Popular Bible Verses from GÉNESIS 7

షేర్ చేయి

Chai jipami Mandaj Diosca, Noé runataca cashna nirca: “Cambash, tucui cambaj huasi ucu purapash, huambuna jatun huasiman yaicuichi. Cai miraicunapica, candallami ñuca ñaupajpi imatapash cashcatapacha rurashpa causajta ricushcani.

Cai pachapi yacucuna jundashcapash, patsaj picha chunga punllacaman na tucurircachu.

Noé runaca, sucta patsaj huatata charijpi, chai huatapaj callari ishcai quilla chunga canchis punllapimi, cashna tucurca: Chai punllapimi, jatun manllanayai ucu ucu yacu pugyucunapash, jahua pacha fajcha yacucunapash pascarirca.

Chashnami tucui cai pachapi causaita charijcunaca, runamanda callarishpa animalcunacaman, llucashpa purij animalcunapash, jahuata rij alasyu animalcunapash tucuilla tucurirca. Shinami cai alpamandaca, tucuilla tucuchi tucurca. Huambuna jatun huasipi, Noé runahuan tiajcunallami quedarca.

Shinamandami cai pachapica, chuscu chunga punlla, chuscu chunga tutata tamiajurca.