1 Mose 17
17
Abalami wusekolo dizina Abalahami
1Mu thangu Abalami kadukisa luvua ayi vua di mimvu, buna Yave wumonikina Abalami ayi wunkamba: «Minu ndidi Phungu Tulendo. Toma diata va ntadisi ami ayi ba wusonga. 2Yinga, mandivanga nguizani ami va khati ka minu ayi ngeyo, muingi ndikufunisa kuphuele.»
3Buna Abalami wuyinika zizi kiandi va ntoto ayi Nzambi wutatamana kunkamba: 4«Kudi minu, tala nguizani ami ayi ngeyo: mawuba se di makanda maphuele. 5Wulendi buela tedolo Abalami ko, vayi dizina diaku ma diba Abalahami#17.5 Abalahami: mu ki Ebeleo dibangudulu: "nkulu wu makanda maphuele". Tala Lom 4.17 bila mawuba se di makanda maphuele. 6Tala, mandikuvanga lubutu luphuele ayi makanda maphuele ma batu mela totuka mu ngeyo ayi mintinu phe miela totuka mu ngeyo. 7Tala, mandilungisa nguizani ami ayi ngeyo ayi nkuna aku wela kuiza ku mbusa aku, landila boso buididi zimbandu ziawu, mu thangu zizio, muingi ndikimonisa Nzambi kudi ngeyo ayi kudi nkuna aku wela kuiza ku mbusa aku. 8Tala, kudi ngeyo ayi kudi nkuna aku wela kuiza ku mbusa aku, ndiela vana tsi yikinzenza yiwulembo kadi, tsi yiyo yi Kanana, banga mvuilu aku mu thangu zizio, ayi mu kedika mandikimonisa Nzambi kudi bawu.»
9Nzambi wukamba diaka Abalahami: «Vayi ngeyo mawukeba nguizani ami, ngeyo ayi nkuna aku wunkuiza ku mbusa aku, landila boso buididi zimbandu ziawu. 10Tala nguizani ami, yilu fueti keba va khati ka minu ayi beno, ngeyo ayi nkuna aku wunkuiza ku mbusa aku. Muana bakala wuwo mu beno wufueti zengo sutu. 11Lufueti zengo masutu meno muingi kiba dimbu ki nguizani yivangamene va khati ka minu ayi beno. 12Muana bakala wuwo mu beno kafueti zengo sutu bukadukisidi nana di bilumbu, landakana boso buididi zi mbandu, woso kuandi butukidi mu nzo aku ayi woso kuandi sumbulu mu mbongo, ka diambu ko nzenza yikambu butuka mu kanda diaku. 13Woso bakala butukidi mu nzo aku ayi mvika wusumbu mu mbongo bafueti zengo masutu mawu, ayi nguizani ami mayiba mu nsuni mieno yawu nguizani yi thangu zizio. 14Vayi muana bakala wuwo wukambu zengo sutu, tala, kafueti vengomono mu dikabu di batu bandi. Bila niandi vondidi nguizani ami.»
15Landila dio, Nzambi wukamba diaka Abalahami: «Mu diambu ditedi Salayi, nketo aku, kadi bue kuntedila mu zina di Salayi, tona buabu zina diandi dieka Sala#17.15 Salayi voti Sala: phila zole zi thedolo, dibangudulu muana ntinu wunketo.. 16Tala, mandinsakumuna ayi mu niandi mandikuvana muana wu bakala. Tala, mandinsakumuna ayi makaba ngudi yi zitsi, ntinu mi makanda miela totukila mu niandi.» 17Buna Abalahami wuyinika zizi kiandi va ntoto ayi wuseva, bila wukikamba mu ntima andi: «Bue ndilenda bakila muana, minu ndieka khama mimvu, ayi bue Sala weka luvua lu mimvu kalenda diaka ba ngudi?» 18Landila dio, Abalahami wukamba Nzambi: «Bika Isamayeli kazinga va ntuala zizi kiaku!» 19Vayi Nzambi wunkamba: «Ka buawu ko! Tala, Sala, nketo aku, wela kubutila muana wu bakala. Mawuntedila mu zina di Isaki#17.19 Mu ki Ebeleo zina di Isaki difuanini ayi diambu dimbangudulungu wulembo sevi mu buku 17, tala 18.11-15.. Tala, mandivanga nguizani ayi niandi, ayi bana bandi bankuiza ku mbusa andi. Mayiba nguizani yi thangu zizio. 20Vayi mu diambu di Isamayeli, nguilu ndombolo aku. Mandinsakumuna, mandimvana mbutu ayi mandimvana nkuna wuphuele. Makabuta kumi ayi ntinu miole ayi makaba se di dikanda dinnene. 21Vayi nguizani ami ayi Isaki, mandivanga yawu. Muana wela kubutila Sala mu tsungi yayi, mu mvu wunkuiza.»
22Nzambi bukamana mokana ayi Abalahami, wutombuka ku zulu. 23Abalahami wubonga muana andi wu bakala Isamayeli ayi babakala babo babutukila mu nzo andi ayi bakasumba mu mbongo, babakala babo baba mu nzo Abalahami, wubazenga masutu kio kiawu lumbu banga bunkambila Nzambi. 24Abalahami wuba luvua ayi vua di mimvu, bu kazengo sutu diandi. 25Isamayeli, muana andi, wuba kumi ayi mvu mintatu, bu kazengo sutu ayi babakala babo baba mu nzo Abalahami. 26Abalahami ayi muana andi Isamayeli bazengo mu lumbu kimosi, 27ayi babakala babo babutukila mu nzo andi ayi bakasumba mu mbongo, babakala babo baba mu nzo Abalahami, bazengoso masutu ayi Abalahami.
தற்சமயம் தேர்ந்தெடுக்கப்பட்டது:
1 Mose 17: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation
1 Mose 17
17
Abalami wusekolo dizina Abalahami
1Mu thangu Abalami kadukisa luvua ayi vua di mimvu, buna Yave wumonikina Abalami ayi wunkamba: «Minu ndidi Phungu Tulendo. Toma diata va ntadisi ami ayi ba wusonga. 2Yinga, mandivanga nguizani ami va khati ka minu ayi ngeyo, muingi ndikufunisa kuphuele.»
3Buna Abalami wuyinika zizi kiandi va ntoto ayi Nzambi wutatamana kunkamba: 4«Kudi minu, tala nguizani ami ayi ngeyo: mawuba se di makanda maphuele. 5Wulendi buela tedolo Abalami ko, vayi dizina diaku ma diba Abalahami#17.5 Abalahami: mu ki Ebeleo dibangudulu: "nkulu wu makanda maphuele". Tala Lom 4.17 bila mawuba se di makanda maphuele. 6Tala, mandikuvanga lubutu luphuele ayi makanda maphuele ma batu mela totuka mu ngeyo ayi mintinu phe miela totuka mu ngeyo. 7Tala, mandilungisa nguizani ami ayi ngeyo ayi nkuna aku wela kuiza ku mbusa aku, landila boso buididi zimbandu ziawu, mu thangu zizio, muingi ndikimonisa Nzambi kudi ngeyo ayi kudi nkuna aku wela kuiza ku mbusa aku. 8Tala, kudi ngeyo ayi kudi nkuna aku wela kuiza ku mbusa aku, ndiela vana tsi yikinzenza yiwulembo kadi, tsi yiyo yi Kanana, banga mvuilu aku mu thangu zizio, ayi mu kedika mandikimonisa Nzambi kudi bawu.»
9Nzambi wukamba diaka Abalahami: «Vayi ngeyo mawukeba nguizani ami, ngeyo ayi nkuna aku wunkuiza ku mbusa aku, landila boso buididi zimbandu ziawu. 10Tala nguizani ami, yilu fueti keba va khati ka minu ayi beno, ngeyo ayi nkuna aku wunkuiza ku mbusa aku. Muana bakala wuwo mu beno wufueti zengo sutu. 11Lufueti zengo masutu meno muingi kiba dimbu ki nguizani yivangamene va khati ka minu ayi beno. 12Muana bakala wuwo mu beno kafueti zengo sutu bukadukisidi nana di bilumbu, landakana boso buididi zi mbandu, woso kuandi butukidi mu nzo aku ayi woso kuandi sumbulu mu mbongo, ka diambu ko nzenza yikambu butuka mu kanda diaku. 13Woso bakala butukidi mu nzo aku ayi mvika wusumbu mu mbongo bafueti zengo masutu mawu, ayi nguizani ami mayiba mu nsuni mieno yawu nguizani yi thangu zizio. 14Vayi muana bakala wuwo wukambu zengo sutu, tala, kafueti vengomono mu dikabu di batu bandi. Bila niandi vondidi nguizani ami.»
15Landila dio, Nzambi wukamba diaka Abalahami: «Mu diambu ditedi Salayi, nketo aku, kadi bue kuntedila mu zina di Salayi, tona buabu zina diandi dieka Sala#17.15 Salayi voti Sala: phila zole zi thedolo, dibangudulu muana ntinu wunketo.. 16Tala, mandinsakumuna ayi mu niandi mandikuvana muana wu bakala. Tala, mandinsakumuna ayi makaba ngudi yi zitsi, ntinu mi makanda miela totukila mu niandi.» 17Buna Abalahami wuyinika zizi kiandi va ntoto ayi wuseva, bila wukikamba mu ntima andi: «Bue ndilenda bakila muana, minu ndieka khama mimvu, ayi bue Sala weka luvua lu mimvu kalenda diaka ba ngudi?» 18Landila dio, Abalahami wukamba Nzambi: «Bika Isamayeli kazinga va ntuala zizi kiaku!» 19Vayi Nzambi wunkamba: «Ka buawu ko! Tala, Sala, nketo aku, wela kubutila muana wu bakala. Mawuntedila mu zina di Isaki#17.19 Mu ki Ebeleo zina di Isaki difuanini ayi diambu dimbangudulungu wulembo sevi mu buku 17, tala 18.11-15.. Tala, mandivanga nguizani ayi niandi, ayi bana bandi bankuiza ku mbusa andi. Mayiba nguizani yi thangu zizio. 20Vayi mu diambu di Isamayeli, nguilu ndombolo aku. Mandinsakumuna, mandimvana mbutu ayi mandimvana nkuna wuphuele. Makabuta kumi ayi ntinu miole ayi makaba se di dikanda dinnene. 21Vayi nguizani ami ayi Isaki, mandivanga yawu. Muana wela kubutila Sala mu tsungi yayi, mu mvu wunkuiza.»
22Nzambi bukamana mokana ayi Abalahami, wutombuka ku zulu. 23Abalahami wubonga muana andi wu bakala Isamayeli ayi babakala babo babutukila mu nzo andi ayi bakasumba mu mbongo, babakala babo baba mu nzo Abalahami, wubazenga masutu kio kiawu lumbu banga bunkambila Nzambi. 24Abalahami wuba luvua ayi vua di mimvu, bu kazengo sutu diandi. 25Isamayeli, muana andi, wuba kumi ayi mvu mintatu, bu kazengo sutu ayi babakala babo baba mu nzo Abalahami. 26Abalahami ayi muana andi Isamayeli bazengo mu lumbu kimosi, 27ayi babakala babo babutukila mu nzo andi ayi bakasumba mu mbongo, babakala babo baba mu nzo Abalahami, bazengoso masutu ayi Abalahami.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation