متّانین رئوایت 9
9
بئر ائفلئجئن شفاسی
1عئسا بئر قاییغا مئندی و گؤلون او تایینا کچئب، اؤز شهرئنه گلدی.
2اونون یانینا یِرئنئن ائچئنده یاتان ائفلئج بئر آدامی گتئردئلر. عئسا اولارین ائمانینی گؤروب ائفلئجه ددی: «اوغول، اوره‌یئن اوزولمه‌سئن! گوناهلارین باغیشلاندی.» 3تؤورات موعلّئملرئندن بعضئلری اؤز-اؤزونه ددئلر: «بو آدام کوفر دانیشیر!» 4عئسا اولارین نه فئکر اله‌دئکلر بئلئب ددی: «نه اوچون اوره‌یئزده پئس شیلر دوشونورسوز؟ 5هانسینین دمه‌یی داها آساندیر؛ ”سنئن گوناهلارین باغیشلاندی“ دمک، یوخسا ”قالخ، یِری!“ دِمک؟! 6آمّا اونا گؤره کی، بئله‌سئز ائنسان اوغلونون، یِر اوزونده گوناهلاری باغیشلاماغا قودرتی وار…» او ائفلئجه ددی: «سنه دیئرم، قالخ، یِرئنی گؤتور و اِوه گت!» 7ائفلئج ده قالخیب اِوئنه گتدی. 8جاماعات بونی گؤرنده قورخدولار و بله قودرتی آداملارا ورن تارییا حمد اله‌دئلر.
متّانین چاغیریلماسی
9عئسا اوردان کچنده، متّا آدیندا بئر آدامی گؤردی کی، باجخانا دکه‌سئنده اوتورموشدی. اونا ددی: «دالیمجا گل.» او دا قالخیب اونون دالیسیجا گِتدی.
10عئسا متّانین اِوئنده سوفره باشیندا اوتوران واخت، بئر چوخ باج ییغانلار و گوناهکارلار گلئب، عئسا و شاگئردلری ائنن سوفره باشیندا اوتوردولار. 11فرئسی فئرقه‌سئنئن عالئملری بونی گؤرنده، عئسانین شاگئردلرئنه ددئلر: «نه اوچون اوستادیز باج ییغانلار و گوناهکار آداملار ائنان یِمک ییئر؟» 12آمّا عئسا بونی اشئدن واخت ددی: «صاغ آداملار یوخ، ناخوش آداملار طبئبه مؤحتاجدیرلار. 13گدئن بو سؤزون معناسینی اؤیره‌نئن کی، دیئر: ”من رحمت ائسته‌یئرم نه قوربانلیق.“ چونکی من گلمئشم کی، صالح آداملاری یوخ، گوناهکار آداملاری چاغیرام.»
اوروج حاقّیندا بئر سوآل
14بو آرادا یحیانین شاگئردلری عئسانین یانینا گلئب ددئلر: «نه اوچون بئز و فرئسئلر اوروج توتوروق، آمّا سنئن شاگئردلرئن اوروج توتمورلار؟» 15عئسا اولارا ددی: «مگر اولار کی تویون قوناقلاری او زاماناجاق کی بَی حله اولارین یانیندا دیر، یاس توتسونلار؟ اله گونلر گله‌جک کی، بَی اولارین اَلئندن آلینسین. او زامان اولار، او گونلرده اوروج توتاجاقلار.» 16هچ کس کؤهنه پالتارا تَزه پارچادان یاماق وورماز؛ سالینان یاماق کؤهنه پالتاردان قوپار و ییرتیق لاپ پئس اولار. 17تَزه شرابی دا کؤهنه تولوقلارا دولدورمازلار. بِله اله‌سه‌لر، تولوقلار پارتلار، شراب تؤکولر، تولوقلار دا آرادان گدر. یوخ، تَزه شرابی تَزه تولوقلارا دولدورارلار؛ او زامان هر ائکئسی ده حئفظ اولونار.»
دئرئلن قیز و شفا آلان بئر آرواد
18عئسا بو شیلری دیئردی کی، رَیئسلردن بئری گلدی و اونون قاباغیندا یره دوشوب ددی: «قیزیم اله ائندی اؤلدی. آمّا گلئب اونا الئنی قویاسان، یاشایاجاق.» 19عئسا آیاغا قالخیب شاگئردلری ائنن اونون دالیسیجا گتدی. 20اله او واخت، بئر آرواد کی، اون‌‌‌ائکی ائل ائدی قان آخینماسینا دوچار ائدی، عئسانین دالیسیجا گلئب، اونون پالتارینین اَته‌یئنه اَلئن ووردی. 21چونکی اؤز-اؤزونه دیئردی: «آنجاق پالتارینا اَلئم دَیسه بله، شفا تاپاجاغام.» 22عئسا دؤندی و اونی گؤروب ددی: «اوره‌یئن اوزولمه‌سئن، قیزیم. ائمانین سنی شفا وردی.» و آرواد او ساعات شفا تاپدی. 23عئسا ریئسئن اِوئنه گلدئیی واخت، نوحه‌چئلر و شئون اله‌ین جاماعاتی گؤردی. 24و اولارا ددی: «چکئلئن بوردان، چونکی قیز اؤلمه‌یئب، آنجاق یاتیب.» اولار عئسایا گولدولر. 25آمّا جاماعات اشئیه چیخاردیلاندان سورا، عئسا ائچه‌ری گئردی و قیزین الئندن توتدی. قیز آیاغا قالخدی. 26بونون خبری بوتون او منطقه ده یاییلدی.
ائکی کور ائنان بئر لالین شفاسی
27عئسا اوردان قاییدان واخت، دالیسیجا گدن ائکی کور قیشقیردیلار: «ای داوود اوغلی، بئزه یازیغین گلسئن!» 28اِوه گئرندن سورا کورلار اونون یانینا گلدئلر. عئسا اولارا ددی: «آیا ائنانیرسیز کی، بونی اله‌مه‌یه قودرتئم وار؟» کورلار ددئلر: «بلی آغا!» 29او زامان عئسا اولارین گؤزلرئنه ال قویوب ددی: «سئزه ائمانیزا گؤره اولسون.» 30کورلارین گؤزلری آچیلدی. عئسا اولارا جئدّی تاپشیریب ددی: «باخین، هچ کئم بو باره‌ده بئر شی بئلمه‌سئن.» 31آمّا اولار چیخیب، اونون حاقّینداکی خبری او منطقه‌نئن هر یرئنه یایدیلار.
32اولار چیخاندان سورا، ائبلئس روحا توتولموش لال بئر آدامی عئسانین یانینا گتئردئلر. 33عئسا او کئشئدن ائبلئس روحی قوواندان سورا، لال دانیشماغا باشلادی. خالق حیران قالیب دیئردئلر: « بله بئر شی ائسرایئلده هچ واخت گؤرونمه‌یئب.» 34آمّا فرئسئلر دیئردئلر: «عئسا، ائبلئس روحلارین ریئسئنئن کؤمه‌یی ائنن ائبلئس روحلاری قووور.»
محصول چوخ، ائشچی آز
35عئسا بوتون شَهَرلر و کندلری گزئب اولارین عئبادتگاهلاریندا تعلئم ورئردی و گؤیون پادشاهلیغینین خوش خبرئنی اعلان اله‌یئب، هر جور ناخوشلوغی و هر جور مرضی شفا ورئردی. 36جاماعاتی گؤرن واخت، اولارا اوره‌یی یانیردی، چونکی چوبانسیز قویونلار کئمی پرئشان و چاره‌سئز ائدئلر. 37او واخت عئسا شاگئردلرئنه ددی: «محصول چوخدور، آمّا ائشچئلر آزدیر. 38اونا گؤره ده، محصولون صاحئبئنه، یالوارین کی، محصولونی ییغماق اوچون، ائشچئلر گؤندَ‌رسئن.»
தற்சமயம் தேர்ந்தெடுக்கப்பட்டது:
متّانین رئوایت 9: CAB
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
@ 2024 Korpu Company
متّانین رئوایت 9
9
بئر ائفلئجئن شفاسی
1عئسا بئر قاییغا مئندی و گؤلون او تایینا کچئب، اؤز شهرئنه گلدی.
2اونون یانینا یِرئنئن ائچئنده یاتان ائفلئج بئر آدامی گتئردئلر. عئسا اولارین ائمانینی گؤروب ائفلئجه ددی: «اوغول، اوره‌یئن اوزولمه‌سئن! گوناهلارین باغیشلاندی.» 3تؤورات موعلّئملرئندن بعضئلری اؤز-اؤزونه ددئلر: «بو آدام کوفر دانیشیر!» 4عئسا اولارین نه فئکر اله‌دئکلر بئلئب ددی: «نه اوچون اوره‌یئزده پئس شیلر دوشونورسوز؟ 5هانسینین دمه‌یی داها آساندیر؛ ”سنئن گوناهلارین باغیشلاندی“ دمک، یوخسا ”قالخ، یِری!“ دِمک؟! 6آمّا اونا گؤره کی، بئله‌سئز ائنسان اوغلونون، یِر اوزونده گوناهلاری باغیشلاماغا قودرتی وار…» او ائفلئجه ددی: «سنه دیئرم، قالخ، یِرئنی گؤتور و اِوه گت!» 7ائفلئج ده قالخیب اِوئنه گتدی. 8جاماعات بونی گؤرنده قورخدولار و بله قودرتی آداملارا ورن تارییا حمد اله‌دئلر.
متّانین چاغیریلماسی
9عئسا اوردان کچنده، متّا آدیندا بئر آدامی گؤردی کی، باجخانا دکه‌سئنده اوتورموشدی. اونا ددی: «دالیمجا گل.» او دا قالخیب اونون دالیسیجا گِتدی.
10عئسا متّانین اِوئنده سوفره باشیندا اوتوران واخت، بئر چوخ باج ییغانلار و گوناهکارلار گلئب، عئسا و شاگئردلری ائنن سوفره باشیندا اوتوردولار. 11فرئسی فئرقه‌سئنئن عالئملری بونی گؤرنده، عئسانین شاگئردلرئنه ددئلر: «نه اوچون اوستادیز باج ییغانلار و گوناهکار آداملار ائنان یِمک ییئر؟» 12آمّا عئسا بونی اشئدن واخت ددی: «صاغ آداملار یوخ، ناخوش آداملار طبئبه مؤحتاجدیرلار. 13گدئن بو سؤزون معناسینی اؤیره‌نئن کی، دیئر: ”من رحمت ائسته‌یئرم نه قوربانلیق.“ چونکی من گلمئشم کی، صالح آداملاری یوخ، گوناهکار آداملاری چاغیرام.»
اوروج حاقّیندا بئر سوآل
14بو آرادا یحیانین شاگئردلری عئسانین یانینا گلئب ددئلر: «نه اوچون بئز و فرئسئلر اوروج توتوروق، آمّا سنئن شاگئردلرئن اوروج توتمورلار؟» 15عئسا اولارا ددی: «مگر اولار کی تویون قوناقلاری او زاماناجاق کی بَی حله اولارین یانیندا دیر، یاس توتسونلار؟ اله گونلر گله‌جک کی، بَی اولارین اَلئندن آلینسین. او زامان اولار، او گونلرده اوروج توتاجاقلار.» 16هچ کس کؤهنه پالتارا تَزه پارچادان یاماق وورماز؛ سالینان یاماق کؤهنه پالتاردان قوپار و ییرتیق لاپ پئس اولار. 17تَزه شرابی دا کؤهنه تولوقلارا دولدورمازلار. بِله اله‌سه‌لر، تولوقلار پارتلار، شراب تؤکولر، تولوقلار دا آرادان گدر. یوخ، تَزه شرابی تَزه تولوقلارا دولدورارلار؛ او زامان هر ائکئسی ده حئفظ اولونار.»
دئرئلن قیز و شفا آلان بئر آرواد
18عئسا بو شیلری دیئردی کی، رَیئسلردن بئری گلدی و اونون قاباغیندا یره دوشوب ددی: «قیزیم اله ائندی اؤلدی. آمّا گلئب اونا الئنی قویاسان، یاشایاجاق.» 19عئسا آیاغا قالخیب شاگئردلری ائنن اونون دالیسیجا گتدی. 20اله او واخت، بئر آرواد کی، اون‌‌‌ائکی ائل ائدی قان آخینماسینا دوچار ائدی، عئسانین دالیسیجا گلئب، اونون پالتارینین اَته‌یئنه اَلئن ووردی. 21چونکی اؤز-اؤزونه دیئردی: «آنجاق پالتارینا اَلئم دَیسه بله، شفا تاپاجاغام.» 22عئسا دؤندی و اونی گؤروب ددی: «اوره‌یئن اوزولمه‌سئن، قیزیم. ائمانین سنی شفا وردی.» و آرواد او ساعات شفا تاپدی. 23عئسا ریئسئن اِوئنه گلدئیی واخت، نوحه‌چئلر و شئون اله‌ین جاماعاتی گؤردی. 24و اولارا ددی: «چکئلئن بوردان، چونکی قیز اؤلمه‌یئب، آنجاق یاتیب.» اولار عئسایا گولدولر. 25آمّا جاماعات اشئیه چیخاردیلاندان سورا، عئسا ائچه‌ری گئردی و قیزین الئندن توتدی. قیز آیاغا قالخدی. 26بونون خبری بوتون او منطقه ده یاییلدی.
ائکی کور ائنان بئر لالین شفاسی
27عئسا اوردان قاییدان واخت، دالیسیجا گدن ائکی کور قیشقیردیلار: «ای داوود اوغلی، بئزه یازیغین گلسئن!» 28اِوه گئرندن سورا کورلار اونون یانینا گلدئلر. عئسا اولارا ددی: «آیا ائنانیرسیز کی، بونی اله‌مه‌یه قودرتئم وار؟» کورلار ددئلر: «بلی آغا!» 29او زامان عئسا اولارین گؤزلرئنه ال قویوب ددی: «سئزه ائمانیزا گؤره اولسون.» 30کورلارین گؤزلری آچیلدی. عئسا اولارا جئدّی تاپشیریب ددی: «باخین، هچ کئم بو باره‌ده بئر شی بئلمه‌سئن.» 31آمّا اولار چیخیب، اونون حاقّینداکی خبری او منطقه‌نئن هر یرئنه یایدیلار.
32اولار چیخاندان سورا، ائبلئس روحا توتولموش لال بئر آدامی عئسانین یانینا گتئردئلر. 33عئسا او کئشئدن ائبلئس روحی قوواندان سورا، لال دانیشماغا باشلادی. خالق حیران قالیب دیئردئلر: « بله بئر شی ائسرایئلده هچ واخت گؤرونمه‌یئب.» 34آمّا فرئسئلر دیئردئلر: «عئسا، ائبلئس روحلارین ریئسئنئن کؤمه‌یی ائنن ائبلئس روحلاری قووور.»
محصول چوخ، ائشچی آز
35عئسا بوتون شَهَرلر و کندلری گزئب اولارین عئبادتگاهلاریندا تعلئم ورئردی و گؤیون پادشاهلیغینین خوش خبرئنی اعلان اله‌یئب، هر جور ناخوشلوغی و هر جور مرضی شفا ورئردی. 36جاماعاتی گؤرن واخت، اولارا اوره‌یی یانیردی، چونکی چوبانسیز قویونلار کئمی پرئشان و چاره‌سئز ائدئلر. 37او واخت عئسا شاگئردلرئنه ددی: «محصول چوخدور، آمّا ائشچئلر آزدیر. 38اونا گؤره ده، محصولون صاحئبئنه، یالوارین کی، محصولونی ییغماق اوچون، ائشچئلر گؤندَ‌رسئن.»
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
@ 2024 Korpu Company