लुका 7
7
रोमि सेनाको कप्तानको बिस्वास
(मति ८:५-१३)
1मान्तालमको हुलकाय स्यानराय स्यानाक्तिको येसु कफर्नहुम त तोओ मयो सहरताङ आल्सास्यावा। 2ओहाङ यातचाक रोमि सेनाको कप्तान खेतो र ओउको यातचाक आन राप्तो नोकर बिरामि स्याउति सिसाले लागओ खेतो। 3जब ओउ कप्तानइ येसुको बारेहाङ सायाकान, ङाकहाङ वाङ्ति ङाको नोकरकाय स्याक्ताक्सा स्याउपाना त दाह्य्ति ओउइ यहुदिलमको केहि पाको अगुवालमकाय येसुकहाङ बिन्ति जाह्ङ्लाङ ल्होकाकान। 4ओउ अगुवालम येसुकहाङ वाङाकाय र सेवति बिन्ति जाह्ङाकानि, “रोमि सेनाको कप्तान दोङ्सिले नाङको सहयोग दोःसा ज्योओ मान्ताले खेना। 5धइतिदाह्य्सा ओउइ निको यहुदि जातिलमकाय राप्नउ र ओउइ यातज्यो सभाकिम निको लागि जाह्ङ्ति बयो मुना।”
6एत सेवति तोओ साइति येसु ओउमयकुस आल्सास्यावा। किम द्याङ्तो दाह्सा लागओ बेलाहाङ कप्तानइ लयको होयालमकाय येसुकताङ एतदाह्य्ति खबर ल्होकाकान, “अ प्रभु, दुख जाह्ङ्जेलाम, हजुरकाय ङाइ लयको किमभित्र आःल्सा ज्योङल, 7न ता ङा लयमा हजुरको ङ्हा वाङ्सा ज्योनाङ। तर हजुरइ आग्या जाह्ङ्सास्याउपाना, र ङाको नोकर स्याक्ना। 8ङा, लयमा ताह्ङो हाकिमिलमको अधिनहाङ मुओ मान्ता खेनाङ, र ङाको अधिनहाङमा सिपाहिलम मुनय। ङाइ यातचाककाय ‘आल’ त तोनाङ, ओउ आल्ना, र अर्कोकाय ‘वाङ’ त तोनाङ, ओउ वाङ्ना। अनि लयको नोकरकायमा ‘एत जाह्ङु’ त तोनाङ, ओउइ ओउतले जाह्ङ्नउ।”
9इ कुरा साइति येसु जोक्तोले ग्याह्ङ्सास्यावा अनि लयकुस ब्रक वाङो मान्तालमको हुलताङ योति येसुइ तोसास्यावा, “ङाइ निङकाय तोनेनाङ्स, उच्युक ताह्ङो बिस्वास ङाइ इस्राएलको मान्तालमको माझहाङमा च्यवो नाःआक्ङल!”
10ओहाङसयको ओउ खबर वानो होयालम कप्तानको किमताङ द्याह्नाकाय र नोकरखे स्याक्तिमुओ क्रुसाकानि।
येसुइ राङ्गि मोम्चोको चोःकाय सिओसय स्याक्ताक्सास्यावो
11केहि दिन लोन्हे येसु नाइन त तोओ सहरताङ आल्सास्यावा, येसुको चेलालम र अरु नाःतो मान्तालममा येसुकुस ब्रकले आलाकाय। 12येसु सहरको मुल दह्य्लो द्याङ्तो दाह्तोकहाङ मलामिलम यातज्यो सिओ म्हाःङ लात्ति आल्धय खेइतो। सिओ गोय्चोखे यातचाक राङ्गि मोम्चोको यातज्यो मात्र चोः खेतो र सहरको नाःतो मान्तालममा ओउ राङ्गि मोम्चोकुस मलामि आल्धय खेइतो। 13जब प्रभु येसुइ ओउ मोम्चोकाय च्यउसास्यावा, ओउकाय च्यउति प्रभुको ल्हुङतुक आन योःन्ति वाङा, र येसुइ ओउकाय तोसास्यावा, “नाङ र्यालाम!” 14अनि द्याङ्तो आलाक्तिको येसुइ म्हाःङको माराङसिङ चुमाकान र म्हाःङ लातो मलामिलम न्यासाकाय। अनि येसुइ म्हाःङकाय तोसास्यावा, “गोय्चो, ङाइ नाङकाय तोनेनाङ, च्योक!” 15ओउ सिओ गोय्चो च्योका र नोःसा फाःङाकान, अनि येसुइ ओउ गोय्चो ओउको आमाकाय सुम्पति बइसास्यावा।
16परमेस्वरको एतताह्ङो जिःङ च्यउति ओउमय जुदा रयाकाय अनि परमेस्वरको प्रसङ्सा जाह्ङ्धय दाह्याकाय, “यातचाक ताह्ङो अगमबक्ता निको माझहाङ थासास्यावो मुना! परमेस्वर लयको मान्तालमकाय सहयोग जाह्ङ्लाङ वाङ्सास्यावो मुना!”
17येसुइ ओउ गोय्चोकाय स्याक्ताको कुरा यहुदियाभरि र ओउको वरिपरिको जुदा छेत्रहाङ भयभय त स्यावा।
बप्तिस्मा बयो युहन्नाइ ल्होको खबरदुतलम
(मति ११:२-१९)
18जब युहन्नाको चेलालमइ येसुइ जाह्ङ्सास्यावो जुदा कुरा लयको गुरुकाय ल्हाक्ति छ्यानाकानि, अनि युहन्नाइ लयको चेलालममध्ये निसचाककाय गोताकान, 19अनि ओउनिसकाय प्रभु येसुकहाङ एतदाह्य्ति ह्वत्लाङ ल्होकाकान, “निइ आसा-भरोसा जाह्ङो मुक्ति बइसाखायो ख्रिस्त नाङले ते खेसास्याउना या, कि निइ अरु सुलाङकायले ल्युह्ङ्चाङ्सु?”
20अनि ओउनिसइ येसुकहाङ वाङ्ति तोआकाचु, “बप्तिस्मा बयो युहन्नाइ निचिकाय एतदाह्य्ति ह्वत्लाङ ल्होकाताङ्च, ‘निइ आसा-भरोसा जाह्ङो मुक्ति बइसाखायो ख्रिस्त नाङले ते खेसास्याउना या, कि निइ अरु सुलाङकायले ल्युह्ङ्चाङ्सु?’”
21ओउबेलाहाङ येसुइ नाःतो मान्तालमकाय ओउमयको रोग, बेथा र पेमालो ग्वालामलमसय स्याक्ताक्सास्यावा र मिक च्यउमालोलमकायमा मिक च्यउताक्सास्यावा। 22येसुइ युहन्नाको चेलानिसकाय तोसास्यावा, “निङ्जिइ दोह-दोह कुरा च्यउतेआकाजु र साइतेआकाजु, द्याह्न्ति पाह्याक्तिको ओउ कुराले युहन्नाकाय तोजु— ‘मिक च्यउमालोलमइ च्यउनानि, खोन्द्यालम वाह्सा खाइनानि, कोह्र्चाइ ङाःयोलम स्याक्ति सुद्ध स्याउनय, नो लोकोलमइ साइनानि, सिओ म्हाःङलम जिउदो स्याउनय, र दुखि गरिबलम परमेस्वरको पेओ खबर साइसा दोःनय।’ 23अनि युहन्नाकाय एतमा तोजु, ‘ङाकाय सङ्खा जाह्ङ्मालो मान्ताखे दोङ्सिले धोमाइतो स्याउलेना।’”
24युहन्नाको चेलानिस द्याह्न्ति पाह्यापछि येसुइ मान्ताको हुललमकाय युहन्नाको बारेहाङ एतदाह्य्ति तोसास्यावा, “सुमा याक्मालो थाउहाङ निङ दोह योलाङ आलो खेतेइतो? दोह माःरुइ लङ्ग्याउतिगमो क्रोङ्मालो मो लेखाताह्ङो मान्ताकाय? 25निङ दोह योलाङ आलो खेतेइतो? दोह पेओ नाय लावओ मान्ताकाय? खेल, पे-पेओ नाय लावओ मान्तालमपाय राजदरबारहाङ मोज मज्जाकुसि मुनय! 26दोङ्सिले दाह्य्न, निङ दोह योलाङ आलो खेतेइतो? दोह अगमबक्ताकाय? ङाइ निङकाय तोनेनाङ्स, मा! निङइ च्यवो ओउ यातचाक मान्ताखे दोङ्सिले अगमबक्तासयमा ताह्ङो मान्ता खेना। 27धइतिदाह्य्सा युहन्नाको बारेहाङ परमेस्वरइ धर्मसास्त्रहाङ एत तोसास्यावो मुना—
‘योउ, ङाइ नाङकाय ल्होक्सासय ङ्हा ङाइ लयको खबरदुतकाय ल्होक्नाङ,
ओउइले नाङसय ङ्हा आल्ति नाङ वाह्साखेओ ल्याम तयार जाह्ङ्लेनउ।’ #
मला ३:१
28 ङाइ निङकाय तोनेनाङ्स, युहन्नासय ताह्ङो मान्ता इ ल्हाउदयबाङहाङ सुमा नाःओ नाःल। तर खेयाकायमा परमेस्वरको राज्यहाङ सुखे जुदासय मइतो स्याउना, ओउखे युहन्नासयमा ताह्ङ्तो स्याउलेना।”
29(जुदा मान्तालम र ओउतले तिरो लेःओ मान्तालमइ इ स्यानराय साइति परमेस्वरको आग्या ङ्हामाकानि, धइतिदाह्य्सा ओउमयइ युहन्नाकसय बप्तिस्मा लेःओ खेइतो। 30तर फरिसि र धर्मगुरुलमइखे ओउमयको लागि परमेस्वरको योजनाकाय इन्कार जाह्ङाकानि, धइतिदाह्य्सा ओउमयइ युहन्नाकसय बप्तिस्मा लेःसा ग्याओ नाःआकिलि।)
31येसुइ फेरि तोसास्यावा, “द्याह ङाइ इ पुस्ताको मान्तालमकाय दोहकुस दान्जचाङ? ओउमय गत ताह्ङ्नय? 32ओउमयपाय बजारहाङ च्युःङ्तिमुओ बालाखलम लेखा खेनय। यातज्यो हुलइ अर्कोकाय हिह्ति तोनउ,
‘निङको लागि निइ चोङाइसिओ बाङसुरि म्हुतालाङ्सु,
तर निङ स्याह्तेइलि!
निइ लिह्सिओ गित मेआलाङ्सु,
तर निङ र्यातेइलि!’
33 बप्तिस्मा बयो युहन्ना वाङा, तर ओउइ लाङ जेःआकुलु र ङोतिःमा तुङाकुलु, अनि निङ दाह्य्तेआकाय, ‘ओउकायपाय लानइ ङाःयो मुना!’ 34ङा मान्ताको चोः वाङालाङ, ङाइ जेःआलाङ र तुङालाङ। अनि निङ ‘इ मान्ताकाय योनु, तिरो लेःओ र पापिलमको होया, इपाय आन जेर्याक र तुङर्याक खेना!’ त दाह्य्ति नोःतेआकाय। 35तर बुद्दिको कुराखे परमेस्वरकसय बुद्दि दोःओलमइले तह्य्नानि।”
येसु सिमोन फरिसिको किमहाङ आल्सास्यावो
36यातचाक फरिसिइ येसुकाय लयकुस मुति जेःलाङ गोताकान, अनि येसु आल्ति ओउको किमहाङ पोक्ति जेःसाकाय च्युःङ्सास्यावा। 37ओउ गाउहाङ बेभिचारको काम जाह्ङ्ति याको यातचाक पापि मोम्चो खेतो। येसु फरिसिको किमहाङ वाङ्ति जेःति मुसास्याउना त दाह्य्ति ओउइ सायाकान, ओउत चिःति ओउइ यातज्यो सिमबाङ#७:३७ सिमबाङ यात खालको साति अथबा म्हक-म्हक त बासना वाङो अत्तरलम गम्साकाय बाङकाय कुनति जाह्ङो चोने अथबा तुमुकाकाय सिमबाङ त तोना। ब्लिङतो म्हक-म्हक त बासना वाङो अत्तर लात्ति ओहाङ दाह्तिवाङा। 38र ओउ काह्सय वाङा, येसुको दोमसय चिङ्ति र्याआ र ओउको मिक्तिःइ येसुको दोम न्यात्ताकाकान। ओहाङसयको ओउइ लयको म्याङइ येसुको दोम थ्युराकान, तुःम्ति लाताकान, र येसुको दोम ब्लिङतो अत्तर ल्यान्ति बयाकान। 39जब फरिसिइ इ कुरा च्यवाकान, लयको ल्हुङतुकहाङ एत म्हर्आ, “यदि इ मान्ता दोङ्सिले अगमबक्ता खेयापाय, ओउकाय धिनो मोम्चो सु खेना त दाह्य्ति चिःचउ खेतो! र ओउ मोम्चोइ गतहाइति पाप काम जाह्ङ्ति याको मुना त दाह्य्तिमा चिःचउ खेतो!”
40अनि येसुइ ओउको ल्हुङतुकको बिचार चिःति तोसास्यावा, “सिमोन, ङाइ नाङकाय केहि कुरा तोनेनाङ।”
ओउ त्याङा, “गुरु, दाह्य्सा स्याउपाना।”
41येसुइ तोसास्यावा, “यातचाक धनि मान्ताको निसचाक आसामि खेचतो। यातज्योइ पोङा सय चान्दिको ध्याक अनि अर्कोखेइ पचास चान्दिको ध्याक लेःओ खेतो। 42ओउनिसइ सुइमा रिन द्याःन्ति पाय्क्सा खाइचुलु, ओउतझ्यान्ते साहुइ निसचाककोमा रिन मिनाहा जाह्ङाकान। द्याह दाह्य, ओउ निसचाकमध्ये सुखेइ साहुकाय नाःतो राप्नउ?”
43सिमोनइ तोआथय, “ङाको बिचारहाङ, नाःतो मिनाहा दोःओइ राप्नउ।”
येसुइ तोसास्यावा, “नाङइ दोङ्सिले दाह्य्तेआ।”
44ओहाङसय येसु मोम्चोकताङ हिल्ति सिमोनकाय तोसास्यावा, “नाङइ इ मोम्चोकाय च्यउतेआकान? ङा नाङको किमहाङ वाङालाङ, नाङइ ङाकाय दोम हुर्सा तिःमा बइतेचिलि, तर इ मोम्चोइपाय ङाको दोम लयको मिक्तिःइ हुर्ति लयको म्याङइ थ्युराकान। 45नाङइ ङाकाय तुःम्ति स्वागत जाह्ङ्तेचिलि, तर इ मोम्चोइपाय ङा वाङोहाङसयले ङाको दोमहाङ तुःम्ति मुना। 46नाङइ ङाको म्याङहाङ जयतुनको साति ल्यान्ति बइतेचिलि, तर इ मोम्चोइपाय ङाको दोमहाङ म्हक-म्हक त बासना वाङो अत्तरइ ल्यानाताङ। 47ङाइ नाङकाय तोनेनाङ, इ मोम्चोइ लयको ताह्ङो रापमय छ्यानोझ्यान्ते इको नाःतो पापलम छेमा स्यावो मुना। तर मइतो पाप छेमा दोःओ मान्तालमइखे मइतोले राप्नानि।”
48अनि येसुइ ओउ मोम्चोकाय तोसास्यावा, “नाङको पाप छेमा स्याउतिभ्याओ मुना।”
49ओहाङ येसुकुस ब्रक्त च्युःङ्ति जेःतिमुओ मान्तालम लयमय नोःकायाकाय, “पाप छेमा जाह्ङ्साकाय इ मान्ता सु खेना र?”
50तर येसुइ ओउ मोम्चोकाय तोसास्यावा, “नाङको बिस्वासइ नाङकाय स्याक्ताक्तेआ। द्याह ल्हुङ धोमाइति पाह्य।”
தற்சமயம் தேர்ந்தெடுக்கப்பட்டது:
लुका 7: CHEP
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 7
7
रोमि सेनाको कप्तानको बिस्वास
(मति ८:५-१३)
1मान्तालमको हुलकाय स्यानराय स्यानाक्तिको येसु कफर्नहुम त तोओ मयो सहरताङ आल्सास्यावा। 2ओहाङ यातचाक रोमि सेनाको कप्तान खेतो र ओउको यातचाक आन राप्तो नोकर बिरामि स्याउति सिसाले लागओ खेतो। 3जब ओउ कप्तानइ येसुको बारेहाङ सायाकान, ङाकहाङ वाङ्ति ङाको नोकरकाय स्याक्ताक्सा स्याउपाना त दाह्य्ति ओउइ यहुदिलमको केहि पाको अगुवालमकाय येसुकहाङ बिन्ति जाह्ङ्लाङ ल्होकाकान। 4ओउ अगुवालम येसुकहाङ वाङाकाय र सेवति बिन्ति जाह्ङाकानि, “रोमि सेनाको कप्तान दोङ्सिले नाङको सहयोग दोःसा ज्योओ मान्ताले खेना। 5धइतिदाह्य्सा ओउइ निको यहुदि जातिलमकाय राप्नउ र ओउइ यातज्यो सभाकिम निको लागि जाह्ङ्ति बयो मुना।”
6एत सेवति तोओ साइति येसु ओउमयकुस आल्सास्यावा। किम द्याङ्तो दाह्सा लागओ बेलाहाङ कप्तानइ लयको होयालमकाय येसुकताङ एतदाह्य्ति खबर ल्होकाकान, “अ प्रभु, दुख जाह्ङ्जेलाम, हजुरकाय ङाइ लयको किमभित्र आःल्सा ज्योङल, 7न ता ङा लयमा हजुरको ङ्हा वाङ्सा ज्योनाङ। तर हजुरइ आग्या जाह्ङ्सास्याउपाना, र ङाको नोकर स्याक्ना। 8ङा, लयमा ताह्ङो हाकिमिलमको अधिनहाङ मुओ मान्ता खेनाङ, र ङाको अधिनहाङमा सिपाहिलम मुनय। ङाइ यातचाककाय ‘आल’ त तोनाङ, ओउ आल्ना, र अर्कोकाय ‘वाङ’ त तोनाङ, ओउ वाङ्ना। अनि लयको नोकरकायमा ‘एत जाह्ङु’ त तोनाङ, ओउइ ओउतले जाह्ङ्नउ।”
9इ कुरा साइति येसु जोक्तोले ग्याह्ङ्सास्यावा अनि लयकुस ब्रक वाङो मान्तालमको हुलताङ योति येसुइ तोसास्यावा, “ङाइ निङकाय तोनेनाङ्स, उच्युक ताह्ङो बिस्वास ङाइ इस्राएलको मान्तालमको माझहाङमा च्यवो नाःआक्ङल!”
10ओहाङसयको ओउ खबर वानो होयालम कप्तानको किमताङ द्याह्नाकाय र नोकरखे स्याक्तिमुओ क्रुसाकानि।
येसुइ राङ्गि मोम्चोको चोःकाय सिओसय स्याक्ताक्सास्यावो
11केहि दिन लोन्हे येसु नाइन त तोओ सहरताङ आल्सास्यावा, येसुको चेलालम र अरु नाःतो मान्तालममा येसुकुस ब्रकले आलाकाय। 12येसु सहरको मुल दह्य्लो द्याङ्तो दाह्तोकहाङ मलामिलम यातज्यो सिओ म्हाःङ लात्ति आल्धय खेइतो। सिओ गोय्चोखे यातचाक राङ्गि मोम्चोको यातज्यो मात्र चोः खेतो र सहरको नाःतो मान्तालममा ओउ राङ्गि मोम्चोकुस मलामि आल्धय खेइतो। 13जब प्रभु येसुइ ओउ मोम्चोकाय च्यउसास्यावा, ओउकाय च्यउति प्रभुको ल्हुङतुक आन योःन्ति वाङा, र येसुइ ओउकाय तोसास्यावा, “नाङ र्यालाम!” 14अनि द्याङ्तो आलाक्तिको येसुइ म्हाःङको माराङसिङ चुमाकान र म्हाःङ लातो मलामिलम न्यासाकाय। अनि येसुइ म्हाःङकाय तोसास्यावा, “गोय्चो, ङाइ नाङकाय तोनेनाङ, च्योक!” 15ओउ सिओ गोय्चो च्योका र नोःसा फाःङाकान, अनि येसुइ ओउ गोय्चो ओउको आमाकाय सुम्पति बइसास्यावा।
16परमेस्वरको एतताह्ङो जिःङ च्यउति ओउमय जुदा रयाकाय अनि परमेस्वरको प्रसङ्सा जाह्ङ्धय दाह्याकाय, “यातचाक ताह्ङो अगमबक्ता निको माझहाङ थासास्यावो मुना! परमेस्वर लयको मान्तालमकाय सहयोग जाह्ङ्लाङ वाङ्सास्यावो मुना!”
17येसुइ ओउ गोय्चोकाय स्याक्ताको कुरा यहुदियाभरि र ओउको वरिपरिको जुदा छेत्रहाङ भयभय त स्यावा।
बप्तिस्मा बयो युहन्नाइ ल्होको खबरदुतलम
(मति ११:२-१९)
18जब युहन्नाको चेलालमइ येसुइ जाह्ङ्सास्यावो जुदा कुरा लयको गुरुकाय ल्हाक्ति छ्यानाकानि, अनि युहन्नाइ लयको चेलालममध्ये निसचाककाय गोताकान, 19अनि ओउनिसकाय प्रभु येसुकहाङ एतदाह्य्ति ह्वत्लाङ ल्होकाकान, “निइ आसा-भरोसा जाह्ङो मुक्ति बइसाखायो ख्रिस्त नाङले ते खेसास्याउना या, कि निइ अरु सुलाङकायले ल्युह्ङ्चाङ्सु?”
20अनि ओउनिसइ येसुकहाङ वाङ्ति तोआकाचु, “बप्तिस्मा बयो युहन्नाइ निचिकाय एतदाह्य्ति ह्वत्लाङ ल्होकाताङ्च, ‘निइ आसा-भरोसा जाह्ङो मुक्ति बइसाखायो ख्रिस्त नाङले ते खेसास्याउना या, कि निइ अरु सुलाङकायले ल्युह्ङ्चाङ्सु?’”
21ओउबेलाहाङ येसुइ नाःतो मान्तालमकाय ओउमयको रोग, बेथा र पेमालो ग्वालामलमसय स्याक्ताक्सास्यावा र मिक च्यउमालोलमकायमा मिक च्यउताक्सास्यावा। 22येसुइ युहन्नाको चेलानिसकाय तोसास्यावा, “निङ्जिइ दोह-दोह कुरा च्यउतेआकाजु र साइतेआकाजु, द्याह्न्ति पाह्याक्तिको ओउ कुराले युहन्नाकाय तोजु— ‘मिक च्यउमालोलमइ च्यउनानि, खोन्द्यालम वाह्सा खाइनानि, कोह्र्चाइ ङाःयोलम स्याक्ति सुद्ध स्याउनय, नो लोकोलमइ साइनानि, सिओ म्हाःङलम जिउदो स्याउनय, र दुखि गरिबलम परमेस्वरको पेओ खबर साइसा दोःनय।’ 23अनि युहन्नाकाय एतमा तोजु, ‘ङाकाय सङ्खा जाह्ङ्मालो मान्ताखे दोङ्सिले धोमाइतो स्याउलेना।’”
24युहन्नाको चेलानिस द्याह्न्ति पाह्यापछि येसुइ मान्ताको हुललमकाय युहन्नाको बारेहाङ एतदाह्य्ति तोसास्यावा, “सुमा याक्मालो थाउहाङ निङ दोह योलाङ आलो खेतेइतो? दोह माःरुइ लङ्ग्याउतिगमो क्रोङ्मालो मो लेखाताह्ङो मान्ताकाय? 25निङ दोह योलाङ आलो खेतेइतो? दोह पेओ नाय लावओ मान्ताकाय? खेल, पे-पेओ नाय लावओ मान्तालमपाय राजदरबारहाङ मोज मज्जाकुसि मुनय! 26दोङ्सिले दाह्य्न, निङ दोह योलाङ आलो खेतेइतो? दोह अगमबक्ताकाय? ङाइ निङकाय तोनेनाङ्स, मा! निङइ च्यवो ओउ यातचाक मान्ताखे दोङ्सिले अगमबक्तासयमा ताह्ङो मान्ता खेना। 27धइतिदाह्य्सा युहन्नाको बारेहाङ परमेस्वरइ धर्मसास्त्रहाङ एत तोसास्यावो मुना—
‘योउ, ङाइ नाङकाय ल्होक्सासय ङ्हा ङाइ लयको खबरदुतकाय ल्होक्नाङ,
ओउइले नाङसय ङ्हा आल्ति नाङ वाह्साखेओ ल्याम तयार जाह्ङ्लेनउ।’ #
मला ३:१
28 ङाइ निङकाय तोनेनाङ्स, युहन्नासय ताह्ङो मान्ता इ ल्हाउदयबाङहाङ सुमा नाःओ नाःल। तर खेयाकायमा परमेस्वरको राज्यहाङ सुखे जुदासय मइतो स्याउना, ओउखे युहन्नासयमा ताह्ङ्तो स्याउलेना।”
29(जुदा मान्तालम र ओउतले तिरो लेःओ मान्तालमइ इ स्यानराय साइति परमेस्वरको आग्या ङ्हामाकानि, धइतिदाह्य्सा ओउमयइ युहन्नाकसय बप्तिस्मा लेःओ खेइतो। 30तर फरिसि र धर्मगुरुलमइखे ओउमयको लागि परमेस्वरको योजनाकाय इन्कार जाह्ङाकानि, धइतिदाह्य्सा ओउमयइ युहन्नाकसय बप्तिस्मा लेःसा ग्याओ नाःआकिलि।)
31येसुइ फेरि तोसास्यावा, “द्याह ङाइ इ पुस्ताको मान्तालमकाय दोहकुस दान्जचाङ? ओउमय गत ताह्ङ्नय? 32ओउमयपाय बजारहाङ च्युःङ्तिमुओ बालाखलम लेखा खेनय। यातज्यो हुलइ अर्कोकाय हिह्ति तोनउ,
‘निङको लागि निइ चोङाइसिओ बाङसुरि म्हुतालाङ्सु,
तर निङ स्याह्तेइलि!
निइ लिह्सिओ गित मेआलाङ्सु,
तर निङ र्यातेइलि!’
33 बप्तिस्मा बयो युहन्ना वाङा, तर ओउइ लाङ जेःआकुलु र ङोतिःमा तुङाकुलु, अनि निङ दाह्य्तेआकाय, ‘ओउकायपाय लानइ ङाःयो मुना!’ 34ङा मान्ताको चोः वाङालाङ, ङाइ जेःआलाङ र तुङालाङ। अनि निङ ‘इ मान्ताकाय योनु, तिरो लेःओ र पापिलमको होया, इपाय आन जेर्याक र तुङर्याक खेना!’ त दाह्य्ति नोःतेआकाय। 35तर बुद्दिको कुराखे परमेस्वरकसय बुद्दि दोःओलमइले तह्य्नानि।”
येसु सिमोन फरिसिको किमहाङ आल्सास्यावो
36यातचाक फरिसिइ येसुकाय लयकुस मुति जेःलाङ गोताकान, अनि येसु आल्ति ओउको किमहाङ पोक्ति जेःसाकाय च्युःङ्सास्यावा। 37ओउ गाउहाङ बेभिचारको काम जाह्ङ्ति याको यातचाक पापि मोम्चो खेतो। येसु फरिसिको किमहाङ वाङ्ति जेःति मुसास्याउना त दाह्य्ति ओउइ सायाकान, ओउत चिःति ओउइ यातज्यो सिमबाङ#७:३७ सिमबाङ यात खालको साति अथबा म्हक-म्हक त बासना वाङो अत्तरलम गम्साकाय बाङकाय कुनति जाह्ङो चोने अथबा तुमुकाकाय सिमबाङ त तोना। ब्लिङतो म्हक-म्हक त बासना वाङो अत्तर लात्ति ओहाङ दाह्तिवाङा। 38र ओउ काह्सय वाङा, येसुको दोमसय चिङ्ति र्याआ र ओउको मिक्तिःइ येसुको दोम न्यात्ताकाकान। ओहाङसयको ओउइ लयको म्याङइ येसुको दोम थ्युराकान, तुःम्ति लाताकान, र येसुको दोम ब्लिङतो अत्तर ल्यान्ति बयाकान। 39जब फरिसिइ इ कुरा च्यवाकान, लयको ल्हुङतुकहाङ एत म्हर्आ, “यदि इ मान्ता दोङ्सिले अगमबक्ता खेयापाय, ओउकाय धिनो मोम्चो सु खेना त दाह्य्ति चिःचउ खेतो! र ओउ मोम्चोइ गतहाइति पाप काम जाह्ङ्ति याको मुना त दाह्य्तिमा चिःचउ खेतो!”
40अनि येसुइ ओउको ल्हुङतुकको बिचार चिःति तोसास्यावा, “सिमोन, ङाइ नाङकाय केहि कुरा तोनेनाङ।”
ओउ त्याङा, “गुरु, दाह्य्सा स्याउपाना।”
41येसुइ तोसास्यावा, “यातचाक धनि मान्ताको निसचाक आसामि खेचतो। यातज्योइ पोङा सय चान्दिको ध्याक अनि अर्कोखेइ पचास चान्दिको ध्याक लेःओ खेतो। 42ओउनिसइ सुइमा रिन द्याःन्ति पाय्क्सा खाइचुलु, ओउतझ्यान्ते साहुइ निसचाककोमा रिन मिनाहा जाह्ङाकान। द्याह दाह्य, ओउ निसचाकमध्ये सुखेइ साहुकाय नाःतो राप्नउ?”
43सिमोनइ तोआथय, “ङाको बिचारहाङ, नाःतो मिनाहा दोःओइ राप्नउ।”
येसुइ तोसास्यावा, “नाङइ दोङ्सिले दाह्य्तेआ।”
44ओहाङसय येसु मोम्चोकताङ हिल्ति सिमोनकाय तोसास्यावा, “नाङइ इ मोम्चोकाय च्यउतेआकान? ङा नाङको किमहाङ वाङालाङ, नाङइ ङाकाय दोम हुर्सा तिःमा बइतेचिलि, तर इ मोम्चोइपाय ङाको दोम लयको मिक्तिःइ हुर्ति लयको म्याङइ थ्युराकान। 45नाङइ ङाकाय तुःम्ति स्वागत जाह्ङ्तेचिलि, तर इ मोम्चोइपाय ङा वाङोहाङसयले ङाको दोमहाङ तुःम्ति मुना। 46नाङइ ङाको म्याङहाङ जयतुनको साति ल्यान्ति बइतेचिलि, तर इ मोम्चोइपाय ङाको दोमहाङ म्हक-म्हक त बासना वाङो अत्तरइ ल्यानाताङ। 47ङाइ नाङकाय तोनेनाङ, इ मोम्चोइ लयको ताह्ङो रापमय छ्यानोझ्यान्ते इको नाःतो पापलम छेमा स्यावो मुना। तर मइतो पाप छेमा दोःओ मान्तालमइखे मइतोले राप्नानि।”
48अनि येसुइ ओउ मोम्चोकाय तोसास्यावा, “नाङको पाप छेमा स्याउतिभ्याओ मुना।”
49ओहाङ येसुकुस ब्रक्त च्युःङ्ति जेःतिमुओ मान्तालम लयमय नोःकायाकाय, “पाप छेमा जाह्ङ्साकाय इ मान्ता सु खेना र?”
50तर येसुइ ओउ मोम्चोकाय तोसास्यावा, “नाङको बिस्वासइ नाङकाय स्याक्ताक्तेआ। द्याह ल्हुङ धोमाइति पाह्य।”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2024 (Active), Mother Tongue Translators Society and Wycliffe Bible Translators, Inc. All rights reserved.