Popular Bible Verses from MATEO 7

షేర్ చేయి

“Niźaśa Yöśkiśtan maya, Yöśki anćhukakiś thäkićha; niźaśa qhura ni qhurñi źoñiki waćhakićha; niźaśa qhawźna neqhśtan tsewkta śanaki khetsnakićha.

Xalla ni thapa mayñi źoñiki tanźnakićha; niźaśa ni qhurñi źoñiki waćhakićha; niźaśa ni Yöś Ephź śana qhurñiki khetźintaź khekićha.

“Xalla ni werh nonśñi źoñiki niźaśa weriź chïta kaśñi źoñiki, xalla nïki tshi k'uñchi źoñiźtaqaśśa, xalla ni źoñiki tshi maś aqh juntuñ qhuya qhuychiźtaqaśśa.

“Xaqhsilta źoñinakat anćhuk xaqhnuź päñi pekćhaxa, xalla niźtaśaqaś anćhukki päkićha ni źoñinakźta, xalla nuźućha ni Yöś kuchanźkita chïñinakź lïki.

xalla ni tsewkta qamañkin chhichñi jikhśki k'ullkullaćha, niźaśa ni śanaki owallaćha, xalla neqhśiki qoluk źoñinakaqaś luśhśa.

“Anćhukki ow śankiśtanź luśha. Niźaśa ni t'aqhiśiś jikhśki palaćha niźaśa ni t'aqhiśiś śanami palaśaqaśśa, xalla neqhśiki tama źoñinakaź luśhśa

Niźaśa anćhukki ñexwćhukćha anćhuka okhalanakaź mayan śuma ćhhultaqinakaqaś thäyinćhukćha, ¡ućhum tsewkta Yöś Ephki ni mayñi źoñźkiś tshallantiź śuma ćhhultaqinaka thäsaćha!

“Yeqha źoñinaka ana juchjiptaya, niźaśa Yöśki anćhuk anaź juchjiptayakićha. Xaqhnuź anćhuk źoñinakkiś k'ari juchjiptayaćhaxa, xalla niźtaśaqaś Yöś Ephki anćhukakiś k'ari juchjiptayakićha; niźaśa anćhukki qhaźta tupullkiśqaś ni yaqha źoñinakźkiś onanćhani, xalla niźtallaśaqaś Yöśki anćhukakiś onakićha.

Xalla ni weth taqu nonźku neqhśtan weriź chïta ana kaśñi źoñiki, tshi sumsu źoñi nïź qhuya phil yuntuñ qhuychiźtaqaśśa.

¿Qhaźtikiśtanam am jilź źhukkiś quyrichi cherxo, niźaśa anam nayya ni quyru am źhukkiś źelhñi? Niźaśa amki anam ni am źhukkiś źelhñi quyru nayya, ¿anam jiwjat qhaźtataxo ni am jilźkiś chïś: ‘Jila am źhukkiśtan am quyru wethkiś apaqsqatalla khikanxo?’

“Anćhukki kuytaśakićha ni toskar Yöś śuma kintu xoxoñi źoñinakźkiśtan. Xalla ninakaki ućhumnakakiś thonakićha üśa tukźku, xalla ninakź qosta quśki tshi qitź sikaź taqaśśa. Niźaśa śapa muntinakaki nïź ćhherkiśtan paxśa, anaź uwa axźnasaćha ch'apkiśtan niźaśa anaź jiwusa axźnasaćha zarza ch'ap muntikiśtanami.

Niźaśa ni śuma muntiki śuma ćhheripanź poqćha, niźaśa ni anaśum muntiki anaśum ćhheripanź poqćha.

Niźaśa ni śuma muntiki anaź anaśum ćhheri poqasaćha, niźaśa ni ana śum muntiki anaź śuma ćhheri poqasaćha.

Thappacha ana śum ćhheri poqñi muntiki, q'achśku ujkiś ujtaź khekićha.