Popular Bible Verses from TI GƐ́Ɛ́ HAÍTII 5

షేర్ చేయి

Ngalángi géélai Pítɛni ngaa Ngalángi gééla vekaitii tí tí woo yápoteni, ti ɣɛ́ ti w̃a, “Kɛ ní gólo Ngála mbɛ í lɔ́ve nuu búsa wa.

Hɔ́wɔ fíli Ngalángi géélaitii taá bení kalambo mbóndai ɛ́ɣɛ keela woó vándai léndai wa kɔwɔ́ato Jísu wa ngáá kɛ laá lɔ í ngáá Ngalángi Lókolo Mbá W̃ɔ́i. Tɔ́ɔ́ ɣɛ́ Hɛ́ɛ́ma Yála Pɛ́lɛi góvii h̃u ɛ́ɣɛ tí vɛ́lɛitii nda taa kalambongí ná wo ɛ́ɣɛ táa keela woó vándai lé.

Kɛ Pítɛ í mɔ́ɔ́ninga, i ɣɛ ma, “Ananáya, ndeénii le Setána í í líi h̃uulaahénga yí ndɛɛ gɔ́ɔ́la Hɛ́ɛ́ma Ỹínangi yáa, yí kaníngi ta gúlanga mba yí maahɔ́lɔngɔ í lɔ́wɔlɔi hááw̃a? Kɛ́mbɛ í ndá i ɣɛngɔ lá p̃ɛ́ɛ́ yɔ́ɔ́ ɣɛ́a maa ɣɛ? Aáva ná yí vílangɔ maaɣɛmá, kɛ́mbɛ maa gápangi ná i ɣɛngɔ ngáá í ndá, kɛ́lɛi? Ndeénii lɔ náá í kɛ́ngɔ yí gísiyangɔ ngáá faa láálii ná ɣɛndáá? Nuu búsa láá le yɔ́ɔ́ ɣɛ́ ndɛ́i sí gɔ́ɔ́langɔ ngeyá, kɛ́ Ngalá tɔ yí ndɛ́i sí gɔ́ɔ́langɔ ngeyá.” Ná Ananáya í ngói sí ỹɛ́nini, i h̃undɛní ndɔwɔlɔ́i wa, í há. Aáva nduwá wála i vuní nungáitii kpɛ́lɛɛ sú tí fái sí w̃aa woo ỹɛ́nini í ɣɛ́ni.

Faalɔ, táingi sí kái kái má sí w̃áá gélei h̃u, nyá lɔɔ wú lááhi. A bé siỹɛngái sítii mba, ti lí. Ná wɔ́lii tuvaí sí táá mbo aá lɔ ngáá nuu búsa yáa háá, tiyá lɔɔ vá baah̃áma. Kɛ́ ná wɔ́lii áá ɣɛ́ gulangɔ́ Ngalá ngeyá, wɛ́i hómbo wɔ́ɔ́ lokola siỹɛngái sítii tuwɔ. Kɛ́ wáá ngatɔ́ nɔ́ɔ léi mba ngáá kɛ wá lɔɔ lápi ngáá Ngalá.” Gamáliyɔ laahi ngoí sí i kɛní ngáá háwu tí luw̃á.