Popular Bible Verses from Juan 4

షేర్ చేయి

Diosqa mana rikukoj espiritumin, payta yupaychajkunataj Santo Espíritoj yanapasqan cheqa kajman jina tukuy sonqo payta yupaychananku tiyan, nispa.

Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

Chantá chay warmi nerqa: Wiraqochi, mana imapis yakuta orqhonaykipaj tiyapusunkichu, pujyutaj allin ukhu. Maymantataj chay kawsachej yakuta qowankimanri?

Warmitaj nerqa: Yachani Cristo nisqa Mesías jamunanta, pay jamuspataj, tukuy imata willawasqayku, nispa. Jesustajrí nerqa: Noqa chay Cristo kani, pichus parlashasunki, chay, nispa.

Jamuychej, uj runata rejsinaykichejpaj. Payqa tukuy ima ruwasqayta uyaypi nipuwan. Manachu pay Cristo kanman? nispa.