Popular Bible Verses from मति 7

షేర్ చేయి

“मङह त तोहरा पउबह, खोजह त तोहरा भेटोबह, ढकढकउह त तोहार तहिँया केउरिया खोलेतइ।

केहकेकि जुने मङसिय, उअ पउसिय, जुने खोजबिय, उअ भेटोबिय हसे जुने केउरिया ढकढकोतइ वकर तहिँया केउरिया खोलेतइ।

“उहेसे जुने मोर इअ बतवासभ सुनतइ हसे वसने करतइ, मुइ वकरेके एगुडा बुद्धियार मन्‍सेसाङे दजबहि, जुने यापन घरवा सिलवा वपरा बनोलिय।

“दोसरि मन्‍सावाह तोहराके जसने व्‍यबहार करइ कहके चाहसह, तोहरा फेनि हुनुकाके वसने करिह। केहकेकि इहे व्‍यवस्‍था हसे अगमवक्‍तावानिक सिछा हखइ।

बाकि जिवनमा पुगोनवा दुवरिया सेकटि हसे पइडवा गारह हसइ हसे इचिके जन मतरे उअ पउतइ।

“सेकटि दुवारि माहे भितरा पेसिह, केहकेकि चकरि दुवरिया हसे उसार पइडवा विनासमा पुगोतइ, वसने दुवारि माहे बहुत जन पेसे खोजसइ।

तोहरा पापि मन्‍से भके फेनि यगर यापन बेटवा-बेटियाके डउल चिजु देवे जनले बडह जउँ, स्‍वरगमा रहलाहर तोहार परमेस्‍वर पिता, हुनेसाङे मङलहरानिके झन कतेक बहुत यसल चिजु नाहिँ देबसि!

येसुजि फेरि कहलसि, “दोसरि जनके न्‍याय झिन करिह हसे परमेस्‍वर फेनि तोहराके न्याय नाहिँ करबसि। केहकेकि जसने तोहरा दोसरे जनके न्‍याय करबह, वसने परमेस्‍वर फेनि तोहाराके न्याय करबसि। जुन नापसे तोहरा दोसरे जनके न्‍याय करबह, परमेस्‍वर फेनि उहे नापसे तोहराके न्‍याय करबसि।

बाकि जुने मोर इअ बतवा सुनके फेनि वसने नाहिँ करतइ, मुइ वकरेके एक जन मुरुख मन्‍सेसाङे दजबहि, जुने यापन घरवा बलुवा वपरा बनोलिय।

तुइ केहके यापन भयवाक यखियामा भेलि घुजिया देखसहि, बाकि तोर यपने यखियामा भेलि मुङडावा हइने देखसहि? जब तोर यपने यखियामा मुङडा बडइ जउँ, तुइ कस्‍के यापन भयवाके, ‘याउ मुइ तोर यखियामा भेलि घुजिया निकडादेबहि’ कहके कहे सकबहि।

“झुठा अगमवक्‍तावानिसे चेतले रहिह। हुनुका भेडाक भेसमा तोहार लघिना यतइ, बाकि भितरा त हुनुका डेरटावनेक बनकुतासभ नहिँया हसइ। हुनुकर कमवासे तोहरा हुनुकाके चिनबह। कथि काँटक झाङमा अंङगुर हसे सिउडिक गाछमा कोइलार फरसइ?

उहेसे जम्‍मे यसल गाछमा यसल फर फरसइ, बाकि खराब गाछमा खराब फर फरसइ।

डउल गाछमा खराब फर हइने फरसइ, नत खराब गाछमा डउल फर फरसइ।

डउल फर हइने फराह जम्‍मे गछवा काटके यगियामा फकेतइ।