம் தேர்ந்தெடுக்கப்பட்டது:
LUG 10: TUP
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Tupuri Bible © Bible Society of Cameroon, 2016. All rights reserved.
LUG 10
10
Yeso laa jar ma wer ɓe wo hwal hwal renam ti ɓog sii wããre
1Blam sen Yeso raw far jar hwal hwal renam ti ɓog pa, raw lag rage wo pel ɓe ɓog ɓog ɓi leege wo de progren wo ɓuy, maga se de see ɓe se wo ge wo ni lay. 2Á raw riŋ rage ga : Coore ma we gen debaŋ, ama jar joŋre ɓen bay wo debaŋ wa. Wii we Pan payn ga á mo lag jar wer cooren wo le ni pa. 3Coʼ we sug ɓay. Ndi de laa nday wo doo weere sããre wo nono, maga wo wo laa ge yoo waybaan no. 4Hor we ndar solay doo wa, horge we ndar tigriŋ po doo wa, horge we taarag doo wa lay, lag we her jag ne jobo ti faage de maga nday de seege wo mo wa lay. 5Nday wo we laa ge ɓi tiŋ po no, wãã we taŋgu ga : tiŋ sen lam lag mo hay jam. 6Hayga bloo ma da jamn yaŋ de hayle ni no, ni wããre ɓay ma hã jam hay yaŋ ti ɓe, hayga bay we wa, ni wããre ɓay ma hã jamn fer yaŋ le ti ɓay lay. 7Lag we ɓi tiŋ sen ni, re we, jo we fẽẽre maga á hãn wo we mo ɓuy no, werga je joŋre de kããge ma daʼ poɗge ɓe no, yaɗ we ɓi tiŋ ma tigriŋ sar sar wa. 8Nday wo we laa ge ɓi leege po, jar ma ɓi leege sen yãã wo nday we no, re we fẽẽre maga á hãn wo we mono. 9Pẽɗ we jar cegè maga wo ɓi leege ni go, riŋ we jar ma ɓi leegen wo ga : twaywaŋ mani Baan kos we we go. 10Nday wo we laa ge ɓi leege po, day jar ma ɓi leege sen yãã we wo we ga no, ni nday laa we go ti faage, riŋ ra we ga : 11Wùr poɗ ɓurgi ma ɓi leege ɓay maga hay kaŋ ne wùr ɓaale we ne nday, ama mbe de sen ɓuy, ko we go an ga twaywaŋ mani Baan kos we go. 12Ndi de riŋ nday ga ti wur Cag ge Wããre maga Baa cagn ge, bon ma jar Sodom joŋ yaŋ ɗawa daŋ ma ɓi leege sen pa yaw.
Re ti jar maga day wo hã ɓil ɓaara ne Yeso ga mono
(Mat 11.20-24)
13Yeso raw ga : Re ti ɓay jar Koraseŋ, re ti ɓay jar Betsayda. Werga fẽẽre mbuɗgi maga ndi joŋ ni ɓay mo deŋ, mo hay joŋ we diŋ ɓi leege Tir wo de Sidoŋ no, á de hay lag wo yaŋ nen sir de õõbe ma de yugudgi ti nen sããge ɓaaɓaa ma kaŋ nen jar go ga saara coo ɗiggi ɓaara ma de ɓlaggen we de deele tigriŋ. 14Ama ti wur Cag ge Wããren, bon ma jar Tir wo de Sidoŋ joŋ wo yaŋ ɗawa daŋ ma ɓayn pa yaw. 15Yeso kal riŋ jar Kapernam wo ga nday ɗig bà yaŋ ga sir ɓay gẽẽ yaŋ wo ciŋ hãã daʼ ngel ma ciŋ no. Sir ɓay fer ge gesiŋ fer ge hãã nen wùu maga huu ga mo yaw.
16Yeso raw riŋ jar ma wer ɓen wo pa ga : Je maga coʼ sug wããre ɓay we, ni á coʼ diŋ sug wããre ɓi, je maga tob we we go, ni á tob go diŋ ndi. Day je maga tob ndi we go, ni á tob go diŋ je maga ɓoʼ me le mo lay no.
Jar ma hwal hwal renam ti ɓogn fer wo le go de fug ɓil fehe
17Jar ma hwal hwal renam ti ɓogn raw wo ferge le go de fug ɓil feh, raw wo ɗe Yeso ga : Waŋkluu, ko sõõre wo draʼ yãã wo jag wùr de maga wùr ruu ra we de ɗúu ɓo mono. 18Yeso raw ga : Ndi de raŋ nen deŋ, ndi ko la Manhúulí le ciŋ raw leʼ ge le gesiŋ deparday wriw doo sag ge Baa nono. 19Coʼ we sug ɓay ndi hã egre we we ma kaŋ ɓaale ti cwe wo de dáya, ti jar hee ɓay wo ɓuy, fen po joŋ we de ɓlagge ga hase. 20Ama fruy we diŋ ti maga sõõre yãã wo jag ɓay mo tawa wa, fruy we diŋ ti maga ɗúu ɓay le de yerge ciŋ mono.
Ɓil Yeso fug go fehe
(Mat 11.25-27; 13.16-17)
21Ti ngel sen ni tuuseŋ Nenterse ma bay ɗag raw fug ɓil Yeso go feh debaŋ, á raw wãã ge ga : Baba, Waŋ ma wãã re jar ma ciŋ wo de ma gesiŋ la ɓuy no, ndo yoŋ see ɓo go ga jar ma de ko ren wo de jar ma de had wer fẽẽren mo daʼ wo wer ɓo wa, day ndo raw naa nen see ɓo go diŋ ne kamliiri maga bay wo de ko re po wa has ɗa yaw so mono, ndi joŋ suseʼ mo ti se no. Baba, ndo joŋ doo sen diŋ werga á co jag ɓo ga ndo mo joŋ doo sen nono.
22Pan ɓi hã fẽẽren wo go me ɓuy, jobo bay de koge ga weln diŋ wo la wa, say de ko ge ɓe diŋ Pããben tawa, jobo bay de koge ga Pããben diŋ wo la wa lay, de ko ge ɓe diŋ weln wo de je maga weln kaŋ nen ɓe ti ɓe ga á mo kon mono.
23Yeso raw ngiɗ nen ti jar ma wer ɓen wo, raw riŋ rage go de see ɓaara tawa ga : Nday woo we wer nen ɓay ma ko re maga nday de ko ge ɓe mono. 24Coʼ we sug ɓay, ndi de riŋ we ge ga : jar ndar nen wããre Baa go wo, de waŋren wo debaŋ hay da wo we ga saara mo ko re maga nday de ko ge ɓe mono, ama á kon wo ga : á hay da wo we ga saara laa wer wããre maga nday de laa ge ɓe mono, ama á laan wo gà.
Jagjõõ ma de ngaɓge de je Samari ma de el no
25Ko la je ma pel jar had jar de wããre Baa raw urgi ciŋ ga se lam jag Yeso, á raw wiigi ɓe ga : Waŋ ndi mo joŋ joŋ ge ma kol ge go tenen caw tum ɓa? 26Yeso raw riŋgi ɓe ga : à de yerge ɓe nà gahãy? Ndo jaŋn day ndo laan nà gahãyne? 27Bloon raw ferge ne hẽn ga : Ndo mo da Baa Waŋkluu de jiili ɓo ɓuy, de see ɓo ɓuy, de egre ɓo ɓuy, de ɗiggi ɓo ɓuy, da kan ɓo je tabay doo see ɓo no lay no. 28Yeso raw ga : Ndo fer wããre ti ngel ɓe de el debaŋ, see joŋ ge doo sen ne so no, ni ndo fer yaŋ kol ge go tenen caw tum.
29Ama je ma pel jar had jar de wããre Baa raw kiɗgi ga se kneʼ wããre ma ɓen tigriŋ, á raw wii Yeso ga : kan ɓi je tabayn diŋ wose ne? 30Yeso raw ferge ne hẽn ga : bloo po ur le Jerusalem de woge Jeriko, á raw yiŋgi de jar leɗ faage wo, raw wo yãɗ fẽẽre ɓen wo go, mbar wo ne, raw wo men ge ɓe go nen húulí. 31Je siɗ jag raw hee ge ti faage ni, á wo ko ge ɓe mokay, á raw hee ge go kare. 32Je Lefid raw nduugi ti ngel ni lay, nen ɓe wo leʼ ge ne hẽn ti, á kal hee ge go kar lay. 33Ama je Samari de wo ge raŋ ge ɓe, raw day ge ti ngel sen ni, á wo ko ge ɓe mokay, á kal ko decoo nen ɓe debaŋ. 34Á raw age see ɓe, raw kag noo wo de yii ne hẽn nen wããgen wo, raw saɗ wããge ɓen wo ne hẽne, raw maŋge ɓe ti gerhẽẽ ɓe no, kal rawge de ɓe ɓoʼge ɓi tiŋ waare no, hay gor ge ɓe ni. 35Toŋ ɓe á raw hoo solay ɓog raw hãge ɓe ne je wãã re tiŋ waare no, kal riŋgi ɓe ga : ko el bloo sen mokay de ele, ndi wo we le ferge no, ni ndi poɗ mo yaŋ go ti fẽẽre ɓo maga ndo ray go ti re ɓe de daŋ sen mo ɓuy no. 36Yeso raw ga : Ndo ɗig ga yoo jar ma swaʼn wo mo taʼ, je maga jar leɗ faagen mbarn wo mo tiʼ, wose diŋ kan ɓe je tabay yoo ɓaara mo ne? 37Je ma pel jar had jar de wããre Baa la raw ga : Diŋ je maga ko decoo ɓe mono. Yeso kal riŋ gi ɓe ga : See wo joŋ ge doo sen no lay so.
Yeso wo liŋ ni Marta wo de Mari
38Yeso wo de seege de jar ma wer ɓen wo tiʼ i, á raw wo nduugi ɓi leege po, wãy po yaŋ ni à ɗen ga Marta, raw yãã ge ɓe le liŋ ni ɓe. 39Hẽn ɓe ma twãy yaŋ, ɗúu ɓe ga Mari, raw hay ɓen ɓaale Yeso coʼ sug wããre ɓe no. 40Ama ma Marta raw dawge go doo joŋre rege maga se de joŋge ɓe, á raw age le wii gi ɓe ga : Waŋkluu, ndo bay ɗig gi ti maga hẽn ɓin men me ti joŋre boŋ mo caw wa ge? Riŋ ne ga á mokay me lay. 41Yeso raw ɗe ge ɓe ga : Marta, Marta, ndo hãy see ɓo go ɗig ti fẽẽre debaŋ mo deŋ, ndo gay nà diŋ wer se no, 42ama mopo yaŋ boŋ maga daŋ go ɓuy, Mari maŋ fen se ma de el we, jobo kãã ma yãã ge ɓe go doo ɓe gà.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Tupuri Bible © Bible Society of Cameroon, 2016. All rights reserved.