Popular Bible Verses from John 3

షేర్ చేయి

Eto God na enda osa peni vahai eto amita Meni avo vahai ikenu enda ta puvuna, avo embo amuna ke be aisuja amo mane amburesuja te vasiri te daroho iresuja.

Eto God na amita Meni enda ta ari sasapura avoeto tau irae aja ikae rate amina enda orekaja ikena.

Iesu na ke einge ena, “Na no degi ta ke be erena, embo God na au e na eha ingarako aisuja, te ainge ae amo God ta titi jigari degi amo mane kesuja.” ainge enu

Eto embo amuna God ta Meni ke be aisuja embo amo God na au amita ari sapura ta mine hajire mane ikau kesuja. Eto embo amuna God ta Meni ta javo ke be ae aisuja amo God na amita ari sapura ta hajire matu ikau kesuja.

Eto God na hajire ikau kesuja amita ke be amo erevira. God ta usasa matu enda ta puvuto mitia avo embo na uje ae ue enana ta ari sasapura avoeto mume ta iresi uje ere ora.

Eto embo amina peni aisuja eto na isapa aisona

Eto ke erena emo embo amuna ari sapura ue usasa oju ue tiumbeto pambasuja amita be amo amita ari sapura avo usasa na harikeuja eto

Eto embo amuna Meni ke be aisuja amo vasiri daroho umbuto iresuja te embo amuna Meni ke be ae aisuja amo vasiri daroho mane umbasuja te God ta tumo avo amita hamo ta daroho iresuja.”

Eto Moses na ojaga tambu ta mitie o koso o i atahu ta teto jiginu bitinu embomeni na kito ke be ea ainge nombo Embo ta Meni jigoro bitou embomeni na kito

Eto God Mamo na amita Meni osa euja avoeto ari tapa Meni ta ingeni ta iketo touja.