Popular Bible Verses from NJƆÚ 17

షేర్ చేయి

Lokolo ti wa, yí ti ɣɛ kíli batɛ́ í yéngengi hááw̃a tɔɔỹái w̃aa véle w̃a, í gééla wói lɔ́ ngáá tɔɔỹaá.

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

Jísu i mɔɔ ndií ngú ma ngáá Ngala fɛ́lindai, i ɣɛ ta, “Ngáá í hɛ́lima ti yílaa hááw̃a nɔ́ɔ, kɛ́ nyá lɔɔ í hɛ́li nuu vékaitii kele tɔ faaw̃a táá va lamá ngáá ngé ná pólu yélai sítii taá keela wói le ti w̃a. Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ.

Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i.

Ngí kɛ́a ngáá háwu ti ngufema w̃ááhɔlɔ kíya nɔ́ɔ yí kɛngɔ́ ngáá ngé. Ngí ná ɣɛ́ngɔ kɛinɔɔ́ ti ɣɛ́ ngáá nuu yíla kpé pele kpɛ́lɛɛ su kíya nɔ́ɔ mu ngáá nuu yíla kpé pele kpɛ́lɛɛ su. Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.