Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a transliteration of a corrected edition of the 1908 Western Cree Bible; it is in the public domain.

ki ayikin māka, ita mēkwāc ē ayamihāt, ispi ē ponitāt, pēyak o kiskinohamawākana ki itik, kā tipēyihcikēyan, kiskinohamāwinān kita isi ayamihāyāhk, tāpiskoc cān kā ki isi kiskinohamawāt o kiskinohamawākana. ēkosi ki itēw, ēyamiāyēko, itwēk notāwinān, kihci kisikohk ēyāyan. kita wi kikatēyitākwan ki wiyowin, kit otēnawiwin kita wi otihcipayiw, ē itēyitaman kita wi tocikātēw askihk kā isi ayāk kihci kisikohk. miyinān tahto kisikāw kē ohci pimātisiyahk. mina ponēyitamawinān ni maciitiwinināna kā isi ponēyitamawakicik aniki kā masinahamakoyakok. mina ēkāwiya itohtahinān kotēyitowinihk māka mitākwēnamawinān maci kēkway.
ēkosi ki itēw, tānāna kiyawāw kā itasiyēk kē ototēmit, ēkosi kē nātākwē ē apitā tipiskāyik, mina kē itākwē, nitotēm, awiin nisto piswē ayakonāwak; cikēmā pēyak nitotēm notihtik ē pimipicit, ēkosi nama kēkway nit āyān kita asamak: ēkosi wiyāna pitokamik ohci kita naskwēwasitāw mina kita itwēw, ēkāwiya mikoskācimin? iskwatēm sāsay kipahikātēw, ēkosi nit awāsimisak sāsay ki kawisimowak, namawiya ni ka ki waniskān kita miyitān: kit itināwāw, ata ēkā wi waniskāci kita miyat ototēmitowin ohci, ēyiwēhk ēkā ponwēwēmikoci, kita waniskāw mina kita miyēw tahto ē natawēyimāyit. ēkosi māka kit itināwāw, natotamāk, ēkosi ki ka miyikawināwāw; nanātonikēk, ēkosi ki ka miskēnāwāw; pakamaamok iskwatēm, ēkosi ki ka yotēnamākawināwāw. wiya tahto awiyak kā natotamākēt, kita miyāw; mina ana kā natonahk miskam: mina ana kā pakamaahk iskwātēm kita yotēnamawāw. mina tānāna kiyawāw kā okosisit natotamakoci piswēkasikanā, asinia ci kita miyēw? awēkā kispin kinosēwa nitotamākoci kinēpikwa ci kita miyēw? awēkā kispin wāwi natotamākoci ocisowēwa ci kita miyēw? kispin māka kiyawāw, ē nayētawātisiyēk ki kiskēyitēnāwāw kita miyāyēkwaw miyo mēkiwina kit awāsimisiwāwak, tāniyikohk awasimē kotawiwā kihci kisikohk kā ayāt kē miyāt kā kanātisiyit ahcāhkwa anihi kā natotamākot.
ēkosi ki wayawiwēpinēw maci ahcāhkwa, ēkā ē ki nitawēyit. ēkosi ki ispayiw, ispi maci ahcāhk kā wayawit: ēkā kā nitawēt nāpēw ki pikiskwēw; ayisiyiniwak māka ki māmaskātamwak. māka atiht ki itwēwak, wayawiwēpinēw maci ahcāhkwa piēlsipap ohci kā tipēyimayit maci ahcāhkwa. kotakak māka, ē kotēyimācik, ki natawēyitamwak kiskinawaci isihcikēwin kihci kisikohk ohci. wiya māka, ē kiskēyitahk ē isi mamitonēyitamiyit, ki itēw, kā itatihk otēnawiwin kā nanānisciitomakahk nisiwanātan; mina wāskaikan kā nanānisciitomakahk pahkihtin. mina kispin sētan pikonisoci, tānisi kē isi nipawimakaniyit ot otēnawiwin? cikēmā ē itwēyēk wayawiwēpinēw maci ahcāhkwa piēlsipap ohci. kispin māka niya piēlsipap ohci ni wayawiwēpināwak maci ahcāhkwak, awēnihi ohci kikosisiwawak kā wayawiwēpinācik? ēwako ohci ki ka oyasowātikowāwak. māka kispin niya kisēmanito ocihci ohci ni wayawiwēpināwak maci ahcāhkwak, ēkosēsāni kisēmanito ot otēnawiwin wētitikoyēk. mēkwāc ē maskawisit nāpēw, mitoni, ē nimāskwēt kanawēyihtahki wiki, ot ayāwina pēyatak ayāyiwa: māka ispi nawac ē maskawisiyit ispic wiya otihtikoci, mina sākociikoci, maskamik kahkiyaw o nimāskwēwin kā ki aspēyimototahk, ēkosi nanāniscitāyiwa ē maniwatātikot. ana ēkā kā wicēwit ni nakāskak; ēkosi ana ēkā kā wici māwacicikēmit osaswēwēpinikēw. ispi ēkā ka pēkisit ahcāhk nēkatāci ayisiyiniwa, papamotēw pastēwayihk, ēnanātonahk aywēpiwin; ēkosi ēkā ē miskahk, itwēw, nikihk ni ka isi kiwān ita kā ki pē ohci wayawiyān. ēkosi ispi ē takosihk, miskam ē ki wēpaikēwik mina ē wawēsicikātēyik. ēkwa natawi otinamāso tēpakop kotaka ahcāhkwa, awasimē ē macāyiwiyit ispic wiya, ēkosi pihtokēwak, mina ayāwak ēkota, ēkosi iskwāyānihk kā isi ayāt ēwakwāna nāpēw, awasimē mayi ayāw ispi nistam.
ki ayikin māka ispi oma kā ayitwēt, pēyak iskwēw kā māmawēyatiyit ayisiyiniwa ohci ki pikiskwēw ē itikot, kihci sawēyitākosiw ana kā ki nihtāwikiisk mina ana kā ki noyisk. māka ki itwēw ēha, nawac māka sawēyitākosiwak aniki kā natotakik kisēmanito ot ayamiwin ēkosi kā kanawēyihtahkik.
ēkosi ispi ayisiyiniwa kā māahciitoyit, ki māci itēw, oki kā āniskē pimātisicik nayētawatisiwak: natoskamwak kiskinawaci isihcikēwin, māka namawiya kiskinawaci isihcikēwin kita miyāwak, piko anima o kiskinawaci isihcikēwin cōna. cikēmā mwēhci cōna kā ki isi kiskinawātēyimikot ninipa ayisiyiniwa, ēkosi wista iyiniwikosisān kē totawāt ohi anohc kā pimātisiyit. kihci okimāskwēw sāwanotāhk ohci kita waniskāw oyasowēwi kisikāki asici oki ayisiyiniwak, kita nanipomāt: wiya wāyawēskamik ē ki ohtotēt kita pēhtahk ot iyinisiwiniyiw sālomana; cist māka, awasimē ē kihcāyiwit ispihc sāloman ota ayāw. ayisiyiniwak ninipi ohci kita wici waniskāmēwak ohi ayisiyiniwa oyasowēwi kisikāki, mina kita nanipomēwak: wiya ē ki kwēskātisicik o kakēskwēwiniyiw ohci cōna; cist māka, awasimē ē kihcāyiwit ispihc cōna ota ayāw.
namawiya awiyak ayisiyiniw, ispi kā saskaaki wāsaskotēnikan, wātikanihk, ahpo sipa makakohk astāw, māka wāsaskotēnikanātikohk, aniki kā pihtokēcik kita wāpahtahkik wāstēw. kiskisik kā ohci wāstēwiniwahk kiyaw, kispin māka kiskisik pēyakwēyimomakaki, misiwē kiyawihk sakaskinēw wāstēw; māka ispi kiskisik nēyētāwaki, kiyaw sākaskinēw wanitipiskisiwin. ayākwamisi māka anima wāstēw kā kikiskākoyan ēkā kita wanitipiskāk. ēwakoci māka kispin misiwē kiyaw sākaskinēki wāstēw, ēkā nānitaw ē wanitipiskinākwahk, kahkiyaw mitoni kita wāstēw, tāpiskoc wāsaskotēnikan kikihk kā isi wāsaskotēnamākoyan.
mēkwāc māka oma ē pikiskwēt, pēyak parasiwa ki kakwēcimik kita wicimicisomāt: ēkosi ki pihtokēw, mina ē ki nahapit kita micisot. ispi māka ana parasi iyāpatahk, ki māmaskātam ēkā ē ki kāsicihcēyit ē mwayē micisoyit: ēkosi kā tipēyihcikēt ki itēw, kiyawāw parasiwa ki kasiyāpiskawēnāwāw minikwakanis mina oyākan wayawitimāyihk; māka wiya picāyihk ki sākaskinānāwāw maskatwēwin mina macātisiwin. kakēpātisak, nama ci ana kā ki ositāt wayawitimāyihk, ki ositāw asici picāyihk anima kā ayak. māka yāyaw mēkik mēkiwina anihi ohci picāyihk kā ayāki; ēkosi mātika kahkiyaw kēkwaya pēkanwa kiyawāw ohci. māka ki kakwatakisināwāw kiyawāw parasiwak cikēmā ki pakitināsonāwāw, pēyak ē ki mitātatotāhk mint mina ro mina kahkiyaw kistikānisa, ēkosi wiya ēkā ē nākatokēyēk oyasowēwin mina o sākihiwēwin kisēmanito: māka ohi kita ki totamēk mina anima kotak namawiya kita ēkā itotamēk. ki kakwātakisināwāw māka kiyawāw pārasiwak! cikēmā ki sākihtānāwāw ē nikānastēki apiwina ayamihēwikamikohk, mina atamiskātowina atātowinihk. ki kakwātakisināwāw, cikēmā tāpiskoc yikwahaskāna ēkā kā nokwaki kit itēyitākosināwāw, ēkosi ayisiyiniwak āta takohc pēmotētwāwi namawiya kiskēyitamwak.
pēyak māka oyasowēwiyiniwa ki naskwēwasimik omisi ē itikot, okiskinohamākēw oma kā itwēyan, nistanān kit ānwēyiminān. ēkosi māka ki itwēw, ki kakwatakisināwāw kistawāw oyasowēwiyinitik; cikēmā ki nayataāwāwak ayisiyiniwak nayacikāna ē āyimaki kita nayatamihk, māka kiyawāw namawawac kanakē pēyak kicihciwāw kohci sāminēnāwāw anihi nayacikana. ki kakwātakisināwāw! cikēmā kositāwānāwāw o nainikowikamikowāwa okiskiwēhikēwak kotawiwāwak māka ē ki nipahācik. tāpwē ani kit ācimisonāwāw ē naskotamwēk ot itotamowiniwāwa kotāwiwāwak: wiya tāpwē ē ki nipahācik, ēkosi māka kiyawāw ē ositāwāyēk o nainikowikamikowawa. ēwako māka mina ohci kā itwēmakaniyik ot iyinisiwin kisēmanito, ni kā isitisahamawāwak okiskiwēhikēwa mina isitisawākana: ēkosi atiht kita nipaēwak mina kita kakwatakiēwak: o mihkowāw kahkiyaw okiskiwēhikēwak, anima kā ki sikinikātēk aspin kā kistastēk aski, kita natawēyitamācik oki anohc kā pimātisicik; omihk ohci ēpil piyis omihk sākarāyas, ana kā ki nipit tastawayihk pakitināsowināpiskohk mina ayamihēwikamikohk; tāpwē kit itināwāw, kita natawēyitamawāwak oki ayisiyiniwak, ki kakwatakisināwāw kiyawāw oyasowēwiyinitik: cikēmā ki ki otinēnāwāw kiskēyitamowi apitakaikan: namawiya kiyawāw ki pitokānāwāw, ēkosi aniki kā wi pihtokēcik ki kipiskawāwāwak.
ispi māka ēkota kā pē ohci wayawit masinahikēwiyiniwa asici pārasiwa naspic mistahi ki sikiskak, ē āyāsitēmikot, mihcēt kēkwaya kita tasitamawāt. ē aswaokot, ē wi kakwē kācitinamiyit kēkway otonihk ohci.

వినండి sēnt lok 11