Kejadian 6
6
Weik mekwen deibukce, tukwak mutuku nirya, dibuk yupu
1Tukwak ninye pia weik upnin balamik talak ara, sik kilmapu weik delilamik. 2‘Allah ara, weik mambule’ tenen, el tam diksukum ulamik nang arye, yuk talye nang arye, delilamik kilmapu dililamikce, ‘Se, akilapu ara, pia teleb kilapu,’ tenelamikce, sik patalamuk kilapu uk, talye alubuka dolalamik. 3Winibuka winilamikba, Allah el si Yahweh arye, nyabuk. “Kume, na Dib Kanye arye, ninye tukwak ninye ati, “Winiplulum, winiplulume,” nyabuka, pia pi dobuka pil kum donamle. Tukwak ninye nirya ara, dipna atonunuk unyake. Sik keting tamun ara, yupa weik, 120 tahun kipnamle,” nyabuk.
4Atalak ara, sik nong konoba kouku nelamik mutuku nang, Nepilim mutuku nang ton, amutuku-amutuku nirya ulamik. Ara, Allah el tam nang arye, talye ninguk winilamik ninye, sik kilmapu dam binuka dolamikce, neika ulamikba, mapu delilamik talak ati nyapne. Tonda, aminyan talak ton tukwak mutuku ulamik. Yuk talye ninye nirya arye, sik nong weik nelamik nang, sik Nepilim mutuku nang ati, ‘Se, sikda weik konoba nang unyake,’ tenelamikce, anang ulamik ning ati, nukna yupu weik nyalalamik.
5Ninye tukwak mutuku-mutuku nirya arye, sik kanye talima pum tam tenelamik ning nirya, pia malyeuk winilamik. Atalak-atalak nirya, teleb ning tenena kum diparyuk, pia malye ninguk tenebuka patalamukba, malye-malye pia weik winipnin balamik. Malyeuk winilamik ning ara, Allah el si Yahweh arye dipdeyukce, bikamuk.
6Aning bikamukce, ‘Se, ninye tukwak mutuku noutamak kwepdeipse ara, pia malye upse,’ tenebukce, el talima bouku sukubukba, malye kanye bobukce, nyabuk. 7“Ninye tukwak kwepdeibseba, tukwak mutuku noutamak unyak nang ara, kum daneipniba, tukwak mutuku ara, talye lo diamuk upnamle. Tonda, sal diamuk kum bukni, kilapu ap, tuku deice balamle ning, kam un ning ayala-yala nirya ap, kwising ap, kwatima ap, maka ap, aning-aning nirya ap, kum daneipnamne. Aning-aning nirya kwepdeipsa ara, lik weik upnilye ati, malye kanye bopne,” Allah el si Yahweh arye, nyabuk. 8Allah el si Yahweh arye, tukwak ninye nirya ati, aninguk tenelamuk bukni, Nuh el tonok ara, el malye kum winilamuk ati ara, el winilamuk ning dipdeyukce, kanye deibuk.
9Anyaka ara, Nuh el winilamuk ning ati sekeipsine. Nuh bira, pia diksukumuk ulamukce, el ulamuk talak ulamik nang arye, elti, ‘E, el malye ulye ning ara, ani, ani’ tenen, nyapmanto kum ulamik. Tonda, Allah arye, tenyamuk touk, Nuh bira diksukumuk ulamukce, Allah ap kanye dukdongopbuka telebuk ulamuk. 10Nuh birye deiamuk mapu ara, winilye deiamuk. Sik si ara, Sem ap, Ham ap, Yapet ap, si dobuka deiamuk.
11Ura, atalak ara, Allah el kanye ara, ‘Kume, tukwak ninye mutuku-mutuku nirya, pia malye-malyeuk winilakirye, walana weik ap, oldana weik ap unyake,’ tenelamuk. 12Tukwak mutuku ninye nirya arye, diksukum kum ulamikce, malye bisikuk kirikuka akunum balamik. 13Winilamik ati, Allah arye Nuh biti nyabuk. “Winira akunuma, tukwak ninye mutuku-mutuku nirya, pia malye-malyeuk wininyaka deice arye, tukwak mutuku nirya walana ap, oldana ap uk unyaka ati ara, tukwak ninye nirya opnirye, sik ap, tukwak mutuku nirya ap, kum daneipnamne,” nyabuk.
14“Winipnamne ati, ance kat pia weik yo, el si ara gopir yo webuka cakmince, yo nong ara, weik mek lia yo memepnamlyame. Amek lia yo noutamak ara, aik dobuka, abilinga yuk-yuk wilibuka dopminyopura, ayo lakase deice nirya ara, yo pi dobuka likipnamlyame. Ara, aik pum bisik ap, bai tam ap, mek lia yo bola deice ap nirya, tonokak babye batakana kumce, yo pi dobuka mek lia pum nirya ap, bai tam ap nirya tiriknamlyame.”
15“Amek lia yo ara, winibuka dopnalame. El cang tam kiklipmince, 14 meter panjang kipnamle. El pala tam kiklipmince, 23 meter lebar kipnamle. Anyaik lana arye, kiklibuka aruma deice anoutam cang ara, 13 setengah meter cang eitam (tinggi) upnamle. 16Amek lia yo ap, aik ap dopminyopura, el aruma ton labnamlyame. Anyaik aruma noutamak, mek lia yo abilinga deice, anoutam ara, mitik louk bataknulyame. Alo ara, setengah meteruk, 50 senti upnamle. Amek lia yo nong noutamak ara, tonok bublan bisik ton botopnamlyame. Amek lia yo aik noutamak ara, lana winilye nukuka dopnalyame. Min yuma ning deice tam, bitinye ning noutamak, winilye ning ara, utam anyuk dopnalyame.” Allah arye nyabuk.
17Nyabukopura, ayupu ton dukdongopbuka nyabuk. “Ura, weik mekwen deipnyopura, im noutam eitam bukni, im amu tam tukwak mutuku im sirya, mutuku sirya nirya noutamak, kam ulye ning aning-aning nirya mekwen dipliba, dipnamake. Yata yala ning do nirya, kam ulye ning nirya ap, isin ulye ning nirya ap dipnamake. Tonok ning babye, kum bataknamne.
18Bukni, an Nuhuk, anti na yupu moupdeipkine. Ara, an ap, ance deiamlum mapu ap, an kil ap, an mapu arye domik kilapu ap, anggun nirya ara, mek lia yo deice dopnalam aik pum bisikuk weknamlume. 19Tonda, ‘Aning-aning nirya pia kum dalyak’ tenen, tukwak mutuku noutamak, kam ulye ning ayala-ayala nirya ara, kil tonok, yim tonok bulupmince, bobuka amek lia yo aik pum dongopnalame.”
20“Maka ayala-yala nirya ap, basam ayala-yala nirya ap, tuku deice yanibuka balamle ning ayala-yala nirya ap, bitinye-bitinye kibuka, an dam yanamake. Yacopura, an ap, neika kam upnamluma ati, akam ning nirya dobuka, anyaik pum bisikuk dongopnalame. 21Tonda, yata din ning do, aning-aning nirya dobuka, anyaik pum bisikuk dongopnalame. Ara, anggun ninye ap, atalye bai tam kam ulye ning ap, anggun din ning kintinina ati nyapkine.” Allah arye, Nuh biti nyabuk. 22Allah arye Nuh biti, “Aning winipnulyame, aning winipnulyame,” nyapdeibuk touk, Nuh birye, aninguk winibuk.
தற்சமயம் தேர்ந்தெடுக்கப்பட்டது:
Kejadian 6: EIPA
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023, Wycliffe Bible Translators, Inc. All rights reserved.
Kejadian 6
6
Weik mekwen deibukce, tukwak mutuku nirya, dibuk yupu
1Tukwak ninye pia weik upnin balamik talak ara, sik kilmapu weik delilamik. 2‘Allah ara, weik mambule’ tenen, el tam diksukum ulamik nang arye, yuk talye nang arye, delilamik kilmapu dililamikce, ‘Se, akilapu ara, pia teleb kilapu,’ tenelamikce, sik patalamuk kilapu uk, talye alubuka dolalamik. 3Winibuka winilamikba, Allah el si Yahweh arye, nyabuk. “Kume, na Dib Kanye arye, ninye tukwak ninye ati, “Winiplulum, winiplulume,” nyabuka, pia pi dobuka pil kum donamle. Tukwak ninye nirya ara, dipna atonunuk unyake. Sik keting tamun ara, yupa weik, 120 tahun kipnamle,” nyabuk.
4Atalak ara, sik nong konoba kouku nelamik mutuku nang, Nepilim mutuku nang ton, amutuku-amutuku nirya ulamik. Ara, Allah el tam nang arye, talye ninguk winilamik ninye, sik kilmapu dam binuka dolamikce, neika ulamikba, mapu delilamik talak ati nyapne. Tonda, aminyan talak ton tukwak mutuku ulamik. Yuk talye ninye nirya arye, sik nong weik nelamik nang, sik Nepilim mutuku nang ati, ‘Se, sikda weik konoba nang unyake,’ tenelamikce, anang ulamik ning ati, nukna yupu weik nyalalamik.
5Ninye tukwak mutuku-mutuku nirya arye, sik kanye talima pum tam tenelamik ning nirya, pia malyeuk winilamik. Atalak-atalak nirya, teleb ning tenena kum diparyuk, pia malye ninguk tenebuka patalamukba, malye-malye pia weik winipnin balamik. Malyeuk winilamik ning ara, Allah el si Yahweh arye dipdeyukce, bikamuk.
6Aning bikamukce, ‘Se, ninye tukwak mutuku noutamak kwepdeipse ara, pia malye upse,’ tenebukce, el talima bouku sukubukba, malye kanye bobukce, nyabuk. 7“Ninye tukwak kwepdeibseba, tukwak mutuku noutamak unyak nang ara, kum daneipniba, tukwak mutuku ara, talye lo diamuk upnamle. Tonda, sal diamuk kum bukni, kilapu ap, tuku deice balamle ning, kam un ning ayala-yala nirya ap, kwising ap, kwatima ap, maka ap, aning-aning nirya ap, kum daneipnamne. Aning-aning nirya kwepdeipsa ara, lik weik upnilye ati, malye kanye bopne,” Allah el si Yahweh arye, nyabuk. 8Allah el si Yahweh arye, tukwak ninye nirya ati, aninguk tenelamuk bukni, Nuh el tonok ara, el malye kum winilamuk ati ara, el winilamuk ning dipdeyukce, kanye deibuk.
9Anyaka ara, Nuh el winilamuk ning ati sekeipsine. Nuh bira, pia diksukumuk ulamukce, el ulamuk talak ulamik nang arye, elti, ‘E, el malye ulye ning ara, ani, ani’ tenen, nyapmanto kum ulamik. Tonda, Allah arye, tenyamuk touk, Nuh bira diksukumuk ulamukce, Allah ap kanye dukdongopbuka telebuk ulamuk. 10Nuh birye deiamuk mapu ara, winilye deiamuk. Sik si ara, Sem ap, Ham ap, Yapet ap, si dobuka deiamuk.
11Ura, atalak ara, Allah el kanye ara, ‘Kume, tukwak ninye mutuku-mutuku nirya, pia malye-malyeuk winilakirye, walana weik ap, oldana weik ap unyake,’ tenelamuk. 12Tukwak mutuku ninye nirya arye, diksukum kum ulamikce, malye bisikuk kirikuka akunum balamik. 13Winilamik ati, Allah arye Nuh biti nyabuk. “Winira akunuma, tukwak ninye mutuku-mutuku nirya, pia malye-malyeuk wininyaka deice arye, tukwak mutuku nirya walana ap, oldana ap uk unyaka ati ara, tukwak ninye nirya opnirye, sik ap, tukwak mutuku nirya ap, kum daneipnamne,” nyabuk.
14“Winipnamne ati, ance kat pia weik yo, el si ara gopir yo webuka cakmince, yo nong ara, weik mek lia yo memepnamlyame. Amek lia yo noutamak ara, aik dobuka, abilinga yuk-yuk wilibuka dopminyopura, ayo lakase deice nirya ara, yo pi dobuka likipnamlyame. Ara, aik pum bisik ap, bai tam ap, mek lia yo bola deice ap nirya, tonokak babye batakana kumce, yo pi dobuka mek lia pum nirya ap, bai tam ap nirya tiriknamlyame.”
15“Amek lia yo ara, winibuka dopnalame. El cang tam kiklipmince, 14 meter panjang kipnamle. El pala tam kiklipmince, 23 meter lebar kipnamle. Anyaik lana arye, kiklibuka aruma deice anoutam cang ara, 13 setengah meter cang eitam (tinggi) upnamle. 16Amek lia yo ap, aik ap dopminyopura, el aruma ton labnamlyame. Anyaik aruma noutamak, mek lia yo abilinga deice, anoutam ara, mitik louk bataknulyame. Alo ara, setengah meteruk, 50 senti upnamle. Amek lia yo nong noutamak ara, tonok bublan bisik ton botopnamlyame. Amek lia yo aik noutamak ara, lana winilye nukuka dopnalyame. Min yuma ning deice tam, bitinye ning noutamak, winilye ning ara, utam anyuk dopnalyame.” Allah arye nyabuk.
17Nyabukopura, ayupu ton dukdongopbuka nyabuk. “Ura, weik mekwen deipnyopura, im noutam eitam bukni, im amu tam tukwak mutuku im sirya, mutuku sirya nirya noutamak, kam ulye ning aning-aning nirya mekwen dipliba, dipnamake. Yata yala ning do nirya, kam ulye ning nirya ap, isin ulye ning nirya ap dipnamake. Tonok ning babye, kum bataknamne.
18Bukni, an Nuhuk, anti na yupu moupdeipkine. Ara, an ap, ance deiamlum mapu ap, an kil ap, an mapu arye domik kilapu ap, anggun nirya ara, mek lia yo deice dopnalam aik pum bisikuk weknamlume. 19Tonda, ‘Aning-aning nirya pia kum dalyak’ tenen, tukwak mutuku noutamak, kam ulye ning ayala-ayala nirya ara, kil tonok, yim tonok bulupmince, bobuka amek lia yo aik pum dongopnalame.”
20“Maka ayala-yala nirya ap, basam ayala-yala nirya ap, tuku deice yanibuka balamle ning ayala-yala nirya ap, bitinye-bitinye kibuka, an dam yanamake. Yacopura, an ap, neika kam upnamluma ati, akam ning nirya dobuka, anyaik pum bisikuk dongopnalame. 21Tonda, yata din ning do, aning-aning nirya dobuka, anyaik pum bisikuk dongopnalame. Ara, anggun ninye ap, atalye bai tam kam ulye ning ap, anggun din ning kintinina ati nyapkine.” Allah arye, Nuh biti nyabuk. 22Allah arye Nuh biti, “Aning winipnulyame, aning winipnulyame,” nyapdeibuk touk, Nuh birye, aninguk winibuk.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023, Wycliffe Bible Translators, Inc. All rights reserved.