Popular Bible Verses from LUCAS 8

షేర్ చేయి

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Chaimi Jesusca: –¿Ima nishpataj mana cringuichij?– nijpi, paicunaca chujchushpa mancharishpaca, caishuj chaishuj: –Cai runaca ¿pitagari? huairapish, yacupish pai mandajpica cazunllamari– ninacurcacuna.

Lluchu ñan shinaca huillashca Shimita uyajcunami. Paicuna uyashca shimita ama crishpa, ama quishpirichunmi diablo shamushpa paicunapaj shungumanta anchuchin.

Shina cajpica ima mana pacalla canapajchu. Pi mana yachashcaca mana cangachu. Tucuicunapaj ñaupajpi ricuringatajmi.

Chai huarmica pacalla alliyashpalla mana saquiri tucushpami shamushcahuan Jesuspaj ñaupajpi manchaihuan chujchushpa cungurishpa, imapaj tuparishcata, chai churanapi tuparinca alliyashcatapish chai tucuicunapaj ñaupajpi huillarca. Chaimi Jesusca: –Huahua canca crishcamantami alliyachishca cangui. Sumajta causagrilla– nirca.

Chaimi yachacujcuna Jesuspajman c'uchuyashpaca: –¡Yachachij, Yachachij huañugrinchijmari!– nishpa rijchachircacuna. Pai rijcharishpaca, huairatapish, yacutapish casijlla tucuichij nishpa sinchita rimajpica, casijlla tucurcallami.