Text: © Mision Nuevas Tribus, 2006 Audio: ℗ 2008 Hosanna

Ese Ejja - 2006 Edition (NT)

<div class="version vid576 iso6393ese" data-vid="576" data-iso6393="ese">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Huaniya Jesosa que huoojea canaje o shajja&#42892;ajjajji cuana</div><div class="r">(Noca 7.18-35)</div><div class="p"> 1Majoya Jesosaa ojaya ome miji becanejjijji pea&#42892;ai, 12 eshajja&#42892;ajjajji cuana huasijje esohui huohui majje pea cui&#241;ajji quea chipi nee yasijje poquinaje esohui huohuiya.</div><div class="p"> 2Yahuajo pea dejja cuaa Huani i&#241;a ca poa, ma ona besameejji poa. Dejja maseja equi ejjajeanobiaquijji yasijje jeanobiajea ca poa, eme&#42892; jeyo&#42892;yo. Ejeanobiajaaa Huaniya shajja&#42892;ajja canaje onaja ehuohui&#42892;yo Jesosajo. Jamajjeya o shajja&#42892;ajjajji cuana huoojea canaje Jesosa que. 3Oya cuana Jesosa huohui&#42892;ajja&#241;a meequi canaje jama ba&#42892;a: &#8212;Jesosa, yahuajo Huaniya huohui canaje jama ba&#42892;a: &#8220;Eyacui&#241;ajjiya Emeshi Mese nei ojja&#241;a jaahuanajji huoojea caje&#42892;yo ecuana huasijje&#8221;. &#191;A&#42892;a miya ma Emeshi Mese nei? E&#42892;e pojja&#42892;a ecuaa pea ishoaje. &#161;Jamajjeya huohuicue miyaya! &#191;Yajja shai ecuaa Huani aje&#42892;yo so&#42892;o? &#8212;Huanija eshajja&#42892;ajjajji cuana poanaje.</div><div class="p"> 4Jesosaa oya cuana saja&#42892;a canaje: &#8212;&#161;Poqui o&#42892;oyacue Huani que! &#161;Ecuea esohui miquianaaya shajja&#42892;ajja&#241;a, jiquio miya eya banajeya pea&#42892;ai oe Huani huohuiquicue! Jama acue ba&#42892;a: 5&#8220;Huani, Jesosaa cojjama&#42892; cuana quea cojja ja&#42892;a po mee ca&#42892;yani. Jiojjijjajja jeo mee ca&#42892;yani. Dejja batata epo&#42892;yo cuana jjajeaqui mee ca&#42892;yani. Shajjaqueba pea&#42892;ai quea shajja ja&#42892;a po mee ca&#42892;yani. Emano&#42892;yo cuana shequi mee ca&#42892;yani pea&#42892;ai. Esohui quea pame nee huohui ca&#42892;yani ojja&#241;a dejja quea yeno huasijje&#8221;. 6E&#42892;e, eya Eyacui&#241;ajjija huoojea&#42892;yo ojja&#241;a jaahuanajji. Quea bihui nee capo&#42892;yahua ojja&#241;a joya ejo jjashahuabaquiani jama ba&#42892;a: &#8220;E&#42892;e jojo nei Jesosa Eyacui&#241;ajjija huoojea&#42892;yo ojja&#241;a jaahuanajji&#8221;. &#161;A&#42892;a jjashahuaba quehuaquijji! &#8212;Jesosa poanaje.</div><div class="p"> 7Jamajjeya Huanija epeejji cuana poqui o&#42892;oyanaje Huani que. Majoya poqui&#42892;yajo Jesosa miminaje pea cuana nijje: &#8212;Yahuajo Huani meshi jabojo, quimajo aninaje. Miquianaya o que poquinaje. &#191;Ae shai banaje miyaya? &#191;Ae jjashahuabaquinaje Huanijo? &#191;A&#42892;a jjashahuabaquinaje Huani esohui huohuijji quea ja&#42892;a pojjeama? Chojja. 8Miquianaya Huani que poquinaje &#191;ae baa? &#191;A&#42892;a dejjaja daqui quea nahue nee ehuosho ba&#42892;e banaje? Chojja. Dejjaa daqui quea nahue nee huosho cani equi quea quemojo ba&#42892;eya. 9&#191;Achajja Huani ba&#42892;ya poa? &#191;A&#42892;a miya jjashahuabaquinaje Huani Eyacui&#241;ajjija esohui huohuijji nei nei? E&#42892;e, de. Jamatii Eyacui&#241;ajjija esohui huohuijjiya ba cani oe pojji. Huanija eba quea huiso nee. 10Yahuajo nei Eyacui&#241;ajjija esohui etehue&#42892;yo Huanijo jama poa ba&#42892;a:</div><div class="q">&#8220;Jiquio dejja ecuea esohui huohuijji nei poani. Jamaya eya sa poani. Eyaya oya huoojeaje ebionei, mi hui dojojji. Ohuaya dejja cuana huasijje huohui caje miquea epoejjijo&#8221;.</div><div class="m">Jamaya yahuajo nei nei Eyacui&#241;ajjiya ojja&#241;a ba mee ca poa Huaniya poe majje ejo jjabahuejjaqui mee caje cuana. 11Ecuea pea esohui a&#42892;a pajea&#42892;yojji jama ba&#42892;a: Ojja&#241;a pea cuana quea pame. Huani ma ona besameejji poa quea pame nee nee. Jjeya pea chama&#42892; Huani jayojja jama. Jamatii quijje eya Emeshi Mese nei poaje, ojja&#241;a ecuea epeejji cuana Huani jayojja jama poaje&#42892;yo, quea pame nee nee. 12Eya poeyanajejo Huaniya ojja&#241;a pojjajo ejo huohui canaje jama ba&#42892;a: &#8220;Jjeya nei Emeshi Mese nei Quito poeje&#8221;. Jamatii dejja mase cuaa Huani napa cani ojja&#241;a pojjajo. Eya, Emeshi Mese nei jeabichajea sa acani cuaa pea&#42892;ai. Oya cuana emeshi mese jayojja jama huohui sa poani &#8212;Jesosa poanaje.</div><div class="p"> 13&#8212;Yahuajo nei Eyacui&#241;ajjija esohui huohuijji cuaa huohui ca poa, Moisesija esohui etehue&#42892;yojo jama poa pea&#42892;ai ba&#42892;a: &#8220;Quijje Eyacui&#241;ajjija huoojea&#42892;yo ojja&#241;a jaahuanajji Emeshi Mese oe nei poeje&#8221;. Jamaya Huani miminaje. Jamaya pea cuana miminaje Huani poe jjimahuajo pea&#42892;ai. 14E&#42892;e, yahuajo nei Eyacui&#241;ajjija esohui huohuijjiya tehue ca poa jama ba&#42892;a:</div><div class="q">&#8220;Ecuea ehuoojea&#42892;yo ojja&#241;a jaahuanajji poe jjimahuajo, eyaya Enia huoojeaje ebionei, ehui dojojji&#8221;.</div><div class="p">&#8212;Huaniya Enia jayojja jama huohui canaje, ma Eyacui&#241;ajjija esohui huohuijji yahuajo nei nequia poa jama. 15Jamajjeya &#161;bacue; a&#42892;a shajjama&#42892; pojji, ca miquiana ba sa poanijo! 16Ojja&#241;a cuana jjeya nei ba&#42892;e ecuea eba. Oya cuana esho&#42892;iquiana quebanei poani jayojja jama. Quebanei poanijo jama poani: Esho&#42892;i cuaa pea esho&#42892;i taaa cani. 17Jjamimihue&#42892;equiani jama ba&#42892;a: &#8220;Ecuaa dehue mia&#241;a epona ejjahueaquijjijo jama. Jamatii miquianaya majamaja ajja. Pea&#42892;ai e pa nishoanijo, emano&#42892;yojo pa&#42892;ani jayojjayajo, miquianaya pa nisho ajja. Jamajjeya miquianaya quebanei po ajja ecuana nijje&#8221; poani esho&#42892;iquiana &#8212;Jesosa poanaje&#8212;. Jamaya miquianaya jjeya poani, de. 18E&#42892;e, yahuajo pishana Huani poeyanaje. Eyacui&#241;ajji nijje mimi tiitiianijo bobi ijjia&#42892;ijjia ajja. Ecahuishi ishi jjima pea&#42892;ai. Jamajjeya ojja&#241;a cuaa huohui canaje ojo jama ba&#42892;a: &#8220;Huani jja ca ni&#241;epoqui jama&#8221;. 19Eya ojja&#241;a cuanaja Edoe Mese poeyanaje. Eya ca jja ca ijjia&#42892;ijjiani; ojja&#241;a nijje mimimimiani. Jamajjeya miquianaya ejo siajje poani jama ba&#42892;a: &#8220;&#161;Bacue jiquio dejja Jesosa! Oya jejje ajja tii. Dejja mimishi nijje jjapeequiani, bejjo chichajji cuana nijje pea&#42892;ai, de&#8221;. Jiquio ecua esho&#42892;iquiana pea nijje jjapeequi sa po ajja jama jayojja miquianaya ecuana nijje jjapeequi sa po ajja. Miquianaya jjashahuaba quehuaquiani Huanijo, ejo pea&#42892;ai. Jamatii ecuanaa Eyacui&#241;ajjija ejjashahuabaquijjijo quea ja&#42892;a nee jayojja jama a&#241;ajo ecuanaa quea pame nee a&#241;a &#8212;Jesosa poanaje.</div><div class="s">Beca cui&#241;ajjijo ba&#42892;e cuana shajjama&#42892; poanaje</div><div class="r">(Noca 10.13-15)</div><div class="p"> 20Quea huiso cui&#241;ajjijo Jesosaa ma dejja cuaa ajjima acani ahuicha&#42892;a huicha&#42892;a canaje. Jamatii quea huiso cuana mimishi pajea sa po&#42892;yo ajja. Jamajjeya Jesosaa oya cuana tecuea canaje. 21Jama poanaje ba&#42892;a: &#8212;Miquianaya quea mimishi nee nee. &#161;Quea yeno nee nee miquianaya poaje Conasijo ba&#42892;e, Betesainajo ba&#42892;e pea&#42892;ai! Ma dejjaa ajjima acani eyaya ahuicha&#42892;a huicha&#42892;anaje miquianaja cui&#241;ajji cuanajo miquea ebajji nisho. Yahuajo nei nei pea dejja cuana Tinojo, Sinonojo pea&#42892;ai ba&#42892;eja ojaya ba jjima eyaya ma dejja cuaa ajjima a&#241;a. Eba jojjemo oya cuanaa mimishi cuana pajea ca&#42892;yo queaye mimishijo quea yeno po majje. 22&#161;Bacue oe! Quijje Eyacui&#241;ajjiya ojja&#241;a cuana sosequia caje&#42892;yo ojaya eba&#42892;e&#42892;yojji sosejji. Ohuaya yahuajo nei nei Tinojo ba&#42892;e cuana, Sinonojo ba&#42892;e cuana pea&#42892;ai quea nee po mee caje&#42892;yo mimishijo. Miquianaya Conasijo ba&#42892;e, Betesainajo ba&#42892;e pea&#42892;ai ca ca quea nee nee po mee caje&#42892;yo ecuea esohui miquiaaya mi shajja&#42892;ajjajo. 23Miquianaya Capenaomajo ba&#42892;e quea pame poso jjabaquiani, jjashahuabaquiani jama ba&#42892;a: &#8220;Ecuana quea pame nee nee; pea meshijo ba&#42892;e cuana quea pame pishana&#8221;. Chojja, de. Siajje miya poani. Quijje Eyacui&#241;ajjiya janobajjima nei napa cajje miquianaya quea yeno poaje. Eyaya ma dejjaa ajjima acani a&#241;a miquianajaya cui&#241;ajjijo quea huiso. Jamatii miquea mimishi cuana pajea sa po&#42892;yo ajja. Yahuajo nei nei pea cui&#241;ajji Sodoma bajjani yania poa. Eyacui&#241;ajjiya ma dejjaja ba jjima acani eba jojjemo oya cuana quiyo jeyojeyo&#42892;yo jjima poqueaye. Jamatii jjeya Sodoma chama&#42892;yo tii. 24&#161;Bacue oe! Quijje aje Eyacui&#241;ajjiya ojja&#241;a cuana sosequia caje&#42892;yo ma ecua oya po nequia poa jama. Ma pojjajo ohuaya dejja cuana yahuajo nei Sodomajo ba&#42892;e quea nee po mee caje&#42892;yo quea mimishijo. Miquianaya Capenaomajo ba&#42892;e ca ca quea nee nee po mee caje&#42892;yo ecuea esohui miquiaaya mi shajja&#42892;ajjajo &#8212;Jesosa poanaje.</div><div class="s">Jesosa Quitohua eseya jomishoca mee caje</div><div class="r">(Noca 10.21-22)</div><div class="p"> 25Jamaya dejja cuana tecuea majje Jesosa eseja Chii ai nijje miminaje jama ba&#42892;a: &#8212;Ecuea Chii, miya eyajo Emeshi Mese nei poani. Ojja&#241;a meshi cuana miquea poani pea&#42892;ai. Eyaya miya bihuia&#241;a. E&#42892;e, beca cuana jjashahuabaquiani jama ba&#42892;a: &#8220;Ecuea eba quea huiso esohui, quea huiso aquiana pea&#42892;ai&#8221;. Jamajjeya miyaya oya cuana ba meesahua ajja. Jamajjeya oya cuanaja ba jjima eya Emeshi Mese oe nei poani. Pea cuana esho&#42892;i cuana jama ca ca miyaya jjashahuabaqui meesahua&#241;a quea ja&#42892;a nee eya Emeshi Mese nei poani. Jamajjeya eyaya miya bihuia&#241;a. 26E&#42892;e ecue Chii, jamaya miyaya a&#241;a miquea ejjashahuabaquijji. Apoa &#8212;jamaya Jesosa miminaje eseja Chii ai nijje.</div><div class="p"> 27Majoya Jesosa jama poanaje ba&#42892;a: &#8212;Eyacui&#241;ajji ecue Chii e huoojeajji epo. Eya ojaya esohui huohuijji poani. Ecue Chiija eyajo anija ecuea ejjashahuabaquijji ojaya eba nei nei, ojaye nei. Ecue Chiija ejjashahuabaquijji ecuea eba nei nei pea&#42892;ai, ecuee nei. Eyaya ecuea epeejji ba meesahua&#241;a quea ja&#42892;a nee ecue Chiija ejjashahuabaquijji &#8212;Jesosa poanaje.</div><div class="p"> 28&#8212;&#161;Enijje jjapeequicue quea bei! Mique mimishi cuanajo miya quea yeno. Miquea echaco quea camajajo miya quea yeno poani pea&#42892;ai. &#161;Enijje jjapeequicue! Eyaya miya jomishoca meeje&#42892;yo camaja&#42892;ama eba&#42892;e&#42892;yojji. 29Eyaya quiana ca ca oe miquianaya jama pojjeamaa jjejojo quea jea a&#241;a; tecue&#42892;ama; quea bei pea&#42892;ai. Ecuea epeejji po majje miquianaya quea bei poaje&#42892;yo. Ba&#42892;e tiitii meeje&#42892;yo enijje eyajo pea&#42892;ai. Jamajjeya &#161;ecuea esohui jayojja jama acue! &#161;Jjashajja&#42892;ajjaquicue quea ja&#42892;a nee ecuea esohuijo! 30Camaja&#42892;ama ecuea esohui jama eba&#42892;e&#42892;yojji. Ecuea esohui aquiana pejapeja e&#42892;abojji jayojja poani &#8212;Jesosa poanaje.</div>
 </div>
 </div>
</div>

Majoya Jesosaa ojaya ome miji becanejjijji peaꞌai, 12 eshajjaꞌajjajji cuana huasijje esohui huohui majje pea cuiñajji quea chipi nee yasijje poquinaje esohui huohuiya.
Yahuajo pea dejja cuaa Huani iña ca poa, ma ona besameejji poa. Dejja maseja equi ejjajeanobiaquijji yasijje jeanobiajea ca poa, emeꞌ jeyoꞌyo. Ejeanobiajaaa Huaniya shajjaꞌajja canaje onaja ehuohuiꞌyo Jesosajo. Jamajjeya o shajjaꞌajjajji cuana huoojea canaje Jesosa que. Oya cuana Jesosa huohuiꞌajjaña meequi canaje jama baꞌa: —Jesosa, yahuajo Huaniya huohui canaje jama baꞌa: “Eyacuiñajjiya Emeshi Mese nei ojjaña jaahuanajji huoojea cajeꞌyo ecuana huasijje”. ¿Aꞌa miya ma Emeshi Mese nei? Eꞌe pojjaꞌa ecuaa pea ishoaje. ¡Jamajjeya huohuicue miyaya! ¿Yajja shai ecuaa Huani ajeꞌyo soꞌo? —Huanija eshajjaꞌajjajji cuana poanaje.
Jesosaa oya cuana sajaꞌa canaje: —¡Poqui oꞌoyacue Huani que! ¡Ecuea esohui miquianaaya shajjaꞌajjaña, jiquio miya eya banajeya peaꞌai oe Huani huohuiquicue! Jama acue baꞌa: “Huani, Jesosaa cojjamaꞌ cuana quea cojja jaꞌa po mee caꞌyani. Jiojjijjajja jeo mee caꞌyani. Dejja batata epoꞌyo cuana jjajeaqui mee caꞌyani. Shajjaqueba peaꞌai quea shajja jaꞌa po mee caꞌyani. Emanoꞌyo cuana shequi mee caꞌyani peaꞌai. Esohui quea pame nee huohui caꞌyani ojjaña dejja quea yeno huasijje”. Eꞌe, eya Eyacuiñajjija huoojeaꞌyo ojjaña jaahuanajji. Quea bihui nee capoꞌyahua ojjaña joya ejo jjashahuabaquiani jama baꞌa: “Eꞌe jojo nei Jesosa Eyacuiñajjija huoojeaꞌyo ojjaña jaahuanajji”. ¡Aꞌa jjashahuaba quehuaquijji! —Jesosa poanaje.
Jamajjeya Huanija epeejji cuana poqui oꞌoyanaje Huani que. Majoya poquiꞌyajo Jesosa miminaje pea cuana nijje: —Yahuajo Huani meshi jabojo, quimajo aninaje. Miquianaya o que poquinaje. ¿Ae shai banaje miyaya? ¿Ae jjashahuabaquinaje Huanijo? ¿Aꞌa jjashahuabaquinaje Huani esohui huohuijji quea jaꞌa pojjeama? Chojja. Miquianaya Huani que poquinaje ¿ae baa? ¿Aꞌa dejjaja daqui quea nahue nee ehuosho baꞌe banaje? Chojja. Dejjaa daqui quea nahue nee huosho cani equi quea quemojo baꞌeya. ¿Achajja Huani baꞌya poa? ¿Aꞌa miya jjashahuabaquinaje Huani Eyacuiñajjija esohui huohuijji nei nei? Eꞌe, de. Jamatii Eyacuiñajjija esohui huohuijjiya ba cani oe pojji. Huanija eba quea huiso nee. Yahuajo nei Eyacuiñajjija esohui etehueꞌyo Huanijo jama poa baꞌa:
“Jiquio dejja ecuea esohui huohuijji nei poani. Jamaya eya sa poani. Eyaya oya huoojeaje ebionei, mi hui dojojji. Ohuaya dejja cuana huasijje huohui caje miquea epoejjijo”.
Jamaya yahuajo nei nei Eyacuiñajjiya ojjaña ba mee ca poa Huaniya poe majje ejo jjabahuejjaqui mee caje cuana. Ecuea pea esohui aꞌa pajeaꞌyojji jama baꞌa: Ojjaña pea cuana quea pame. Huani ma ona besameejji poa quea pame nee nee. Jjeya pea chamaꞌ Huani jayojja jama. Jamatii quijje eya Emeshi Mese nei poaje, ojjaña ecuea epeejji cuana Huani jayojja jama poajeꞌyo, quea pame nee nee. Eya poeyanajejo Huaniya ojjaña pojjajo ejo huohui canaje jama baꞌa: “Jjeya nei Emeshi Mese nei Quito poeje”. Jamatii dejja mase cuaa Huani napa cani ojjaña pojjajo. Eya, Emeshi Mese nei jeabichajea sa acani cuaa peaꞌai. Oya cuana emeshi mese jayojja jama huohui sa poani —Jesosa poanaje.
—Yahuajo nei Eyacuiñajjija esohui huohuijji cuaa huohui ca poa, Moisesija esohui etehueꞌyojo jama poa peaꞌai baꞌa: “Quijje Eyacuiñajjija huoojeaꞌyo ojjaña jaahuanajji Emeshi Mese oe nei poeje”. Jamaya Huani miminaje. Jamaya pea cuana miminaje Huani poe jjimahuajo peaꞌai. Eꞌe, yahuajo nei Eyacuiñajjija esohui huohuijjiya tehue ca poa jama baꞌa:
“Ecuea ehuoojeaꞌyo ojjaña jaahuanajji poe jjimahuajo, eyaya Enia huoojeaje ebionei, ehui dojojji”.
—Huaniya Enia jayojja jama huohui canaje, ma Eyacuiñajjija esohui huohuijji yahuajo nei nequia poa jama. Jamajjeya ¡bacue; aꞌa shajjamaꞌ pojji, ca miquiana ba sa poanijo! Ojjaña cuana jjeya nei baꞌe ecuea eba. Oya cuana eshoꞌiquiana quebanei poani jayojja jama. Quebanei poanijo jama poani: Eshoꞌi cuaa pea eshoꞌi taaa cani. Jjamimihueꞌequiani jama baꞌa: “Ecuaa dehue miaña epona ejjahueaquijjijo jama. Jamatii miquianaya majamaja ajja. Peaꞌai e pa nishoanijo, emanoꞌyojo paꞌani jayojjayajo, miquianaya pa nisho ajja. Jamajjeya miquianaya quebanei po ajja ecuana nijje” poani eshoꞌiquiana —Jesosa poanaje—. Jamaya miquianaya jjeya poani, de. Eꞌe, yahuajo pishana Huani poeyanaje. Eyacuiñajji nijje mimi tiitiianijo bobi ijjiaꞌijjia ajja. Ecahuishi ishi jjima peaꞌai. Jamajjeya ojjaña cuaa huohui canaje ojo jama baꞌa: “Huani jja ca niñepoqui jama”. Eya ojjaña cuanaja Edoe Mese poeyanaje. Eya ca jja ca ijjiaꞌijjiani; ojjaña nijje mimimimiani. Jamajjeya miquianaya ejo siajje poani jama baꞌa: “¡Bacue jiquio dejja Jesosa! Oya jejje ajja tii. Dejja mimishi nijje jjapeequiani, bejjo chichajji cuana nijje peaꞌai, de”. Jiquio ecua eshoꞌiquiana pea nijje jjapeequi sa po ajja jama jayojja miquianaya ecuana nijje jjapeequi sa po ajja. Miquianaya jjashahuaba quehuaquiani Huanijo, ejo peaꞌai. Jamatii ecuanaa Eyacuiñajjija ejjashahuabaquijjijo quea jaꞌa nee jayojja jama añajo ecuanaa quea pame nee aña —Jesosa poanaje.


Quea huiso cuiñajjijo Jesosaa ma dejja cuaa ajjima acani ahuichaꞌa huichaꞌa canaje. Jamatii quea huiso cuana mimishi pajea sa poꞌyo ajja. Jamajjeya Jesosaa oya cuana tecuea canaje. Jama poanaje baꞌa: —Miquianaya quea mimishi nee nee. ¡Quea yeno nee nee miquianaya poaje Conasijo baꞌe, Betesainajo baꞌe peaꞌai! Ma dejjaa ajjima acani eyaya ahuichaꞌa huichaꞌanaje miquianaja cuiñajji cuanajo miquea ebajji nisho. Yahuajo nei nei pea dejja cuana Tinojo, Sinonojo peaꞌai baꞌeja ojaya ba jjima eyaya ma dejja cuaa ajjima aña. Eba jojjemo oya cuanaa mimishi cuana pajea caꞌyo queaye mimishijo quea yeno po majje. ¡Bacue oe! Quijje Eyacuiñajjiya ojjaña cuana sosequia cajeꞌyo ojaya ebaꞌeꞌyojji sosejji. Ohuaya yahuajo nei nei Tinojo baꞌe cuana, Sinonojo baꞌe cuana peaꞌai quea nee po mee cajeꞌyo mimishijo. Miquianaya Conasijo baꞌe, Betesainajo baꞌe peaꞌai ca ca quea nee nee po mee cajeꞌyo ecuea esohui miquiaaya mi shajjaꞌajjajo. Miquianaya Capenaomajo baꞌe quea pame poso jjabaquiani, jjashahuabaquiani jama baꞌa: “Ecuana quea pame nee nee; pea meshijo baꞌe cuana quea pame pishana”. Chojja, de. Siajje miya poani. Quijje Eyacuiñajjiya janobajjima nei napa cajje miquianaya quea yeno poaje. Eyaya ma dejjaa ajjima acani aña miquianajaya cuiñajjijo quea huiso. Jamatii miquea mimishi cuana pajea sa poꞌyo ajja. Yahuajo nei nei pea cuiñajji Sodoma bajjani yania poa. Eyacuiñajjiya ma dejjaja ba jjima acani eba jojjemo oya cuana quiyo jeyojeyoꞌyo jjima poqueaye. Jamatii jjeya Sodoma chamaꞌyo tii. ¡Bacue oe! Quijje aje Eyacuiñajjiya ojjaña cuana sosequia cajeꞌyo ma ecua oya po nequia poa jama. Ma pojjajo ohuaya dejja cuana yahuajo nei Sodomajo baꞌe quea nee po mee cajeꞌyo quea mimishijo. Miquianaya Capenaomajo baꞌe ca ca quea nee nee po mee cajeꞌyo ecuea esohui miquiaaya mi shajjaꞌajjajo —Jesosa poanaje.


Jamaya dejja cuana tecuea majje Jesosa eseja Chii ai nijje miminaje jama baꞌa: —Ecuea Chii, miya eyajo Emeshi Mese nei poani. Ojjaña meshi cuana miquea poani peaꞌai. Eyaya miya bihuiaña. Eꞌe, beca cuana jjashahuabaquiani jama baꞌa: “Ecuea eba quea huiso esohui, quea huiso aquiana peaꞌai”. Jamajjeya miyaya oya cuana ba meesahua ajja. Jamajjeya oya cuanaja ba jjima eya Emeshi Mese oe nei poani. Pea cuana eshoꞌi cuana jama ca ca miyaya jjashahuabaqui meesahuaña quea jaꞌa nee eya Emeshi Mese nei poani. Jamajjeya eyaya miya bihuiaña. Eꞌe ecue Chii, jamaya miyaya aña miquea ejjashahuabaquijji. Apoa —jamaya Jesosa miminaje eseja Chii ai nijje.
Majoya Jesosa jama poanaje baꞌa: —Eyacuiñajji ecue Chii e huoojeajji epo. Eya ojaya esohui huohuijji poani. Ecue Chiija eyajo anija ecuea ejjashahuabaquijji ojaya eba nei nei, ojaye nei. Ecue Chiija ejjashahuabaquijji ecuea eba nei nei peaꞌai, ecuee nei. Eyaya ecuea epeejji ba meesahuaña quea jaꞌa nee ecue Chiija ejjashahuabaquijji —Jesosa poanaje.
—¡Enijje jjapeequicue quea bei! Mique mimishi cuanajo miya quea yeno. Miquea echaco quea camajajo miya quea yeno poani peaꞌai. ¡Enijje jjapeequicue! Eyaya miya jomishoca meejeꞌyo camajaꞌama ebaꞌeꞌyojji. Eyaya quiana ca ca oe miquianaya jama pojjeamaa jjejojo quea jea aña; tecueꞌama; quea bei peaꞌai. Ecuea epeejji po majje miquianaya quea bei poajeꞌyo. Baꞌe tiitii meejeꞌyo enijje eyajo peaꞌai. Jamajjeya ¡ecuea esohui jayojja jama acue! ¡Jjashajjaꞌajjaquicue quea jaꞌa nee ecuea esohuijo! Camajaꞌama ecuea esohui jama ebaꞌeꞌyojji. Ecuea esohui aquiana pejapeja eꞌabojji jayojja poani —Jesosa poanaje.

వినండి Mateo 11