Popular Bible Verses from LUCAS 17

షేర్ చేయి

Chaimi Jesusca chai runataca: –Canca crishcamantami alliyashcangui. Jatari, rilla– nirca.

Shuj punllapi canchis cutin canta llaquichishpa, chai punllallataj canchis cutin mana allitami rurashcani: “Perdonapai” nijpica, perdonanguilla” nircami.

Paicunapuramanta shujca alliyachishca cashcata ricushpami, Taita Diosta sumajmari cangui nishpa caparishpa Jesuspajman tigramurca. Paica, Jesuspaj ñaupajpi cungurishpa, pambacama cumurishpami pagui nicurcalla. Chai runaca, Samariamantami carca.

¡Chaimanta cancunallataj alli yuyaringuichij! Cambaj huauqui canta llaquichijpica, ama chashna ruraichu nishpa rimangui. Llaquirishpa alli tucujpica, perdonanguilla.

Chaipimi Jesusca: –¿Maipitagari iscuncunaca? Chungatamari alliyachircani.

Chaimi Mandaj Jesusca: –Uchilla mostaza muyu shinallatapish crishcata charishpaca, cai sicómoro yurataca: “Sapindij llujshishpa, mama cuchapi tiyarigri” nijpica cazunmanllami.

Pipish paipaj causaita llaquijca, chingaringami. Pipish paipaj causaita mana llaquijca quishpiringami.

Jesusca paipaj yachacujcunataca cashnami nirca: “Mana alli yuyaicunaca tiyanataca tiyangallatajmi. Chai yuyaicunahuan shujtajcunata pandachijcunaca ¡aij imachari tucunga! Ñucata catij cai uchillacunata pandachijtaca, molino rumita cungapi huatashpa, mama cuchapi shitanachari ashtahuan alli canman.

Noé causai punllacuna ima shinami carca, chashnallatajmi Runa Aichayuj shamunapajpish canga. Chai punllacunapica huambuj huasiman Noé yaicungacamami, micucurcacuna, ubyacurcacuna, cazaracurcacuna, cazarachicurcacuna. Ña pai huambuj huasiman yaicujpica, yacu juillu shamushpami tucuita chingachirca.