Popular Bible Verses from Genesis 6

షేర్ చేయి

MUHONA opa hihamenwa omutima kutja wa ungura ovandu ne ve twa kombanda yehi; neye wa ṱoruhoze tjinene.

Nu MUHONA wa muna kutja ourunde wovandu wa takavara kombanda yehi, nokutja omeripuriro wawo omavi momitima vyawo ye ryamena ko kouvi porwe.

Nungwari Noa ongwa muna otjari ku MUHONA.

Indi oro ehungi ra Noa: Noa wa ri omurumendu omusemba nomuṱakame moruveze rwe. Eye aa ryanga puna Ndjambi.

Nu MUHONA arire tja tja: “Ami me vanga okuyandeka omundu ngu mba mema kombanda yehi. Wina ami me vanga okuyandeka ovinamuinyo novipuka, mbi honahona, nozonḓera zeyuru, orondu ami me hihamwa omutima kutja mbe vi ungura.”

Ovandu tji va uta okutakavara kombanda yehi arihe, va ri novakazona wina. Novaengeri va Ndjambi tji va, va muna kutja ovanatje ovakazona mba vovandu ovawa, arire tji ve ritoororere ngamwa imba owo mbu mave vanga okurara puna wo. MUHONA opa tjera nai: “Ami hi nokuisa ovandu kutja ve karerere nomuinyo, owo tjinga averi ovonyama; nungwari nambano mave hupu oure wozombura esere nomirongo vivari uriri.” Momayuva ngo na kombunda yanao mwa ri ovandu ovare novanamasa kombanda yehi. Novaengeri va Ndjambi aave rungasana novasuko vovandu, nowo ave ve pandukire ovanatje. Owo va ri omapenda omanene novarumendu ovatjiukwa momayuva ngo warukuru.

Nu Noa wa tjita atjihe tja rakizirwe i Ndjambi.

Nu Ndjambi opa tjera nai ku Noa: “Ami mbe ripura okuyandeka ovandu avehe; orondu indi ehi tjinga are urisiwa nozondjito zoutwe wovandu.

Ritungira otjitendeze nomiti. Twa mo ovituwo mu tjo, nu tji romba nondombo moukoto nopendje.

Ndjambi wa muna kutja ehi ra zunḓaka; orondu ovandu avehe tjinga aave hupu mongarero yourunde kombanda yehi.

Hitisa mu tjo wina otjirume notjikaze tjovinamuinyo ngamwa avihe kutja vi hupe puna ove.