Popular Bible Verses from JUAN 13

షేర్ చేయి

Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij. Chashna caishuj chaishuj c'uyanacujpimi, cancunataca ñuca yachacujcunataj cashcata tucuicuna rijsingacuna– nircami.

Ñucaca cancunapaj Mandaj cashpapish, Yachachij cashpapish, cancunapaj chaquicunatami maillani. Cancunapish chai shinallatajmi, caishuj chaishujta maillana canguichij. Caitaca cancunapish ñuca rurashca shinallataj rurachunmi ricuchini. Cancunapish ñuca rurashca shinallataj ruraichij.

Chaimi Jesusca: –Ñuca imapaj chashna rurashcataca, cunanca manaraj entendinguichu, ashtahuanpish q'uipatamari imapaj cashcataca entendingui– nijpimi

Amopajta rurajca mana paipaj amota yallichu. Mandashpa cachashcapish mana cachajta yallichu. Chaica chashnatajmi.

Cai nishcacunata alli entendishpa chaitataj rurashpaca cushichishcami canguichij.

Chaimi micucushcamanta jatarishpa, paipaj jahua churanata llujshichishpa, shuj linsota japishpa chumbillirirca. Chai q'uipaca shuj bateapi yacuta churashpami, yachacujcunapaj chaquicunata maillai callarirca. Chumbillishca linsohuanca chaquicunatami chaquichirca.