Матфей 4
4
Идемэвозсь тяряфнесы сувафтомс Иисусонь пежес
(Марк 1:12,13; Лук. 4:1-13)
1Тяда меле Ваймопожфсь вятезе Иисусонь шавмодав вага мезенди: тоса идемэвозсь#4:1 идемэвозь – дьявол тяряфнезе сувафтомс Сонь пежес. 2Нильгемонь ши и нильгемонь ве ащесь Иисус апак ярхцак и пяк вачсь пекоц. 3Маладсь Тейнза варчсись#4:3 варчси – тяса: искуситель и мярьгсь: «Кда Тон Шкаень Цёрат, мярьк ня кефненди арамс кшикс». 4Но Иисус каршезонза мярьгсь: «Сёрматф:
"Аф аньцек кшить вельде эряй ломанць,
а эрь валть вельде, кона лиси Шкайть кургста"#4:4 5 Моисея 8:3».
5Тяда меле идемэвозсь вятезе Сонь иняру ошу и стяфтозе Шкаень кудть#4:5 Шкаень куд – храм пряс, 6и корхтай Тейнза: «Кда Тон Шкаень Цёрат, ёрдак пря алу, вдь сёрматф:
"Шкайсь кошардсыне ангелонзон ванфтомс тонь,
и кядьсост канттядязь тонь,
афоль пупорда тонь пильгце кев лангс"#4:6 Псалтирь 90:11-12».
7Иисус мярьгсь тейнза: «Тоса тяфтавок сёрматф: "Тяк варчсе#4:7 варчсемс – тяса: искушать Азорть, Тонь Шкайцень виенц"».
8Эста тага идемэвозсь сявондьсы Иисусть серидонга сери панда пряс, няфнесыне Тейнза модалангонь сембе масторхнень и синь мазышиснон-козяшиснон, 9и корхтай Тейнза: «Сембонь тянь максса Тейть, кда праят пильгозон и сюконят тейне». 10Иисус каршезонза мярьгсь: «Аертт эздон, Сатана; вдь сёрматф:
"Азорти, эсь Шкайцти сюконякшнек
и аньцек Тейнза покотть"#4:10 5 Моисея 6:13».
11Эста идемэвозсь кадозе Иисусонь, и вов, ангелхне састь и кармасть лездома Тейнза.
Иисус ушедозе Эсь покодеманц Галилеяса
(Марк 1:14,15; Лук. 4:14,15)
12Мзярда Иисус марязе: Иоанн Кстиндайсь пякстамгудса, Сон мрдась меки Галилеяв. 13Кадозе Назаретть и кармась эряма Капернаум ошса, кона ащи Галилеянь эрьхкть трваса Завулон и Неффалим масторса. 14Тяфта лиссь, сяс мес эрявсь пяшкодемс Исаия пророкть вельде азф валхнень:
15«Завулон масторсь и Неффалим масторсь,
конат ащихть оцюведти вяти кить лангса,
Иорданть фтала,
лия ломаньтналонь#4:15 лия ломаньтналонь – языческая Галилеясь –
16шобдашиса эряй ломаттне,
няйсть оцю валда,
и куломань цильфса эряйхнень
валдоптозень валдсь»#4:16 Исаия 9:1-2.
17Эстоньбере Иисус ушедсь кулянь пачфнема: «Шарфтода Шкайти, Менелень Оцязорксшись маласа».
Иисус тердьсыне васенце тонафнихнень
(Марк 1:16-20; Лук. 5:1-11)
18Галилеянь эрьхкть трвава ётамста Иисус няйсь кафта братт, Симононь, конань лемнезь Пёторкс, и сонь брадонц, Андреень. Синь ульсть калонь кунцихть и ёрязь эрьхкти калонь кундаматнень. 19Иисус мярьгсь тейст: «Моледа мельган, и Мон тихтядязь тинь ломанень кунцикс». 20Синь эстокиге кадозь калонь кундаматнень и тусть мельганза.
21Иисус тусь тоста сяда тов и няйсь лия кафта братт, Иаковонь и сонь Иоанн брадонц, Зеведеень цёранзон. Синь венчса аляснон мархта петнезь калонь кундамаснон. Иисус синьге тердезень. 22Сятка кадозь венчть, аляснон и эстокиге тусть Сонь мельганза.
Иисус пчкафнесыне сярядихнень
(Лук. 6:17-19)
23Иисус якась сембе Галилеява, тонафтсь синагогава, пачфнесь Пара куля#4:23 Пара куля – Евангелие Шкаень Оцязорксшить колга и пчкафнезень ломаттнень эрь кодама урмада и сярятьфта. 24Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса#4:24 эсь урма – эпилепсия сярядихнень, параличса колафнень, и Сон пчкафнезень синь. 25Иисусонь мельге мольсь пяк лама ломаньда Галилеяста, Кемонь Ошень аймакста, Иерусалимста, Иудеяста и Иорданть омбокста.
தற்சமயம் தேர்ந்தெடுக்கப்பட்டது:
Матфей 4: ОС16
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Библиянь ётафтома институтсь, 2016
Матфей 4
4
Идемэвозсь тяряфнесы сувафтомс Иисусонь пежес
(Марк 1:12,13; Лук. 4:1-13)
1Тяда меле Ваймопожфсь вятезе Иисусонь шавмодав вага мезенди: тоса идемэвозсь#4:1 идемэвозь – дьявол тяряфнезе сувафтомс Сонь пежес. 2Нильгемонь ши и нильгемонь ве ащесь Иисус апак ярхцак и пяк вачсь пекоц. 3Маладсь Тейнза варчсись#4:3 варчси – тяса: искуситель и мярьгсь: «Кда Тон Шкаень Цёрат, мярьк ня кефненди арамс кшикс». 4Но Иисус каршезонза мярьгсь: «Сёрматф:
"Аф аньцек кшить вельде эряй ломанць,
а эрь валть вельде, кона лиси Шкайть кургста"#4:4 5 Моисея 8:3».
5Тяда меле идемэвозсь вятезе Сонь иняру ошу и стяфтозе Шкаень кудть#4:5 Шкаень куд – храм пряс, 6и корхтай Тейнза: «Кда Тон Шкаень Цёрат, ёрдак пря алу, вдь сёрматф:
"Шкайсь кошардсыне ангелонзон ванфтомс тонь,
и кядьсост канттядязь тонь,
афоль пупорда тонь пильгце кев лангс"#4:6 Псалтирь 90:11-12».
7Иисус мярьгсь тейнза: «Тоса тяфтавок сёрматф: "Тяк варчсе#4:7 варчсемс – тяса: искушать Азорть, Тонь Шкайцень виенц"».
8Эста тага идемэвозсь сявондьсы Иисусть серидонга сери панда пряс, няфнесыне Тейнза модалангонь сембе масторхнень и синь мазышиснон-козяшиснон, 9и корхтай Тейнза: «Сембонь тянь максса Тейть, кда праят пильгозон и сюконят тейне». 10Иисус каршезонза мярьгсь: «Аертт эздон, Сатана; вдь сёрматф:
"Азорти, эсь Шкайцти сюконякшнек
и аньцек Тейнза покотть"#4:10 5 Моисея 6:13».
11Эста идемэвозсь кадозе Иисусонь, и вов, ангелхне састь и кармасть лездома Тейнза.
Иисус ушедозе Эсь покодеманц Галилеяса
(Марк 1:14,15; Лук. 4:14,15)
12Мзярда Иисус марязе: Иоанн Кстиндайсь пякстамгудса, Сон мрдась меки Галилеяв. 13Кадозе Назаретть и кармась эряма Капернаум ошса, кона ащи Галилеянь эрьхкть трваса Завулон и Неффалим масторса. 14Тяфта лиссь, сяс мес эрявсь пяшкодемс Исаия пророкть вельде азф валхнень:
15«Завулон масторсь и Неффалим масторсь,
конат ащихть оцюведти вяти кить лангса,
Иорданть фтала,
лия ломаньтналонь#4:15 лия ломаньтналонь – языческая Галилеясь –
16шобдашиса эряй ломаттне,
няйсть оцю валда,
и куломань цильфса эряйхнень
валдоптозень валдсь»#4:16 Исаия 9:1-2.
17Эстоньбере Иисус ушедсь кулянь пачфнема: «Шарфтода Шкайти, Менелень Оцязорксшись маласа».
Иисус тердьсыне васенце тонафнихнень
(Марк 1:16-20; Лук. 5:1-11)
18Галилеянь эрьхкть трвава ётамста Иисус няйсь кафта братт, Симононь, конань лемнезь Пёторкс, и сонь брадонц, Андреень. Синь ульсть калонь кунцихть и ёрязь эрьхкти калонь кундаматнень. 19Иисус мярьгсь тейст: «Моледа мельган, и Мон тихтядязь тинь ломанень кунцикс». 20Синь эстокиге кадозь калонь кундаматнень и тусть мельганза.
21Иисус тусь тоста сяда тов и няйсь лия кафта братт, Иаковонь и сонь Иоанн брадонц, Зеведеень цёранзон. Синь венчса аляснон мархта петнезь калонь кундамаснон. Иисус синьге тердезень. 22Сятка кадозь венчть, аляснон и эстокиге тусть Сонь мельганза.
Иисус пчкафнесыне сярядихнень
(Лук. 6:17-19)
23Иисус якась сембе Галилеява, тонафтсь синагогава, пачфнесь Пара куля#4:23 Пара куля – Евангелие Шкаень Оцязорксшить колга и пчкафнезень ломаттнень эрь кодама урмада и сярятьфта. 24Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса#4:24 эсь урма – эпилепсия сярядихнень, параличса колафнень, и Сон пчкафнезень синь. 25Иисусонь мельге мольсь пяк лама ломаньда Галилеяста, Кемонь Ошень аймакста, Иерусалимста, Иудеяста и Иорданть омбокста.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Библиянь ётафтома институтсь, 2016