Popular Bible Verses from Luke 6

షేర్ చేయి

Veegenganu bivaave bibinyi gu batu ne Nzambi aguveege yenu bimbili. Ne yandi agubase poonzyenu ne tsutsuru. Nzambi aguyetsige manenu ne gyetsugu gi dikayetsigi bambaatsi.»

Mutu wumunyi akapusi maambu mamanyi mabase gu murime wandi; ne mutu wumubi akapusi maambu mamabi mabase gu murime wandi. Mumbare maambu mabaase gu murime, re makayambili mune.

Te roondanu bakolitsi benu, vagilanu yawu manyi. Soombisanu gugataase wugabusulu, kere vane Nzambi Puungu aguveege yenu museende wumunene. Ne yenu digubile baane baandi, mumbare ayi wumunyi gu batu bootsu ne babanyi ne bababi.

Labanu batu bootsu dingyebe nakalabi Tayenu.

Yenu diyasosise ne yenu dikeresosusu. Diyaveege batu mbele ne yenu dikereveegu mbele. Siingilanu batu kokolu ne Nzambi akesiingile yenu kokolu.

Te mayambile yenu badigoneyulu maambu mami re: roondanu bakolitsi benu, vagilanu manyi gu babagonekole yenu. Veeganu myule gu yawu babagonedigene yenu. Saambilanu mu yawu babagonegyele yenu.

Mootsu makaroondi yenu re batu bavagili yenu, vaganu munoongu wumoosi gu yawu.

Mutu ga adiimbe yu mu dibuge dimoosi, veege yandi ne dine. Mutu ga aboongile yu yigubuku gyagu ne mbabu, veege yandi ne kapagu. Gu wotsu wukevonde yu yivaave, veege. Mutu ga aboongile yu yivaave gyagu, yiyatombe yandi mu gabuse gyo.

Sesu abekoonde wuyambile yawu re: «Mwiri wumunyi wuserungule wubure miluunde mimibi, vo mwiri wumubi wurebure miluunde miminyi.

Mwiri wotsu wukayabunu ke mu miluunde myandi. Basakerungule wudooke banyiinge mu dikwake di ifuundi, vore bilili gu dikwake di misuumbe.