Popular Bible Verses from Matius 2

షేర్ చేయి

Tarus dong maso ka dalang ruma tu, la dong lia Ana tu deng Dia pung mama Maria. Dong tikang lutu somba Ana tu, la buka dong pung tampa taru mas, kamanyaang, deng mur, la kasi hadia-hadia tu par Dia.

Yesus lahir di kota Betlehem di propinsi Yudea waktu Raja Herodes pegang parenta di situ. Waktu itu orang-orang majus datang dari sabala matahari nai ka kota Yerusalem. Waktu dong su sampe, dong tanya orang-orang di situ kata, “Orang Yahudi pung Raja yang baru lahir tu ada di mana? Katong su lia bintang satu di sabala matahari nai yang jadi tanda kalo Dia su lahir. Jadi katong datang par somba Dia.”

Waktu dong lia bintang tu, dong pung hati paleng sanang.

Abis itu, dong pulang ka dong pung negri lewat jalang laeng. Barang, Allah kasi tau dong dalang mimpi kalo dong jang bale par Herodes lai. Waktu orang-orang majus tu pulang, Tuhan pung malekat datang par Yusuf dalang mimpi. Malekat tu bilang, “Yusuf e! Bangong la pi ambe Ana tu deng Dia pung mama la lari ka Mesir. Tinggal di sana sampe beta kasi tau kamong baru kamong bale. Barang, Herodes nanti cari Ana tu par bunu Dia.”