Luke 12
12
Sekaukali nakipukipu naFarasi
(Mat 10.26-27)
1Simaka ma simaka nakama emumui aꞌe Jesus. Kena alakama ekaꞌa iluna nakapuae alakama. Ko Jesus ikakala aꞌe nakama kaukali aia la, “Lolosi hamakonu ke{iist} kela naFarasi la. Ala nikama kakala uhiuhi oia.
2“Namea hakoa kela ehunaa lia mehuli aꞌe. Ia namea kela eꞌuhi, melavea lia oia. 3Nakakala kela okou ekakala kepo, meilavea lia keao. Ia nakakala kela okou ekakala hasemuu iloko hale, mehaꞌali lia imaka hale.”
Makaꞌu Keakua soia
4Kena iko Jesus ime aꞌe nakama la, “Ausoa, anau eme aku isemakaꞌu nakama. Nakama la elavaa kekaa okou imake, ia imuli selavaa keꞌave okou i keꞌina kehalono lihu la. 5Anau mehaꞌali aku okou kekama kela okou ikau kemakaꞌu. Okou imakaꞌu kekama kela elavaa kekaa okou nomake, kena eisi namahi aia kelakua okou iloko keꞌina keahi la. Hamaoni, okou ekau kemakaꞌu kama la.
6“Sasileni esui elima nalupe. Ia Keakua sesili hia kaulima la. 7Naola okou elaꞌa iluna nalupe komaꞌi. Keakua emakino keꞌoina naloulu napohoulu okou. Kena okou isemakaꞌu, maikinimea naola okou nimea elahi i namaisu Keakua, elaꞌa iluna ma nalupe la.
Okou isenapa Jesus
(Mat 10.32-33; 12.32; 10.19-20)
8“Anau eme aku okou. Poi hekama ekakala aꞌe imua namaisu keonohenua pela aia ehakina anau, kena anau*f11* meme aꞌe imua namaisu na{enselo} Keakua pela kama la hekama kaukali anau. 9Ia poi hekama ekakala imua keonohenua la pela aia sehakina anau, anau meme aꞌe imua na{enselo} Keakua la pela kama la sehikama kaukali anau.
10“Keakua elavaa kehaialoha nakama kela ekakala hasaꞌino {kama ekipu kama}. Ia poi hekama ekakala hasaꞌino Keanana Kapu, Keakua selavaa kehaialoha kama la.
11“Alakama meihakaꞌi okou iloko nahale loku, ia imua nakama hamakua ma alakama hananiu, ihakonukonu lia okou. Ia okou sehakekele hea okou meikakala, ia sehakekele kesui aꞌe nakakala lakou. 12Keualoko okou ekuu imua nakama la, Keanana Kapu meiaoaꞌo aku okou hea okou meikakala la.”
Kama haimemoꞌu evale
13Kela hekama iloko keonohenua la eme aꞌe Jesus, “Rabai, me aꞌe kaina anau la ivavae namemoꞌu maua la.”
14Ko Jesus ime aꞌe kama la, “Oai kekama ekini anau ivavae aku namemoꞌu olua na?” 15Kena ko Jesus ime aꞌe nakama la, “Lolosi hamakonu. Okou isemanaꞌo. Niaina hekama haimemoꞌu, namela meselavaa kemea keola aia la iꞌakoa.”
16Kena ko Jesus ikakala aꞌe kakala hulihuli nei, “Kela hekama ehaimemoꞌu. Naꞌai kama la esomo kaualeꞌa. 17Kena kama la ehakaꞌoko soia, ‘Anau meimea pehe? Anau sehihale ihakau naꞌai anau nei.’
18“Kena iko kama la ime aꞌe, ‘Anau makino hea anau meipena. Anau meiseu nahale soliꞌi anau nei, kena uhakuu nihale elahi ihakau naꞌai ia ma naheheaꞌu anau nei. 19Kena anau mekakala sonau pela nahale anau la upii ma naheheaꞌu ia ma naꞌai. Anau unoho kauꞌai, kauunu, ia kena mehamalolo komaꞌi nahekau.’
20“Ia Keakua eme aꞌe kama la, ‘Aꞌoe evale oia. Kepo nei anau meko keola aꞌoe la ikaha. Kena alakama meko naheheaꞌu aꞌoe na.’
21“Nakakala nei ehuli aku nakipukipu nakama kela epula mahi namea la hakoa ma lakou, ia sehimea kaualeꞌa i namaisu Keakua.”
Ko Keakua ihamakua naola okou
(Mat 6.25-34)
22Kena Jesus eme aꞌe nakama kaukali aia la, “Anau eme aku okou isehakaꞌoko maha naola okou. Okou isehakekele naꞌai okou meꞌai la. Ia okou isehakekele napamalo okou meleleu na hoi. 23Keola kekama elaꞌa iluna naꞌai. Ia kinokama elaꞌa iluna napamalo. 24Ila aꞌe naivi la. Namanu la sekoli naꞌai lakou, ia sehihale kehaꞌuku naꞌai la. Ia Keakua ehanai namanu la. Ia naola okou elaꞌa iluna namanu la.
25“Niaina hekama ehakekele mahi keola aia, kama la meselavaa kehanuu keola aia la iloloa, ia selavaa kehapaa aꞌe keaho hokahi. 26Okou selavaa kepena kemea hainahie la. Ia kena okou sekau kehakekele ikepena alamea hoi.
27“Ila aꞌe naꞌauke esomo la. Namea la esomo oia, sehai namahi lakou ikaualeꞌa. Ia anau eme aku okou, napamalo kaualeꞌa kekuꞌu Solomon la sehamanaꞌo poi naꞌauke la.
28“Keakua ehalalaꞌei naꞌauke iloko malae la. Keaho nei naꞌauke naveve la eola, ia kaiao umake, kena meilakua iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.
29“Okou isehakaꞌoko kahi hea okou meiꞌai ma hea okou meiunu. Okou isehakekele maha namea na. 30Nakama naonohenua kemaalama nei hakoa ehakekele maha namea na. Ia Kamana okou la namakino avale hea okou hihai. 31Emeia okou ihakekele maha pela Keakua mehamakua naola okou. Ia kena kama la meihoꞌi aku namea la hakoa.
Okou sehakina namoni
(Mat 6.19-21)
32“Anau melolosi okou poi hekama elolosi napunua {sipisipi} aia. Kena okou isemakaꞌu. Maikinimea Kamana okou la hihai iau aku kenoholana aia la ma okou. 33Au aꞌe naheheaꞌu okou isui alakama, kena hoꞌi aꞌe namoni la i nakama haaloha. Ia kena okou meiko namuliopu moni kela selavaa kekuai. Ia namea kaualeꞌa okou i kevaelani meselavaa keoki. Nakama ailalao selavaa kekae keꞌina la. Ia selavaa nalolona keꞌai namalo la. 34Okou meihakaꞌoko kahi keꞌina kela okou mehakau naheheaꞌu kaualeꞌa okou la.
Kanakana kahi
35“Okou ikanakana kehamai {kama ekipu kama}. Ehau poi nakama heheaꞌu la kela ekaakaꞌi napamalo lakou imau, ia haula naahi hakua lakou la iula.
36“Okou ehau poi nakama heheaꞌu kela enoho kali kama hamakua lakou la. Kama la uvaꞌai mai keꞌai keꞌavana. Ia keualoko kama la nikikili kokoꞌa, nakama la ekalaꞌi hua kokoꞌa la. 37Kaualeꞌa pela kama hamakua la mehamai noꞌike nakama la kanakana, kena inoho kali aꞌe aia. Anau eme aku kehamaoni. Kama hamakua la meme aꞌe nakama heheaꞌu aia la inoho ilalo, kena ivavae aꞌe naꞌai nakama la iꞌai. 38Ia niaina kama hamakua la uvaꞌai i hale kuapo, kaualeꞌa pela kama la melave nakama la ukanakana.
39“Okou emakino, pena kekama hamakua kehale umakino pela kekama ailalao la mehamai, kena kama hamakua la melolosi laoi kehale aia la, aoki kama ailalao la mehaa kehale la noailalao. 40Kena okou ikanakana pela hoi. Maikinimea {kama ekipu kama} mevaꞌai mai keualoko okou sehakaꞌoko pela aia meivaꞌai mai.”
Oai kekama heheaꞌu ehalono hamaoni?
(Mat 24.45-51)
41Kena Peter eme aꞌe, “Kealiꞌi, aꞌoe eme mai makou somakou kakala hulihuli la? Ma aꞌoe ekakala aꞌe nakama hakoa nakakala la?”
42Ko Kealiꞌi ime aꞌe, “Pena hekama heheaꞌu eakamai, kama la mehalono kahi nakakala kama hamakua aia. Kekama hamakua la ehakina kekama heheaꞌu aia la ilolosi alakama heheaꞌu, novavae aꞌe naꞌai lakou keaho ma keaho. 43Kaualeꞌa pela kama hamakua aia la ehamai nolave kama heheaꞌu la elolosi nakama la. 44Anau eme aku kehamaoni. Kama hamakua la meikini kama heheaꞌu la nololosi namea aia la hakoa.
45“Ia pena kekama heheaꞌu la esaꞌino, kama la meihakaꞌoko pela kama hamakua aia la meinase. Kena kama la meilili kia alakama heheaꞌu la, nakanaka ma nahine, kena meiꞌai ia meiunu novale. 46Kena kama hamakua aia la meihamai, kulana kama heheaꞌu saꞌino la seikanakana, ia seiailoa keualoko kama la meihamai. Kena kama hamakua la melili haeꞌo kia kama saꞌino la, kena ihaise kama la ikaha, nonoho ma nakama kela sehakina Keakua.
47“Ia poi hekama heheaꞌu eailoa hea kama hamakua aia la hihai, ia sekanakana nopena hea kama la hihai. Kena kama hamakua la melili haeꞌo kia kama heheaꞌu aia la. 48Ia alakama heheaꞌu amesemakino hea kama hamakua lakou la hihai, ia kena ipena namea saꞌino, ikau kehalono lihu. Ia nakama la meselili kia avale.
“Poi hekama eko komaꞌi namea, alakama meme aꞌe kama la ivavae aꞌe namea la. Ia poi hekama elolosi komaꞌi namea, alakama meainoa aꞌe kama la komaꞌi namea hoi.”
Jesus mehavaꞌee nakama
(Mat 10.34-36)
49Kena Jesus eme aꞌe, “Anau ehamai nohaꞌaa keahi iloko kemaalama nei. Ia kena anau ehihai pela keahi la meula mai. 50Anau mehalono lihu haeꞌo. Ia anau mekipuaina, hanokae keualoko kehalono lihu la meoki.
51“Okou isehakaꞌoko pela anau ehamai nokonaꞌi nakama kemaalama nei hakoa inoho laoi. Emeia anau ehamai nohavaꞌee nakama kemaalama nei.*f12* 52Koalima iloko haimakua hokahi meihavavaꞌee; koꞌokolu meihavaꞌee ikaha ma koꞌolua, ia koꞌolua la meihavaꞌee ikaha ma koꞌokolu la. 53Kamana mehavaꞌee ikaha ma kamakane aia la. Ia kamakane la mehavaꞌee ikaha ma kamana aia la. Kina mehavaꞌee ikaha ma kamahine aia la. Ia kamahine la mehavaꞌee ikaha ma kina aia la. Kehine mehavaꞌee ikaha ma hinaona aia la. Ia kama hine la mehavaꞌee ikaha ma hinaona hine aia la.”
Makino hea mehuli aꞌe
(Mat 16.2-3)
54Kena iko Jesus ime aꞌe keonohenua la, “Keualoko okou meiꞌike napuleulehu ania mai kelaꞌi, okou meimea pela kapili keua uloꞌu, ia keua la meloꞌu. 55Keualoko okou nilono kemakani la nimaniani mai keꞌupu, okou memea pela keaho la meivela, ia keaho la uvela. 56Ia okou ekakala uhiuhi. Okou emakino laoi namea kela okou eꞌike i kemaalama nei ia ma kevaelani. Okea okou semakino namea kela ehuli aku vahonei?
Hakonu aꞌoe soꞌoe
(Mat 5.25-26)
57“Okea okou sehakonu soꞌokou ikonu? 58Poi hekama ehakaukau ma aꞌoe, kena aꞌoe ihapoꞌi olua, imua olua amekae keꞌina hakonukonu la. Aoki kama la meau aꞌe aꞌoe i kekama hakonukonu la, kena kama la meau aꞌe aꞌoe i napulepule la ipono aꞌoe iloko kelokapu. 59Anau eme aku, aꞌoe meselavaa kesao ikaha ma kelokapu la, ame aꞌoe sesui muli namea la hakoa.”
தற்சமயம் தேர்ந்தெடுக்கப்பட்டது:
Luke 12: ojv
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 1999, Wycliffe Bible Translators, Inc. All rights reserved.
Luke 12
12
Sekaukali nakipukipu naFarasi
(Mat 10.26-27)
1Simaka ma simaka nakama emumui aꞌe Jesus. Kena alakama ekaꞌa iluna nakapuae alakama. Ko Jesus ikakala aꞌe nakama kaukali aia la, “Lolosi hamakonu ke{iist} kela naFarasi la. Ala nikama kakala uhiuhi oia.
2“Namea hakoa kela ehunaa lia mehuli aꞌe. Ia namea kela eꞌuhi, melavea lia oia. 3Nakakala kela okou ekakala kepo, meilavea lia keao. Ia nakakala kela okou ekakala hasemuu iloko hale, mehaꞌali lia imaka hale.”
Makaꞌu Keakua soia
4Kena iko Jesus ime aꞌe nakama la, “Ausoa, anau eme aku isemakaꞌu nakama. Nakama la elavaa kekaa okou imake, ia imuli selavaa keꞌave okou i keꞌina kehalono lihu la. 5Anau mehaꞌali aku okou kekama kela okou ikau kemakaꞌu. Okou imakaꞌu kekama kela elavaa kekaa okou nomake, kena eisi namahi aia kelakua okou iloko keꞌina keahi la. Hamaoni, okou ekau kemakaꞌu kama la.
6“Sasileni esui elima nalupe. Ia Keakua sesili hia kaulima la. 7Naola okou elaꞌa iluna nalupe komaꞌi. Keakua emakino keꞌoina naloulu napohoulu okou. Kena okou isemakaꞌu, maikinimea naola okou nimea elahi i namaisu Keakua, elaꞌa iluna ma nalupe la.
Okou isenapa Jesus
(Mat 10.32-33; 12.32; 10.19-20)
8“Anau eme aku okou. Poi hekama ekakala aꞌe imua namaisu keonohenua pela aia ehakina anau, kena anau*f11* meme aꞌe imua namaisu na{enselo} Keakua pela kama la hekama kaukali anau. 9Ia poi hekama ekakala imua keonohenua la pela aia sehakina anau, anau meme aꞌe imua na{enselo} Keakua la pela kama la sehikama kaukali anau.
10“Keakua elavaa kehaialoha nakama kela ekakala hasaꞌino {kama ekipu kama}. Ia poi hekama ekakala hasaꞌino Keanana Kapu, Keakua selavaa kehaialoha kama la.
11“Alakama meihakaꞌi okou iloko nahale loku, ia imua nakama hamakua ma alakama hananiu, ihakonukonu lia okou. Ia okou sehakekele hea okou meikakala, ia sehakekele kesui aꞌe nakakala lakou. 12Keualoko okou ekuu imua nakama la, Keanana Kapu meiaoaꞌo aku okou hea okou meikakala la.”
Kama haimemoꞌu evale
13Kela hekama iloko keonohenua la eme aꞌe Jesus, “Rabai, me aꞌe kaina anau la ivavae namemoꞌu maua la.”
14Ko Jesus ime aꞌe kama la, “Oai kekama ekini anau ivavae aku namemoꞌu olua na?” 15Kena ko Jesus ime aꞌe nakama la, “Lolosi hamakonu. Okou isemanaꞌo. Niaina hekama haimemoꞌu, namela meselavaa kemea keola aia la iꞌakoa.”
16Kena ko Jesus ikakala aꞌe kakala hulihuli nei, “Kela hekama ehaimemoꞌu. Naꞌai kama la esomo kaualeꞌa. 17Kena kama la ehakaꞌoko soia, ‘Anau meimea pehe? Anau sehihale ihakau naꞌai anau nei.’
18“Kena iko kama la ime aꞌe, ‘Anau makino hea anau meipena. Anau meiseu nahale soliꞌi anau nei, kena uhakuu nihale elahi ihakau naꞌai ia ma naheheaꞌu anau nei. 19Kena anau mekakala sonau pela nahale anau la upii ma naheheaꞌu ia ma naꞌai. Anau unoho kauꞌai, kauunu, ia kena mehamalolo komaꞌi nahekau.’
20“Ia Keakua eme aꞌe kama la, ‘Aꞌoe evale oia. Kepo nei anau meko keola aꞌoe la ikaha. Kena alakama meko naheheaꞌu aꞌoe na.’
21“Nakakala nei ehuli aku nakipukipu nakama kela epula mahi namea la hakoa ma lakou, ia sehimea kaualeꞌa i namaisu Keakua.”
Ko Keakua ihamakua naola okou
(Mat 6.25-34)
22Kena Jesus eme aꞌe nakama kaukali aia la, “Anau eme aku okou isehakaꞌoko maha naola okou. Okou isehakekele naꞌai okou meꞌai la. Ia okou isehakekele napamalo okou meleleu na hoi. 23Keola kekama elaꞌa iluna naꞌai. Ia kinokama elaꞌa iluna napamalo. 24Ila aꞌe naivi la. Namanu la sekoli naꞌai lakou, ia sehihale kehaꞌuku naꞌai la. Ia Keakua ehanai namanu la. Ia naola okou elaꞌa iluna namanu la.
25“Niaina hekama ehakekele mahi keola aia, kama la meselavaa kehanuu keola aia la iloloa, ia selavaa kehapaa aꞌe keaho hokahi. 26Okou selavaa kepena kemea hainahie la. Ia kena okou sekau kehakekele ikepena alamea hoi.
27“Ila aꞌe naꞌauke esomo la. Namea la esomo oia, sehai namahi lakou ikaualeꞌa. Ia anau eme aku okou, napamalo kaualeꞌa kekuꞌu Solomon la sehamanaꞌo poi naꞌauke la.
28“Keakua ehalalaꞌei naꞌauke iloko malae la. Keaho nei naꞌauke naveve la eola, ia kaiao umake, kena meilakua iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.
29“Okou isehakaꞌoko kahi hea okou meiꞌai ma hea okou meiunu. Okou isehakekele maha namea na. 30Nakama naonohenua kemaalama nei hakoa ehakekele maha namea na. Ia Kamana okou la namakino avale hea okou hihai. 31Emeia okou ihakekele maha pela Keakua mehamakua naola okou. Ia kena kama la meihoꞌi aku namea la hakoa.
Okou sehakina namoni
(Mat 6.19-21)
32“Anau melolosi okou poi hekama elolosi napunua {sipisipi} aia. Kena okou isemakaꞌu. Maikinimea Kamana okou la hihai iau aku kenoholana aia la ma okou. 33Au aꞌe naheheaꞌu okou isui alakama, kena hoꞌi aꞌe namoni la i nakama haaloha. Ia kena okou meiko namuliopu moni kela selavaa kekuai. Ia namea kaualeꞌa okou i kevaelani meselavaa keoki. Nakama ailalao selavaa kekae keꞌina la. Ia selavaa nalolona keꞌai namalo la. 34Okou meihakaꞌoko kahi keꞌina kela okou mehakau naheheaꞌu kaualeꞌa okou la.
Kanakana kahi
35“Okou ikanakana kehamai {kama ekipu kama}. Ehau poi nakama heheaꞌu la kela ekaakaꞌi napamalo lakou imau, ia haula naahi hakua lakou la iula.
36“Okou ehau poi nakama heheaꞌu kela enoho kali kama hamakua lakou la. Kama la uvaꞌai mai keꞌai keꞌavana. Ia keualoko kama la nikikili kokoꞌa, nakama la ekalaꞌi hua kokoꞌa la. 37Kaualeꞌa pela kama hamakua la mehamai noꞌike nakama la kanakana, kena inoho kali aꞌe aia. Anau eme aku kehamaoni. Kama hamakua la meme aꞌe nakama heheaꞌu aia la inoho ilalo, kena ivavae aꞌe naꞌai nakama la iꞌai. 38Ia niaina kama hamakua la uvaꞌai i hale kuapo, kaualeꞌa pela kama la melave nakama la ukanakana.
39“Okou emakino, pena kekama hamakua kehale umakino pela kekama ailalao la mehamai, kena kama hamakua la melolosi laoi kehale aia la, aoki kama ailalao la mehaa kehale la noailalao. 40Kena okou ikanakana pela hoi. Maikinimea {kama ekipu kama} mevaꞌai mai keualoko okou sehakaꞌoko pela aia meivaꞌai mai.”
Oai kekama heheaꞌu ehalono hamaoni?
(Mat 24.45-51)
41Kena Peter eme aꞌe, “Kealiꞌi, aꞌoe eme mai makou somakou kakala hulihuli la? Ma aꞌoe ekakala aꞌe nakama hakoa nakakala la?”
42Ko Kealiꞌi ime aꞌe, “Pena hekama heheaꞌu eakamai, kama la mehalono kahi nakakala kama hamakua aia. Kekama hamakua la ehakina kekama heheaꞌu aia la ilolosi alakama heheaꞌu, novavae aꞌe naꞌai lakou keaho ma keaho. 43Kaualeꞌa pela kama hamakua aia la ehamai nolave kama heheaꞌu la elolosi nakama la. 44Anau eme aku kehamaoni. Kama hamakua la meikini kama heheaꞌu la nololosi namea aia la hakoa.
45“Ia pena kekama heheaꞌu la esaꞌino, kama la meihakaꞌoko pela kama hamakua aia la meinase. Kena kama la meilili kia alakama heheaꞌu la, nakanaka ma nahine, kena meiꞌai ia meiunu novale. 46Kena kama hamakua aia la meihamai, kulana kama heheaꞌu saꞌino la seikanakana, ia seiailoa keualoko kama la meihamai. Kena kama hamakua la melili haeꞌo kia kama saꞌino la, kena ihaise kama la ikaha, nonoho ma nakama kela sehakina Keakua.
47“Ia poi hekama heheaꞌu eailoa hea kama hamakua aia la hihai, ia sekanakana nopena hea kama la hihai. Kena kama hamakua la melili haeꞌo kia kama heheaꞌu aia la. 48Ia alakama heheaꞌu amesemakino hea kama hamakua lakou la hihai, ia kena ipena namea saꞌino, ikau kehalono lihu. Ia nakama la meselili kia avale.
“Poi hekama eko komaꞌi namea, alakama meme aꞌe kama la ivavae aꞌe namea la. Ia poi hekama elolosi komaꞌi namea, alakama meainoa aꞌe kama la komaꞌi namea hoi.”
Jesus mehavaꞌee nakama
(Mat 10.34-36)
49Kena Jesus eme aꞌe, “Anau ehamai nohaꞌaa keahi iloko kemaalama nei. Ia kena anau ehihai pela keahi la meula mai. 50Anau mehalono lihu haeꞌo. Ia anau mekipuaina, hanokae keualoko kehalono lihu la meoki.
51“Okou isehakaꞌoko pela anau ehamai nokonaꞌi nakama kemaalama nei hakoa inoho laoi. Emeia anau ehamai nohavaꞌee nakama kemaalama nei.*f12* 52Koalima iloko haimakua hokahi meihavavaꞌee; koꞌokolu meihavaꞌee ikaha ma koꞌolua, ia koꞌolua la meihavaꞌee ikaha ma koꞌokolu la. 53Kamana mehavaꞌee ikaha ma kamakane aia la. Ia kamakane la mehavaꞌee ikaha ma kamana aia la. Kina mehavaꞌee ikaha ma kamahine aia la. Ia kamahine la mehavaꞌee ikaha ma kina aia la. Kehine mehavaꞌee ikaha ma hinaona aia la. Ia kama hine la mehavaꞌee ikaha ma hinaona hine aia la.”
Makino hea mehuli aꞌe
(Mat 16.2-3)
54Kena iko Jesus ime aꞌe keonohenua la, “Keualoko okou meiꞌike napuleulehu ania mai kelaꞌi, okou meimea pela kapili keua uloꞌu, ia keua la meloꞌu. 55Keualoko okou nilono kemakani la nimaniani mai keꞌupu, okou memea pela keaho la meivela, ia keaho la uvela. 56Ia okou ekakala uhiuhi. Okou emakino laoi namea kela okou eꞌike i kemaalama nei ia ma kevaelani. Okea okou semakino namea kela ehuli aku vahonei?
Hakonu aꞌoe soꞌoe
(Mat 5.25-26)
57“Okea okou sehakonu soꞌokou ikonu? 58Poi hekama ehakaukau ma aꞌoe, kena aꞌoe ihapoꞌi olua, imua olua amekae keꞌina hakonukonu la. Aoki kama la meau aꞌe aꞌoe i kekama hakonukonu la, kena kama la meau aꞌe aꞌoe i napulepule la ipono aꞌoe iloko kelokapu. 59Anau eme aku, aꞌoe meselavaa kesao ikaha ma kelokapu la, ame aꞌoe sesui muli namea la hakoa.”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 1999, Wycliffe Bible Translators, Inc. All rights reserved.