Popular Bible Verses from LUKA 6

షేర్ చేయి

Pie teh u, chatanachata piepa ta nama y aw. Hnaohpa ta nata chalyupa ta nata a khô ngâpa ta panuana phapa cha, nama kalachhôh liata sopa a châ aw. Panuana nama hmâpa hawhta ama cha panuapa hra aw,” tah ta.

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

Nama Paw cha zawngiah theipa a châpa hawhta, nâmo chhao zawngiahna hnei teh u.

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

“Ei bie a theituhpa saih u, ei cha chho ei. Nama khakhaipazy kyhpachâ u la, châ haotuhpazy chô liata hmo pha tao teh u. Nama chô liata chhie a sapazy byhnâ awpa u la, châ pasipasawhpazy thlahchhâpa teh u.

Chyhsa ta nama chô liata ama tao awpa nama khopa hawhta, nâmo chhao chyhsa chô liata tao hra teh u.

Na baih hiakha lâ châ chabaihpa cha, hiakha lâ chhao dao la, na poh châ chhupa chhao, na viahkao pasipa a la awpa thlyu khah y. Châ hiahpa maih pie la, na hmo châ lapatuhpa cha hiah khao khah y.

“Tho phapa ta thei chhiepa pathei beih leipa ta, tho chhiepa ta thei phapa pathei beih hra vei.

Tho to ama thei ta pahnopa a châ. Ahloh liata theiku lyu beih leipa ei ta, diahsai liata kre thei lyu beih veih ei.