<div class="version vid1656 iso6393zyb" data-vid="1656" data-iso6393="zyb">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s1">Beijgangj yiengz mbouj raen</div><div class="r"> Majdaiq Saw 18:12-14</div><div class="p"> 1Miz baez he, miz gij vunz sou ceiq he caeuq gij vunz vaih he daeuj dingq Yehsuh gangj vah. 2Yiengq doenghgij vunz gaep haeuj Fazliqcaiq baij he caeuq doenghgij fazliz cenhgyah he raen le, cungj gangj yebyeb naeuz: &#8220;Boux vunz bouxn'x, engq vuenhringz vunz vaih lah! Mbouj danhcij naeuz vuenhringz gyoengqde, vanzlij caeuq gyoengqde gw haeux hwj!&#8221;</div><div class="p"> 3Yiengq Yehsuh rox le, couh yungh gij beijgangj he ma naeuz gyoengqde. De naeuz: 4&#8220;Faenhsou ndaw neix miz byawz miz bak duz yiengz, hoeng, miz ngoenz he, ngaiz mij raen bae duz he, yiengq de ij mbouj ij camqciz mbouj leix goujcib gouj duz mwnq hwj bae cimh duz ngaiz mij raen mwnq nej? Caemh dwg mbouj dwg ij cimh daengz raen bae nej? 5Cimhraen le, cungj angq hwj dawz duz de coengq hwnj gwnz hongzmbaq bae ma ranz nej, 6vanzlij cingj doenghheij baengzyoux hah, gekleiz hah daeuj laeng de angq nej? 7Gou naeuz sou ni hax: caemh doxdoengz, hauhnaeuz miz boux vunz miz coih he, de gaijgoq gaij ndei lo, yiengq youq gwnzmbwn caemh ij vih de gaijgoq hwj angq; mbouj danhcij naeuz angq, vanzlij beij angq goq goujcib gouj boux simndei simsoh mboujyungh gaijgoq gijmaz mwnq angq ndaej lai.&#8221;</div><div class="s1">Beijgangj ngaenz doek</div><div class="p"> 8Yehsuh vanzlij caiq beijgangj naeuz: &#8220;Hauhnaeuz miz boux vunzbaz he, de miz cib dingq ngaenz, hoeng ngaiz doek bae dingq he lo, yiengq de ij mbouj ij diemj daeng hwj sauq sojmiz hih ranz dauqcawq bae cimh, cimh daengz raen bae nej? 9Yiengq cimhraen le, gaengjdingq angq hwj heuh doenghheij baengzyoux de hah, gekleiz de hah daeuj, doiq gyoengqde naeuz: &#8216;Gou cimh ndaej raen dingq ngaenz gou lo; caezgya daeuj caeuq gou angq bax!&#8217; 10Sojhij, gou naeuz sou ni hax, caemh doxdoengz, boux vunz miz coih he de gaijgoq gaij ndei le, bouxcai Cangqdiq caemh yienghmwnq angq.&#8221;</div><div class="s1">Beijgangj daeglwg dauq ma</div><div class="p"> 11Yehsuh caiq naeuz: &#8220;Miz boux he, de miz song daeglwg. 12Miz ngoenz he, daeglwg iq de doiq de naeuz: &#8216;Boh hax, cingj mwngz dawz gou wnggai ndaej hih saizcanj faen hawj gou bax.&#8217; Gajlaeng boh de couh dawz saizcanj faen hawj song daeglwg de.</div><div class="p"> 13&#8220;Goq mbouj geijlwh caez, daeglwg iq de gag dawz de soj faen ndaej hih cienzcaiz bae lingh dieg youz, mbouj guh hong, youqlag gyekgyek, laengzlaengz saengjsaengj, luenhbangh sangq cienzcaiz. Gajlaeng de dawz de sojmiz hih cienzcaiz cungj sangq liux lo. 14De sangq sojmiz hih cienzcaiz liux le, caiq ngamqluj roeb daengz dieg mwnq iekvangh. Gajlaeng de couh cienfanh dwgrengz he. 15Mij banqfaz; de couh bae laeng gij vunz dieg mwnq hih boux he dajgoeng. Yiengq, boux mwnq couh baij de bae gueng mou.#15:15 Youq ndaw fazliz Mohsih, dwg mbouj hawj vunz bungq dawz duz mou hih. Gij vunz Youzdaiq yawj boux ciengx mou dwg gij ceiq yaqyuij dih hong. 16Youq mwh de iek hwj ij rai vangh hih mwhde, de daiqlienz samjmou cungj ijsiengj gw, hoeng, daiqlienz gij neix cungj mij vunz hawj de.</div><div class="p"> 17&#8220;Gajlaeng de couh singqsag goqdaeuj, cij ngeix daengz: &#8216;Ndaw ranz boh gou miz baenxbienh vunz bang de dajgoeng, cix miz gw daixbaj, hoeng gou dauq youq dineix ij rai iek bae. 18Ganhseiq dauq maj cimh daxboh suenq lox, maj doiq de naeuz: &#8220;Boh hax, gou daekcoih Cangqdiq, caemh daekcoih daengz mwngz; 19daj seizneix hwnj, gou mij'z naj caiq ndaej guh daeglwg mwngz laem lo. Cijaeu gouz mwngz sou gou caemhdangq mwngz sou gunghyinz yienghmwnq sou gou couh ndaej lo!&#8221;&#8217; 20De yienghneix ngeix naeuz le, couh dauq maj ranz daxboh de lo.</div><div class="p">&#8220;De maj ranz mwhde, vanzlij liz ranz loqmauqhuz gyae, hoeng daxboh de couh yawjraen de ma lo. Yiengq, daxboh de couh hojsik sim'unq hwj riq okbae got dawz gij hoz de, cup de, gotgot cupcup. 21Gajlaeng, de naeuz: &#8216;Boh hax, gou daekcoih Cangqdiq, caemh daekcoih daengz mwngz; daj seizneix hwnj, gou mij'z naj caiq ndaej guh lwg mwngz laem lo.&#8217; 22Hoeng, daxboh de dauq doiq bouxhoiq naeuz: &#8216;Vaiqdi maj dawz diuz buh ceiq ndei he daeuj hawj daeglwg iq gou daenj, caemh daenj haedfawz hawj de, caiq aeu haiz hawj de daenj haem, 23caiq maj dawz duz cwzlwg biz mwnq gaj bae. Daengj raeuz gw laeuj hoh de bax, 24aenvih lwg gou rai dauq lix, mij miz dauq miz lo!&#8217; Gajlaeng, gij vunz couh gwgw angqangq lo.</div><div class="p"> 25&#8220;Ngamqluj mwhneix, daeglwg daeuz de daj ndaw reih ma. Ma daengz henz ranz le, dingqri ndaw ranz miz vunz ciengq go diuquj hwj hemq bae. 26De couh yuq bouxhoiq he goq daeuj, cam de naeuz ndaw ranz miz gijmaz saeh lah. 27Yiengq bouxhoiq naeuz de ni naeuz: &#8216;Daegnuengx mwngz ma lo. Daxboh mwngz raen de mij ngaiz saek yiengh saeh, couh angq hwj dawz duz cwzlwg biz mwnq gaj lo.&#8217;</div><div class="p"> 28&#8220;Daeglwg daeuz de dingq le, cungj ndatheiq hwj ij rai bae, mbouj siengj haeuj ranz maj lo. Yiengq daxboh de rox le, couh ok daeuj heuh de haeuj maj. 29Hoeng, de dauq doiq daxboh de naeuz: &#8216;Gou swqhaeuh mwngz baenx geijlwh bi, caemh dingq mwngz, swnh mwngz bae, hoeng mwngz daiq duz yiengzbyalwg he cungj mij hawj gou, hawj gou caeuq gij baengzyoux gou gwgw angqangq goq. 30Hoeng, daeglwg mwngz neix nej, de dawz gij saizcanj mwngz cungj vah haeuj laeng gij lauxgawj mwnq bae liux. Seizneix de baex ma hih lah, hoeng, mwngz couh majcangq doq gaj duz cwzlwg biz mwnq lo!&#8217;</div><div class="p"> 31&#8220;Gajlaeng, daxboh de doiq de naeuz: &#8216;Lwg hax lwg! Mwngz siengzseiz youq dineix; gou sojmiz hih cungj dwg gij mwngz liux. 32Raeuz seizneix wnggai vih daegnuengx mwngz rai dauq lix, mij miz dauq miz hwj angq bax.&#8217;&#8221;</div>
 </div>
 </div>
</div>

Miz baez he, miz gij vunz sou ceiq he caeuq gij vunz vaih he daeuj dingq Yehsuh gangj vah. Yiengq doenghgij vunz gaep haeuj Fazliqcaiq baij he caeuq doenghgij fazliz cenhgyah he raen le, cungj gangj yebyeb naeuz: “Boux vunz bouxn'x, engq vuenhringz vunz vaih lah! Mbouj danhcij naeuz vuenhringz gyoengqde, vanzlij caeuq gyoengqde gw haeux hwj!”
Yiengq Yehsuh rox le, couh yungh gij beijgangj he ma naeuz gyoengqde. De naeuz: “Faenhsou ndaw neix miz byawz miz bak duz yiengz, hoeng, miz ngoenz he, ngaiz mij raen bae duz he, yiengq de ij mbouj ij camqciz mbouj leix goujcib gouj duz mwnq hwj bae cimh duz ngaiz mij raen mwnq nej? Caemh dwg mbouj dwg ij cimh daengz raen bae nej? Cimhraen le, cungj angq hwj dawz duz de coengq hwnj gwnz hongzmbaq bae ma ranz nej, vanzlij cingj doenghheij baengzyoux hah, gekleiz hah daeuj laeng de angq nej? Gou naeuz sou ni hax: caemh doxdoengz, hauhnaeuz miz boux vunz miz coih he, de gaijgoq gaij ndei lo, yiengq youq gwnzmbwn caemh ij vih de gaijgoq hwj angq; mbouj danhcij naeuz angq, vanzlij beij angq goq goujcib gouj boux simndei simsoh mboujyungh gaijgoq gijmaz mwnq angq ndaej lai.”

Yehsuh vanzlij caiq beijgangj naeuz: “Hauhnaeuz miz boux vunzbaz he, de miz cib dingq ngaenz, hoeng ngaiz doek bae dingq he lo, yiengq de ij mbouj ij diemj daeng hwj sauq sojmiz hih ranz dauqcawq bae cimh, cimh daengz raen bae nej? Yiengq cimhraen le, gaengjdingq angq hwj heuh doenghheij baengzyoux de hah, gekleiz de hah daeuj, doiq gyoengqde naeuz: ‘Gou cimh ndaej raen dingq ngaenz gou lo; caezgya daeuj caeuq gou angq bax!’ Sojhij, gou naeuz sou ni hax, caemh doxdoengz, boux vunz miz coih he de gaijgoq gaij ndei le, bouxcai Cangqdiq caemh yienghmwnq angq.”

Yehsuh caiq naeuz: “Miz boux he, de miz song daeglwg. Miz ngoenz he, daeglwg iq de doiq de naeuz: ‘Boh hax, cingj mwngz dawz gou wnggai ndaej hih saizcanj faen hawj gou bax.’ Gajlaeng boh de couh dawz saizcanj faen hawj song daeglwg de.
“Goq mbouj geijlwh caez, daeglwg iq de gag dawz de soj faen ndaej hih cienzcaiz bae lingh dieg youz, mbouj guh hong, youqlag gyekgyek, laengzlaengz saengjsaengj, luenhbangh sangq cienzcaiz. Gajlaeng de dawz de sojmiz hih cienzcaiz cungj sangq liux lo. De sangq sojmiz hih cienzcaiz liux le, caiq ngamqluj roeb daengz dieg mwnq iekvangh. Gajlaeng de couh cienfanh dwgrengz he. Mij banqfaz; de couh bae laeng gij vunz dieg mwnq hih boux he dajgoeng. Yiengq, boux mwnq couh baij de bae gueng mou. Youq mwh de iek hwj ij rai vangh hih mwhde, de daiqlienz samjmou cungj ijsiengj gw, hoeng, daiqlienz gij neix cungj mij vunz hawj de.
“Gajlaeng de couh singqsag goqdaeuj, cij ngeix daengz: ‘Ndaw ranz boh gou miz baenxbienh vunz bang de dajgoeng, cix miz gw daixbaj, hoeng gou dauq youq dineix ij rai iek bae. Ganhseiq dauq maj cimh daxboh suenq lox, maj doiq de naeuz: “Boh hax, gou daekcoih Cangqdiq, caemh daekcoih daengz mwngz; daj seizneix hwnj, gou mij'z naj caiq ndaej guh daeglwg mwngz laem lo. Cijaeu gouz mwngz sou gou caemhdangq mwngz sou gunghyinz yienghmwnq sou gou couh ndaej lo!”’ De yienghneix ngeix naeuz le, couh dauq maj ranz daxboh de lo.
“De maj ranz mwhde, vanzlij liz ranz loqmauqhuz gyae, hoeng daxboh de couh yawjraen de ma lo. Yiengq, daxboh de couh hojsik sim'unq hwj riq okbae got dawz gij hoz de, cup de, gotgot cupcup. Gajlaeng, de naeuz: ‘Boh hax, gou daekcoih Cangqdiq, caemh daekcoih daengz mwngz; daj seizneix hwnj, gou mij'z naj caiq ndaej guh lwg mwngz laem lo.’ Hoeng, daxboh de dauq doiq bouxhoiq naeuz: ‘Vaiqdi maj dawz diuz buh ceiq ndei he daeuj hawj daeglwg iq gou daenj, caemh daenj haedfawz hawj de, caiq aeu haiz hawj de daenj haem, caiq maj dawz duz cwzlwg biz mwnq gaj bae. Daengj raeuz gw laeuj hoh de bax, aenvih lwg gou rai dauq lix, mij miz dauq miz lo!’ Gajlaeng, gij vunz couh gwgw angqangq lo.
“Ngamqluj mwhneix, daeglwg daeuz de daj ndaw reih ma. Ma daengz henz ranz le, dingqri ndaw ranz miz vunz ciengq go diuquj hwj hemq bae. De couh yuq bouxhoiq he goq daeuj, cam de naeuz ndaw ranz miz gijmaz saeh lah. Yiengq bouxhoiq naeuz de ni naeuz: ‘Daegnuengx mwngz ma lo. Daxboh mwngz raen de mij ngaiz saek yiengh saeh, couh angq hwj dawz duz cwzlwg biz mwnq gaj lo.’
“Daeglwg daeuz de dingq le, cungj ndatheiq hwj ij rai bae, mbouj siengj haeuj ranz maj lo. Yiengq daxboh de rox le, couh ok daeuj heuh de haeuj maj. Hoeng, de dauq doiq daxboh de naeuz: ‘Gou swqhaeuh mwngz baenx geijlwh bi, caemh dingq mwngz, swnh mwngz bae, hoeng mwngz daiq duz yiengzbyalwg he cungj mij hawj gou, hawj gou caeuq gij baengzyoux gou gwgw angqangq goq. Hoeng, daeglwg mwngz neix nej, de dawz gij saizcanj mwngz cungj vah haeuj laeng gij lauxgawj mwnq bae liux. Seizneix de baex ma hih lah, hoeng, mwngz couh majcangq doq gaj duz cwzlwg biz mwnq lo!’
“Gajlaeng, daxboh de doiq de naeuz: ‘Lwg hax lwg! Mwngz siengzseiz youq dineix; gou sojmiz hih cungj dwg gij mwngz liux. Raeuz seizneix wnggai vih daegnuengx mwngz rai dauq lix, mij miz dauq miz hwj angq bax.’”

వినండి Luqgyah Saw 15