ยอห์น 3 నుండి ప్రసిద్ధ బైబిల్ శ్లోకాలు

షేర్ చేయి

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

เมเตเฮ๊เรอ, จอแปแหร่ นอแฮแล อาพู๊คู เด๊อ อา เก่ เมจากาคยา แกแย เห่ขุพู๊ อาเงเนอ หม่าโต่. เร๊อ อา นอแฮ ลู เด๊อ อา เก่ แฮ เมแลเปล๊กา แกแย เห่ขุพู๊ อาเง เนอแพ๊.

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

แกแย เด๊อ อา หยื่อเอ่ พู๊คู เต๊เห่เนอ, จอแปแหร่ เมจากาคยา เหย่ซี โต่. แกแย เด๊อ อา หยื่อเอ่ พู๊คู โต่ เต๊เห่เนอ, จอแปแหร่ เมจากาคยา เหย่ซี เฮ๊อ, เมเตเฮ๊เรอ, อา ย๋อ หยื่อเอ่ เกออู จอแปแหร่ อาพู๊คู เด๊อ อา โอ่ ตื๊อ เตเพรเพร่ว เออเตเพร โต่ อาขว่าอาคยา, อา เมจากาคยา เฮ๊อ เหย่ซี.

เมเตเรอ เหย่ซี ข่าเบ่ เด๊อเตเมจากาคยา เฮ๊เนอหม่า, จอแปแหร่ อาเตลี แฮโน เด๊อ เห่ขุเออ ตื๊อดื่อเรอ แกแย เห่ขุพู๊ เต๊เห่ ซิหยื่อ เตลี เออเนอ โต่, เมเตเฮ๊เรอ เหย่ซี ย๋อ เม เตมู๊แหม่รีแจ่ เต๊เห่ อาขว่าอาคยา, อา โมหนิเล๊อ เด๊อ เตคี๊เตลอ ตากยา.

อา หม่า อา โตเบ่ โหล่ดุเล๊อ, แว หม่า อา โตเบ่ โอ่ ปีตี๊เล๊อ.

ล๋อ แกแย เด๊อ อา เม เตมู๊แหม่รีแจ่ เต๊เห่เนอ, อา ซิเถ่ เตลี เร๊อ อา แฮ เด๊อ เตลี อา โอ่ โต่, เมเตเฮ๊เรอ แกแย เด๊อ อา เม เตมู๊แหม่รีแจ่ เต๊เห่เนอ, อา ซิอิเช เร๊อ อา เตซื๊อเตโอ่หร่า เต๊เห่ โอ่โลแถ่ เร๊อ อา แฮโตโต่.

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

แซ่ฮู๊ แกแย ปว๋า เตเพร เด๊อ อา หยื่อเอ่แหน่ แว เต๊เห่, เก่ พย๊าหนิ ซิปล่อเซอเพร ตูจูเพร ตาแลเคร๊ อาเงเนอ, แว เด๊อะ อา หม่าดื่อเฮ๊อ แกแยพู๊คู เออ อู เก่ ช๊อแถ่ เกอดื่อ แว ฮู๊ คูโมเสส มู๋ หนู่เค จอแถ่ หรู่ตีลีแบ แหย่โย เด๊อ อี๊ถื่อลู เร๊อ อา ช๊อแถ่ อา เด๊อ เก่เชเทอแก หล่อตาม๊าขุ เนอ ปา.

เพ จอแปแหร่ โมเร๊อ อาพู๊คู เร๊อ อา เด๊อะตาลอ ลู เตปว๋า เต๊อเจ่อ เด๊อ อา กู๊ยากู เฮ๊อ.