Popular Bible Verses from IRPHUTNA 17

షేర్ చేయి

Khan Abrama kha kum 99 mi a niin RENGPA chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

Ni’rhming khom Abram ni ta no nia; Abrahama ni ta ni ti; nam dang dang inpungpu’n nang ki isiam a ni ta.

Khan kei le nangma le ni’rchi hong pung hranghai Pathian ni hrangin kumtuanga hek ta loi hranga thuthung ki indet a ni ta.

“Irngai ro, keima’n ki thuthung chu nangma kuang ki intung a ni hi, atûn ata nam tin chi tin inpungpu ni ta ni ti.

Khan Pathianin, “Ni thei no ni, ni dôngma Sari’n nâipasal nang neipui a ti; a’rhming khom Isaka phua ni ti: iti’n ki thuthung chu hi zoia irchihai hrang khomin kumkhua thuthung ni hrangin ki indet a ni.

Khan ni kôl le ni hnunga ni’rchi la hong om hranghaiin chu ni mikhualna ram, Kanaan ram murdi hi kumkhua irchon hrangin nangni ki pêk; khan keima hi an Pathian ni ki ti,” a tia.

Khanchu Abrahama chu an boka, a lungrîla, a minui an za pea, “Kum irzakhat mi hin mo, nâi a la inei hrang? Sari kum sômkuak mi hin mo nâi a la inei hrang?” a tia.

Khan Pathian ngêtin Abrahama kuanga khan, “Ni dôngma Saraii khom a’rhming Saraii ti ta no chi nia; a’rhming chu Sari ni ta a ti.

Khanchu, nin servun taksa kha tanin nin iom hrang a ni; hi hi kêng nangma le keima kâra thuthung irsinsiana a inih hrang a ni.

Ki thuthung hi chu Isaka, nakuma Sari’n atûn lai zoroa a inei hrangpa kuanga vai kêng ki indet ual hrang a ni,” a tia.

Khanchu a suak ata sûn riat ni sûnga chu nangma nâi mo, mi nâi ni iompui mo, mikhual mo, suma ni irchôk a ni khomin, pasal murdi chu a ser ni itan hrang a ni. Ni ina suak khom, suma ni irchôk khom a ser ni itan hrang a ni: khan kêng ki thuthung kha kumtuang thuthung a nih ti nin taksa khan a iom hrang.