Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Iisa gu katawki unti Guberner Pilat</div><div class="r">(Ello&#331; Matiye 27.1-2,11-14, Mark 15.1-5, Yaaya 18.28-38)</div><div class="p"> 1Gaa min i&#331;aa, wikirco taattuweeco Yawudigeyyo ku parlanti, gu giimi waci&#599;e paracco, guu kaatikkiki Iisa unti Pilat. Pilat pa ay guberner maa gi hakuuma ta Rooma n&#816;akamme hikimiyti i&#331;aa ki&#599;a ta Yudee. 2Gaa i&#331;aa gu diili&#599;e gu gaga&#599;&#599;e gaari oko Iisa goo: &#171;Ni gassiya gimu keeke, gaa esekkayooca oko gimtini, o gaa gu addo pilka &#599;a miiri oko tattuwe ka tatta kee Seezar, o ga gata saa leewe gaa ga ay Masi, sultan maa ga Mella aparre.&#187; 3Gaa Pilat inniyya gaa: &#171;Kii ay sultanco Yawudigeyyo e?&#187; Gaa Iisa tiiliyyee gaa: &#171;Ay kii saa ma beneyyiya keeke.&#187; 4Gaa Pilat beneyyiyyoo oko taattuweeco so&#436;oowee ku sa&#599;ika&#331;geyyo o oko giimi ku maani kotti gaa: &#171;Gimu keeke na gassiyee &#599;a ya er&#816;n&#816;e.&#187; 5Guu giimi pa beneyyi&#599;e saa pe ma ra&#599;&#599;a ta &#436;iila goo: &#171;Gata esekkayooca oko giimo ma giraaniti. Gaartee kooko pa ga diiliy min ki&#599;a ta Galilee, gaa &#436;iili&#599;e oko ki&#599;a paratt&#237; ta Yudee. Ha&#331;ka pa ga aseero namma ya i&#331;ee wikirtine.&#187;</div><div class="s1">Iisa gu katawkiki unti sultan Erod</div><div class="p"> 6Maa ga Pilat giyyiya beneyco giimo kaaka ma gaarti Galilee, gaa inni&#599;e gaa: &#171;Gata gimu keeke ay ka Galilee e?&#187; 7Maa gu beneyyiyyee oko Pilat kadar ga Iisa ay ka Galilee ma hikimiyenta ma Erod, gaa Pilat n&#816;aamiyya Iisa wikirti Erod. Erod pa aaye Zerizalem wikinne kaaka. 8Gaa Erod gi dee&#599;iyee daanee ta tirta maa ga elliyya Iisa, asan ga domokke maa ga a&#331;a&#599;&#599;e elliti saanane ka gaartee maa gu giimi beneyko o ga ocokke ga lee&#599;o latta ka ajjibiti ga elli&#599;o. 9Gaa enew&#599;iya maani maani, Iisa soopa tiiliyee &#599;a ya beneyyi ka&#436;i. 10Oko wikinne kaaka pa gu taattuweeco so&#436;oowee ku sa&#599;ika&#331;geyyo o aalimnigee ku Kitamniti Muusa aaye i&#331;aa. Guu gaga&#599;&#599;e gaari suura oko Iisa. 11Gaa Erod ma asaakargeetee no&#436;o&#599;&#599;e gaari oko Iisa o gu leewiki liyaw gonek ka. Ay ma no&#436;&#436;ico ta gaaro taata appe, gu issiyyee ka&#599;i&#331;gee samaane ta kaw. Gaa Erod yookiyyeega payya oko Pilat. 12Min omma pa ga Erod ma giiti Pilat gi galawwiyo &#599;a, a oko meene taata soopa gu deero lanjigee.</div><div class="s1">Pilat beraa Iisa gu paapiyya</div><div class="r">(Ello&#331; Matiye 27.15-26, Mark 15.6-15, Yaaya 18.39&#8211;19.16)</div><div class="p"> 13Gaa Pilat timmi&#599;iy taattuweeco so&#436;oowee ku sa&#599;ika&#331;geyyo o ajaawa&#331;gee o giimi ku maani. 14Gaa beneyyiyyoo gaa: &#171;Ku itirnawga gimu keeke kuu ga esekkayooca oko giimo. Naa inniyya unto&#331;, naa al&#599;iye gassa &#599;a soo ya er&#816;n&#816;e maa ga negekke min oko gaari maa ku bowo&#599;&#599;iyee. 15Erod kulla yookineega asan ga gassiye &#599;a er&#816;n&#816;e. Gimu keeke saa negekke &#599;a pe ni&#331;go ma arakke muutu. 16-17Kaaka pa na r&#816;ocokka ka, naa cappiyyee.&#187;</div><div class="p"> 18Guu giimi cayyiki&#599;e paracco goo: &#171;Deyya gimu keeke! Barabas pa, ki cappaniiga min da&#331;ayi!&#187; 19Barabas pa, gu baamiya da&#331;ayi oko na&#331;go ma deero geegarri o ma gaari ku diyaawi gimi. 20Mile&#331; ga Pilat pa a&#331;akke ga cappiyyee oko Iisa, ga &#599;illiyooga payya beneyti oko giimi ku maani kotti. 21Guu guta soopa cayyikiyyee saa pe goo: &#171;Paapiya kuruwayi! Paapiya kuruwayi!&#187; 22Gaa ma daa ta subba, ga Pilat inni&#599;iy payya gaa: &#171;Gimu keeke leewe ini me gaarta ku mi&#599;&#599;a? Naa, gassiyee &#599;a ni&#331;go ma arakke muutu. Kaaka pa na r&#816;ocokka ka, naa cappiyyee.&#187; 23Guu cayyak&#599;o kanco missa ma ra&#599;&#599;a ta &#436;iila goo: &#171;Paapiya kuruwayi!&#187; Gii ma cayyikico taata, ga kanco dee&#599;e. 24Gaa Pilat oyyi&#599;e ga lee&#599;iyooga latta maa gu enee. 25Gaa cimmiyyooga Barabas maa gu enee kee min da&#331;ayi, gata maa gu bakamme da&#331;ayi oko na&#331;go ma deero geegarri o ma gaari ku diyaawi gimi. Gaa biriyyooga Iisa ku maa gu lee&#599;eega latta maa gu a&#331;ka.</div><div class="s1">Iisa gu papaa kuruwayi</div><div class="r">(Ello&#331; Matiye 27.32-44, Mark 15.21-32, Yaaya 19.17-24)</div><div class="p"> 26Wikinne maa gu kataw&#599;iki Iisa paapiti, gu waagikkiki mi&#599;i ka&#436;i a&#599;e maa gu semeetee goo Simo ka geegar ka Siren#23.26 Geegar ka Siren pa aaye ki&#599;a ta Libi. ma asaa min renta. Guu baamiyya gu gagiyyeega kuruwa maa gu dee&#599;iya paapa Iisa, gaa jobo&#599;&#599;iya Iisa. 27Guu giimi maani jobo&#599;&#599;iya Iisa o daati kulla ma erecca o gu laatayya saananti. 28Gaa Iisa ribiliyyoo oko daati kotti gaa beneyyiyyoo gaa: &#171;Daati ku Zerizalem, a&#599;o&#331; erca &#599;a oko naa! Erco&#331; soo ta kayyeeto&#331; o oko ronto&#331;, 29asan ga wikinne akka asa maa gu giimi asi&#599;o beneyya goo: &#8220;Baarikenta ay daati ma ay doolee, o daati maa gu a&#599;icco icce &#599;a kayti&#331; miici o gu puucco gasse &#599;a wa&#436;&#436;o.&#8221; 30Oko wikinne kaaka, &#8220;gu giimi akkiyoo beneyya oko dambabbo goo: Suubani! o oko jappappo pa goo: Gubbini#23.30 Ello&#331; Ozee 10.8.!&#8221; 31A gaa ettu ka &#595;ayta ka kulla gu leyye mi&#599;&#599;a go&#331;&#331;a, ga ettu ka aa&#436;inta pa gu leewaa pe goo me?&#187; 32Guu itir&#599;e kulla giimi seera maa gu akkiy dee sawa ma Iisa. Guta pa ay giimi ma leewa mi&#599;&#599;a.</div><div class="p"> 33Wikinne maa gu sar&#599;e were maa gu joraa goo &#8216;Gugur&#816;uti Kayaati&#8217;, guu paapiyya Iisa kuruwayi o gu paapiy ku seera koo ma leewa mi&#599;&#599;a, kulla ka&#436;i a&#599;e ma kuruwati, ka ka&#436;i tiyaawati Iisa o ka ka&#436;i ma ta n&#816;ugilati. 34Gaa oko asaakargee ma paapiya ga inniyyooga Mella gaa: &#171;Baaba, saamiyayo asan gu ibinya &#599;a latta maa gu leewa.&#187; Guu asaakargee eddi&#599;iy ka&#599;i&#331;geetee ma liyaw ta jollo jolloti. 35Guu giimi maani wara&#599;&#599;e i&#331;aa gu elel&#599;o. Guu taattuweeco Yawudigeyyo no&#436;o&#599;&#599;e gaari oko Iisa goo: &#171;Gata najjiye giimi daare. Ha&#331;ka pa, ga najjiyu paa&#599;e ziiti, gaa ay Masi a&#599;e go&#331;&#331;a maa ga Mella aparre.&#187; 36Asaakargee kulla ma aaye i&#331;aa, no&#436;okkee gaari. Guu sappiyyee katta, o gu biryee mirmi ku sa&#599;amta. 37Guu beney&#599;e goo: &#171;Kii ay sultanco Yawudigeyyo a&#599;e go&#331;&#331;a, ki najjiyu paa&#599;e ziicum.&#187; 38Uwwa min kayaati Iisa pa gu atakke ettu &#595;eterter maa gu ketepeyyiyee goo: Keeke ay Sultanco Yawudigeyyo.</div><div class="p"> 39Gaa ka&#436;i min oko giimi ma leewa mi&#599;&#599;a ku seera koo maa gu papee ma gata, n&#816;ele&#599;&#599;iya gaa: &#171;Kii maa kii ki ay Masi! Najjiyu paa&#599;e ziicum o ki najjiyni nii kulla.&#187; 40Gaa ka ka&#436;i soopa makkiyyee oko giiti gaa: &#171;Kii keeke &#595;ayakka a&#599;&#599;e Mella &#595;a, kii kulla deegeyye ale&#331; tanti teete a&#599;e? 41Keeta &#599;e gi diigante&#331; ay butult&#237; asan ga ay kee melleeco ma deyekkica. A gata pa bala ga negekke &#599;e ya maatiki.&#187; 42Gaa lee&#599;iyee oko Iisa gaa: &#171;Mooyino meene maa kii asee asa ale&#331; sultan.&#187; 43Gaa Iisa tiiliyyee gaa: &#171;Na beneyyamca seene, meente keeke a&#599;e ki kataa ma naa jenniti.&#187;</div><div class="s1">Muutti Iisa</div><div class="r">(Ello&#331; Matiye 27.45-56, Mark 15.33-41, Yaaya 19.28-30)</div><div class="p"> 44Gii paato dee&#599;e gaayile cakkat, gii warri&#599;e min &#595;eeliti. Gaa namtuwe taggicca ki&#599;a paratt&#237; namma ya usurti. 45Gaa oko wikinne kaaka maa gi paato taggi&#599;e, gii ka&#599;iyye ta yaata ma ca&#599;awwiya girti Mellayi peeti&#599;e durgee seera min &#599;a&#599;&#599;akiti. 46Gaa Iisa kolli&#599;e ma ra&#599;&#599;a gaa: &#171;Baaba, na beramca ruuhantu piccum.&#187; Maa ga beneyyiya beneyti kaaka pa gaa jooti&#599;e. 47Maa ga tattuwco asaakargee ku Rooma elliyya latta kaaka ma deero, gaa logo&#599;&#599;iya Mella, gaa beneyyi&#599;e gaa: &#171;Ay ma seene pe ga gimu keeke &#599;aya&#331;.&#187; 48Maa gu giimi ku maani kotti ma aaye oko diyaw taata elliyya ma deero, gaa paracco gu laatay&#599;o namma gu taman&#599;iy gorgumeeco, guu yooki&#599;e gerraco. 49Guu lanjigeetee Iisa paracco o daati ma ezekkiya min ki&#599;a ta Galilee wara&#599;&#599;e arro ka gu elel&#599;iya latta kaaka ma deero.</div><div class="s1">Iisa gu esekkaa mooniti</div><div class="r">(Ello&#331; Matiye 27.57-61, Mark 15.42-47, Yaaya 19.38-42)</div><div class="p"> 50-51Gaa lekki&#599;o mii&#599;i maa gu semeetee goo Yuusup. Gata kaaka pa, ay ka Arimatee geegarco Yawudigeyyo. Gata pa, ay giico taattuweeco Yawudigeyyo ma ca&#599;aa parlane, ga al&#599;e oyya &#599;a soo ma latta maa gu gittee bodowwiki. Gata gu gaartee samaane o ga &#599;aya&#331; unti Mellayi. Gaa oco&#599;&#599;ica mulunniti Mellayi. 52Ay gata appe ma kaate ga dee&#599;iya inna Pilat ku maa ga biriyyeega ziiti Iisa. Gaa Pilat oyyiyyee. 53Gaa Yuusup beeriyya ziiti Iisa min kuruwayi, gaa kappiniyya ma kapanne, gaa dee&#599;iya issa moone maa gu caree kolkilenta were ma ay dambee. Moone taata pa gu esekkiti &#599;a missa kayti&#331; gimu. 54Meene taata pa ay meenco Yawudigeyyo maa gu hassal&#599;ica meene ta nambiti. Gita pa delaa katta. 55Daati ma ezekkiya Iisa min Galilee pa jobokkiya kulla Yuusup. Guu ellicca moone, o gu elliya kulla ba&#331; gu issiya goo me ziiti Iisa. 56Guu yooki&#599;e giiri gu asiyya amsa sewen ma itir ma nobokka daana ku maa gu dee&#599;e kokki&#436;a oko ziiti. A mile&#331; gi meene ta nambiti pa ase, gu nambe asan gu hukumnigeeco to&#599;okkiyo lubbi.</div>
 </div>
 </div>
</div>

Gaa min iŋaa, wikirco taattuweeco Yawudigeyyo ku parlanti, gu giimi waciɗe paracco, guu kaatikkiki Iisa unti Pilat. Pilat pa ay guberner maa gi hakuuma ta Rooma n̰akamme hikimiyti iŋaa kiɗa ta Yudee. Gaa iŋaa gu diiliɗe gu gagaɗɗe gaari oko Iisa goo: «Ni gassiya gimu keeke, gaa esekkayooca oko gimtini, o gaa gu addo pilka ɗa miiri oko tattuwe ka tatta kee Seezar, o ga gata saa leewe gaa ga ay Masi, sultan maa ga Mella aparre.» Gaa Pilat inniyya gaa: «Kii ay sultanco Yawudigeyyo e?» Gaa Iisa tiiliyyee gaa: «Ay kii saa ma beneyyiya keeke.» Gaa Pilat beneyyiyyoo oko taattuweeco soƴoowee ku saɗikaŋgeyyo o oko giimi ku maani kotti gaa: «Gimu keeke na gassiyee ɗa ya er̰n̰e.» Guu giimi pa beneyyiɗe saa pe ma raɗɗa ta ƴiila goo: «Gata esekkayooca oko giimo ma giraaniti. Gaartee kooko pa ga diiliy min kiɗa ta Galilee, gaa ƴiiliɗe oko kiɗa parattí ta Yudee. Haŋka pa ga aseero namma ya iŋee wikirtine.»

Maa ga Pilat giyyiya beneyco giimo kaaka ma gaarti Galilee, gaa inniɗe gaa: «Gata gimu keeke ay ka Galilee e?» Maa gu beneyyiyyee oko Pilat kadar ga Iisa ay ka Galilee ma hikimiyenta ma Erod, gaa Pilat n̰aamiyya Iisa wikirti Erod. Erod pa aaye Zerizalem wikinne kaaka. Gaa Erod gi deeɗiyee daanee ta tirta maa ga elliyya Iisa, asan ga domokke maa ga aŋaɗɗe elliti saanane ka gaartee maa gu giimi beneyko o ga ocokke ga leeɗo latta ka ajjibiti ga elliɗo. Gaa enewɗiya maani maani, Iisa soopa tiiliyee ɗa ya beneyyi kaƴi. Oko wikinne kaaka pa gu taattuweeco soƴoowee ku saɗikaŋgeyyo o aalimnigee ku Kitamniti Muusa aaye iŋaa. Guu gagaɗɗe gaari suura oko Iisa. Gaa Erod ma asaakargeetee noƴoɗɗe gaari oko Iisa o gu leewiki liyaw gonek ka. Ay ma noƴƴico ta gaaro taata appe, gu issiyyee kaɗiŋgee samaane ta kaw. Gaa Erod yookiyyeega payya oko Pilat. Min omma pa ga Erod ma giiti Pilat gi galawwiyo ɗa, a oko meene taata soopa gu deero lanjigee.


Gaa Pilat timmiɗiy taattuweeco soƴoowee ku saɗikaŋgeyyo o ajaawaŋgee o giimi ku maani. Gaa beneyyiyyoo gaa: «Ku itirnawga gimu keeke kuu ga esekkayooca oko giimo. Naa inniyya untoŋ, naa alɗiye gassa ɗa soo ya er̰n̰e maa ga negekke min oko gaari maa ku bowoɗɗiyee. Erod kulla yookineega asan ga gassiye ɗa er̰n̰e. Gimu keeke saa negekke ɗa pe niŋgo ma arakke muutu. Kaaka pa na r̰ocokka ka, naa cappiyyee.»
Guu giimi cayyikiɗe paracco goo: «Deyya gimu keeke! Barabas pa, ki cappaniiga min daŋayi!» Barabas pa, gu baamiya daŋayi oko naŋgo ma deero geegarri o ma gaari ku diyaawi gimi. Mileŋ ga Pilat pa aŋakke ga cappiyyee oko Iisa, ga ɗilliyooga payya beneyti oko giimi ku maani kotti. Guu guta soopa cayyikiyyee saa pe goo: «Paapiya kuruwayi! Paapiya kuruwayi!» Gaa ma daa ta subba, ga Pilat inniɗiy payya gaa: «Gimu keeke leewe ini me gaarta ku miɗɗa? Naa, gassiyee ɗa niŋgo ma arakke muutu. Kaaka pa na r̰ocokka ka, naa cappiyyee.» Guu cayyakɗo kanco missa ma raɗɗa ta ƴiila goo: «Paapiya kuruwayi!» Gii ma cayyikico taata, ga kanco deeɗe. Gaa Pilat oyyiɗe ga leeɗiyooga latta maa gu enee. Gaa cimmiyyooga Barabas maa gu enee kee min daŋayi, gata maa gu bakamme daŋayi oko naŋgo ma deero geegarri o ma gaari ku diyaawi gimi. Gaa biriyyooga Iisa ku maa gu leeɗeega latta maa gu aŋka.


Wikinne maa gu katawɗiki Iisa paapiti, gu waagikkiki miɗi kaƴi aɗe maa gu semeetee goo Simo ka geegar ka Siren ma asaa min renta. Guu baamiyya gu gagiyyeega kuruwa maa gu deeɗiya paapa Iisa, gaa joboɗɗiya Iisa. Guu giimi maani joboɗɗiya Iisa o daati kulla ma erecca o gu laatayya saananti. Gaa Iisa ribiliyyoo oko daati kotti gaa beneyyiyyoo gaa: «Daati ku Zerizalem, aɗoŋ erca ɗa oko naa! Ercoŋ soo ta kayyeetoŋ o oko rontoŋ, asan ga wikinne akka asa maa gu giimi asiɗo beneyya goo: “Baarikenta ay daati ma ay doolee, o daati maa gu aɗicco icce ɗa kaytiŋ miici o gu puucco gasse ɗa waƴƴo.” Oko wikinne kaaka, “gu giimi akkiyoo beneyya oko dambabbo goo: Suubani! o oko jappappo pa goo: Gubbini!” A gaa ettu ka ɓayta ka kulla gu leyye miɗɗa goŋŋa, ga ettu ka aaƴinta pa gu leewaa pe goo me?» Guu itirɗe kulla giimi seera maa gu akkiy dee sawa ma Iisa. Guta pa ay giimi ma leewa miɗɗa.
Wikinne maa gu sarɗe were maa gu joraa goo ‘Gugur̰uti Kayaati’, guu paapiyya Iisa kuruwayi o gu paapiy ku seera koo ma leewa miɗɗa, kulla kaƴi aɗe ma kuruwati, ka kaƴi tiyaawati Iisa o ka kaƴi ma ta n̰ugilati. Gaa oko asaakargee ma paapiya ga inniyyooga Mella gaa: «Baaba, saamiyayo asan gu ibinya ɗa latta maa gu leewa.» Guu asaakargee eddiɗiy kaɗiŋgeetee ma liyaw ta jollo jolloti. Guu giimi maani waraɗɗe iŋaa gu elelɗo. Guu taattuweeco Yawudigeyyo noƴoɗɗe gaari oko Iisa goo: «Gata najjiye giimi daare. Haŋka pa, ga najjiyu paaɗe ziiti, gaa ay Masi aɗe goŋŋa maa ga Mella aparre.» Asaakargee kulla ma aaye iŋaa, noƴokkee gaari. Guu sappiyyee katta, o gu biryee mirmi ku saɗamta. Guu beneyɗe goo: «Kii ay sultanco Yawudigeyyo aɗe goŋŋa, ki najjiyu paaɗe ziicum.» Uwwa min kayaati Iisa pa gu atakke ettu ɓeterter maa gu ketepeyyiyee goo: KEEKE AY SULTANCO YAWUDIGEYYO.
Gaa kaƴi min oko giimi ma leewa miɗɗa ku seera koo maa gu papee ma gata, n̰eleɗɗiya gaa: «Kii maa kii ki ay Masi! Najjiyu paaɗe ziicum o ki najjiyni nii kulla.» Gaa ka kaƴi soopa makkiyyee oko giiti gaa: «Kii keeke ɓayakka aɗɗe Mella ɓa, kii kulla deegeyye aleŋ tanti teete aɗe? Keeta ɗe gi diiganteŋ ay butultí asan ga ay kee melleeco ma deyekkica. A gata pa bala ga negekke ɗe ya maatiki.» Gaa leeɗiyee oko Iisa gaa: «Mooyino meene maa kii asee asa aleŋ sultan.» Gaa Iisa tiiliyyee gaa: «Na beneyyamca seene, meente keeke aɗe ki kataa ma naa jenniti.»


Gii paato deeɗe gaayile cakkat, gii warriɗe min ɓeeliti. Gaa namtuwe taggicca kiɗa parattí namma ya usurti. Gaa oko wikinne kaaka maa gi paato taggiɗe, gii kaɗiyye ta yaata ma caɗawwiya girti Mellayi peetiɗe durgee seera min ɗaɗɗakiti. Gaa Iisa kolliɗe ma raɗɗa gaa: «Baaba, na beramca ruuhantu piccum.» Maa ga beneyyiya beneyti kaaka pa gaa jootiɗe. Maa ga tattuwco asaakargee ku Rooma elliyya latta kaaka ma deero, gaa logoɗɗiya Mella, gaa beneyyiɗe gaa: «Ay ma seene pe ga gimu keeke ɗayaŋ.» Maa gu giimi ku maani kotti ma aaye oko diyaw taata elliyya ma deero, gaa paracco gu laatayɗo namma gu tamanɗiy gorgumeeco, guu yookiɗe gerraco. Guu lanjigeetee Iisa paracco o daati ma ezekkiya min kiɗa ta Galilee waraɗɗe arro ka gu elelɗiya latta kaaka ma deero.


Gaa lekkiɗo miiɗi maa gu semeetee goo Yuusup. Gata kaaka pa, ay ka Arimatee geegarco Yawudigeyyo. Gata pa, ay giico taattuweeco Yawudigeyyo ma caɗaa parlane, ga alɗe oyya ɗa soo ma latta maa gu gittee bodowwiki. Gata gu gaartee samaane o ga ɗayaŋ unti Mellayi. Gaa ocoɗɗica mulunniti Mellayi. Ay gata appe ma kaate ga deeɗiya inna Pilat ku maa ga biriyyeega ziiti Iisa. Gaa Pilat oyyiyyee. Gaa Yuusup beeriyya ziiti Iisa min kuruwayi, gaa kappiniyya ma kapanne, gaa deeɗiya issa moone maa gu caree kolkilenta were ma ay dambee. Moone taata pa gu esekkiti ɗa missa kaytiŋ gimu. Meene taata pa ay meenco Yawudigeyyo maa gu hassalɗica meene ta nambiti. Gita pa delaa katta. Daati ma ezekkiya Iisa min Galilee pa jobokkiya kulla Yuusup. Guu ellicca moone, o gu elliya kulla baŋ gu issiya goo me ziiti Iisa. Guu yookiɗe giiri gu asiyya amsa sewen ma itir ma nobokka daana ku maa gu deeɗe kokkiƴa oko ziiti. A mileŋ gi meene ta nambiti pa ase, gu nambe asan gu hukumnigeeco toɗokkiyo lubbi.

వినండి Lik 23