Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Jeezas ton waata tu wain</div><div class="p"> 1Too dayz afta dat, dehn mi ga wahn wedn da Kayna, weh deh eena Gyalilee. Jeezas ma mi dehdeh, 2ahn Jeezas ahn ih disaipl dehn mi geh invaitid tu di wedn tu. 3Wen aala di wain mi don, Jeezas ma gaahn gaahn tel ahn seh, &#8220;Dehn noh ga nohmoh wain.&#8221;</div><div class="p"> 4Jeezas ansa ahn seh, &#8220;Ma, dat da noh non a fi wee bizniz, yu noh; ahn bisaidz, mai taim noh kohn yet.&#8221;</div><div class="p"> 5Ih ma gaahn hed eniway ahn tel di servant dehn seh, &#8220;Eniting weh Jeezas tel unu fi du, unu du it.&#8221;</div><div class="p"> 6Now siks big stoan kantayna mi dehdeh weh di Jooz dehn mi hafu yooz fi dehn washin serimoni.#2:6 washin serimoni: Di Jooish peepl dehn mi ga roolz bowt how fi wash dehnself eena sohn speshal way bifoa dehn eet, ahn bifoa dehn wership eena di templ, ahn ada speshal taim. Dehn kantayna dehn kuda mi hoal bowt tweni tu terti gyalan.</div><div class="p"> 7Jeezas tel di servant dehn, &#8220;Ful op di kantayna dehn wid waata.&#8221; Soh dehn ful op di kantayna dehn rait op tu di rim.</div><div class="p"> 8Den ih tel dehn seh, &#8220;Dip op som a di waata ahn kehr it da di man weh in chaaj a evriting ya.&#8221;</div><div class="p">Soh dehn kehr di waata tu ahn, ahn ih tays it. 9Bai da taim deh, di waata mi don ton tu wain aredi. Laik how da mi di servant dehn weh mi ful op di kantayna dehn wid waata, dehn mi don noa weh di wain kohn fram, bot di man in chaaj neva noa. Soh ih kaal di groom, 10ahn ih seh tu ahn, &#8220;Yoozhwali peepl wuda serv dehn bes wain fos. Den wen evribadi don jrink wahn lat aredi, dat da wen dehn wuda bring owt di cheep wain. Bot yoo neva du dat. Yoo lef di bes wain til laas.&#8221;</div><div class="p"> 11Dis mirakl weh Jeezas mi du da Kayna eena Gyalilee da-mi di fos mirakl weh ih mi eva du. Da rait dehsoh dehn mi si how wandaful hihn wandaful; da den ih disaipl dehn geh fi bileev eena ahn.</div><div class="p"> 12Afta dat, Jeezas gaahn dong da Kapernyam, lang wid ih ma ahn ih breda dehn ahn ih disaipl dehn, ahn dehn stay deh fi sohn dayz.</div><div class="s">Jeezas chays owt dehn wan weh mi-di sel da di templ</div><div class="r">(Machyu&#160;21:12-13; Maak&#160;11:15-17; Look&#160;19:45-46)</div><div class="p"> 13Da mi nayli taim fi di Jooish selibrayshan weh nayhn di Paasoava,#2:13 Paasoava: Dat da di day wen di Jooish peepl dehn eet wahn speshal meel tugeda fi memba wen Gaad free dehn fahn slayvri ahn tek dehn owta Eejip eena Moaziz taim. soh Jeezas gaan op da Jeroosalem. 14Wen ih reech deh, ih gaahn da di templ ahn ih fain peepl eena di yaad di sel kow ahn sheep ahn pijin fi sakrifais, ahn di moni chaynja dehn mi dehdeh rong fi dehn taybl tu. 15Soh ih tek roap ahn mek wahn wip, ahn wap evribadi owt, lang wid dehn sheep ahn dehn kow; den ih ton oava di moni chaynja dehn taybl ahn skyata aala dehn moni. 16Ih tel dehn wan weh mi-di sel pijin, &#8220;Kehr dehn ting owta ya! Stap tek mi Faada hows mek maakit!&#8221;</div><div class="p"> 17Rait den, Jeezas disaipl dehn memba dat di Skripcha seh, &#8220;Gaad, di lov weh Ah ga fi yu hows di bon eena mi laik faiya.&#8221;#Saam&#160;69:9.</div><div class="p"> 18Di Jooish leeda dehn aks ahn seh, &#8220;Weh mirakl yoo ku du az wahn sain fi shoa wi dat yoo ga di rait fi goh aan laik dis?&#8221;</div><div class="p"> 19Soh Jeezas ansa ahn seh, &#8220;Brok dong dis templ, ahn eena chree dayz taim Ai wahn bil it op bak.&#8221;</div><div class="p"> 20Dehn aks Jeezas seh, &#8220;Ih mi tek hoal a faati siks yaaz fi bil dis templ. Ahn yoo wahn ku bil it bak eena chree dayz?&#8221;</div><div class="p"> 21Bot di templ weh Jeezas mi-di taak bowt da-mi fi hihn badi. 22Soh wen Jeezas mi rayz op bak fahn di ded, ih disaipl dehn mi memba dat Jeezas mi did seh dat fi chroo. Den dehn mi bileev weh di Skripcha seh, ahn weh Jeezas mi seh.</div><div class="p"> 23Wen Jeezas mi stil deh da Jeroosalem joorin di Paasoava selibrayshan, wahn lata peepl geh fi bileev eena ahn afta dehn si aala di mirakl dehn weh ih du. 24Bot Jeezas neva chros dehn ataal, kaa hihn mi don noa weh mi reeli deh eena dehn haat. 25Nobadi neva hafu tel hihn how dehn peepl stay, kaa hihn mi don noa aredi.</div>
 </div>
 </div>
</div>

Too dayz afta dat, dehn mi ga wahn wedn da Kayna, weh deh eena Gyalilee. Jeezas ma mi dehdeh, ahn Jeezas ahn ih disaipl dehn mi geh invaitid tu di wedn tu. Wen aala di wain mi don, Jeezas ma gaahn gaahn tel ahn seh, “Dehn noh ga nohmoh wain.”
Jeezas ansa ahn seh, “Ma, dat da noh non a fi wee bizniz, yu noh; ahn bisaidz, mai taim noh kohn yet.”
Ih ma gaahn hed eniway ahn tel di servant dehn seh, “Eniting weh Jeezas tel unu fi du, unu du it.”
Now siks big stoan kantayna mi dehdeh weh di Jooz dehn mi hafu yooz fi dehn washin serimoni. Dehn kantayna dehn kuda mi hoal bowt tweni tu terti gyalan.
Jeezas tel di servant dehn, “Ful op di kantayna dehn wid waata.” Soh dehn ful op di kantayna dehn rait op tu di rim.
Den ih tel dehn seh, “Dip op som a di waata ahn kehr it da di man weh in chaaj a evriting ya.”
Soh dehn kehr di waata tu ahn, ahn ih tays it. Bai da taim deh, di waata mi don ton tu wain aredi. Laik how da mi di servant dehn weh mi ful op di kantayna dehn wid waata, dehn mi don noa weh di wain kohn fram, bot di man in chaaj neva noa. Soh ih kaal di groom, ahn ih seh tu ahn, “Yoozhwali peepl wuda serv dehn bes wain fos. Den wen evribadi don jrink wahn lat aredi, dat da wen dehn wuda bring owt di cheep wain. Bot yoo neva du dat. Yoo lef di bes wain til laas.”
Dis mirakl weh Jeezas mi du da Kayna eena Gyalilee da-mi di fos mirakl weh ih mi eva du. Da rait dehsoh dehn mi si how wandaful hihn wandaful; da den ih disaipl dehn geh fi bileev eena ahn.
Afta dat, Jeezas gaahn dong da Kapernyam, lang wid ih ma ahn ih breda dehn ahn ih disaipl dehn, ahn dehn stay deh fi sohn dayz.


Da mi nayli taim fi di Jooish selibrayshan weh nayhn di Paasoava, soh Jeezas gaan op da Jeroosalem. Wen ih reech deh, ih gaahn da di templ ahn ih fain peepl eena di yaad di sel kow ahn sheep ahn pijin fi sakrifais, ahn di moni chaynja dehn mi dehdeh rong fi dehn taybl tu. Soh ih tek roap ahn mek wahn wip, ahn wap evribadi owt, lang wid dehn sheep ahn dehn kow; den ih ton oava di moni chaynja dehn taybl ahn skyata aala dehn moni. Ih tel dehn wan weh mi-di sel pijin, “Kehr dehn ting owta ya! Stap tek mi Faada hows mek maakit!”
Rait den, Jeezas disaipl dehn memba dat di Skripcha seh, “Gaad, di lov weh Ah ga fi yu hows di bon eena mi laik faiya.”
Di Jooish leeda dehn aks ahn seh, “Weh mirakl yoo ku du az wahn sain fi shoa wi dat yoo ga di rait fi goh aan laik dis?”
Soh Jeezas ansa ahn seh, “Brok dong dis templ, ahn eena chree dayz taim Ai wahn bil it op bak.”
Dehn aks Jeezas seh, “Ih mi tek hoal a faati siks yaaz fi bil dis templ. Ahn yoo wahn ku bil it bak eena chree dayz?”
Bot di templ weh Jeezas mi-di taak bowt da-mi fi hihn badi. Soh wen Jeezas mi rayz op bak fahn di ded, ih disaipl dehn mi memba dat Jeezas mi did seh dat fi chroo. Den dehn mi bileev weh di Skripcha seh, ahn weh Jeezas mi seh.
Wen Jeezas mi stil deh da Jeroosalem joorin di Paasoava selibrayshan, wahn lata peepl geh fi bileev eena ahn afta dehn si aala di mirakl dehn weh ih du. Bot Jeezas neva chros dehn ataal, kaa hihn mi don noa weh mi reeli deh eena dehn haat. Nobadi neva hafu tel hihn how dehn peepl stay, kaa hihn mi don noa aredi.

వినండి Jan 2