मत्ति 2
2
नम्गे़तलामबाङ येसुमि ओहाङ ले़ःॽसिॽ लेम्बॽआ जोतिसिजि
1यहुदियाबेॽए हाङ्बा हेरोदमि पालोबेॽ, यहुदिया ठाउँमि बेथलेहेम खिम्डेमबेॽ येसु टोगा। नम्गे़तलामबाङ जोतिसिजि यरुसलेमबेॽ येसुमि ओहाङ ले़ःॽसिॽ योक्मानुङ लेस्सामि। 2माहाजिडे़ॽ इडोॽ लुसाङ याॽमिजि सिप्सुजि, “यहुदि जातिजिमि हाङ्बा लिनुङ टोक्पॽआ ओङे़क हाम्बेॽटे टुये ? इन्ढोङ्होङ कानिङे़ॽ खो टोक्पॽआ खामि चिङ्गा पिघुबा साङ्गे नम्गे़तलाम खाङ्डोक्इटुङ्मे मोडोगे़ॽ खोमि ओहाङ ले़ःॽसिॽ कानिङ इगोबेॽ लेङ्इटिङ्मे़।”
3इगो खा हाङ्बा हेरोदडे़ॽ खेम्नुङ खो किस्सिबुगानुङ यरुसलेमबेॽहा बेॽलो याॽमिजिसो किस्सिबुगामि। 4मोबा हेरोदडे़ॽ एप्पा याडाङ्बाजिनुङ यहुदि धारमिक खा इःॽखुबाजि के़ःॽनुङ इडोॽ लुसाङ सिप्सुजि, “खिरिस्ट हाम्बेॽ टोक्मा खे़ये ?” 5माहाजिडे़ॽ लुसुजि, “यहुदिया ठाउँमि बेथलेहेम खिम्डेमबेॽ टोक्मा खे़ये। इन्ढोङ्होङ अगमबक्ताडे़ॽ इडोॽ साप्पॽआ ले़हा।
6‘ए यहुदियामि बेथलेहेम,
हे़न हाइखा सहरमि रुम्बेॽ चइबानोॽ इमाङ खाबेॽसो ए़डेॽमा ले़ःॽनिबा,
इन्ढोङ्होङ हे़नबाङ इक्को हाङ्बा लिये,
मो हाङ्बे़ॽनोॽ काङ्मि इस्राएलबेॽहा जातिजि रच्छे ले़न्डुजे’।”#मिका ५:२
7मोबा हाङ्बा हेरोदडे़ॽ माहा जोतिसिजिरेॽ खुस्रिङ्मु चिक्खे़ॽनुङ साङ्गे इन्डोक्पेॽ खाङ्मुसे़, मो खा खोजिनुङ नुरोॽ सिम्नुङ पत्तो टिसु। 8मोबा हाङ्बा हेरोदडे़ॽ माहा जोतिसिजि इडोॽ लुनुङ बेथलेहेमलाम पाक्सुजि, “लो खडानिङे मो ओङे़क नुरोॽ योगानुमे। ओङे़क योक्टोक्नुङ ए़क्साङ कासो लम्बवाँ पिमाजे। कासो खोमि ओहाङ ले़ःॽसिॽ खे़ॽए़ङे।”
9मोडोॽ हाङ्बा हेरोदमि खा खेम्नुङ ए़क्साङ खोजि राम्बुगामि। रामबेॽ खे़ॽमे़ॽनिङ्सिमाबेॽ नम्गे़तलाम खाङ्मुबॽआ साङ्गे फेरि खोजिडे़ॽ खाङ्डोक्टुजि। मो साङ्गे खोजिमि पोम्बेॽ पोम्बेॽ खडा मोबा ओङे़क टुबॽआ सिधा मिन्डु पेना। 10मो साङ्गे खाङ्डोक्नुङ माहा जोतिसिजि सारोनोॽ साप्थाक्सामि।
11मोबा खोजि मो खिमहोङ्सिॽयु पे़खे़ॽनुङ खाङ्माबेॽ ओङे़क खोमि मामा मरियमनुङ खाङ्डोक्टुजि। उःक्युनुङ खोजिडे़ॽ ओङे़क सेवा मुसुजि। मोबा खोजिमि थैलि हेन्नुङ सुना, बेॽलो नाम्जानुहा धुपानुङ केवामि भेटि चेॽटिसुजि।
12मोबा ए़क्साङ माहा जोतिसिजि सेम्माङ्बेॽ “हागो हेरोदबेॽ हे़निङ टेनुङ ए़खडानिङे” लुबॽआसे़ॽ खोजि हाइको रामबाङ टाङ्बामि देस टेघडामि।
योसेफ खोम जहान चिक्मानुङ मिस्रा देस खे़ॽपॽआ
13माहा जोतिसिजि खे़ॽपेनुङ ए़क्साङ, परभु निवाहाङ्मि इक्को थाङ्सिरिदुत योसेफनुङ सेम्माङ्बेॽ खाङ्मुनुङ इडोॽ लुसु, “पुकडे ओङे़कनुङ खोम्मा चिक्मानुङ चान्डो मिस्रा देसबेॽ खे़ॽपेसे, हे़न के़ॽ फेरि आबे मे़लुरेॽलो मोबेॽनोॽ पेने। इन्ढोङ्होङ हाङ्बा हेरोदडे़ॽ इगो ओङे़क सेॽमामि योक्मे़ॽनिङ्सिन्डुए।”
14मोबा योसेफ पुके़ॽनुङ सेन्डानोॽ ओङे़कनुङ खोम्मा चिक्मानुङ मिस्रा देसबेॽ खे़ॽपेसा। 15मोबा हाङ्बा हेरोद मे़सिघे़ॽलो खोजि मोबेॽनोॽ पेनामि। अगमबक्ताडे़ॽ लुबॽआ खा इडोॽ पुरा लिसा, “के़ॽ टाङ्बामि पसा मिस्रा देसबाङ के़ःआप्टुङ।”#होसे ११:१
हाङ्बा हेरोदडे़ॽ बेथलेहेमबेॽहा नि निङ्हा चोप वडाङ्पसा ओङे़कजि सेॽनेमेॽपॽआ
16जोतिसिजिडे़ॽ खो रेम्आनुङ खे़ॽपेटामि लुमे खा हाङ्बा हेरोदडे़ॽ लेडोक्नुङ खो सुरिगे़ॽ पुम्डिॽखडा। साङ्गे खाङ्मुबॽआ खा जोतिसिजिबाङ लेडोक्पॽआसे़ॽ खोसे़ॽ खोमि तिरिङ्गाजि पाङ्नुङ बेथलेहेमनुङ मोमि किॽयु मिॽयु ठाउँबेॽहा निनिङ्नुङ मोबाङ पाक्लोॽहा वडाङ्पसा ओङे़कजि से़ॽनेमेॽटुजि। 17मोडोक्पेॽ यरमिया अगमबक्ताडे़ॽ लुबॽआ अगमबानि पुरा लिसा।
18“रामा लुमे ठाउँबेॽ हाःप्मा यिक्मानुङ बेॽए बिलौना
ले़ःॽमे़ॽनिङ्सिबॽआ खेम्मुसा,
राहेल टाङ्बामि ओङे़कजिमि लागि हाःप्मे़ॽनिङ्सिये।
खो असे़ॽसो ए़हाःप्ने लुनुङ योङ मे़उक्मेहेसुजि। इन्ढोङ्होङ खोमि चोप पसाजि सिघे़टामे।”#यरमिया ३१:१५
19हाङ्बा हेरोद सिघे़ॽनुङ ए़क्साङ, निवाहाङ्मि इक्को थाङ्सिरिदुत मिस्रा देसबेॽ योसेफनुङ सेम्माङ्बेॽ खाङ्मुसा, मोबा इडोॽ लुसु, 20“योसेफ पुकाडे, ओङे़कनुङ खोम्मा सोरि चिक्मानुङ इस्राएल देसबेॽ खाडे, ओङे़क सेॽनेमा योक्खुबा हागो सिघे़ॽपेटे़।” 21मोबा योसेफ पुके़ॽनुङ ओङे़कनुङ मोमि मामा चिक्मानुङ इस्राएल देसबेॽ टेघडा।
22तर यहुदिया ठाउँबेॽ हाङ्बा हेरोदमि साटो खोमपसा अरखिलाउस हाङ्बा लिटे़ लुमे खा लेडोक्नुङ योसेफ मोबेॽ खे़ॽमा किस्सिडा। मोबा फेरि सेम्माङ्बेॽ निवाहाङ्डे़ॽ ए़खे़ॽमानोॽ चुये लुबॽआसे़ॽ गालिललाम खोजि खडामि। 23मोबेॽ खे़ॽनुङ नासरत लुमे खिम्डेमबेॽ पेम्बुगा। इडोॽ अगमबक्ताडे़ॽ याक्लोएम्बाङ “खो नासरि लुये” लुबॽआ खा पुरा लिसा।
தற்சமயம் தேர்ந்தெடுக்கப்பட்டது:
मत्ति 2: YAMP
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023, Wycliffe Bible Translators, Inc. and Nepal Bible Society
मत्ति 2
2
नम्गे़तलामबाङ येसुमि ओहाङ ले़ःॽसिॽ लेम्बॽआ जोतिसिजि
1यहुदियाबेॽए हाङ्बा हेरोदमि पालोबेॽ, यहुदिया ठाउँमि बेथलेहेम खिम्डेमबेॽ येसु टोगा। नम्गे़तलामबाङ जोतिसिजि यरुसलेमबेॽ येसुमि ओहाङ ले़ःॽसिॽ योक्मानुङ लेस्सामि। 2माहाजिडे़ॽ इडोॽ लुसाङ याॽमिजि सिप्सुजि, “यहुदि जातिजिमि हाङ्बा लिनुङ टोक्पॽआ ओङे़क हाम्बेॽटे टुये ? इन्ढोङ्होङ कानिङे़ॽ खो टोक्पॽआ खामि चिङ्गा पिघुबा साङ्गे नम्गे़तलाम खाङ्डोक्इटुङ्मे मोडोगे़ॽ खोमि ओहाङ ले़ःॽसिॽ कानिङ इगोबेॽ लेङ्इटिङ्मे़।”
3इगो खा हाङ्बा हेरोदडे़ॽ खेम्नुङ खो किस्सिबुगानुङ यरुसलेमबेॽहा बेॽलो याॽमिजिसो किस्सिबुगामि। 4मोबा हेरोदडे़ॽ एप्पा याडाङ्बाजिनुङ यहुदि धारमिक खा इःॽखुबाजि के़ःॽनुङ इडोॽ लुसाङ सिप्सुजि, “खिरिस्ट हाम्बेॽ टोक्मा खे़ये ?” 5माहाजिडे़ॽ लुसुजि, “यहुदिया ठाउँमि बेथलेहेम खिम्डेमबेॽ टोक्मा खे़ये। इन्ढोङ्होङ अगमबक्ताडे़ॽ इडोॽ साप्पॽआ ले़हा।
6‘ए यहुदियामि बेथलेहेम,
हे़न हाइखा सहरमि रुम्बेॽ चइबानोॽ इमाङ खाबेॽसो ए़डेॽमा ले़ःॽनिबा,
इन्ढोङ्होङ हे़नबाङ इक्को हाङ्बा लिये,
मो हाङ्बे़ॽनोॽ काङ्मि इस्राएलबेॽहा जातिजि रच्छे ले़न्डुजे’।”#मिका ५:२
7मोबा हाङ्बा हेरोदडे़ॽ माहा जोतिसिजिरेॽ खुस्रिङ्मु चिक्खे़ॽनुङ साङ्गे इन्डोक्पेॽ खाङ्मुसे़, मो खा खोजिनुङ नुरोॽ सिम्नुङ पत्तो टिसु। 8मोबा हाङ्बा हेरोदडे़ॽ माहा जोतिसिजि इडोॽ लुनुङ बेथलेहेमलाम पाक्सुजि, “लो खडानिङे मो ओङे़क नुरोॽ योगानुमे। ओङे़क योक्टोक्नुङ ए़क्साङ कासो लम्बवाँ पिमाजे। कासो खोमि ओहाङ ले़ःॽसिॽ खे़ॽए़ङे।”
9मोडोॽ हाङ्बा हेरोदमि खा खेम्नुङ ए़क्साङ खोजि राम्बुगामि। रामबेॽ खे़ॽमे़ॽनिङ्सिमाबेॽ नम्गे़तलाम खाङ्मुबॽआ साङ्गे फेरि खोजिडे़ॽ खाङ्डोक्टुजि। मो साङ्गे खोजिमि पोम्बेॽ पोम्बेॽ खडा मोबा ओङे़क टुबॽआ सिधा मिन्डु पेना। 10मो साङ्गे खाङ्डोक्नुङ माहा जोतिसिजि सारोनोॽ साप्थाक्सामि।
11मोबा खोजि मो खिमहोङ्सिॽयु पे़खे़ॽनुङ खाङ्माबेॽ ओङे़क खोमि मामा मरियमनुङ खाङ्डोक्टुजि। उःक्युनुङ खोजिडे़ॽ ओङे़क सेवा मुसुजि। मोबा खोजिमि थैलि हेन्नुङ सुना, बेॽलो नाम्जानुहा धुपानुङ केवामि भेटि चेॽटिसुजि।
12मोबा ए़क्साङ माहा जोतिसिजि सेम्माङ्बेॽ “हागो हेरोदबेॽ हे़निङ टेनुङ ए़खडानिङे” लुबॽआसे़ॽ खोजि हाइको रामबाङ टाङ्बामि देस टेघडामि।
योसेफ खोम जहान चिक्मानुङ मिस्रा देस खे़ॽपॽआ
13माहा जोतिसिजि खे़ॽपेनुङ ए़क्साङ, परभु निवाहाङ्मि इक्को थाङ्सिरिदुत योसेफनुङ सेम्माङ्बेॽ खाङ्मुनुङ इडोॽ लुसु, “पुकडे ओङे़कनुङ खोम्मा चिक्मानुङ चान्डो मिस्रा देसबेॽ खे़ॽपेसे, हे़न के़ॽ फेरि आबे मे़लुरेॽलो मोबेॽनोॽ पेने। इन्ढोङ्होङ हाङ्बा हेरोदडे़ॽ इगो ओङे़क सेॽमामि योक्मे़ॽनिङ्सिन्डुए।”
14मोबा योसेफ पुके़ॽनुङ सेन्डानोॽ ओङे़कनुङ खोम्मा चिक्मानुङ मिस्रा देसबेॽ खे़ॽपेसा। 15मोबा हाङ्बा हेरोद मे़सिघे़ॽलो खोजि मोबेॽनोॽ पेनामि। अगमबक्ताडे़ॽ लुबॽआ खा इडोॽ पुरा लिसा, “के़ॽ टाङ्बामि पसा मिस्रा देसबाङ के़ःआप्टुङ।”#होसे ११:१
हाङ्बा हेरोदडे़ॽ बेथलेहेमबेॽहा नि निङ्हा चोप वडाङ्पसा ओङे़कजि सेॽनेमेॽपॽआ
16जोतिसिजिडे़ॽ खो रेम्आनुङ खे़ॽपेटामि लुमे खा हाङ्बा हेरोदडे़ॽ लेडोक्नुङ खो सुरिगे़ॽ पुम्डिॽखडा। साङ्गे खाङ्मुबॽआ खा जोतिसिजिबाङ लेडोक्पॽआसे़ॽ खोसे़ॽ खोमि तिरिङ्गाजि पाङ्नुङ बेथलेहेमनुङ मोमि किॽयु मिॽयु ठाउँबेॽहा निनिङ्नुङ मोबाङ पाक्लोॽहा वडाङ्पसा ओङे़कजि से़ॽनेमेॽटुजि। 17मोडोक्पेॽ यरमिया अगमबक्ताडे़ॽ लुबॽआ अगमबानि पुरा लिसा।
18“रामा लुमे ठाउँबेॽ हाःप्मा यिक्मानुङ बेॽए बिलौना
ले़ःॽमे़ॽनिङ्सिबॽआ खेम्मुसा,
राहेल टाङ्बामि ओङे़कजिमि लागि हाःप्मे़ॽनिङ्सिये।
खो असे़ॽसो ए़हाःप्ने लुनुङ योङ मे़उक्मेहेसुजि। इन्ढोङ्होङ खोमि चोप पसाजि सिघे़टामे।”#यरमिया ३१:१५
19हाङ्बा हेरोद सिघे़ॽनुङ ए़क्साङ, निवाहाङ्मि इक्को थाङ्सिरिदुत मिस्रा देसबेॽ योसेफनुङ सेम्माङ्बेॽ खाङ्मुसा, मोबा इडोॽ लुसु, 20“योसेफ पुकाडे, ओङे़कनुङ खोम्मा सोरि चिक्मानुङ इस्राएल देसबेॽ खाडे, ओङे़क सेॽनेमा योक्खुबा हागो सिघे़ॽपेटे़।” 21मोबा योसेफ पुके़ॽनुङ ओङे़कनुङ मोमि मामा चिक्मानुङ इस्राएल देसबेॽ टेघडा।
22तर यहुदिया ठाउँबेॽ हाङ्बा हेरोदमि साटो खोमपसा अरखिलाउस हाङ्बा लिटे़ लुमे खा लेडोक्नुङ योसेफ मोबेॽ खे़ॽमा किस्सिडा। मोबा फेरि सेम्माङ्बेॽ निवाहाङ्डे़ॽ ए़खे़ॽमानोॽ चुये लुबॽआसे़ॽ गालिललाम खोजि खडामि। 23मोबेॽ खे़ॽनुङ नासरत लुमे खिम्डेमबेॽ पेम्बुगा। इडोॽ अगमबक्ताडे़ॽ याक्लोएम्बाङ “खो नासरि लुये” लुबॽआ खा पुरा लिसा।
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023, Wycliffe Bible Translators, Inc. and Nepal Bible Society