Popular Bible Verses from Matyu 19

షేర్ చేయి

Yesu si̱ nwuan ba di̱di̱r, a̱ si̱ nyia̱, “Ki̱ chet a̱tyubishyi hwa, a̱tyu nzwá na shya̱ nwuo Tyok A̱gwaza hu bah. A̱wot chet A̱gwaza hu byia̱ gak bah.”

Mat ba̱ bu li nang á̱niet a̱feang bya a̱ni bah. A̱wot ba̱ li nang a̱tyo nyiung a̱ni da̱ a̱vwuo A̱gwaza. Huhwa mbyia̱, nyeang nang A̱gwaza ka̱n da̱p a̱ni, a̱tyubishyi gu yok tyat hu bah!”

Yesu si̱ nwuak ba shim nyia̱, “Nyi ka̱n fang ma̱ A̱lyiat A̱gwaza na baa? Neet di̱n tsa swanta hu, ‘A̱gwaza mat mba a̱feang, a̱tyok ma̱ng a̱byii̱k wa.’ A̱ si̱ bu nyia̱, ‘Huhwa mbyia̱, a̱tyok na ghwon á̱niet mbyin nggu, a̱ ta̱meet da̱ a̱kyuo nggu. A̱wot a̱mgba̱m mba a̱feang ba̱ na mun á̱pyia̱, ba̱ li nang a̱tyo nyiung a̱ni.’

Yesu si̱ nyia̱ ma̱ng mman ta̱m nggu na, “Nyi yok a̱chyuang mman wu ba̱ bai da̱ a̱vwuo nung. Nyi yok vwuong ba bah! Mat Tyok Ma A̱gwaza tswazwa hu yet si̱ tangka̱i á̱niet ba̱ kyiak á̱pyia̱ mba nang a̱chyuang mman wuni a̱ni.”

A̱wot á̱niet ma̱ a̱di̱di̱t nang á̱ kyiak ba̱ yet a̱cha̱chet ba ma̱nini a̱ni, bibya á̱ na kyiak ba̱ yet a̱chyuang á̱niet di̱n jen chobai ji. Ma a̱nia wa, á̱niet nang á̱ kyiak ba a̱chyuang á̱niet ma̱nini a̱ni, bibya á̱ na kyiak ba̱ yet a̱cha̱chet á̱niet ba di̱n jen chobai ji.”

Konyan wa ghwon a̱ka̱sa, á̱na̱nyiuk á̱nap ku á̱sam, a̱yaayang ku a̱yaatyia̱, mman ku bibyin khap da̱nian a̱lyoot nung ka a̱ni, a̱ na shya̱ zang gba̱mgbam ji̱ tat a̱ka̱nchyi ji̱ si̱ swak nkyang nang nggu nwai a̱ni. A̱wot a̱ bu shya̱ swuan sang sangba̱p ji.

Yesu si̱ nyia̱ ma̱ng a̱nggu, “Ka̱ a chat a yet a̱tyu sang a̱bun, nat a si̱ lyap a̱mgba̱m nkyang nang a byia̱ a̱ni, a ka̱u á̱kunak kurum nhu. A̱wot a na shya̱ zwá jhyáng tswazwa kya, a sii bai a khwi nung.”

Yesu si̱ nyia̱ ma̱ng a̱nggu, “Yihwa mbyia̱ a ndyi̱ri̱m nung tazwa ta̱m ku yet a̱tan a̱ni? Ma̱ a̱tyu a̱nyiung wa nshya̱ a̱ yet a̱tan wu. Ka̱ a chat a shya̱ swuan sang sangba̱p ji, khwi doka A̱gwaza ji.”

N bu shei nyin, ku na laai lan a̱lakumi a̱ nwuo a̱ kaat a̱ ghwut mi̱ zwua̱i a̱yop, nang a̱tyu nzwá na nnwuo mi̱ Tyok A̱gwaza hu a̱ni.”

N tak nyin, kuzang a̱tyok wa tyat nyeang ma̱ng a̱kyuo nggu, da̱nang á̱ ta̱bat a̱byii̱k wu di̱ katnaan nia bah, a̱wot a̱ si̱ bwuo a̱byii̱k a̱ghyang, a̱ katnaan nia.”

A̱wot Yesu si̱ nyia̱ mi̱ mman ta̱m nggu na, “N tak ma̱ng a̱nyin a̱tsak a̱lyiat, ku na vwuo a̱khwu ba̱t, á̱niet nzwá ba̱ shya̱ nwuo Tyok Ma A̱gwaza tswazwa hu.