1 Mose 39
39
Yosefi ku Ngipiti
1Buna mu diambu di Yosefi, banata ku Ngipiti, ayi Potifali, kisadi ki leta ku nzo Falao, mfumu yi minsungi, muisi Ngipiti, wunsumba mu mioko mi ba Isamayelita bobo banata kuna. 2Vayi Yave wuba ayi Yosefi#39.2 Dedikisa ayi Mav 7.9., wuyiza ba dibakala disakumunu ayi bantula nkulutu ku nzo mfumu andi, muisi Ngipiti. 3Ayi mfumu andi wumona ti Yave wukala yandi ayi mamo ma kaba vanganga, Yave weba nungisanga mawu mu koko kuandi. 4Ayi Yosefi wumonokono nlemvo mu meso mandi. Wunsadilanga thangu zizio ayi wuntula mfumu nzo andi, ayi bibio bikavua wuvana biawu mu mioko miandi. 5Ayi tala mayiza bua, tona bubantula mfumu mu nzo yi Potifali ayi bukamvana lulendo mu bibio bikavua Yave wutatamana sakumuna nzo yi muisi Ngipiti mu diambudi Yosefi ayi lusakumunu lu Yave luyiza va yilu bibio bikavua, mu nzo ayi mu zi tsola. 6Ku zimunina, wuyekula mu moko ma Yosefi bibio bikavua ayi wukambu buela zaba bibio biba yandi, botula kaka bidia bi kabadianga.
Yosefi ayi nketo mfumu andi
Yosefi wutona monika bakala dimboti, dikitoko. 7Ku mbusa mambu mama, yiyiza ba ti nketo wu Mfumu andi wutona zinina Yosefi ayi wukamba: «Leka nami!» 8Vayi Yosefi wuvutula: «Dilendi ba ko. Mfumu ami wupheni minsua mu bibio biandi bidi mu nzo yayi, wukundekilanga minu ayi kadi kima kilenda kunyamisa diaka mu nzo yayi ko. 9Kuisi ko wundutidi minsua mu nzo yayi, ayi kasi kundimina kima ko, botula kaka ngeyo, bila widi nketo andi. Bue ndilenda vangila mbimbi yoyo yinene ayi vola masumu mu kedika kudi Nzambi?» 10Buna tala mayiza bua, bu kabakambanga Yosefi lumbu ka lumbu kakadi kumwa mu diambu kaleka va ndambu andi, muingi kakala yandi.
11Buna diyiza ba mu lumbu kina banga bubela mu bilumbu binkaka, Yosefi wukota mu nzo mu sala kisalu, ayi muisi ba ko kadi bakala dimosi muisi nzo. 12Buna nketo wumbuila mu nlele andi ayi wukamba: «Leka nami!» Vayi wuyekula nlele andi mu koko kuandi, wutina ayi wutotuka ku nganda. 13Ayi tala mayiza bua: Mu thangu kamona ti wuyekula nlele andi mu koko kuandi muingi katina ku nganda, 14wutela babakala ba nzo ayi wubakamba: «Taleno, wutunatini muisi Ebeleo muingi katusekinina Wizidi kudi minu mu leka nami; vayi thonini yamikina mu ngolo zizio zi mbembo ami. 15Bu kayiza mona ti ndilembo yamikina ayi tela buna wuyekula nlele andi va ndambu ami, wutina ayi wutotuka ku nganda.» 16Landila dio, nketo wutula nlele wu Yosefi va ndambu andi ayi wubika wawu vana nate mfumu andi kavutuka ku nzo andi. 17Buna nketo wunkamba boso buabu: «Kisadi ki muisi Ebeleo kio kiwutunatini wizidingi kudi minu mu kutsekinina. 18Vayi mu thangu ndiamikini, tinini ayi bikidi kikhuti kiandi va ndambu ami.» 19Mu thangu kamana wa mambu mankamba nketo andi, wufuema ngolo. 20Mfumu yi Yosefi wum'bonga ayi wun'kotisa mu buloko, va fulu kibabekebilanga basi buloko ba ntinu ayi wukala kuna mu buloko.
Yosefi wukota mu buloko
21Ka diambu ko mambu momo mabua, Yave wutatamana kala ayi Yosefi ayi wutatamana kunsonga nlemvo wu ntima ayi wunzodikisa kudi mfumu buloko. 22Mfumu buloko wuyekula mu mioko mi Yosefi basi buloko babo baba mu nzo buloko ayi bisalu bioso bibaba salanga, yandi wuba sadisanga biawu. 23Mfumu buloko kaba fionguninanga kadi kima ko kiba mu koko kuandi bila Yave wuba ayi Yosefi ayi Yave webanungisanga ma kabevanganga.
தற்சமயம் தேர்ந்தெடுக்கப்பட்டது:
1 Mose 39: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation
1 Mose 39
39
Yosefi ku Ngipiti
1Buna mu diambu di Yosefi, banata ku Ngipiti, ayi Potifali, kisadi ki leta ku nzo Falao, mfumu yi minsungi, muisi Ngipiti, wunsumba mu mioko mi ba Isamayelita bobo banata kuna. 2Vayi Yave wuba ayi Yosefi#39.2 Dedikisa ayi Mav 7.9., wuyiza ba dibakala disakumunu ayi bantula nkulutu ku nzo mfumu andi, muisi Ngipiti. 3Ayi mfumu andi wumona ti Yave wukala yandi ayi mamo ma kaba vanganga, Yave weba nungisanga mawu mu koko kuandi. 4Ayi Yosefi wumonokono nlemvo mu meso mandi. Wunsadilanga thangu zizio ayi wuntula mfumu nzo andi, ayi bibio bikavua wuvana biawu mu mioko miandi. 5Ayi tala mayiza bua, tona bubantula mfumu mu nzo yi Potifali ayi bukamvana lulendo mu bibio bikavua Yave wutatamana sakumuna nzo yi muisi Ngipiti mu diambudi Yosefi ayi lusakumunu lu Yave luyiza va yilu bibio bikavua, mu nzo ayi mu zi tsola. 6Ku zimunina, wuyekula mu moko ma Yosefi bibio bikavua ayi wukambu buela zaba bibio biba yandi, botula kaka bidia bi kabadianga.
Yosefi ayi nketo mfumu andi
Yosefi wutona monika bakala dimboti, dikitoko. 7Ku mbusa mambu mama, yiyiza ba ti nketo wu Mfumu andi wutona zinina Yosefi ayi wukamba: «Leka nami!» 8Vayi Yosefi wuvutula: «Dilendi ba ko. Mfumu ami wupheni minsua mu bibio biandi bidi mu nzo yayi, wukundekilanga minu ayi kadi kima kilenda kunyamisa diaka mu nzo yayi ko. 9Kuisi ko wundutidi minsua mu nzo yayi, ayi kasi kundimina kima ko, botula kaka ngeyo, bila widi nketo andi. Bue ndilenda vangila mbimbi yoyo yinene ayi vola masumu mu kedika kudi Nzambi?» 10Buna tala mayiza bua, bu kabakambanga Yosefi lumbu ka lumbu kakadi kumwa mu diambu kaleka va ndambu andi, muingi kakala yandi.
11Buna diyiza ba mu lumbu kina banga bubela mu bilumbu binkaka, Yosefi wukota mu nzo mu sala kisalu, ayi muisi ba ko kadi bakala dimosi muisi nzo. 12Buna nketo wumbuila mu nlele andi ayi wukamba: «Leka nami!» Vayi wuyekula nlele andi mu koko kuandi, wutina ayi wutotuka ku nganda. 13Ayi tala mayiza bua: Mu thangu kamona ti wuyekula nlele andi mu koko kuandi muingi katina ku nganda, 14wutela babakala ba nzo ayi wubakamba: «Taleno, wutunatini muisi Ebeleo muingi katusekinina Wizidi kudi minu mu leka nami; vayi thonini yamikina mu ngolo zizio zi mbembo ami. 15Bu kayiza mona ti ndilembo yamikina ayi tela buna wuyekula nlele andi va ndambu ami, wutina ayi wutotuka ku nganda.» 16Landila dio, nketo wutula nlele wu Yosefi va ndambu andi ayi wubika wawu vana nate mfumu andi kavutuka ku nzo andi. 17Buna nketo wunkamba boso buabu: «Kisadi ki muisi Ebeleo kio kiwutunatini wizidingi kudi minu mu kutsekinina. 18Vayi mu thangu ndiamikini, tinini ayi bikidi kikhuti kiandi va ndambu ami.» 19Mu thangu kamana wa mambu mankamba nketo andi, wufuema ngolo. 20Mfumu yi Yosefi wum'bonga ayi wun'kotisa mu buloko, va fulu kibabekebilanga basi buloko ba ntinu ayi wukala kuna mu buloko.
Yosefi wukota mu buloko
21Ka diambu ko mambu momo mabua, Yave wutatamana kala ayi Yosefi ayi wutatamana kunsonga nlemvo wu ntima ayi wunzodikisa kudi mfumu buloko. 22Mfumu buloko wuyekula mu mioko mi Yosefi basi buloko babo baba mu nzo buloko ayi bisalu bioso bibaba salanga, yandi wuba sadisanga biawu. 23Mfumu buloko kaba fionguninanga kadi kima ko kiba mu koko kuandi bila Yave wuba ayi Yosefi ayi Yave webanungisanga ma kabevanganga.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation