Popular Bible Verses from Lucas 14

షేర్ చేయి

Pipis yachachisqay kayta munajqa noqatapuni astawan munakunawan tiyan. Tatanmanta, mamanmanta, wawanmanta, wawqe pananmanta, kikin kawsayninmantapis astawan noqata munakunawan tiyan.

Jinallataj manachus cruzninta oqharispa qhepayta jamun chayqa, mana yachachisqay kayta atinchu, nispa.

Chayqa ajina, imaraykuchus jatunchakojqa k'umuykuchisqa kanqa, k'umuykojtajrí jatunchasqa kanqa, nispa.

Jina ari, qankunamanta pillapis tukuy tiyapusqanta mana saqejqa mana yachachisqay kayta atinmanchu, nispa.

Chantá rijch'anachinata willaspa, nerqa: Sichus mayqenniykichejpis alto patayoj wasita sayachiyta munanman chayqa, manachu tiyaykukuspa, ñawpajta allinta qhawarinman, qolqen kapunchus manachus, chayta, chay wasita sayachiyta tukuychananpaj? Manachus ñawpajta allinta qhawarikunman chayqa, cimientota churaspaña, mana tukuychayta atinmanchu, chayta rikojkunataj asikunkuman: Kay runaqa wasita qallariyta yachasqa, tukuychaytarí mana atisqachu, nispa.

Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima. Chaywanqa aswan kusikuyniyoj kanki, imaraykuchus paykuna mana imatapis kutichipusuyta atenqankuchu. Chantá cheqan runakuna wañusqamanta kawsarimpojtinku, chaypachamá Diosmin t'inkaykita qosonqa, nispa.

Jesús nillarqataj: Kacheqa sumajmin. Chaywanpis kachichus q'aymayanman chayqa, imaynatataj watejmanta k'araman kutinmanri? Mana allinñachu jallp'apaj, nitaj wanupajpis, manachayqa wijch'unallapajña. Pichus nisqayta jap'ikuyta munajqa allinta uyarichun, nispa.