Popular Bible Verses from Matyê 7

షేర్ చేయి

Pei lóu, Sê wo ŋə́ mbó pei. Pei lôu, Sê wo ghʉ̌ pei jwó. Pei púʼtə́ ntsʉ ndə̂, a wo tsóʼ ńŋə́ lə́ pei.

Ŋuu lə̌i ndóu zə̂u, mə́i pə́ wo ŋə́ lə́ zʉ́, ə́ ndǒu, mə́i a wo jwó, ə́ mbou mbúʼtə́ ntsʉ ndə̂, mə́i pə́ wo tsóʼ ńŋə́ lə́ zʉ́.

«Ŋuu lə̌i ntó ńcə́r ghâa, ə́ nzúʼ tsâr zâa, ə́ ngʉ̌ ghíʼ ə́ pə́ ntúŋú, mə́i ngaŋ pə́ ghíʼ cǒ njino yi a lə cʉ́ʼ lə̂ nkə́r ndə̂ ye, ə́ ntúŋ yʉʼ tə njwó tə́koʼ ləghǒ, ə́ ntághʼ cû zěi ndəu wó.

Ə zə̂u yi pei pə̌ ntsâa ńgó pə ghʉ́ lə́ pei, pei kə́ ngʉ́ pə́ zěi lə́ pəcó pye lə́wó. Pei lə̌i ngʉ́ yə́rə́, mə́i ə́ wo pəutə́ lə̂ zə̂u yi ləpə̌ʉ* Mə̌usə̂i mbaa pəŋwaʼa pətsətə́-nkəʉ Sê* pə́ ntúŋú.

Lə́ ə ntsʉ nkâʼ yi ə́ lər lə̂ lâʼ ləcwôr tə me kə̂ʉ-kə̌ʉ. Laŋə́-ndə̂u pou ntwóghə twoghʼə́, ə pye pi gháp pou nzâp mə́u kâa záa gháp.

Pei lə̌i mə́ ndôu laŋə́-ndə̂u tʉ̌-lə́pû, pei lêi pə́ lə̂ ntsʉ yi ə́ kə́ʉ-kə́ʉ. Ə ntsʉ nkâʼ yi ə́ shaghʼə́, lər pə́ lə̂ lâʼ ləwʉ̂. Laŋə́-ndə̂u yi ə́ lər lə̂ lâʼ ləwʉ̂ ghúʼ gháʼate, lələʉ pye pou ndêi pə́ lə̂ zěi.

Pei pi pei lâp məno gháʼate jí lə̂ ŋə́ məzə̂u shʉʼʉ mbó ghəpə́ zéi, tə mpfu sə́ʼə́ lə́ Tə́ wei yi a pə́ tʉ̌-lə́pû, wo títə́ ŋə́ məzə̂u shʉʼʉ mbó pye pi gháp lôu yé měi!

«Koo pei nyâŋ ntô məlǒʼ* pye, ə́ mbóghʼ Sê lə̂ nkə́ ntô méi məlǒʼ* lə́wó. Ə́ ghʉ̌ lěi pə́ lə̂ mbə̂u yi pei laghʼ ńtô məlǒʼ* pye, Sê poŋə́ tô méi lə́wó. Pei jí ńgó Sê ghʉ̌ kə́ cóghʼ paa zéi pə́ ghíʼ pei yaa ncôghʼ yi pəcó pye lə́wó.

Lə́ ŋuu póu nzúʼ tsâr zâa, ə́ ndə́iʼ ghʉ yé ghíʼ m mə̌ ndǎʼ po, mə́i ngaŋ wə́ ghíʼ ghəghəʉ ŋuu wə̂ yi a lə kə́r ndə̂ ye tə́ túŋ cû zěi.

Ə́ lei gháʼá o pə̂ njwô môu məfəpə pʉ̌ʉ yi a wə́ ləjôghʼ fə̌r gho, lə́ kə̂u nkwə̂i pʉ̂ŋtə ləjôghʼ gho, lə́u o pə̂ njwô ghó po? Mboʼ o ghʉ̂ gháʼá, tə ndáʼ lə̂ fə̌r gho ngô: “Ə fə̌r, cʉ́ʼ n nkwarə́ fəpə pʉ̌ʉ zə̂ yi ə́ pə́ ləjôghʼ gho lə̂, ə́ měʼ,” lə́ ə́ ngǐ lǎʼ, kə̂u nkwə̂i pʉ̂ŋtə cər zô.

Pei laghʼə́ tû zéi lə̂ pye pi gháp tâŋ məlaa ńgó gháp pətsətə́-nkəʉ Sê*. Gháp ghí tó lə́ mbəʉ pei, ə́ sǒ ngəp* ndənzʉ* lə́ kwaŋtə záp pə̂ pə́ yi nye-njwi. Pei wo jí gháp pə́ lə̂ ngʉ̌ məno gháp. Káa pə pə́ nkâp yé nyar lə̂ tʉ̌ nkaŋ nyêʼ, ə́ kə̂ mbə́ ndʉŋ-ndʉŋ yə́rə́ ghíʼ mboʼ pə́ kâp yé ngə̌m lə̂ tʉ̌ mbʉ̌ po.

Tʉ̌ shʉʼʉ zə̂m pə̂ məntǎa shʉʼʉ, lə́ tʉ̌ tə́poŋ zə̂m pə̂ məntǎa tə́poŋ

mboʼ tʉ̌ shʉʼʉ zə̂m yé ntǎa tə́poŋ po, lə́u tʉ̌ tə́poŋ kə̂ nzə̂m yé ntǎa shʉʼʉ po.

Tʉ̌ lə̌i ndə́iʼ pə́ zə̂m ntǎa shʉʼʉ po, pə́ khwôʼ ńtôu mǒghʼ.