Popular Bible Verses from LUCAS 6

షేర్ చేయి

Shujtajcunaman cuichij, Taita Diospish cancunamanca jatun jatunpi tushuchishpa, llapishpa talliricujtami cunga. Cancuna ima shinami shujtajcunaman jatun jatunpi cunguichij, chashnallatajmi cancunamanpish cunga” nircami.

Alli runaca, sumaj yuyaicunata shungupi huaquichishca cashpami allita riman. Millai runaca, millai yuyaicunata shungupi huaquichishca cashpami millaita riman. Shungupi imami junda tiyan chaillatajmi shimimanca llujshin.

Ashtahuanpish cancunata p'iñajcunata c'uyashpa, paicunapaj allita ruraichij. Imata mañachishpaca chaimanta imata japinataca ama yuyaichijchu. Cancuna japinaca tucuimanta alli jatunmi. Jahua pachapi caj Taita Diospaj huahuacunami canguichij. Taita Diosca mana pagui nijcunatapish, mana allicunatapish llaquijmi.

Cancunapaj Yaya llaquij caj shinallataj, cancunapish llaquijcuna caichij.

Pitapish ama juchachichijchu. Cancunatapish Taita Dios ama juchachichun. Pitapish caitaca llaquichinatajmi ama nichijchu. Cancunatapish Taita Dios ama llaquichichun. Shujtajcunata perdonaj caichij, cancunatapish Taita Dios perdonachun.

Ashtahuanpish cunan caipi uyacujcunataca, cashnami nini: Cancunata p'iñajcunataca c'uyaichij, cancunata llaquichijcunapajca allita ruraichij. Llaqui tucushca canman nijcunataca alli cashca cuchun nichij, yanga juchachijcunamantaca Taita Diosta mañaichij.

Ima shinami shujtajcunataca cancunapaj allita rurachun munanguichij, chashnallataj cancunapish shujtajcunapaj allita ruraichij.

Shuj lado quijadospi huajtajpica, caishuj ladotapish ricuchingui. Jahua churanata quichujpica, camizatapish apachun saquinguilla. Maijan canta imata mañajpica, cunguilla. Cambajta maijan imata apajpica, tigrachi nishpa ama mañangui.

Alli yurapica mana alli granoca, mana p'ucunchu. Mana alli yurapipish, alli granoca mana p'ucunchu.

Ima yura cajpipish, grano p'ucujpimi rijsinchij. Higocunataca mana casha yuramantaca tandanchu. Uvascunatapish mana zarza cashamanta tandanchu.