Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jeezas heel wahn man bai Betezda Pool</div><div class="p"> 1Afta dat Jeezas gaan op da Jeroosalem fi wahn Jooish rilijos selibrayshan. 2Now wahn pool weh di Jooish peepl dehn kaal Betezda mi deh kloas di Sheep Gayt. Dis pool mi ga faiv varanda. 3-4Lata sik peepl doz di lidong bowt pahn di varanda dehn&#8212;peepl weh mi blain, peepl weh kudn waak gud, ahn dehn wan weh mi paralaiz. [Dehn mi dehdeh di wayt fi wen di waata ster op. Kaa evri now ahn den wahn aynjel fahn Gaad wuda kohn dong ahn ster op di waata, ahn di wan weh get een deh fos geh heel.]#5:3-4 Di werdz eena brakits noh deh eena di fos fos kapi dehn a dis buk weh Jan rait.</div><div class="p"> 5Wel, wahn man mi dehdeh weh mi sik fi terti-ayt yaaz. 6Wen Jeezas si ahn di lidong deh, ih mi don mi noa dat hihn mi dehdeh fi wahn lang taim, soh ih aks di man, &#8220;Yoo waahn geh beta?&#8221; </div><div class="p"> 7Di man tel Jeezas seh, &#8220;Sa, Ah noh ga nobadi fi help mi get eena di pool wen di waata geh ster op. Enitaim Ai chrai get eena di waata, sohnbadi els aalwayz step dong heda mi.&#8221;</div><div class="p"> 8Jeezas tel ahn seh, &#8220;Get op! Pik op yu mat ahn waak!&#8221;</div><div class="p"> 9Sayhn taim di man geh heel, ahn ih pik op ih mat ahn staat tu waak.</div><div class="p">Now da day deh da-mi di Sabat, 10soh di Jooish leeda dehn seh tu di man weh mi geh heel, &#8220;Dis da di Sabat. Yoo noh noa seh yu noh fi di bak yu mat pahn di Sabat?&#8221;</div><div class="p"> 11Bot di man ansa dehn seh, &#8220;Di man weh heel mi tel mi, &#8216;Tek op yu mat ahn waak.&#8217;&#8221;</div><div class="p"> 12Dehn aks ahn seh, &#8220;Ahn da hoo dis man weh tel yoo fi tek op yu mat ahn waak?&#8221;</div><div class="p"> 13Bot di man weh mi geh heel neva noa da hoo mi tel ahn kaa Jeezas mi don disapyaa eena di krowd weh mi dehdeh.</div><div class="p"> 14Aftawodz Jeezas fain di man eena di templ ahn tel ahn seh, &#8220;Yu si how yu geh heel? Wel, stap di sin er els sohnting wosara wahn hapm tu yu.&#8221; 15Den di man gaahn gaahn tel di Jooish leeda dehn dat da mi Jeezas weh mi heel ahn.</div><div class="p"> 16Wel den, dehn staat tu haraas Jeezas kaa ih mi-di du ting laik dat pahn di Sabat. 17Bot Jeezas ansa dehn seh, &#8220;Wel, mai Faada aalwayz di help peepl, an Ai di du di sayhn ting tu.&#8221;</div><div class="p"> 18Sayka weh Jeezas seh dat, ih mek di Jooish leeda dehn waahn kil ahn moa. Da noh oanli kaa ih mi-di brok di Sabat, bot pahn tap a dat, ih mi-di seh dat Gaad da fi hihn Faada, ahn dat mi-di mek hihn eekwal wid Gaad.</div><div class="s">Gaad gi ih Son atariti</div><div class="p"> 19Jeezas tel dehn seh, &#8220;Ah di tel unu di chroot, di Son kyaahn du notn pahn ih oan. Ih oanli ku du weh ih si Gaad ih Faada du, kaa eniting weh ih Faada du, hihn du tu. 20Di Faada lov di Son, ahn ih shoa ahn evriting weh hihn ihself di du; ahn ih wahn mek di Son du grayta tingz dahn weh unu si hapm tu dis man ya, ahn unu wahn sopraiz. 21Yes, jos laik how di Faada rayz op peepl fahn di ded ahn mek dehn liv agen, sayhn way di Son gi laif tu enibadi weh hihn waahn. 22-23Yu si, di Faada ihself noh joj nobadi, bot hihn gi di Son aal raits fi joj soh dat evribadi wahn aana di Son jos laik how dehn aana di Faada. Di Faada sen di Son, soh enibadi weh noh aana di Son noh aana di Faada needa.</div><div class="p"> 24&#8220;Ah di tel unu di chroot, enibadi weh yehr weh Ai seh ahn weh bileev di Wan weh sen mi, don ga di laif weh wahn neva en. No jojment noh deh pahn fi dehn hed, kaa dehn don kraas oava fahn det tu laif.</div><div class="p"> 25&#8220;Ah di tel unu di chroot, di taim di kohn; in fak, ih don deh ya aredi, wen dehn wan weh ded wahn yehr di Son a Gaad vais; ahn aala dehn wan weh yehr ahn, ahn du weh ih seh, wahn liv. 26Kaa jos laik how di Faada ga di powa eena hihn fi gi laif, sayhn way hihn gi di Son powa fi gi laif tu; 27ahn di Faada gi di Son aal raits fi joj kaa hihn da di Son a Man.#5:27 Son a Man da-mi wahn naym weh Jeezas kaal ihself.</div><div class="p"> 28-29&#8220;Noh bee soh sopraiz bowt weh Ah seh, kaa di taim di kohn wen aala dehn wan weh deh eena dehn grayv wahn yehr fi hihn vais ahn kom owt. Dehn wan weh mi du gud wahn rayz op bak ahn liv fareva; ahn dehn wan weh mi du bad wahn rayz op bak fi geh kandem.</div><div class="p"> 30&#8220;Ai kyaahn du notn pahn mi oan. Ai oanli joj weh di Faada tel mi fi joj. Ahn wen Ai joj, Ai joj karek, kaa Ai noh oanli luk fi du weh Ai waahn, bot Ai du weh di Faada sen mi fi du.</div><div class="s">Foa ting weh tel yu seh Jeezas da Gaad Son</div><div class="p"> 31&#8220;If oanli mee taak bowt maiself, den weh Ai seh noh wahn wot notn. 32Yu ga sohnbadi els weh taak op fi mi, an Ah noa dat weh hihn seh bowt mi da chroo.</div><div class="p"> 33&#8220;Unu sen aks Jan di Baptis bowt mi, ahn weh hihn tel unu da chroo. 34Da noh weh Ai hafu pen pahn weh eni man seh bowt mi, bot Ah oanli menshan weh Jan seh soh dat Gaad ku sayv unu. 35Now Jan da-mi laik wahn lamp weh mi-di shain brait, ahn weh hihn doz tel unu doz mek unu hapi fi wahn lee wail.</div><div class="p"> 36&#8220;Bot unu si dehn sayhn mirakl deh weh mai Faada sen mi fi du? Wel, dehndeh grayta dahn weh Jan mi seh bowt mi, kaa dehndeh da weh proov seh dat mai Faada sen mee fi chroo.</div><div class="p"> 37&#8220;Ahn mai Faada sen mi, ahn hihn ihself taak op fi mee. Unu neva yet yehr ih vais er si how ih luk, 38ahn unu noh aksep weh hihn tel unu ahn kip it eena unu haat, kaa unu noh bileev dat Ai da di Wan weh hihn sen.</div><div class="p"> 39&#8220;Unu stodi di Skripcha kaa unu tink seh unu wahn fain owt how fi liv fareva; ahn fi si dat da dehndeh sayhn Skripcha taak bowt mee. 40Bot unu stil noh waahn kohn tu mi fi geh reel laif.</div><div class="p"> 41&#8220;Ai noh waahn no hyooman prayz mi. 42Bot Ai noa unu, ahn unu noh ga Gaad lov eena unu ataal. 43Ai kom eena mi Faada naym, ahn unu noh aksep mi; if sohnbadi els kom eena fi dehn oan naym, unu wuda aksep dehn doh. 44Unu prifa wen peepl prayz unu. Unu noh kay fi mek di Wan ahn oanli Gaad prayz unu. No wanda unu kyaahn bileev!</div><div class="p"> 45&#8220;Noh tink seh Ai wahn paint finga pahn unu ahn akyooz unu fronta mi Faada; da Moaziz sayhn wan weh unu tink wahn help unu wahn bee di wan weh wahn akyooz unu. 46If unu mi bileev Moaziz, den unu shuda bileev mee tu, kaa da hihn sayhn wan mi rait bowt mee. 47Bot if unu noh bileev weh hihn mi rait, den how unu wahn bileev weh Ai seh?&#8221;</div>
 </div>
 </div>
</div>

Afta dat Jeezas gaan op da Jeroosalem fi wahn Jooish rilijos selibrayshan. Now wahn pool weh di Jooish peepl dehn kaal Betezda mi deh kloas di Sheep Gayt. Dis pool mi ga faiv varanda. Lata sik peepl doz di lidong bowt pahn di varanda dehn—peepl weh mi blain, peepl weh kudn waak gud, ahn dehn wan weh mi paralaiz. [Dehn mi dehdeh di wayt fi wen di waata ster op. Kaa evri now ahn den wahn aynjel fahn Gaad wuda kohn dong ahn ster op di waata, ahn di wan weh get een deh fos geh heel.]
Wel, wahn man mi dehdeh weh mi sik fi terti-ayt yaaz. Wen Jeezas si ahn di lidong deh, ih mi don mi noa dat hihn mi dehdeh fi wahn lang taim, soh ih aks di man, “Yoo waahn geh beta?”
Di man tel Jeezas seh, “Sa, Ah noh ga nobadi fi help mi get eena di pool wen di waata geh ster op. Enitaim Ai chrai get eena di waata, sohnbadi els aalwayz step dong heda mi.”
Jeezas tel ahn seh, “Get op! Pik op yu mat ahn waak!”
Sayhn taim di man geh heel, ahn ih pik op ih mat ahn staat tu waak.
Now da day deh da-mi di Sabat, soh di Jooish leeda dehn seh tu di man weh mi geh heel, “Dis da di Sabat. Yoo noh noa seh yu noh fi di bak yu mat pahn di Sabat?”
Bot di man ansa dehn seh, “Di man weh heel mi tel mi, ‘Tek op yu mat ahn waak.’”
Dehn aks ahn seh, “Ahn da hoo dis man weh tel yoo fi tek op yu mat ahn waak?”
Bot di man weh mi geh heel neva noa da hoo mi tel ahn kaa Jeezas mi don disapyaa eena di krowd weh mi dehdeh.
Aftawodz Jeezas fain di man eena di templ ahn tel ahn seh, “Yu si how yu geh heel? Wel, stap di sin er els sohnting wosara wahn hapm tu yu.” Den di man gaahn gaahn tel di Jooish leeda dehn dat da mi Jeezas weh mi heel ahn.
Wel den, dehn staat tu haraas Jeezas kaa ih mi-di du ting laik dat pahn di Sabat. Bot Jeezas ansa dehn seh, “Wel, mai Faada aalwayz di help peepl, an Ai di du di sayhn ting tu.”
Sayka weh Jeezas seh dat, ih mek di Jooish leeda dehn waahn kil ahn moa. Da noh oanli kaa ih mi-di brok di Sabat, bot pahn tap a dat, ih mi-di seh dat Gaad da fi hihn Faada, ahn dat mi-di mek hihn eekwal wid Gaad.

Jeezas tel dehn seh, “Ah di tel unu di chroot, di Son kyaahn du notn pahn ih oan. Ih oanli ku du weh ih si Gaad ih Faada du, kaa eniting weh ih Faada du, hihn du tu. Di Faada lov di Son, ahn ih shoa ahn evriting weh hihn ihself di du; ahn ih wahn mek di Son du grayta tingz dahn weh unu si hapm tu dis man ya, ahn unu wahn sopraiz. Yes, jos laik how di Faada rayz op peepl fahn di ded ahn mek dehn liv agen, sayhn way di Son gi laif tu enibadi weh hihn waahn. Yu si, di Faada ihself noh joj nobadi, bot hihn gi di Son aal raits fi joj soh dat evribadi wahn aana di Son jos laik how dehn aana di Faada. Di Faada sen di Son, soh enibadi weh noh aana di Son noh aana di Faada needa.
“Ah di tel unu di chroot, enibadi weh yehr weh Ai seh ahn weh bileev di Wan weh sen mi, don ga di laif weh wahn neva en. No jojment noh deh pahn fi dehn hed, kaa dehn don kraas oava fahn det tu laif.
“Ah di tel unu di chroot, di taim di kohn; in fak, ih don deh ya aredi, wen dehn wan weh ded wahn yehr di Son a Gaad vais; ahn aala dehn wan weh yehr ahn, ahn du weh ih seh, wahn liv. Kaa jos laik how di Faada ga di powa eena hihn fi gi laif, sayhn way hihn gi di Son powa fi gi laif tu; ahn di Faada gi di Son aal raits fi joj kaa hihn da di Son a Man.
“Noh bee soh sopraiz bowt weh Ah seh, kaa di taim di kohn wen aala dehn wan weh deh eena dehn grayv wahn yehr fi hihn vais ahn kom owt. Dehn wan weh mi du gud wahn rayz op bak ahn liv fareva; ahn dehn wan weh mi du bad wahn rayz op bak fi geh kandem.
“Ai kyaahn du notn pahn mi oan. Ai oanli joj weh di Faada tel mi fi joj. Ahn wen Ai joj, Ai joj karek, kaa Ai noh oanli luk fi du weh Ai waahn, bot Ai du weh di Faada sen mi fi du.

“If oanli mee taak bowt maiself, den weh Ai seh noh wahn wot notn. Yu ga sohnbadi els weh taak op fi mi, an Ah noa dat weh hihn seh bowt mi da chroo.
“Unu sen aks Jan di Baptis bowt mi, ahn weh hihn tel unu da chroo. Da noh weh Ai hafu pen pahn weh eni man seh bowt mi, bot Ah oanli menshan weh Jan seh soh dat Gaad ku sayv unu. Now Jan da-mi laik wahn lamp weh mi-di shain brait, ahn weh hihn doz tel unu doz mek unu hapi fi wahn lee wail.
“Bot unu si dehn sayhn mirakl deh weh mai Faada sen mi fi du? Wel, dehndeh grayta dahn weh Jan mi seh bowt mi, kaa dehndeh da weh proov seh dat mai Faada sen mee fi chroo.
“Ahn mai Faada sen mi, ahn hihn ihself taak op fi mee. Unu neva yet yehr ih vais er si how ih luk, ahn unu noh aksep weh hihn tel unu ahn kip it eena unu haat, kaa unu noh bileev dat Ai da di Wan weh hihn sen.
“Unu stodi di Skripcha kaa unu tink seh unu wahn fain owt how fi liv fareva; ahn fi si dat da dehndeh sayhn Skripcha taak bowt mee. Bot unu stil noh waahn kohn tu mi fi geh reel laif.
“Ai noh waahn no hyooman prayz mi. Bot Ai noa unu, ahn unu noh ga Gaad lov eena unu ataal. Ai kom eena mi Faada naym, ahn unu noh aksep mi; if sohnbadi els kom eena fi dehn oan naym, unu wuda aksep dehn doh. Unu prifa wen peepl prayz unu. Unu noh kay fi mek di Wan ahn oanli Gaad prayz unu. No wanda unu kyaahn bileev!
“Noh tink seh Ai wahn paint finga pahn unu ahn akyooz unu fronta mi Faada; da Moaziz sayhn wan weh unu tink wahn help unu wahn bee di wan weh wahn akyooz unu. If unu mi bileev Moaziz, den unu shuda bileev mee tu, kaa da hihn sayhn wan mi rait bowt mee. Bot if unu noh bileev weh hihn mi rait, den how unu wahn bileev weh Ai seh?”

వినండి Jan 5