Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Jiizane ta darre ta Kana</div><div class="p"> 1Gaa meeni seera omma, gi lekki&#599;e jiizane darre ka&#436;i a&#599;e maa gu kolaa goo Kana, ma aaye ki&#599;a ta Galilee. Gii Yaati Iisa, 2o Iisa kulla ma jobookeetee gu kolow&#599;iy jiizanti. 3Gaa maa gu mirimco kotti gaami&#599;e, gii yaati Iisa beneyyiyyee gee: &#171;Guta mirmi gaame.&#187; 4Gaa Iisa tiilitti gaa: &#171;Iya, lubbi keeke ay kante &#599;a. Wikinnitu asee &#599;a missa maa na gaariyyooca darjantu oko giimo.&#187; 5Gii yaati Iisa beneyyiyyoo oko lubaakeyyo gee: &#171;Leyyo&#331;gu gaari paracco maa ga beneyyato&#331;.&#187;</div><div class="p"> 6Gaa were kaaka lekki&#599;o ondigee bizgi&#436;i taatta ku dambeyyo maa gu Yawudigee kalaayo ammi ku apilti, ale&#331; ta aada&#331;geeco ku maa gu dee&#599;o samaane unti Mellayi wikinne maa gu lollokkaa. Ondigee kotti pa, daare &#599;e ecekka poppo&#599;i ku&#599;u&#331;gee, o daare pa ecekka orro o seera. 7Gaa Iisa beneyyiyyoo oko lubaakee kotti gaa: &#171;Onno&#331;gu ondigee kotti ma ammi.&#187; Guu onni&#599;iy ta calay calay. 8Gaa lee&#599;iyoo payya gaa: &#171;Ha&#331;ka pa, ku &#599;abbo&#331; paa&#599;e paalta ku itiriyyee oko tattuwco giimi ma leewa tiyaw.&#187; Guu &#599;abbi&#599;e paalta gu itiriyyee ammi guta kotti ma sawle gu dee&#599;e mirmi daare a&#599;e ku mor&#816;mor&#816;oskeyyo. 9Maa ga tattuwco giimi ma leewa tiyaw aawiy mirmi kooko, gaa al&#599;o ibina &#599;a ba&#331; gu asaa min ta&#331;aa. Lubaakee soopa ma &#599;abbe ammi gu onni&#599;iy ondigee kotti lekka a&#599;e kabarre. Gaa kolliyya mitt&#237; daatti, 10gaa beneyyiyyee gaa: &#171;Giimi gu beraayo &#436;a omma mirmi ku daana, guu mowwe pa, guu biriyyo kaa pe ma daana &#599;a. Kii pa, duwiyoo oko mirmi ku daana namma ya ha&#331;ka.&#187;</div><div class="p"> 11Ay keeke appe ay latta ka ajjibiti ka diiliti maa ga Iisa leelo ma garaa kadar ga asaa min Mellayi. Gaari kooko pa deero darre ta Kana ki&#599;a ta Galilee. Ay i&#331;aa appe ga gaaricca darjanti, guu jobookeetee duw&#599;iy galbigeeco oko gata. 12Gaa maa gu gaari kooko &#436;iili&#599;e, gaa Iisa kaati&#599;e geegar ka Kaparnawom ma yaati o seneetee ku rootta o jobookeetee, guu dee&#599;e nunta meeni paalta.</div><div class="s1">Iisa petekkay giimi ma saawagga girti Mellayi</div><div class="r">(Ello&#331; Matiye 21.12-13, Mark 11.15-17, Lik 19.45-46)</div><div class="p"> 13Gaa maa gu meeni ku laalanco Yawudigeyyo maa gu kolaa goo Pak garribi&#599;e, ga Iisa kulla kaate geegar ka Zerizalem. 14Maa ga sar&#599;e, gaa dee&#599;e un&#816;n&#816;a doorane#2.14 Dooranti taata pa ay were maa gu giimi paracco, Yawudigee o giimi ma ay Yawudigee &#599;a, lollok&#599;iya Mella. ta girti Mellayi. Guu lekki&#599;o i&#331;aa giimi ma saawagga gama o tamee o hamam, o daare pa ay magaakee ku guruzzi#2.14 Magaakee ku guruzzi kotti, leewaa lubbico ka magaawi aatt&#237; doorane tee ta girti Mellayi. Ay guta appe ma magakkaa gurus ka ki&#599;aayee daare. Guta beraayo oko turaayo gurusco Yawudigeyyo. Magaw taata pa, gu leewaca &#599;a samaane, ay kaaka appe ga gurus mara&#599;&#599;iyo gu dew&#599;o ayaawee.. 15Maa ga Iisa elli&#599;iy pa, gaa icci&#599;e donni, gaa pitti&#599;iy paracco min dooranti, ma tameeco o gamaaco. Gaa terciliyyooga gurusco magakkeyyo o ga baggiyoogu da&#331;gilco ku saawigiti. 16Maa ga pitti&#599;iy, gaa beneyyiyyoo oko gi&#599;aakee ku hamamti gaa: &#171;Cimmo&#331;gu lawto&#331; kooko paracco min i&#331;ee, arkini lee &#599;a girti Tattu ger ka sunniti.&#187; 17Maa gu jobookeetee elliyya liyaw kaaka, gu mooyiya were maa gu ketepey&#599;iya beneyti Mellayi goo: &#171;&#435;ekko maa na lekka oko gircum egekkano ale&#331; okko#2.17 Ello&#331; Soom 69.10..&#187;</div><div class="p"> 18Maa ga Iisa lee&#599;iya keeke, guu taattuweeco Yawudigeyyo inniyya goo: &#171;Gaarani &#436;a latta ka ajjibiti, ku maa ni lee&#599;o kabarre kadar ki lekka botol maa ki lee&#599;o go&#331;&#331;a.&#187; 19Gaa Iisa tiiliyyoo gaa: &#171;Yeyyo&#331;ga girti Mellayi keeke, gaa ma meeni subba na asiyya geewa.&#187; 20Guu beneyyiyyee goo: &#171;Ni geewiya ma &#436;ilaakee orooruwee poo&#599;i o bizgi&#436;i ger keeke, gaa kiita, kii ki akkiya geewa ma meeni subba ka!&#187; 21Ger kaaka pa maa ga Iisa beneyyayo ay ziiti. 22Ay &#599;akko appe, maa ga Iisa na&#599;i&#599;e min muuti, guu jobookeetee mooyi&#599;e kadar ga beneyyiya keeke. Guu amanni&#599;e payya oko beneyt&#237; Kitamniti Mellayi o oko beneyti Iisa.</div><div class="s1">Iisa ibinya saa ka galbigeeco giimo</div><div class="p"> 23Wikinne maa ga Iisa al&#599;o missa Zerizalem laalane ta Pakti, gu giimi maani dowwiy galbigeeco oko gata, asan gu elliy garaawi ku ajjibiti maa ga leelo ma garaa gudiranti Mellayi. 24Gaa Iisa soopa al&#599;iy amanna &#599;a, asan ga ibiniy saa paracco, 25o ga gata a&#331;ka &#599;a gu tasaw&#599;eegu gaarco giimo, asan ga gata ibinya saa ka galbigeeco.</div>
 </div>
 </div>
</div>

Gaa meeni seera omma, gi lekkiɗe jiizane darre kaƴi aɗe maa gu kolaa goo Kana, ma aaye kiɗa ta Galilee. Gii Yaati Iisa, o Iisa kulla ma jobookeetee gu kolowɗiy jiizanti. Gaa maa gu mirimco kotti gaamiɗe, gii yaati Iisa beneyyiyyee gee: «Guta mirmi gaame.» Gaa Iisa tiilitti gaa: «Iya, lubbi keeke ay kante ɗa. Wikinnitu asee ɗa missa maa na gaariyyooca darjantu oko giimo.» Gii yaati Iisa beneyyiyyoo oko lubaakeyyo gee: «Leyyoŋgu gaari paracco maa ga beneyyatoŋ.»
Gaa were kaaka lekkiɗo ondigee bizgiƴi taatta ku dambeyyo maa gu Yawudigee kalaayo ammi ku apilti, aleŋ ta aadaŋgeeco ku maa gu deeɗo samaane unti Mellayi wikinne maa gu lollokkaa. Ondigee kotti pa, daare ɗe ecekka poppoɗi kuɗuŋgee, o daare pa ecekka orro o seera. Gaa Iisa beneyyiyyoo oko lubaakee kotti gaa: «Onnoŋgu ondigee kotti ma ammi.» Guu onniɗiy ta calay calay. Gaa leeɗiyoo payya gaa: «Haŋka pa, ku ɗabboŋ paaɗe paalta ku itiriyyee oko tattuwco giimi ma leewa tiyaw.» Guu ɗabbiɗe paalta gu itiriyyee ammi guta kotti ma sawle gu deeɗe mirmi daare aɗe ku mor̰mor̰oskeyyo. Maa ga tattuwco giimi ma leewa tiyaw aawiy mirmi kooko, gaa alɗo ibina ɗa baŋ gu asaa min taŋaa. Lubaakee soopa ma ɗabbe ammi gu onniɗiy ondigee kotti lekka aɗe kabarre. Gaa kolliyya mittí daatti, gaa beneyyiyyee gaa: «Giimi gu beraayo ƴa omma mirmi ku daana, guu mowwe pa, guu biriyyo kaa pe ma daana ɗa. Kii pa, duwiyoo oko mirmi ku daana namma ya haŋka.»
Ay keeke appe ay latta ka ajjibiti ka diiliti maa ga Iisa leelo ma garaa kadar ga asaa min Mellayi. Gaari kooko pa deero darre ta Kana kiɗa ta Galilee. Ay iŋaa appe ga gaaricca darjanti, guu jobookeetee duwɗiy galbigeeco oko gata. Gaa maa gu gaari kooko ƴiiliɗe, gaa Iisa kaatiɗe geegar ka Kaparnawom ma yaati o seneetee ku rootta o jobookeetee, guu deeɗe nunta meeni paalta.


Gaa maa gu meeni ku laalanco Yawudigeyyo maa gu kolaa goo Pak garribiɗe, ga Iisa kulla kaate geegar ka Zerizalem. Maa ga sarɗe, gaa deeɗe un̰n̰a doorane ta girti Mellayi. Guu lekkiɗo iŋaa giimi ma saawagga gama o tamee o hamam, o daare pa ay magaakee ku guruzzi. Maa ga Iisa elliɗiy pa, gaa icciɗe donni, gaa pittiɗiy paracco min dooranti, ma tameeco o gamaaco. Gaa terciliyyooga gurusco magakkeyyo o ga baggiyoogu daŋgilco ku saawigiti. Maa ga pittiɗiy, gaa beneyyiyyoo oko giɗaakee ku hamamti gaa: «Cimmoŋgu lawtoŋ kooko paracco min iŋee, arkini lee ɗa girti Tattu ger ka sunniti.» Maa gu jobookeetee elliyya liyaw kaaka, gu mooyiya were maa gu ketepeyɗiya beneyti Mellayi goo: «Ƴekko maa na lekka oko gircum egekkano aleŋ okko.»
Maa ga Iisa leeɗiya keeke, guu taattuweeco Yawudigeyyo inniyya goo: «Gaarani ƴa latta ka ajjibiti, ku maa ni leeɗo kabarre kadar ki lekka botol maa ki leeɗo goŋŋa.» Gaa Iisa tiiliyyoo gaa: «Yeyyoŋga girti Mellayi keeke, gaa ma meeni subba na asiyya geewa.» Guu beneyyiyyee goo: «Ni geewiya ma ƴilaakee orooruwee pooɗi o bizgiƴi ger keeke, gaa kiita, kii ki akkiya geewa ma meeni subba ka!» Ger kaaka pa maa ga Iisa beneyyayo ay ziiti. Ay ɗakko appe, maa ga Iisa naɗiɗe min muuti, guu jobookeetee mooyiɗe kadar ga beneyyiya keeke. Guu amanniɗe payya oko beneytí Kitamniti Mellayi o oko beneyti Iisa.

Wikinne maa ga Iisa alɗo missa Zerizalem laalane ta Pakti, gu giimi maani dowwiy galbigeeco oko gata, asan gu elliy garaawi ku ajjibiti maa ga leelo ma garaa gudiranti Mellayi. Gaa Iisa soopa alɗiy amanna ɗa, asan ga ibiniy saa paracco, o ga gata aŋka ɗa gu tasawɗeegu gaarco giimo, asan ga gata ibinya saa ka galbigeeco.

వినండి Yaaya 2