Bhaa-bhaana 2
2
1Mboomo sumai apamondoa laiana tee alamu tee sagala antona. 2I eo pitu eona Aulataʼala padhamo apamondo karajaana ipewauna, tee aponiuntomo Incia i eo pitu eona minaaka i bhari-bharia karajaa ipewauna. 3Kasiimpomo, Aulataʼala abarakatimo eo pitu eona sumai tee apekangkilomea, roonamo i eo incia sumaimo Aulataʼala aponiuntomo minaaka i sagala karajaana to apadhaangia dunia ipewauna.
4Mboomo sumai tulatulana wakutuuna laiana tee alamu apadhaangiaia.
Wakutuuna KAWASANA OPU Aulataʼala apadhaangia laiana tee alamu, 5bhari-bharia rumpu indapo dhaangia i dunia tee bhari-bharia penembula i tana uka indapo atuwu roonamo KAWASANA OPU Aulataʼala indapo apasapo wao i bhawona dunia tee indapo dhaangia mia to mokarajaana tana sumai. 6Maka dhaangia o alo apene minaaka i alamu abhaho bhari-bharia bhawona tana. 7Wakutuu incia sumai KAWASANA OPU Aulataʼala apadhaangia maanusia#2:7maanusia minaaka i ngawuna tana: Oni "maanusia" tee "tana" i nuncana pogauna Ibrani dhaangiamo oni mopokanana, siitumo Adamu. minaaka i ngawuna tana tee apoinunca tee ngalu modhadhiakana i nuncana angona. Sumaimo, maanusia sumai amembali mahaluku mokoinyawa.
Maanusia i Inawuna Eden
2:8-25
8Kasiimpo, KAWASANA OPU Aulataʼala, apewau saangu inawu i Eden,#2:8 Eden: I nuncana pogauna Ibrani, maʼanana "kasanaa." weta i timbu. Iwe sumaimo Incia apamboorea maanusia padha ipewauna sumai. 9Kasiimpo, minaaka i tana, KAWASANA OPU Aulataʼala apatuwu manga giuna puuna kau momakesana kamataana tee momalapena motokandena bhakena, tee uka o puuna kau idhadhiaka#2:9 puuna kau idhadhiaka: Ande o maanusia akande minaaka i puuna kau idhadhiaka, incia bheamboore saʼumurua tee inda amate (Bhaa. 3:22). i tanga-tangana inawu sumai, tee puuna kau imatauaka to momalapena tee momadhakina.#2:9 puuna kau imatauaka to momalapena tee momadhakina: Puuna kau moumbaakana kakidhana ilahi aharamu to maanusia (Bhaa. 3:22).
10Minaaka i Eden asiwulu saangu umala to apakouweaka inawu sumai, kasiimpomo minaaka i tampa incia sumai umala apogaa amembali pata solo anana umala. 11Sarona umala mobhaa-bhaana Pison. Umala incia sii asiwulu atipua saangua Tana Hawila, tampana bulawa adhaangia. 12Bulawa minaaka i tana sumai amalape hasilina. Iwe sumai uka dhaangia garu mawondu tee tundu maali o sarona krisopras. 13Sarona umala rua anguna sumai Gihon. Umala incia sii asiwulu atipua saangua Tana Kus.#2:13 Tana Kus: Tana Kus sii dhaangia i lipu Etiopia tee Sudan. 14Sarona umala talu anguna sumai Tigris. Umala incia sii asiwulu i sawetana timbu Asyur. Umala pata anguna sumai Efrat.
15KAWASANA OPU Aulataʼala, aalamo maanusia sumai tee apamboorea i nuncana Inawu Eden to mokarajaana tee modhambaakana inawu sumai. 16Kasiimpomo KAWASANA OPU Aulataʼala adhawumo parinta i maanusia sumai, firimanina, "Bhake minaaka bhari-bharia puu i nuncana inawu sii membali ukandea saincamu, 17maka bhake minaaka i puu imatauaka to momalapena tee momadhakina siitu bholi ukandea roonamo, i eona ingkoo ukandea, ingkoo dhaanamo umate."
18Kasiimpomo KAWASANA OPU Aulataʼala afirimani, "Inda malape, maanusia sumai soo samia-miana. Iaku gauku bhekupamembalia samia motulungina incia, mococona tee maanusia sumai."
19Sumaimo KAWASANA OPU Aulataʼala apewau minaaka i tana sagala binata i koo tee sagala manu-manu i antara, aumbaakea bhari-bharia sumai i maanusia to akamata tuaapa maanusia sumai asarongiakea. Opea uka saro idhawuakana maanusia sumai i manga mahaluku modhadhi, siitumo momembalina sarona. 20Kasiimpomo maanusia sumai asarongiakea sagala kadhambaakana, manu-manu i antara, tee sagala binata i koo. Maka to karona samia maanusia sumai inda apotibhaaka samia motulungia mopokanana tee karona. 21Sumaimo KAWASANA OPU Aulataʼala apewau maanusia sumai atokole mpuu. Tangasaana incia akole, KAWASANA OPU Aulataʼala aalamo saangu bukuna kara-karana kasiimpomo atutubhia tampa incia sumai tee dagi. 22Minaaka i bukuna kara-karana ialana minaaka i maanusia sumai, KAWASANA OPU Aulataʼala, apamodele samia bhawine, kasiimpo abhawea i maanusia sumai.
23Apogaumo maanusia sumai,
"Sii incia, bukuna minaaka i bukuku,
dagina minaaka i dagiku.
Incia bheasarongiakea bhawine,
sababuna incia aalea minaaka i umane."#2:23 sababuna incia aalea minaaka i umane: I nuncana oni Ibrani, modelena pogau ʼisha "bhawine" apokana tee modelena pogau ʼish "umane."
24Rampaakanamo sumai, samia umane bheabholi amana tee inana to adhadhi apobhawa-bhawa tee bhawinena, sabutuna rua-rua miaia amembali saangu.
25Maanusia tee bhawinena sumai rua-rua miaia akalealea, maka manga incia inda anamisi kaea.
தற்சமயம் தேர்ந்தெடுக்கப்பட்டது:
Bhaa-bhaana 2: KMW
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Ongoing © Wycliffe Bible Translators, Inc
Bhaa-bhaana 2
2
1Mboomo sumai apamondoa laiana tee alamu tee sagala antona. 2I eo pitu eona Aulataʼala padhamo apamondo karajaana ipewauna, tee aponiuntomo Incia i eo pitu eona minaaka i bhari-bharia karajaa ipewauna. 3Kasiimpomo, Aulataʼala abarakatimo eo pitu eona sumai tee apekangkilomea, roonamo i eo incia sumaimo Aulataʼala aponiuntomo minaaka i sagala karajaana to apadhaangia dunia ipewauna.
4Mboomo sumai tulatulana wakutuuna laiana tee alamu apadhaangiaia.
Wakutuuna KAWASANA OPU Aulataʼala apadhaangia laiana tee alamu, 5bhari-bharia rumpu indapo dhaangia i dunia tee bhari-bharia penembula i tana uka indapo atuwu roonamo KAWASANA OPU Aulataʼala indapo apasapo wao i bhawona dunia tee indapo dhaangia mia to mokarajaana tana sumai. 6Maka dhaangia o alo apene minaaka i alamu abhaho bhari-bharia bhawona tana. 7Wakutuu incia sumai KAWASANA OPU Aulataʼala apadhaangia maanusia#2:7maanusia minaaka i ngawuna tana: Oni "maanusia" tee "tana" i nuncana pogauna Ibrani dhaangiamo oni mopokanana, siitumo Adamu. minaaka i ngawuna tana tee apoinunca tee ngalu modhadhiakana i nuncana angona. Sumaimo, maanusia sumai amembali mahaluku mokoinyawa.
Maanusia i Inawuna Eden
2:8-25
8Kasiimpo, KAWASANA OPU Aulataʼala, apewau saangu inawu i Eden,#2:8 Eden: I nuncana pogauna Ibrani, maʼanana "kasanaa." weta i timbu. Iwe sumaimo Incia apamboorea maanusia padha ipewauna sumai. 9Kasiimpo, minaaka i tana, KAWASANA OPU Aulataʼala apatuwu manga giuna puuna kau momakesana kamataana tee momalapena motokandena bhakena, tee uka o puuna kau idhadhiaka#2:9 puuna kau idhadhiaka: Ande o maanusia akande minaaka i puuna kau idhadhiaka, incia bheamboore saʼumurua tee inda amate (Bhaa. 3:22). i tanga-tangana inawu sumai, tee puuna kau imatauaka to momalapena tee momadhakina.#2:9 puuna kau imatauaka to momalapena tee momadhakina: Puuna kau moumbaakana kakidhana ilahi aharamu to maanusia (Bhaa. 3:22).
10Minaaka i Eden asiwulu saangu umala to apakouweaka inawu sumai, kasiimpomo minaaka i tampa incia sumai umala apogaa amembali pata solo anana umala. 11Sarona umala mobhaa-bhaana Pison. Umala incia sii asiwulu atipua saangua Tana Hawila, tampana bulawa adhaangia. 12Bulawa minaaka i tana sumai amalape hasilina. Iwe sumai uka dhaangia garu mawondu tee tundu maali o sarona krisopras. 13Sarona umala rua anguna sumai Gihon. Umala incia sii asiwulu atipua saangua Tana Kus.#2:13 Tana Kus: Tana Kus sii dhaangia i lipu Etiopia tee Sudan. 14Sarona umala talu anguna sumai Tigris. Umala incia sii asiwulu i sawetana timbu Asyur. Umala pata anguna sumai Efrat.
15KAWASANA OPU Aulataʼala, aalamo maanusia sumai tee apamboorea i nuncana Inawu Eden to mokarajaana tee modhambaakana inawu sumai. 16Kasiimpomo KAWASANA OPU Aulataʼala adhawumo parinta i maanusia sumai, firimanina, "Bhake minaaka bhari-bharia puu i nuncana inawu sii membali ukandea saincamu, 17maka bhake minaaka i puu imatauaka to momalapena tee momadhakina siitu bholi ukandea roonamo, i eona ingkoo ukandea, ingkoo dhaanamo umate."
18Kasiimpomo KAWASANA OPU Aulataʼala afirimani, "Inda malape, maanusia sumai soo samia-miana. Iaku gauku bhekupamembalia samia motulungina incia, mococona tee maanusia sumai."
19Sumaimo KAWASANA OPU Aulataʼala apewau minaaka i tana sagala binata i koo tee sagala manu-manu i antara, aumbaakea bhari-bharia sumai i maanusia to akamata tuaapa maanusia sumai asarongiakea. Opea uka saro idhawuakana maanusia sumai i manga mahaluku modhadhi, siitumo momembalina sarona. 20Kasiimpomo maanusia sumai asarongiakea sagala kadhambaakana, manu-manu i antara, tee sagala binata i koo. Maka to karona samia maanusia sumai inda apotibhaaka samia motulungia mopokanana tee karona. 21Sumaimo KAWASANA OPU Aulataʼala apewau maanusia sumai atokole mpuu. Tangasaana incia akole, KAWASANA OPU Aulataʼala aalamo saangu bukuna kara-karana kasiimpomo atutubhia tampa incia sumai tee dagi. 22Minaaka i bukuna kara-karana ialana minaaka i maanusia sumai, KAWASANA OPU Aulataʼala, apamodele samia bhawine, kasiimpo abhawea i maanusia sumai.
23Apogaumo maanusia sumai,
"Sii incia, bukuna minaaka i bukuku,
dagina minaaka i dagiku.
Incia bheasarongiakea bhawine,
sababuna incia aalea minaaka i umane."#2:23 sababuna incia aalea minaaka i umane: I nuncana oni Ibrani, modelena pogau ʼisha "bhawine" apokana tee modelena pogau ʼish "umane."
24Rampaakanamo sumai, samia umane bheabholi amana tee inana to adhadhi apobhawa-bhawa tee bhawinena, sabutuna rua-rua miaia amembali saangu.
25Maanusia tee bhawinena sumai rua-rua miaia akalealea, maka manga incia inda anamisi kaea.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Ongoing © Wycliffe Bible Translators, Inc