Popular Bible Verses from Matiu 21

షేర్ చేయి

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

Oto a Jisas ko aalamire uuri, “No ko unue oto huniꞌomu uri mala omu ko hiiwalaimoli toꞌohuu na omu kaꞌa neꞌisae rue-ruaꞌa, omu sai da mola nga taa mala nou esuie hunie ai ienini. Na kaꞌa taꞌe ike leu ie, taꞌe hule aana omu sai unue noꞌone mola hunie uuwo ie uuri, ‘O ke pola mola i eesi,’ na kei reu oto urine.

Oto mwala kire naꞌo na mo iini i purine a Jisas, kire ko si lae peꞌi soi oto paine, na kire ko lahea God uuri, “!Haꞌamanikuluꞌaa Kalena Deved Inemauri! !A God ke haꞌadianaꞌaa iini ko lae mai nunuhaꞌana satana Aalaha! !Haꞌamanikuluꞌaa God i Lengi!”

Na ko ere aada uuri, “A God e unue aana mo Uusu-uusu Maaꞌi uuri, Nume ineu oto nume ni aarengaꞌinge. Taꞌe omu ko si da mola ko neꞌi hahale kira horopeli kire sai mumuni i laona.”

Omu ke unue hunie hanue paine i Jerusalem uuri, “Lio kaꞌu. Inemauri iꞌomu ko lae mai seemiu. Ingeie e haꞌamwai-mweiꞌaa na e taꞌe i lengine dongki, na dongki ngeena kalei ola mola.”

Oto a Jisas ko unue loꞌu hunire uuri, “Omu saaie kaꞌu oto mo Uusu-uusu Maaꞌi e unue uuri, Hau mwala tou-tohu nume kire leledie kaꞌu, e si neꞌie tohungei heu susu aana nume. A God ni e asuie urine, na e lai lio manikuluꞌe i maaka mo iinoni. ?Taꞌe e ue omu kaꞌa rongo saie?

Aena ngeena no ko unue huniꞌomu uri, taꞌaasilana aalahanga a God kei lae mwaaniꞌomu, na niilana kei lae oto hunie mo iini ko deu i sulie mo ola a God e saetoꞌo aani.