Popular Bible Verses from Zhan 13

షేర్ చేయి

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn. Ke dú kɛ nyɛ cüɛn ny'edomɛ̀n hô, zɛtɛn anwrɔn lɔ fɛn ke le nyrí ɔmu le nyɛ́n dú m'ɛsɛ̀nkɛn-bɔ̀.”

Ke dú kɛ mɛ̀n, Ɛẅɛnwrɔn mán Ankà-yé-wrɔn, mɛ̀n jru nyɛ̀n annan hô, ke ji le nyɛ́n mán nyɛ́n jru ny'edomɛ̀n annan. (Me bɩ́ ɛgbàn me ce nyɛ̀n, ke ji le nyɛ́n mán nyɛ́n bɩ́ ɛgbàn nyɛ́n ce ny'edomɛ̀n.) Mɛ̀n tán nyɛ̀n sɛnpò tɔ̀n, ô nyɛ́n mán nyɛ́n hán eci léyi mɛ̀n hán nyɛ̀n nɔn.

Zhezü mrɛ́n nɛ̀n ɔmùan le: “E sɩ̀ nyrì eci léyi mɛ hán zɛtɛ̀ lɔ nɔn, tɛ́n ɛnvra dú ezì kɛ và e le nyrì.”

Mɛ dɔ́ nyɛ̀n annanwɔrɛ mɛ̀n le: eci-bɩ̀tan-wrɔn zriɛmɛ́n ke sɩ̀ sevri kɛ̀ vrán n'ɛẅɛnwrɔn, kɩ ɔkɔhɔ̀n-wá-wrɔn zriɛmɛ́n ke sɩ̀ vrán ɔwrɔn léyi wá nɛ̀n ɔkɔhɔ̀n nɔn.

Zɛtɛ̀ lɔ, nyɛ́n nyri ndɔ lɔ; nyɛ́n dú ɛnbɔrɛ-bruemɛ̀n ke dú kɛ nyɛ ẅɛn nɛ̀n nyɛ hɛ́n.

Zhezü dú ɛci-zî tɛbrɛ̀ wú tɔhú, mrɛ́n n'ɛwú ceci lɔ sɔhɔ́ kɩ bɩ́ ɛcàsa mú ɛẅiè. Zɛtɛn nɛ̀n kú ɛnshi cɛnzɛ̀n mɛ̀n kɩ nɛ̀n bukru ne jru n'ɛsɛ̀nkɛn-bɔ̀ annan, kɩ ne bɩ́ ɛcàsa léyi nɛ̀n mú ɛẅiè nɔn ne wurɛn yɔ annan.